Apoclipsis 11:3 - Mixteco del suroeste de Tlaxiaco Oaxaca

³ Jee ku̱ꞌva ni̱ꞌ tiñu kuniso ni uvíꞌ te̱e ni̱ꞌ sáva naku̱ꞌva ráa ya̱ naáꞌ jie̱ꞌe̱ꞌ tu̱ꞌun ni̱ꞌ. Jee ɨɨn mil u̱vi̱ꞌ sientúꞌ u̱ni̱xiko (1,260) ki̱vɨ̱ꞌ kachitu̱ꞌún ráa tu̱ꞌun kene yuꞌú ni̱ꞌ. Jee kuꞌun ráa saꞌma nayɨ́ ya̱ stúvi‑i ya̱ kukúeká iniꞌ ráa jie̱ꞌe̱ꞌ kua̱chi sáꞌá rá ñɨvɨ ―nkachiꞌ Ndiosíꞌ.

Apoclipsis 11:3 ပူးပေါင်းရင်းမြစ်များ

Génesis 37:34

Saájee nna̱tá Jacob saꞌma ñuꞌun re̱ꞌ, jee nna̱ku̱ꞌun re̱ꞌ saꞌma nayɨ́ sáva stúvi ya̱ kúkuéká iniꞌ re̱ꞌ, jee kue̱ꞌe̱ꞌ víꞌí tiempúꞌ ni̱yo tu̱nkuéká iniꞌ re̱ꞌ ya̱ ni̱ꞌi̱ꞌ se̱ꞌya re̱ꞌ.

Jonás 3:5

Jee ni̱nu̱ꞌ iniꞌ rá ñɨvɨ vá Ndiosíꞌ, ya̱ nkachiꞌ re̱ꞌ. Saájee nna̱túꞌún ráa ya̱ kuneeꞌ niteꞌ ráa, jín ya̱ kuꞌun ráa saꞌma nayɨ́ sáva stúvi ráa ya̱ kúkuéká iniꞌ ráa jie̱ꞌe̱ꞌ rá kua̱chi sáꞌá ráa, jee ne̱ rá ñɨvɨ kúká jín ne̱ rá ñɨvɨ láꞌví nsa̱ꞌá ráa sukuán.

Jonás 3:8

’Chisaꞌ naku̱ꞌun‑ó saꞌma nayɨ́ jín chuꞌun‑ó saꞌma nayɨ́ ne̱ rá sa̱na̱ꞌ‑ó, jee ne̱ ánímaꞌ‑ó ka̱ka̱nꞌ táꞌvíꞌ‑ó nu̱u̱nꞌ Ndiosíꞌ, jee ta ɨɨn ɨɨn‑ó nákani iniꞌ‑ó ya̱ xinóo‑ó kua̱chi sáꞌá‑ó, jín rá tiñu niva̱ꞌa jiáꞌnu‑ó.

Mateo 11:21

―¡Na̱ ka̱ꞌ náꞌví ka̱ꞌ ránoꞌó ñɨvɨ ñuunꞌ Corazín! ¡Na̱ ka̱ꞌ náꞌví ka̱ꞌ ránoꞌó ñɨvɨ ñuunꞌ Betsaida! Chi retánꞌ sukuán jee nu̱u̱nꞌ ñuunꞌ Tiro jín ñuunꞌ Sidón nsa̱ꞌá ni̱ꞌ rá tiñu a̱nasɨ́ ya̱ nsa̱ꞌá ni̱ꞌ nu̱u̱nꞌ rá ñuunꞌ ránú, jee ma̱káꞌ ya̱ nna̱kani iniꞌ ráa ya̱ nxi̱nóo ráa kua̱chi ráa yanaꞌán víꞌí jee kuꞌun ráa saꞌma nayɨ́ jee chisó ráa ya̱a̱ꞌ xi̱ni̱ꞌ ráa ya̱ stúvi‑i ya̱ kukúeká iniꞌ ráa jie̱ꞌe̱ꞌ kua̱chi nsa̱ꞌá ráa nékúvi.

Mateo 18:16

Soo retú ntu̱ví íyó mániꞌ iniꞌ‑i kaníjiá‑a jie̱ꞌe̱ꞌ ya̱ káchíꞌ nú nu̱u̱nꞌ‑u, saájee kɨ̱ꞌɨ̱nꞌ nú jín ɨɨn áxí u̱vi̱ꞌ ñɨvɨ nu̱u̱nꞌ‑u, sáva koo u̱vi̱ꞌ áxí u̱ni̱ꞌ ñɨvɨ ya̱ naku̱ꞌva ráa ya̱ nááꞌ jie̱ꞌe̱ꞌ ntáká tu̱ꞌun ya̱ káꞌánꞌ nú jín‑i ya̱ íyó nijia si̱kɨ̱ꞌ‑i.

Lucas 10:13

Jee nkachiꞌ Jesús: ―¡Na̱ ka̱ꞌ náꞌví ka̱ꞌ ránoꞌó ñɨvɨ ñuunꞌ Corazín! ¡Na̱ ka̱ꞌ náꞌví ka̱ꞌ ránoꞌó ñɨvɨ ñuunꞌ Betsaida! Chi retánꞌ sukuán jee nu̱u̱nꞌ ñuunꞌ Tiro jín ñuunꞌ Sidón nsa̱ꞌá ni̱ꞌ rá tiñu a̱nasɨ́ ya̱ nsa̱ꞌá ni̱ꞌ nu̱u̱nꞌ rá ñuunꞌ ránú, jee ma̱káꞌ ya̱ nna̱kani iniꞌ ráa ya̱ nxi̱nóo ráa kua̱chi ráa yanaꞌán víꞌí jee kuꞌun ráa saꞌma nayɨ́ jee chisó ráa ya̱a̱ꞌ xi̱ni̱ꞌ ráa ya̱ stúvi‑i ya̱ kukúeká iniꞌ ráa jie̱ꞌe̱ꞌ kua̱chi nsa̱ꞌá ráa nékúvi.

Lucas 24:48

Jee ránoꞌó kúvi ya̱ nááꞌ ya̱ nakani rá tu̱ꞌun jie̱ꞌe̱ꞌ nta̱ká ya̱ niniꞌ rán ya̱ nkuvi yaꞌá.

Juan 15:27

Jee suni ránoꞌó ranika̱ꞌ, naku̱ꞌva rán ya̱ naáꞌ jie̱ꞌe̱ꞌ nuꞌuꞌ, chi kútáꞌán rán jín nuꞌuꞌ ne̱ tiempúꞌ xíꞌnañúꞌún ya̱ nka̱jiéꞌé ni̱ꞌ nna̱kani ni̱ꞌ rá tu̱ꞌun váꞌa ni̱ꞌ nu̱u̱nꞌ rá ñɨvɨ.

Juan 3:27

Saájee nna̱xiníkó Juan jee nkachiꞌ re̱ꞌ nu̱u̱nꞌ ráa: ―Ni ntu kúvi ni̱ꞌi̱nꞌ ni ɨɨn ñɨvɨ tiñu Ndiosíꞌ saꞌá‑a, retú nsú máá Ndiosíꞌ jiáꞌa tiñu nu̱u̱nꞌ‑u saꞌá‑a.

Hechos 1:8

Soo ni̱ꞌi̱nꞌ rán fuersáꞌ ííꞌ sáá kenta Ta̱chi̱ꞌ Ííꞌ kɨꞌɨ re̱ꞌ iniꞌ rán. Jee kuvi rán ñɨvɨ, ya̱ istúvi rán ya̱ naáꞌ jie̱ꞌe̱ꞌ nuꞌuꞌ nu̱u̱nꞌ rá ñɨvɨ ñuunꞌ Jerusalén jín nu̱u̱nꞌ nɨꞌɨ rá sánitɨ́ɨn Judea jín Samaria, jín nu̱u̱nꞌ rá ñɨvɨ íyó rá ñuunꞌ íká ka̱ꞌ nu̱u̱nꞌ nɨ́ɨ́nkáꞌnú ñɨ̱vɨ́ ―nkachiꞌ Jesús.

Hechos 13:31

Nku̱kueꞌeꞌ ki̱vɨ̱ꞌ ya̱ ntu̱vi re̱ꞌ nu̱u̱nꞌ rá ñɨvɨ nku̱táꞌán jín re̱ꞌ, sáá nkene re̱ꞌ Galilea jee nikanuun re̱ꞌ ne̱ ñuunꞌ Jerusalén. Jee ntañúꞌún suviráa kúvi ya̱ nástúvi ya̱ naáꞌ jie̱ꞌe̱ꞌ re̱ꞌ nu̱u̱nꞌ rá ñɨvɨ.

Hechos 2:32

Nxi̱nátekuꞌ i̱i̱ꞌ Ndiosíꞌ Jesús yaꞌá jee nxi̱nákóo re̱ꞌ ñunéꞌyúꞌ‑u. Jee ntáká ráníꞌ nákúꞌva ya̱ naáꞌ jie̱ꞌe̱ꞌ vá nu̱u̱nꞌ nɨꞌɨ ñɨvɨ, chi niniꞌ ránꞌ maa.

Hechos 3:15

Jee ñaꞌniꞌ rán maáréꞌ, ya̱ sáꞌá re̱ꞌ kutekuꞌ ñɨvɨ. Soo Ndiosíꞌ nna̱xtekúꞌ re̱ꞌ maa nteñu rá níꞌiꞌ. Jee niniꞌ ráníꞌ yaꞌá, jee nástúvi ránꞌ ya̱ naáꞌ nu̱u̱nꞌ rá ñɨvɨ jie̱ꞌe̱ꞌ ya̱ nsa̱ꞌá re̱ꞌ maa.

1 Corintios 12:28

Jee saáva nteñu rá ñɨvɨ yɨ́ꞌɨ́ xi̱ntíín Cristo jee xíꞌna ka̱ꞌ ñani Ndiosíꞌ sava rá te̱e kuniso ráa tiñu apóstol chúichí Cristo ráa stúvi ráa ya̱ nááꞌ jie̱ꞌe̱ꞌ Cristo. Jee ya̱ uvíꞌ, jee ñani re̱ꞌ sava rá ñɨvɨ kuniso ráa tiñu ya̱ nakani ráa rá tu̱ꞌun kéne yuꞌú maáréꞌ. Jee ya̱ uníꞌ, jee ñani re̱ꞌ sava rá ñɨvɨ ya̱ xínéꞌénꞌ ráa tu̱ꞌun váꞌa re̱ꞌ nu̱u̱nꞌ rá ñɨvɨ. Jee kuíre ñani re̱ꞌ sava ñɨvɨ ya̱ sáꞌá rá tiñu a̱nasɨ́ jín fuersáꞌ ííꞌ Ndiosíꞌ. Jee kuíre njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva xínúvi ráa rá ñɨvɨ kúꞌvíꞌ, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva chíneí ráa rá ñanitáꞌán ráa, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva kuneen kuéntáꞌ rá ñɨvɨ ya̱ jínúꞌ iniꞌ ráa Cristo, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva kúvi káꞌánꞌ ráa inka ka̱ꞌ nu̱u̱nꞌ rá tu̱ꞌun káꞌánꞌ ya̱ ntu jiáku̱ꞌun iniꞌ ráa.

2 Corintios 13:1

Yaꞌá kúvi ya̱ uníꞌ íchí ya̱ kua̱jiane̱ꞌyá ni̱ꞌ ránoꞌó. Jee íyó koo u̱vi̱ꞌ áxí u̱ni̱ꞌ ñɨvɨ ya̱ stúvi ráa ya̱ naáꞌ sáva kuna̱a̱ꞌ iniꞌ rán nta̱ká tu̱ꞌun xíkóñáꞌán ñɨvɨ inka ñɨvɨ.

Efesios 4:11

Jee maáréꞌ njia̱ꞌa re̱ꞌ nu̱u̱nꞌ sava te̱e tiñu kúvi apóstol ya̱ nchu̱ichí re̱ꞌ ráa nstúvi ráa tu̱ꞌun jie̱ꞌe̱ꞌ Jesús, jee nu̱u̱nꞌ sava rá ka̱ꞌ njia̱ꞌa re̱ꞌ tiñu nákani ráa tu̱ꞌun kéne yuꞌú Ndiosíꞌ, jee nu̱u̱nꞌ sava rá ka̱ꞌ njia̱ꞌa re̱ꞌ nu̱u̱nꞌ ráa stékútu̱ꞌún ráa tu̱ꞌun váꞌa jie̱ꞌe̱ꞌ re̱ꞌ ya̱ nkiji re̱ꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa jee kána ráa ñɨvɨ ki̱vɨ naꞌá re̱ꞌ, jee nu̱u̱nꞌ sáva rá ka̱ꞌ njia̱ꞌa re̱ꞌ nu̱u̱nꞌ ráa tiñu kuvi ya̱ néen kuéntáꞌ ráa rá ñɨvɨ kúneí iniꞌ ráa re̱ꞌ jín ya̱ xínéꞌénꞌ ráa tu̱ꞌun re̱ꞌ.

Apoclipsis 1:5

Jee Jesús ya̱ kúvi Cristo síkúnkuvi na̱a̱ꞌ re̱ꞌ ya̱ jiáꞌa re̱ꞌ ya̱ naáꞌ jie̱ꞌe̱ꞌ Ndiosíꞌ. Jee xíꞌnañúꞌún re̱ꞌ ví ya̱ nna̱tekuꞌ i̱i̱ꞌ re̱ꞌ jee nkene re̱ꞌ nteñu rá níyɨ, kuéntáꞌ se̱ꞌya nkaku xíꞌnañúꞌún ya̱ kúñáꞌnú ka̱ꞌ. Jee kúñáꞌnú re̱ꞌ tátúníꞌ re̱ꞌ nu̱u̱nꞌ ntáká rá te̱e tátúníꞌ iniꞌ ñɨ̱vɨ́ yaꞌá. Jee maáréꞌ ví ya̱ ñúnúunꞌ re̱ꞌ yó, chi ñatɨ re̱ꞌ ni̱ñɨ̱ꞌ re̱ꞌ sáá ni̱ꞌi̱ꞌ re̱ꞌ jie̱ꞌe̱ꞌ kua̱chi yó, jee nna̱kani núne re̱ꞌ yó nu̱u̱nꞌ kua̱chi‑ó.

Apoclipsis 11:2

Soo nu̱u̱nꞌ chúkúꞌva nú koto síkétáꞌán nú chíkéꞌi nééꞌ iniꞌ veñu̱ꞌun vá koto chúkúꞌva nú maa, chi ya̱ nxi̱nóo Ndiosíꞌ maa kuvi rá ñɨvɨ ntáká nación ya̱ ntu kúvi ñɨvɨ re̱ꞌ maa. Jee suviráa vá ñujiéꞌé ráa nu̱u̱nꞌ ñuunꞌ ííꞌ yaꞌá xinóꞌo ráa rá ñɨvɨ nééꞌ yukuán u̱vi̱xiko u̱vi̱ꞌ (42) yo̱o̱ꞌ.

Apoclipsis 11:6

Jee níso ni núvíꞌ ráa fesáꞌ ííꞌ ya̱ kuvi kasɨꞌ ráa súkún ya̱ ni nsáꞌ ku̱u̱n ka̱ꞌ sa̱vi̱ꞌ ntáká rá ki̱vɨ̱ꞌ ya̱ kachitu̱ꞌún ráa tu̱ꞌun kene yuꞌú máá maá Ndiosíꞌ. Jee suni níso ráa fesáꞌ ííꞌ ya̱ kuvi saꞌá ráa ya̱ nuvi ntáká rá nute ni̱ñɨ̱ꞌ. Jín suni kuvi saꞌá ráa ya̱ kunoꞌo ñɨvɨ iniꞌ ñɨ̱vɨ́ nta̱ká nu̱u̱nꞌ rá tu̱nóꞌó, ntáká íchí na̱ja kua̱ꞌ kuíni iniꞌ maáráa.

Apoclipsis 12:6

Jee ñaꞌan vá ninu ña kua̱ꞌa̱nꞌ ña nu̱u̱nꞌ ñu̱ꞌún saɨn nu̱u̱nꞌ ntu̱náꞌ ñɨvɨ nééꞌ yukuán. Jee yukuán ya̱ íyó tu̱ꞌva ɨɨn nu̱u̱nꞌ nsa̱ꞌá Ndiosíꞌ, sáva ni̱ꞌi̱nꞌ ña ya̱ kajiꞌ ña, chi yukuán kuneeꞌ ña mil u̱vi̱ꞌ sientúꞌ u̱ni̱xiko (1260) ki̱vɨ̱ꞌ.

Apoclipsis 13:5

Jee suni njia̱ꞌa nu̱u̱nꞌ kitɨ xéénꞌ kákini vá ya̱ káꞌánꞌ ti̱ꞌ tu̱ꞌun téyɨ́ɨ́ jín tu̱ꞌun niva̱ꞌa si̱kɨ̱ꞌ Ndiosíꞌ, jee njia̱ꞌa nu̱u̱nꞌ ti̱ꞌ ya̱ kunisotíñú ti̱ꞌ sáva saꞌá ti̱ꞌ tiñu u̱vi̱xiko u̱vi̱ꞌ (42) yo̱o̱ꞌ.

Apoclipsis 19:10

Saájee nuꞌuꞌ nna̱kui̱ñɨ̱ꞌ ítɨ́ ni̱ꞌ jiáxin ni̱ꞌ maáníꞌ ne̱ nu̱u̱nꞌ ñu̱ꞌún nu̱u̱nꞌ najiáꞌáꞌ ííꞌ vá sáva kuneñu̱ꞌun ni̱ꞌ maa. Soo nkachiꞌ‑i nu̱u̱nꞌ ni̱ꞌ: ―Koto sáꞌá nú sukuán. Chi suni táꞌán musúꞌ kúvi ni̱ꞌ jín noꞌó jín rá ñanitáꞌán nú, ya̱ yɨ́tíñú‑órán nu̱u̱nꞌ Ndiosíꞌ ya̱ níkɨ́nꞌ kutú váꞌa‑ó tu̱ꞌun jie̱ꞌe̱ꞌ Jesús. Saáva kuneñu̱ꞌun nú máá maá Ndiosíꞌ. Chi rá tu̱ꞌun na̱a̱ꞌ ya̱ nkachitu̱ꞌún Jesús, yukuán kúvi tu̱ꞌun na̱a̱ꞌ ya̱ jiáꞌa Ta̱chi̱ꞌ Ííꞌ nu̱u̱nꞌ rá ñɨvɨ ya̱ káchítu̱ꞌún na̱a̱ꞌ tu̱ꞌun kéne yuꞌú Ndiosíꞌ ―nkachiꞌ najiáꞌáꞌ ííꞌ vá.

Apoclipsis 20:4

Jee kuíre niniꞌ ni̱ꞌ rá teyuꞌ nu̱u̱nꞌ nééꞌ rá tátúníꞌ, jee yukuán ña̱kuneeꞌ rá ñɨvɨ ya̱ nni̱ꞌi̱nꞌ ráa tiñu ya̱ kuvi sanáaꞌ ráa kua̱chi. Jee nna̱tekuꞌ i̱i̱ꞌ rá ánímaꞌ rá ñɨvɨ ya̱ ntéꞌneꞌ xi̱ni̱ꞌ ráa jie̱ꞌe̱ꞌ ya̱ njia̱ꞌa ráa ya̱ naáꞌ jie̱ꞌe̱ꞌ Jesús jín jie̱ꞌe̱ꞌ ya̱ niñɨ na̱a̱ꞌ ráa jín Tu̱ꞌun Ndiosíꞌ. Jee suviráa ví rá ñɨvɨ ya̱ ntu nnéñu̱ꞌun ráa kitɨ xéénꞌ kákini xíꞌnañúꞌún vá, ni jín santúꞌ ñunéꞌyúꞌ maátíꞌ. Jee ni ntu nníꞌínꞌ ráa seña ti̱ꞌ kuniso te̱e̱nꞌ ráa ni jín naꞌá ráa. Jee nna̱tekuꞌ i̱i̱ꞌ ráa, jee nta̱túníꞌ ráa tiñu jín Cristo ɨɨn mil (1000) kui̱ya̱ꞌ.