Apoclipsis 1:2 - Mixteco del suroeste de Tlaxiaco Oaxaca

² Jee njia̱ꞌa Juan ya̱ naáꞌ jie̱ꞌe̱ꞌ tu̱ꞌun njia̱ꞌa Ndiosíꞌ nu̱u̱nꞌ re̱ꞌ jín jie̱ꞌe̱ꞌ ya̱ naáꞌ ya̱ nstúvi Jesucristo ya̱ niniꞌ jínúunꞌ nijia re̱ꞌ.

Apoclipsis 1:2 ပူးပေါင်းရင်းမြစ်များ

Juan 1:32

Jee suni njia̱ꞌa tuku ka̱ꞌ Juan ya̱ naáꞌ jie̱ꞌe̱ꞌ Jesús, jee nkachiꞌ re̱ꞌ: ―Niniꞌ ni̱ꞌ Ta̱chi̱ꞌ Ííꞌ Ndiosíꞌ, ya̱ nkikuun ne̱ súkún kuéntáꞌ íyó ɨɨn paloma nkenta‑a nkino̱o‑o jín re̱ꞌ.

Juan 12:17

Jee rá ñɨvɨ ya̱ níñɨ jín Jesús sáá nkana re̱ꞌ xi̱ni̱ꞌ Lázaro ne̱ veꞌi kava yu̱u̱ꞌ jee nxi̱nátekuꞌ re̱ꞌ maa nkene re̱ꞌ nteñu rá níꞌiꞌ, jee jiáꞌa ráa nu̱u̱nꞌ rá inka ñɨvɨ ya̱ naáꞌ jie̱ꞌe̱ꞌ ya̱ niniꞌ ráa ya̱ nsa̱ꞌá re̱ꞌ.

Juan 19:35

Máá maá te̱e ya̱ niniꞌ maa ví ya̱ jiáꞌa ya̱ naáꞌ jie̱ꞌe̱ꞌ vá. Jee ya̱ naáꞌ kúvi tu̱ꞌun jiáꞌa‑a. Suvivá jíníꞌ‑i ya̱ káchíꞌ‑i ya̱ naáꞌ, sáva suni ránoꞌó kuneí iniꞌ rán Jesús.

Juan 21:24

Jee te̱e súkuáꞌa Jesús vá ya̱ ñúnúunꞌ víꞌí ka̱ꞌ Jesús kúvi ya̱ jiáꞌa ya̱ naáꞌ jie̱ꞌe̱ꞌ rá tiñu yaꞌá, jee ntee‑e rá tu̱ꞌun yaꞌá jie̱ꞌe̱ꞌ rá tiñu yaꞌá, jee jíníꞌ ráníꞌ ya̱ íyó na̱a̱ꞌ rá tu̱ꞌun jiáꞌa‑a.

Juan 3:11

Máá na̱a̱ꞌ vá káchíꞌ ni̱ꞌ nu̱u̱nꞌ nú ya̱ káꞌánꞌ ráníꞌ jie̱ꞌe̱ꞌ ya̱ jíníꞌ ránꞌ jee jiáꞌa ránꞌ ya̱ naáꞌ jie̱ꞌe̱ꞌ ya̱ niniꞌ ránꞌ jínúunꞌ ránꞌ. Soo ntu tɨ́ɨn rán rá tu̱ꞌun na̱a̱ꞌ káchíꞌ ránꞌ.

Hechos 22:15

Chi suvinú nastúvi nú ya̱ naáꞌ jie̱ꞌe̱ꞌ re̱ꞌ nu̱u̱nꞌ nɨꞌɨ rá ñɨvɨ, ya̱ niniꞌ nú jín ya̱ nteso̱ꞌo nú.

Hechos 26:16

Soo nako̱o jee nakui̱ñɨ̱ꞌ nichiꞌ nú. Chi ntu̱vi ni̱ꞌ nu̱u̱nꞌ nú, sáva kani ni̱ꞌ noꞌó kuvi nú musúꞌ kuatíñú ni̱ꞌ noꞌó, jee nastúvi nú ya̱ naáꞌ jie̱ꞌe̱ꞌ ya̱ niniꞌ nú vitan, jín ya̱ xinéꞌénꞌ ni̱ꞌ nu̱u̱nꞌ nú.

Hechos 4:20

Soo ntu kúvi sikɨ́kui̱ñɨ̱ꞌ ráníꞌ kachiꞌ ránꞌ jie̱ꞌe̱ꞌ rá niniꞌ ránꞌ jín rá nteso̱ꞌo ránꞌ ―nkachiꞌ Pedro jín Juan.

1 Corintios 1:6

Chi kuéntáꞌ sáni nkachiꞌ ni̱ꞌ nu̱u̱nꞌ rán tu̱ꞌun na̱a̱ꞌ jie̱ꞌe̱ꞌ Cristo nkino̱o kutú iniꞌ ánímaꞌ rán,

1 Corintios 2:1

Saáva ránoꞌó ñaniꞌ jín ku̱ꞌva, sáá njia̱a̱ꞌ ni̱ꞌ nu̱u̱nꞌ nééꞌ rán nu̱u̱nꞌ ñuunꞌ Corinto sáva kachitu̱ꞌún ni̱ꞌ nu̱u̱nꞌ rán tu̱ꞌun yuꞌuꞌ Ndiosíꞌ ya̱ nstúvi re̱ꞌ nu̱u̱nꞌ ni̱ꞌ, jee ntu nkaꞌanꞌ ni̱ꞌ tu̱ꞌun ñujiínꞌ víjí ni tu̱ꞌun níchí sáni káꞌánꞌ rá ñɨvɨ ñɨ̱vɨ́.

1 Juan 1:1

Táji ráníꞌ ya̱ naáꞌ nu̱u̱nꞌ ránú jie̱ꞌe̱ꞌ Cristo ya̱ íyó re̱ꞌ ne̱ sáá ntiáꞌan kiko̱o ñɨ̱vɨ́ yaꞌá, ya̱ nteso̱ꞌo ráníꞌ ya̱ káꞌánꞌ re̱ꞌ, jín ya̱ niniꞌ ránꞌ jín nchinúún ránꞌ yaꞌá, jín ya̱ nne̱ꞌyá noo ránꞌ re̱ꞌ, jín ya̱ ntɨɨn ránꞌ jín naꞌá ránꞌ. Jee suvire̱ꞌ vá kúvi Tu̱ꞌun Ndiosíꞌ ya̱ sáꞌá re̱ꞌ ya̱ kutekuꞌ‑ó nɨ́ɨ́nkání jín Ndiosíꞌ.

1 Juan 4:14

Jee ránuꞌuꞌ chi niniꞌ ránꞌ jee nástúvi ránꞌ ya̱ máá Tátáꞌ‑ó Ndiosíꞌ nchu̱ichí re̱ꞌ Se̱ꞌya re̱ꞌ nkiji‑i sáva sikáku‑u maáórán ya̱ kúvi‑ó ñɨvɨ ñɨ̱vɨ́ yaꞌá jie̱ꞌe̱ꞌ xinóꞌo Ndiosíꞌ yó jie̱ꞌe̱ꞌ kua̱chi‑ó.

3 Juan 1:12

Nta̱ká ñɨvɨ jiáꞌa tu̱ꞌun na̱a̱ꞌ jie̱ꞌe̱ꞌ va̱ꞌa sáꞌá Demetrio. Jee ne̱ tu̱ꞌun na̱a̱ꞌ Jesús stúvi ya̱ jiáꞌnu na̱a̱ꞌ re̱ꞌ sáni káchíꞌ tu̱ꞌun vá. Jee suni jiáꞌa ráníꞌ ya̱ naáꞌ ya̱ va̱ꞌa jiáꞌnu re̱ꞌ. Jee jíníꞌ nú ya̱ tu̱ꞌun na̱a̱ꞌ ví tu̱ꞌun jiáꞌa ránꞌ.

Apoclipsis 1:11

Jee nkachiꞌ nusuyuꞌú vá nu̱u̱nꞌ ni̱ꞌ: ―[Nuꞌuꞌ kúvi ni̱ꞌ letra A ya̱ kijiéꞌé xíꞌnañúꞌún jín letra Z ya̱ jínu nu̱u̱nꞌ nɨ́ꞌɨ, chi maáníꞌ kúvi ya̱ ya íyó ni̱ꞌ nɨ́ɨ́nkání ne̱ xíꞌnañúꞌún ne̱ sáá ntiáꞌan kijiéꞌé kiko̱o ñɨ̱vɨ́, jee sáá nɨꞌɨ ñɨ̱vɨ́ koo ni̱ꞌ nɨ́ɨ́nkání.] Jee tee nú nu̱u̱nꞌ ɨɨn tutuꞌ ntáká ya̱ kuniꞌ jínúunꞌ nú, jee tají nú maa kɨ̱ꞌɨ̱nꞌ‑ɨ nu̱u̱nꞌ ni uxáꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ kútútú ráa rá ñuunꞌ ya̱ yɨ́ꞌɨ́ xi̱ntíín ñuunꞌ Asia: Éfeso, Esmirna, Pérgamo, Tiatira, Sardis, Filadelfia, Laodicea ―nkachiꞌ‑i nu̱u̱nꞌ ni̱ꞌ.

Apoclipsis 1:19

’Saáva tee nú nu̱u̱nꞌ tutuꞌ ya̱ néꞌyá nú, ya̱ kúvi ya̱ íyó vitan, jín ya̱ koo tiempúꞌ kiji ichinúúnꞌ.

Apoclipsis 1:9

Nuꞌuꞌ Juan, ya̱ kúvi ni̱ꞌ ñanitáꞌán‑órán. Jee jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, ɨɨn nuún ni nkáá nóꞌo ni̱ꞌ jín ránoꞌó tu̱nóꞌó sáꞌá kíni ñɨvɨ yó, jee ɨɨn nuún ni nkáá yɨ́ꞌɨ́ ni̱ꞌ jín rán xi̱ntíín Ndiosíꞌ, jee ɨɨn nuún ni nkáá káꞌnú íyó iniꞌ‑ó kúneí‑ó kúníꞌin‑ó íñɨ́‑ó jín Cristo. Jee jie̱ꞌe̱ꞌ ya̱ stékútu̱ꞌún ni̱ꞌ tu̱ꞌun váꞌa Ndiosíꞌ jín tu̱ꞌun ya̱ kúvi ya̱ naáꞌ ya̱ njiáꞌa Jesús, jee saáva ntɨɨn rá ñɨvɨ nuꞌuꞌ yɨ́ꞌɨ́ ni̱ꞌ xi̱ntíín ráa, jee ña̱na̱ka ráa nuꞌuꞌ ne̱ nu̱u̱nꞌ ɨɨn ñuꞌun naní Patmos ya̱ káá sɨ́ɨ́n ma̱ꞌñú nteñúꞌún.

Apoclipsis 12:11

Soo nku̱neí ráa nu̱u̱nꞌ Satanás vá jie̱ꞌe̱ꞌ ya̱ nñatɨ Cristo ni̱ñɨ̱ꞌ re̱ꞌ sáá ni̱ꞌi̱ꞌ re̱ꞌ nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ jie̱ꞌe̱ꞌ ráa, ya̱ kúvi re̱ꞌ Lanchi Lúlí Ndiosíꞌ, jee suni nku̱neí ráa jie̱ꞌe̱ꞌ tu̱ꞌun ya̱ njia̱ꞌa ráa ya̱ naáꞌ jie̱ꞌe̱ꞌ re̱ꞌ, jee nku̱neí ráa jie̱ꞌe̱ꞌ ntu ñúnúunꞌ ráa maáráa ya̱ kutekuꞌ ráa jee ñeꞌneꞌ iniꞌ ráa maáráa súka̱ꞌ ne̱ kuviꞌ ráa jie̱ꞌe̱ꞌ tu̱ꞌun re̱ꞌ.

Apoclipsis 12:17

Saájee nki̱tɨ̱ꞌ iniꞌ ko̱o̱ꞌ mánasɨ́ vá néꞌyá ti̱ꞌ ña. Saájee kua̱ꞌa̱nꞌ ti̱ꞌ kantáꞌán ti̱ꞌ jín rá inka rá se̱ꞌya ichiyúkúnꞌ ña, ya̱ suvi kúvi rá ñɨvɨ ya̱ síkúnkuvi ráa tu̱ꞌun ya̱ tátúníꞌ Ndiosíꞌ, jee níkɨ́nꞌ na̱a̱ꞌ ni̱ꞌin ráa nu̱u̱nꞌ rá tu̱ꞌun Jesús.

Apoclipsis 20:4

Jee kuíre niniꞌ ni̱ꞌ rá teyuꞌ nu̱u̱nꞌ nééꞌ rá tátúníꞌ, jee yukuán ña̱kuneeꞌ rá ñɨvɨ ya̱ nni̱ꞌi̱nꞌ ráa tiñu ya̱ kuvi sanáaꞌ ráa kua̱chi. Jee nna̱tekuꞌ i̱i̱ꞌ rá ánímaꞌ rá ñɨvɨ ya̱ ntéꞌneꞌ xi̱ni̱ꞌ ráa jie̱ꞌe̱ꞌ ya̱ njia̱ꞌa ráa ya̱ naáꞌ jie̱ꞌe̱ꞌ Jesús jín jie̱ꞌe̱ꞌ ya̱ niñɨ na̱a̱ꞌ ráa jín Tu̱ꞌun Ndiosíꞌ. Jee suviráa ví rá ñɨvɨ ya̱ ntu nnéñu̱ꞌun ráa kitɨ xéénꞌ kákini xíꞌnañúꞌún vá, ni jín santúꞌ ñunéꞌyúꞌ maátíꞌ. Jee ni ntu nníꞌínꞌ ráa seña ti̱ꞌ kuniso te̱e̱nꞌ ráa ni jín naꞌá ráa. Jee nna̱tekuꞌ i̱i̱ꞌ ráa, jee nta̱túníꞌ ráa tiñu jín Cristo ɨɨn mil (1000) kui̱ya̱ꞌ.

Apoclipsis 22:21

Jee na̱ ka̱ꞌ koo ma̱ni̱ꞌ iniꞌ I̱toꞌoꞌ‑ó Jesús kune̱ꞌyá re̱ꞌ ntáká ránoꞌó. Amén. Sukuán koo.

Apoclipsis 6:9

Jee sáá nsine re̱ꞌ ya̱ úꞌúnꞌ seyúꞌ, jee niniꞌ ni̱ꞌ maa nu̱u̱nꞌ chíñúꞌún ráa Ndiosíꞌ nu̱u̱nꞌ naní altar, jee niniꞌ ni̱ꞌ ya̱ chi̱ji yukuán yɨ́ꞌɨ́ rá ánímaꞌ rá ñɨvɨ ya̱ ni̱ꞌi̱ꞌ ráa chi ñaꞌniꞌ ñɨvɨ ráa jie̱ꞌe̱ꞌ ni̱nu̱ꞌ iniꞌ ráa tu̱ꞌun váꞌa Ndiosíꞌ jín ya̱ nstúvi ráa ya̱ naáꞌ jie̱ꞌe̱ꞌ tu̱ꞌun vá.