3 Juan 1:10 - Mixteco del suroeste de Tlaxiaco Oaxaca

¹⁰ Saáva sáá kenta ni̱ꞌ yukuán, jee xináku ni̱ꞌ si̱kɨ̱ꞌ tiñu sáꞌá re̱ꞌ. Chi nékáíyó káꞌánꞌ re̱ꞌ tu̱ꞌun niva̱ꞌa si̱kɨ̱ꞌ ráníꞌ. Jee nsú kua̱chi jín rá tiñu yaꞌá kúváꞌa iniꞌ re̱ꞌ, chi ni ntu jiáꞌa re̱ꞌ veꞌi re̱ꞌ ki̱vɨ rá ñanitáꞌán vá. Jee jiásɨ́ꞌ re̱ꞌ nu̱u̱nꞌ rá ñɨvɨ ya̱ kuíni ráa ku̱ꞌva ráa veꞌi ráa ki̱vɨ rá ñanitáꞌán vá, jee táváꞌ re̱ꞌ ráa nteñu rá táꞌán ráa ya̱ kúneí iniꞌ ráa Jesús, ya̱ ntu jiáꞌa re̱ꞌ kútútú ráa jín rá táꞌán ráa.

3 Juan 1:10 ပူးပေါင်းရင်းမြစ်များ

Lucas 6:22

’Na̱ ka̱ꞌ netuꞌ ka̱ꞌ kúvi ránoꞌó sáá táꞌvi iniꞌ ñɨvɨ néꞌyá ráa ránoꞌó, jín sáá táváꞌ ráa ránoꞌó nteñu ráa, jín sáá ténúunꞌ ráa ránoꞌó, jín sáá jíníichiꞌ ráa ránoꞌó káꞌánꞌ niva̱ꞌa ráa jie̱ꞌe̱ꞌ rán jie̱ꞌe̱ꞌ íñɨ́ rán jín nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Juan 9:22

Jee rá tu̱ꞌun yaꞌá nkachiꞌ tááꞌ re̱ꞌ jín náánꞌ re̱ꞌ chi yúꞌví ráa néꞌyá ráa rá te̱e kúñáꞌnú nu̱u̱nꞌ rá ñɨvɨ Israel, chi ya nna̱túꞌún rá te̱e kúñáꞌnú nu̱u̱nꞌ rá ñɨvɨ Israel vá ya̱ retú néni ɨɨn ñɨvɨ jiáꞌayuꞌú ya̱ Jesús kúvi Cristo, [ya̱ nchu̱ichí Ndiosíꞌ maa sáva tatúníꞌ‑i nu̱u̱nꞌ ñɨ̱vɨ́], yukuán jee tavaꞌ ráa ñɨvɨ vá rá veꞌi sinagoga nu̱u̱nꞌ kútútú rá ñɨvɨ Israel, jee nsáꞌ ku̱ꞌva ráa ka̱ꞌ ki̱vɨ ñɨvɨ vá iniꞌ veꞌi sinagoga yukuán.

Hechos 1:15

Rá ki̱vɨ̱ꞌ yukuán, nku̱tútú yatin sientúꞌ o̱ko̱ꞌ (120) ñɨvɨ yukuán. Jee nnakui̱ñɨ̱ꞌ nichiꞌ Pedro nteñu rá ñanitáꞌán vá, jee nkachiꞌ‑i nu̱u̱nꞌ ráa:

2 Corintios 13:2

Sáni ya̱ nkachiꞌ ni̱ꞌ sáá nneeꞌ ni̱ꞌ jín rán ya̱ uvíꞌ íchí, jee vitan sáá íyó íká ni̱ꞌ nu̱u̱nꞌ rán, jee suni sukuán stúꞌva ya̱chi̱ꞌ ni̱ꞌ nu̱u̱nꞌ rá ñɨvɨ rán ya̱ nsa̱ꞌá ráa kua̱chi, jín nu̱u̱nꞌ nta̱ká rá inka rán ka̱ꞌ, ya̱ sáá kenta tuku ni̱ꞌ i̱ña̱ꞌ, jee nkɨ́netu ni̱ꞌ jín rá nsa̱ꞌá kua̱chi.

Gálatas 6:10

Saáva sáá kénta íyó, jee saꞌá‑ó ya̱ váꞌa nu̱u̱nꞌ nɨꞌɨ. Jee ya̱ ñáꞌnú ka̱ꞌ vá íyó saꞌá‑ó ya̱ váꞌa nu̱u̱nꞌ rá ñanitáꞌán‑ó ya̱ kúneí iniꞌ ráa Jesús.

1 Timoteo 5:13

Jee suni jíjia ráa tunkúxí, jee jíkanuun ráa veꞌi ta veꞌi. Jee nsáꞌ kua̱chi kúkúxí ráa, chi násátúꞌún ráa, jee chítéñú ráa maáráa tiñu inka ñɨvɨ, jee káchíꞌ ráa tu̱ꞌun nsú tu̱ꞌun kachiꞌ ráa ví‑i.

2 Juan 1:10

Jee retú néni ɨɨn ñɨvɨ va̱ji nu̱u̱nꞌ rán, jee retú nsú tu̱ꞌun yaꞌá va̱ji‑i xinéꞌénꞌ‑e, jee koto jiáꞌa rán ntíꞌ veꞌi kino̱o ñɨvɨ vá, jee ni koto nákuatáꞌví rán ráa.

2 Juan 1:12

Íyó kue̱ꞌe̱ꞌ na̱ tu̱ꞌun tee ni̱ꞌ nu̱u̱nꞌ rán, soo ntu kuíni ni̱ꞌ tee ni̱ꞌ maa jín tinta nu̱u̱nꞌ tutuꞌ, chi íyó tu̱ꞌun neí iniꞌ ni̱ꞌ ya̱ kua̱jiane̱ꞌyá ni̱ꞌ ránoꞌó, jee kaꞌanꞌ máá maáó sáva ji̱nu iniꞌ ni̱ꞌ ya̱ kusɨ̱ɨ̱ꞌ iniꞌ ánímaꞌ‑ó.

3 Juan 1:3

Chi nnusɨ̱ɨ̱ꞌ víꞌí iniꞌ ni̱ꞌ sáá nkiji sava rá ñanitáꞌán‑ó, jee ntaji ráa tu̱ꞌun na̱a̱ꞌ nu̱u̱nꞌ ni̱ꞌ ya̱ síkúnkuvi na̱a̱ꞌ nú tu̱ꞌun na̱a̱ꞌ, chi jíka nú jín tu̱ꞌun na̱a̱ꞌ Jesús.

3 Juan 1:5

Noꞌó ya̱ ñúnúunꞌ ni̱ꞌ, na̱a̱ꞌ sáꞌá nú nu̱u̱nꞌ Ndiosíꞌ sáá chíneí chítuvi nú rá ñanitáꞌán‑ó ya̱ yɨ́ꞌɨ́ ichi Jesús, sú ntu jíníꞌ nú ráa.