Apoclipsis 1:10 - Mixteco del suroeste de Tlaxiaco Oaxaca

¹⁰ Jee nééꞌ ni̱ꞌ yukuán ɨɨn ki̱vɨ̱ꞌ ya̱ káchíꞌ‑ó ki̱vɨ̱ꞌ I̱toꞌoꞌ‑ó, ya̱ ki̱vɨ̱ꞌ domingúꞌ jee suꞌva nnoꞌo ni̱ꞌ. Jee yukuán niniꞌ ni̱ꞌ ya̱ nstúvi nijinꞌ kájí Ta̱chi̱ꞌ Ííꞌ nu̱u̱nꞌ nuꞌuꞌ. Jee ichi yátá ni̱ꞌ nteso̱ꞌo ni̱ꞌ ɨɨn nusuyuꞌú ya̱ ni̱ꞌin káꞌánꞌ‑a kuéntáꞌ kua̱ꞌ tívɨ́ꞌ ni̱ꞌin ɨɨn trompeta.

Apoclipsis 1:10 ပူးပေါင်းရင်းမြစ်များ

Mateo 22:43

Jee nkachiꞌ Jesús nu̱u̱nꞌ ráa: ―Ta̱chi̱ꞌ Ííꞌ Ndiosíꞌ njia̱ꞌa tu̱ꞌun sákachiꞌ maá David, jee, ¿na̱ja chi nkachiꞌ David ya̱ I̱toꞌoꞌ re̱ꞌ ví Cristo rúja?, sáá nkachiꞌ re̱ꞌ [tiempúꞌ chíji jie̱ꞌe̱ꞌ Cristo]:

Juan 20:19

Sáá nkua̱a̱ꞌ máá ki̱vɨ̱ꞌ yukuán, ya̱ kúvi máá ki̱vɨ̱ꞌ xíꞌnañúꞌún jiákui̱ñɨ̱ꞌ semana, jee nnu̱tútú rá te̱e ya̱ nsu̱kuáꞌa Jesús ráa ɨɨn iniꞌ veꞌi jee násɨ́ꞌ kutú yuvéꞌí chi yúꞌví ráa rá te̱e kúñáꞌnú nu̱u̱nꞌ ñɨvɨ Israel. Sa̱naanꞌ ni jee nkenta Jesús nna̱kui̱ñɨ̱ꞌ re̱ꞌ ma̱ꞌñú ráa jee nkachiꞌ re̱ꞌ nu̱u̱nꞌ ráa: ―Va̱ne̱ꞌ va̱ꞌa kino̱o iniꞌ ánímaꞌ rán.

Juan 20:26

Sáá njia̱ꞌa ki̱vɨ̱ꞌ u̱na̱ꞌ, jee rá te̱e nsu̱kuáꞌa Jesús ráa nnu̱tútú tuku ráa ɨɨn iniꞌ veꞌi, jee kútáꞌán Tomás jín ráa. Saájee, súnika̱ꞌ násɨ́ꞌ rá yuvéꞌí, jee nki̱vɨ Jesús, jee ña̱kui̱ñɨ̱ꞌ re̱ꞌ nteñu ráa jee nkachiꞌ re̱ꞌ: ―Va̱ne̱ꞌ va̱ꞌa kino̱o iniꞌ ánímaꞌ rán.

Hechos 20:7

Jee ki̱vɨ̱ꞌ xíꞌnañúꞌún ya̱ kájiéꞌé semana nku̱tútú ránꞌ kajiꞌ nkáꞌnú ránꞌ. Pablo nste̱kútu̱ꞌún Tu̱ꞌun Ndiosíꞌ nu̱u̱nꞌ ráa. Sukuán kene re̱ꞌ ki̱vɨ̱ꞌ steñu̱ꞌún, saáva nééꞌ re̱ꞌ káꞌánꞌ re̱ꞌ ne̱ savañuún.

1 Corintios 12:3

Jee saáva síkúkáꞌnú ni̱ꞌ iniꞌ rán ya̱ ni ɨɨn ñɨvɨ ya̱ retú káchíꞌ‑i: “Yósóni̱nu Jesús”, jee nsú tu̱ꞌun ya̱ jiáꞌa Ta̱chi̱ꞌ Ííꞌ Ndiosíꞌ ví rá tu̱ꞌun káꞌánꞌ‑a vá. Jee suni ni ɨɨn ñɨvɨ nkúvi kachiꞌ‑i ya̱: “Jesús ví I̱toꞌoꞌ nu̱u̱nꞌ kua̱íyó”, retú nsú Ta̱chi̱ꞌ Ííꞌ ví ya̱ jiáꞌa tu̱ꞌun nu̱u̱nꞌ ya̱ káchíꞌ‑i.

1 Corintios 16:2

Ta ki̱vɨ̱ꞌ xíꞌnañúꞌún ya̱ kájiéꞌé ta semana, jee ta ɨɨn rán íyó teva̱ꞌa sɨ́ɨ́n rán yakuꞌ xu̱ꞌún sánikua̱ꞌ kénta níꞌínꞌ rán maa. Sáva sáá kenta ni̱ꞌ jee ntu íyó nástútú numíjiꞌíꞌ rán maa.

Apoclipsis 17:3

Saájee kua̱na̱ka‑a nuꞌuꞌ ne̱ nu̱u̱nꞌ ñu̱ꞌún saɨn jee yukuán niniꞌ ni̱ꞌ ka̱ꞌ ya̱ nstúvi nijinꞌ kájí Ta̱chi̱ꞌ Ííꞌ nu̱u̱nꞌ nuꞌuꞌ. Jee yukuán niniꞌ ni̱ꞌ ɨɨn ñaꞌan yósóꞌ ña ɨɨn kitɨ xéénꞌ kákini kuéꞌé, jee nɨ́ɨ́nkáꞌnú ti̱ꞌ níso rá súví ya̱ kúvi tu̱ꞌun níváꞌa si̱kɨ̱ꞌ Ndiosíꞌ. Jee u̱xa̱ꞌ xi̱ni̱ꞌ ti̱ꞌ, jee u̱ji̱ꞌ nikɨ ti̱ꞌ yósóꞌ.

Apoclipsis 21:10

Saájee niniꞌ ni̱ꞌ ya̱ nstúvi nijinꞌ kájí Ta̱chi̱ꞌ Ííꞌ nu̱u̱nꞌ nuꞌuꞌ, jee najiáꞌáꞌ ííꞌ vá nnaka re̱ꞌ nuꞌuꞌ kua̱ꞌa̱nꞌ re̱ꞌ jín ni̱ꞌ ne̱ xi̱ni̱ꞌ ɨɨn yuku máá káꞌnú súkún xá, jee nxi̱néꞌénꞌ re̱ꞌ nuꞌuꞌ máá ñuunꞌ káꞌnú ííꞌ ya̱ kúvi Jerusalén, jee va̱ji nkuun ñuunꞌ vá ne̱ antivɨ́ súkún tájí Ndiosíꞌ maa.