Apoclipsis 11:15 - Mixteco del suroeste de Tlaxiaco Oaxaca

¹⁵ Saájee najiáꞌáꞌ ííꞌ uxáꞌ nti̱vɨ̱ꞌ‑ɨ trompeta‑a, jee nkaꞌanꞌ ni̱ꞌin rá nusuyuꞌú ne̱ antivɨ́ súkún, jee káchíꞌ ráa: ―Ntáká nación íyó ñɨ̱vɨ́ ya̱ tátúníꞌ rá ñɨvɨ ya nna̱kɨ̱ꞌɨ ráa naꞌá máá I̱toꞌoꞌ‑ó Ndiosíꞌ jín Cristo re̱ꞌ, jee maáréꞌ ví ya̱ tátúníꞌ re̱ꞌ nu̱u̱nꞌ ráa nɨ́ɨ́nkání ―káchíꞌ ráa.

Apoclipsis 11:15 ပူးပေါင်းရင်းမြစ်များ

Mateo 24:31

Jee tají ni̱ꞌ rá najiáꞌáꞌ ííꞌ ni̱ꞌ ntántúníꞌ ni̱ꞌin tivɨꞌ ráa trompeta, jee nastútú ráa ñɨvɨ nka̱ji ni̱ꞌ kuvi ráa ñɨvɨ ni̱ꞌ ne̱ nu̱u̱nꞌ ni kúmíꞌ rá íyo ichi ñɨ̱vɨ́, ne̱ íyo ka̱ꞌ ichi ñɨ̱vɨ́, jín ne̱ íyo ka̱ꞌ ichi antivɨ́ ya̱ta̱ꞌ ñɨ̱vɨ́.

Mateo 6:13

Jee koto chuꞌun nú ichi ránuꞌuꞌ kininkava ránꞌ sikúvi iniꞌ ráníꞌ nu̱u̱nꞌ kua̱chi. Jee sikáku nú ránuꞌuꞌ nu̱u̱nꞌ ya̱ níváꞌa, [chi maánú kúvi ya̱ tátúníꞌ nu̱u̱nꞌ kua̱íyó, jee níso nú fuersáꞌ ííꞌ níꞌinꞌ, jee viiꞌ nasɨ́kuitɨꞌ kúñáꞌnú nú nɨ́ɨ́nkání. Sukuán koo, Amén.] Sukuán kachiꞌ ránú.

Lucas 1:33

Jee tatúníꞌ‑i nɨ́ɨ́nkání nu̱u̱nꞌ rá ñɨvɨ ñuunꞌ Israel, jee ni nsáꞌ koo nu̱u̱nꞌ jínu tiñu tátúníꞌ‑i ―nkachiꞌ najiáꞌáꞌ ííꞌ vá.

Lucas 15:10

Jee saáva nuꞌuꞌ káchíꞌ ni̱ꞌ nu̱u̱nꞌ rán ya̱ suni íyó tu̱ꞌun kúsɨ́ɨꞌ iniꞌ rá najiáꞌáꞌ ííꞌ Ndiosíꞌ jie̱ꞌe̱ꞌ ɨɨn ñɨvɨ kua̱chi retú nákani iniꞌ‑i jie̱ꞌe̱ꞌ kua̱chi sáꞌá‑a jee kunikɨnꞌ‑ɨ Ndiosíꞌ ―nkachiꞌ Jesús.

Lucas 15:6

Jee sáá nenta‑a veꞌi‑i, jee kana‑a rá ñɨvɨ ma̱ni̱ꞌ jín‑i jín rá ñɨvɨ nééꞌ yatin jín‑i, jee kachiꞌ‑i nu̱u̱nꞌ ráa: “Kusɨ̱ɨ̱ꞌ iniꞌ rán jín nuꞌuꞌ, chi nna̱niꞌinꞌ ni̱ꞌ lanchi ni̱ꞌ ya̱ nsu̱kuíta ti̱ꞌ maátíꞌ”, kachiꞌ‑i.

Hechos 4:26

Nku̱tútú rá te̱e nísotíñú ya̱ tátúníꞌ rá ñuunꞌ ñɨ̱vɨ́, jín rá te̱e yósóꞌ nu̱u̱nꞌ rá ñuunꞌ, jee nkenta ráa si̱kɨ̱ꞌ I̱toꞌoꞌ‑ó Ndiosíꞌ jín si̱kɨ̱ꞌ maáréꞌ ya̱ kúvi Cristo re̱ꞌ, ya̱ ñani re̱ꞌ sáva tatúníꞌ‑i ñɨ̱vɨ́, nkachiꞌ David, káchíꞌ Tutuꞌ Ííꞌ níso Tu̱ꞌun Ndiosíꞌ.

Hebreos 1:8

Soo tu̱ꞌun nkachiꞌ Ndiosíꞌ jie̱ꞌe̱ꞌ Se̱ꞌya re̱ꞌ: Noꞌó, Ndiosíꞌ, tátúníꞌ nú nɨ́ɨ́nkání. Jee rá tiñu tátúníꞌ nú kúvi maá tiñu na̱a̱ꞌ.

Apoclipsis 10:7

chi sáá kenta kajiéꞌé tivɨꞌ najiáꞌáꞌ ííꞌ uxáꞌ trompeta re̱ꞌ, saájee sikúnkuvi Ndiosíꞌ rá tu̱ꞌun re̱ꞌ níyo yuꞌuꞌ ya̱ nkachitu̱ꞌún re̱ꞌ nu̱u̱nꞌ rá musúꞌ re̱ꞌ rá nkuvi rá te̱e ya̱ nna̱kani ráa tu̱ꞌun nkene yuꞌú re̱ꞌ, ne̱ yanaꞌán ―nkachiꞌ najiáꞌáꞌ ííꞌ vá.

Apoclipsis 12:10

Saájee nteso̱ꞌo ni̱ꞌ ɨɨn nusuyuꞌú ya̱ ni̱ꞌin káꞌánꞌ‑a ne̱ antivɨ́ súkún, jee káchíꞌ‑i: Ya̱ nkenta ya̱ saꞌá Ndiosíꞌ‑ó ya̱ sikáku re̱ꞌ ñɨvɨ re̱ꞌ nu̱u̱nꞌ kui̱ꞌna̱ꞌ kúñáꞌnú, jín ya̱ stúvi nijinꞌ re̱ꞌ ya̱ níso víꞌí re̱ꞌ fesáꞌ ííꞌ re̱ꞌ, jín ya̱ tátúníꞌ re̱ꞌ nu̱u̱nꞌ nɨꞌɨ, jín ya̱ nísotíñú Cristo ya̱ ñani re̱ꞌ tátúníꞌ‑i. Chi nsi̱kéne re̱ꞌ máá maá kui̱ꞌna̱ꞌ ya̱ xíkóñáꞌán‑a rá ñaniꞌ‑ó jín ku̱ꞌva‑ó ya̱ yɨ́ꞌɨ́ ráa nu̱u̱nꞌ Cristo. Chi nuví niñuꞌ xíkóñáꞌán‑a ráa nu̱u̱nꞌ Ndiosíꞌ‑ó.

Apoclipsis 15:4

Chi, ¿né ɨɨn ntu ñúyúꞌví iniꞌ‑i noꞌó, rúsa? I̱toꞌoꞌ ránꞌ, jee, ¿né ɨɨn ntu nákuetúꞌún‑u noꞌó ya̱ ntu káchíꞌ‑i ya̱ kúñáꞌnú nú, rúsa? ¡Ni ɨɨn! Chi métúꞌún maánú vá i̱i̱ꞌ. Chi kiji kua̱íyó rá ñɨvɨ ntáká nación kuneñu̱ꞌun ráa noꞌó. Chi túvi ya̱ sáꞌá nú rá tiñu na̱a̱ꞌ, sukuán jíta ráa.

Apoclipsis 16:17

Saájee ya̱ uxáꞌ najiáꞌáꞌ ííꞌ nsi̱kúténuun‑u tu̱nóꞌó ñúꞌún iniꞌ ko̱ꞌo̱ꞌ‑o nu̱u̱nꞌ ta̱chi̱ꞌ víjin. Jee nteso̱ꞌo ni̱ꞌ ya̱ káꞌánꞌ ɨɨn nusuyuꞌú laxín ne̱ iniꞌ veꞌi ííꞌ veñu̱ꞌun káꞌnú ne̱ nu̱u̱nꞌ teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ, jee nkachiꞌ‑i: ―Ya̱ nkuna̱a̱ꞌ tiñu.

Apoclipsis 17:14

Saájee kantáꞌán ráa jín maáréꞌ ya̱ kúvi Lanchi Lúlí Ndiosíꞌ. Jee Lanchi Lúlí vá kuneí re̱ꞌ si̱kɨ̱ꞌ ráa, chi maáréꞌ kúvi I̱toꞌoꞌ nu̱u̱nꞌ ntáká rá i̱toꞌoꞌ jín nísotíñú re̱ꞌ tátúníꞌ re̱ꞌ nu̱u̱nꞌ ntáká ráa ya tátúníꞌ rá nu̱u̱nꞌ rá ñuunꞌ. Jee rá ñɨvɨ ya̱ íñɨ́ jín re̱ꞌ kúvi ráa ya̱ nkana Ndiosíꞌ ráa, jín ya̱ nka̱ji re̱ꞌ ráa, jín ya̱ íñɨ́ ni̱ꞌin ráa síkúnkuvi na̱a̱ꞌ ráa nu̱u̱nꞌ re̱ꞌ ―nkachiꞌ najiáꞌáꞌ ííꞌ vá.

Apoclipsis 19:1

Jee sáá njia̱ꞌa vá, jee kuíre ne̱ antivɨ́ súkún nteso̱ꞌo ni̱ꞌ rá nusuyuꞌú ya̱ káꞌánꞌ kue̱ꞌe̱ꞌ víꞌí ñɨvɨ, jee káchíꞌ ráa: ¡Nákuetúꞌún‑ó Ndiosíꞌ!, chi nátavaꞌ re̱ꞌ ñɨvɨ nu̱u̱nꞌ kua̱chi ráa síkáku re̱ꞌ ráa, jín máá kúñáꞌnú víꞌí kúvi re̱ꞌ, jín ya̱ níso víꞌí re̱ꞌ fesáꞌ ííꞌ ni̱ꞌin.

Apoclipsis 19:6

Saájee nteso̱ꞌo ni̱ꞌ ya̱ káꞌánꞌ kue̱ꞌe̱ꞌ víꞌí ñɨvɨ, kuéntáꞌ kua̱ꞌ nɨ́ꞌɨn káyu kue̱ꞌe̱ꞌ víꞌí rá ntekáꞌnú, jín kuéntáꞌ kua̱ꞌ kúvi nu̱u̱nꞌ nɨ́ꞌɨn kana tajia, jee káchíꞌ ráa: ¡Na̱ ka̱ꞌ nakuetúꞌún‑ó I̱toꞌoꞌ‑ó!, chi tátúníꞌ I̱toꞌoꞌ‑ó tiñu níso re̱ꞌ, Ndiosíꞌ‑ó ya̱ maáréꞌ ya̱ níso re̱ꞌ fesáꞌ ííꞌ níꞌin ya̱ kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó.

Apoclipsis 20:4

Jee kuíre niniꞌ ni̱ꞌ rá teyuꞌ nu̱u̱nꞌ nééꞌ rá tátúníꞌ, jee yukuán ña̱kuneeꞌ rá ñɨvɨ ya̱ nni̱ꞌi̱nꞌ ráa tiñu ya̱ kuvi sanáaꞌ ráa kua̱chi. Jee nna̱tekuꞌ i̱i̱ꞌ rá ánímaꞌ rá ñɨvɨ ya̱ ntéꞌneꞌ xi̱ni̱ꞌ ráa jie̱ꞌe̱ꞌ ya̱ njia̱ꞌa ráa ya̱ naáꞌ jie̱ꞌe̱ꞌ Jesús jín jie̱ꞌe̱ꞌ ya̱ niñɨ na̱a̱ꞌ ráa jín Tu̱ꞌun Ndiosíꞌ. Jee suviráa ví rá ñɨvɨ ya̱ ntu nnéñu̱ꞌun ráa kitɨ xéénꞌ kákini xíꞌnañúꞌún vá, ni jín santúꞌ ñunéꞌyúꞌ maátíꞌ. Jee ni ntu nníꞌínꞌ ráa seña ti̱ꞌ kuniso te̱e̱nꞌ ráa ni jín naꞌá ráa. Jee nna̱tekuꞌ i̱i̱ꞌ ráa, jee nta̱túníꞌ ráa tiñu jín Cristo ɨɨn mil (1000) kui̱ya̱ꞌ.

Apoclipsis 8:12

Jee najiáꞌáꞌ ííꞌ kúmíꞌ nti̱vɨ̱ꞌ‑ɨ trompeta‑a. Jee ɨɨn ya̱ uníꞌ parte nka̱niiꞌ, jín suni ɨɨn ya̱ uníꞌ parte yo̱o̱ꞌ, jín suni ɨɨn ya̱ uníꞌ parte rá tiu̱u̱nꞌ nti̱vɨ́ ráa. Jee nnu̱neenꞌ rá parte vá, jee ntu ka̱ꞌ túúnꞌ ñuꞌunꞌ ráa ya̱ uníꞌ parte nuví ya̱ uníꞌ parte yakuááꞌ.

Apoclipsis 9:1

Saájee najiáꞌáꞌ ííꞌ úꞌúnꞌ nti̱vɨ̱ꞌ‑ɨ trompeta‑a. Jee niniꞌ ni̱ꞌ ɨɨn tiu̱u̱nꞌ nkene‑e ne̱ súkún va̱ji‑i ñe̱te̱ꞌ‑e nu̱u̱nꞌ ñu̱ꞌún iniꞌ ñɨ̱vɨ́. Jee nni̱ꞌi̱nꞌ‑i nakáa ya̱ jíne‑e yuꞌú numaꞌ ya̱ ntu jínu nu̱u̱nꞌ kúnú‑u.

Apoclipsis 9:13

Saájee najiáꞌáꞌ ííꞌ íñúꞌ vá nti̱vɨ̱ꞌ‑ɨ trompeta‑a. Saájee nteso̱ꞌo ni̱ꞌ ta̱chi̱ꞌ yuꞌú ya̱ va̱ji‑i nteñu ni kúmíꞌ rá nikɨ esquina altar oro ya̱ íñɨ́ ichinúúnꞌ Ndiosíꞌ.