Saájee nkachiꞌ Jesús nu̱u̱nꞌ ráa: ―Ya̱ nááꞌ ví nijia ya̱ kunoꞌo ni̱ꞌ, jín suni kunoꞌo rán kuéntáꞌ kunoꞌo ni̱ꞌ, [jee kunoꞌo rán tu̱nóꞌó kuanuté rán kuéntáꞌ kunoꞌo ni̱ꞌ tu̱nóꞌó kuanuté ni̱ꞌ], soo rá ñɨvɨ ya̱ kuneeꞌ xiín ichi kuáꞌá ni̱ꞌ jín ichi sátín ni̱ꞌ, nsú nuꞌuꞌ ví ya̱ ku̱ꞌva maa nu̱u̱nꞌ ñɨvɨ, chisaꞌ Tátáꞌ ni̱ꞌ Ndiosíꞌ ya nsa̱túꞌva re̱ꞌ maa sáva ku̱ꞌva re̱ꞌ maa nu̱u̱nꞌ rá ñɨvɨ nka̱ji re̱ꞌ kuneeꞌ maa ―nkachiꞌ Jesús.
Apoclipsis 1:9 - Mixteco del suroeste de Tlaxiaco Oaxaca9 Nuꞌuꞌ Juan, ya̱ kúvi ni̱ꞌ ñanitáꞌán‑órán. Jee jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, ɨɨn nuún ni nkáá nóꞌo ni̱ꞌ jín ránoꞌó tu̱nóꞌó sáꞌá kíni ñɨvɨ yó, jee ɨɨn nuún ni nkáá yɨ́ꞌɨ́ ni̱ꞌ jín rán xi̱ntíín Ndiosíꞌ, jee ɨɨn nuún ni nkáá káꞌnú íyó iniꞌ‑ó kúneí‑ó kúníꞌin‑ó íñɨ́‑ó jín Cristo. Jee jie̱ꞌe̱ꞌ ya̱ stékútu̱ꞌún ni̱ꞌ tu̱ꞌun váꞌa Ndiosíꞌ jín tu̱ꞌun ya̱ kúvi ya̱ naáꞌ ya̱ njiáꞌa Jesús, jee saáva ntɨɨn rá ñɨvɨ nuꞌuꞌ yɨ́ꞌɨ́ ni̱ꞌ xi̱ntíín ráa, jee ña̱na̱ka ráa nuꞌuꞌ ne̱ nu̱u̱nꞌ ɨɨn ñuꞌun naní Patmos ya̱ káá sɨ́ɨ́n ma̱ꞌñú nteñúꞌún. အခန်းကိုကြည့်ပါ။ |
Apoclipsis 1:9
35 ပူးပေါင်းရင်းမြစ်များ
Jee ya̱ ya kúvi‑ó se̱ꞌya Ndiosíꞌ, jee suni ni̱ꞌi̱nꞌ‑ó ɨɨn ta̱ꞌvi̱ꞌ. Chi kutaꞌviꞌ‑ó ta̱ꞌvi̱ꞌ taji Ndiosíꞌ nu̱u̱nꞌ‑ó. Jee kutaꞌviꞌ nkáá‑ó ta̱ꞌvi̱ꞌ vá jín Cristo. Retú kuiñɨ ni̱ꞌin‑ó jín Cristo jee íyó ñɨvɨ koto u̱ꞌvi̱ꞌ ráa yó kuéntáꞌ nito u̱ꞌvi̱ꞌ ráa re̱ꞌ. Jee nu̱u̱nꞌ nóꞌo‑órán sukuán jín Cristo, jee suni saꞌá Ndiosíꞌ ya̱ viiꞌ kuñáꞌnú nkáá‑ó jín Cristo.
Na̱a̱ꞌ vá jiáni iniꞌ ni̱ꞌ suꞌva jie̱ꞌe̱ꞌ nta̱ká rán, chi ñúꞌún víꞌí iniꞌ ni̱ꞌ néꞌyá ni̱ꞌ ránoꞌó, chi íyó mániꞌ iniꞌ Ndiosíꞌ néꞌyá re̱ꞌ nta̱ká‑órán, ya̱ chíneí chituvi re̱ꞌ yó, sáva chíneí táꞌán nta̱ká rán jín ni̱ꞌ, sáá núꞌníꞌ ni̱ꞌ iniꞌ veka̱a, jín sáá náma ni̱ꞌ tu̱ꞌun va̱ꞌa Jesús, jín sáá sánáaꞌ ni̱ꞌ ya̱ na̱a̱ꞌ ví tu̱ꞌun vá.
Vitan jee nákutíñú ni̱ꞌin ni̱ꞌ nu̱u̱nꞌ rá te̱e kúñáꞌnú nu̱u̱nꞌ ránoꞌó ya̱ yɨ́ꞌɨ́ xi̱ntíín Cristo, chi nuꞌuꞌ jee suni te̱e kúñáꞌnú kúvi ni̱ꞌ jín ráa nu̱u̱nꞌ rá ñɨvɨ yɨ́ꞌɨ́ xi̱ntíín Cristo, jee kúvi ni̱ꞌ ɨɨn te̱e ya̱ jiáꞌa ni̱ꞌ ya̱ nááꞌ ya̱ ya niniꞌ jínúunꞌ ni̱ꞌ rá tu̱nóꞌó nnoꞌo Cristo. Jee suni ni̱ꞌi̱nꞌ ni̱ꞌ kuñáꞌnú ni̱ꞌ kuéntáꞌ maáréꞌ sáá nenta nijinꞌ re̱ꞌ jín tiñu níso re̱ꞌ.
Tu̱ꞌun yaꞌá kúvi tu̱ꞌun ya̱ nxi̱nénu̱u̱nꞌ Jesús ya̱ níso re̱ꞌ tiñu Cristo ya̱ ñani Ndiosíꞌ maa sáva tatúníꞌ re̱ꞌ nu̱u̱nꞌ nɨꞌɨ, jee tu̱ꞌun vá ví ya̱ njia̱ꞌa Ndiosíꞌ nu̱u̱nꞌ re̱ꞌ sáva xinénu̱u̱nꞌ re̱ꞌ maa nu̱u̱nꞌ rá musúꞌ re̱ꞌ ya̱ yɨ́tíñú ráa nu̱u̱nꞌ re̱ꞌ. Nstúvi re̱ꞌ tu̱ꞌun vá jie̱ꞌe̱ꞌ rá tiñu ya̱ ñamani íyó kuvi. Jee nchu̱ichí re̱ꞌ najiáꞌáꞌ ííꞌ re̱ꞌ nkistúvi nijinꞌ re̱ꞌ nɨꞌɨ na̱ja koo rá tiñu vá nu̱u̱nꞌ Juan ya̱ kúvi‑i musúꞌ re̱ꞌ ya̱ yɨ́tíñú‑u nu̱u̱nꞌ re̱ꞌ.
Nuꞌuꞌ Juan, tée ni̱ꞌ tutuꞌ yaꞌá kua̱jiaaꞌ nu̱u̱nꞌ ránoꞌó ni uxáꞌ grupo ñɨvɨ ya̱ jínúꞌ iniꞌ rán Jesús, ránoꞌó ya̱ nééꞌ nu̱u̱nꞌ ñuunꞌ Asia. Jee na̱ ka̱ꞌ koo ma̱ni̱ꞌ ka̱ꞌ iniꞌ Ndiosíꞌ, jín ni uxáꞌ espíritu ya̱ ntu túvi nijinꞌ, jín Jesucristo saꞌá ráa ya̱ váꞌa nu̱u̱nꞌ ránoꞌó, jín ya̱ saꞌá ráa ya̱ kuva̱ꞌa iniꞌ ánímaꞌ rán. Chi máá Ndiosíꞌ vá íyó vitan, jee suni maáréꞌ vá íyó nɨ́ɨ́nkání tiempúꞌ ya̱ta̱ꞌ, jee suni maáréꞌ vá koo nɨ́ɨ́nkání. Jee ni uxáꞌ espíritu ya̱ ntu túvi nijinꞌ, jee íñɨ́ ráa ichinúúnꞌ teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ.
Soo nku̱neí ráa nu̱u̱nꞌ Satanás vá jie̱ꞌe̱ꞌ ya̱ nñatɨ Cristo ni̱ñɨ̱ꞌ re̱ꞌ sáá ni̱ꞌi̱ꞌ re̱ꞌ nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ jie̱ꞌe̱ꞌ ráa, ya̱ kúvi re̱ꞌ Lanchi Lúlí Ndiosíꞌ, jee suni nku̱neí ráa jie̱ꞌe̱ꞌ tu̱ꞌun ya̱ njia̱ꞌa ráa ya̱ naáꞌ jie̱ꞌe̱ꞌ re̱ꞌ, jee nku̱neí ráa jie̱ꞌe̱ꞌ ntu ñúnúunꞌ ráa maáráa ya̱ kutekuꞌ ráa jee ñeꞌneꞌ iniꞌ ráa maáráa súka̱ꞌ ne̱ kuviꞌ ráa jie̱ꞌe̱ꞌ tu̱ꞌun re̱ꞌ.
Retú néni ɨɨn ñɨvɨ ya̱ yɨ́netuꞌ Ndiosíꞌ ya̱ kɨꞌɨ‑ɨ veka̱a, jee sáá íyó kɨ̱ꞌɨ̱nꞌ‑ɨ kɨꞌɨ‑ɨ veka̱a. Jee retú néni ɨɨn ñɨvɨ ya̱ yɨ́netuꞌ Ndiosíꞌ ya̱ kaꞌniꞌ inka ñɨvɨ maa jín yuchiꞌ, jee sáá íyó kuviꞌ‑i jín yuchiꞌ. Jee jie̱ꞌe̱ꞌ yaꞌá rá ñɨvɨ ya̱ nsa̱ꞌá sɨ́ɨ́n Ndiosíꞌ kɨꞌɨ ráa nu̱u̱nꞌ re̱ꞌ íyó koo káꞌnú iniꞌ ráa kuni̱ꞌin ráa nu̱u̱nꞌ re̱ꞌ jee íyó kuneí iniꞌ ráa re̱ꞌ.
Saájee nuꞌuꞌ nna̱kui̱ñɨ̱ꞌ ítɨ́ ni̱ꞌ jiáxin ni̱ꞌ maáníꞌ ne̱ nu̱u̱nꞌ ñu̱ꞌún nu̱u̱nꞌ najiáꞌáꞌ ííꞌ vá sáva kuneñu̱ꞌun ni̱ꞌ maa. Soo nkachiꞌ‑i nu̱u̱nꞌ ni̱ꞌ: ―Koto sáꞌá nú sukuán. Chi suni táꞌán musúꞌ kúvi ni̱ꞌ jín noꞌó jín rá ñanitáꞌán nú, ya̱ yɨ́tíñú‑órán nu̱u̱nꞌ Ndiosíꞌ ya̱ níkɨ́nꞌ kutú váꞌa‑ó tu̱ꞌun jie̱ꞌe̱ꞌ Jesús. Saáva kuneñu̱ꞌun nú máá maá Ndiosíꞌ. Chi rá tu̱ꞌun na̱a̱ꞌ ya̱ nkachitu̱ꞌún Jesús, yukuán kúvi tu̱ꞌun na̱a̱ꞌ ya̱ jiáꞌa Ta̱chi̱ꞌ Ííꞌ nu̱u̱nꞌ rá ñɨvɨ ya̱ káchítu̱ꞌún na̱a̱ꞌ tu̱ꞌun kéne yuꞌú Ndiosíꞌ ―nkachiꞌ najiáꞌáꞌ ííꞌ vá.
Jee kuíre niniꞌ ni̱ꞌ rá teyuꞌ nu̱u̱nꞌ nééꞌ rá tátúníꞌ, jee yukuán ña̱kuneeꞌ rá ñɨvɨ ya̱ nni̱ꞌi̱nꞌ ráa tiñu ya̱ kuvi sanáaꞌ ráa kua̱chi. Jee nna̱tekuꞌ i̱i̱ꞌ rá ánímaꞌ rá ñɨvɨ ya̱ ntéꞌneꞌ xi̱ni̱ꞌ ráa jie̱ꞌe̱ꞌ ya̱ njia̱ꞌa ráa ya̱ naáꞌ jie̱ꞌe̱ꞌ Jesús jín jie̱ꞌe̱ꞌ ya̱ niñɨ na̱a̱ꞌ ráa jín Tu̱ꞌun Ndiosíꞌ. Jee suviráa ví rá ñɨvɨ ya̱ ntu nnéñu̱ꞌun ráa kitɨ xéénꞌ kákini xíꞌnañúꞌún vá, ni jín santúꞌ ñunéꞌyúꞌ maátíꞌ. Jee ni ntu nníꞌínꞌ ráa seña ti̱ꞌ kuniso te̱e̱nꞌ ráa ni jín naꞌá ráa. Jee nna̱tekuꞌ i̱i̱ꞌ ráa, jee nta̱túníꞌ ráa tiñu jín Cristo ɨɨn mil (1000) kui̱ya̱ꞌ.
Jee nkachiꞌ ni̱ꞌ nu̱u̱nꞌ‑u: ―Tátáꞌ ni̱ꞌ, noꞌó jíníꞌ ―nkachiꞌ ni̱ꞌ. Jee nkachiꞌ‑i nu̱u̱nꞌ ni̱ꞌ: Rá ñɨvɨ yaꞌá ví rá nku̱neí ráa njia̱ꞌa ráa nu̱u̱nꞌ máá maá tu̱nóꞌó xéénꞌ nnoꞌo ráa. Jee nno̱noo ánímaꞌ ráa jie̱ꞌe̱ꞌ ni̱ꞌi̱ꞌ maáréꞌ ya̱ kúvi re̱ꞌ Lanchi Lúlí vá, kuéntáꞌ nna̱kete ráa saꞌma ráa jee nnu̱kuíjín‑i sáꞌá re̱ꞌ jín ni̱ñɨ̱ꞌ maáréꞌ.
ကြော်ငြာတွေ