2 Timoteo 2:3 - Mixteco del suroeste de Tlaxiaco Oaxaca

³ Noꞌó, keꞌneꞌ iniꞌ nú jín ránꞌ rá tu̱nóꞌó kunoꞌo nú kuéntáꞌ ɨɨn soldado va̱ꞌa ya̱ jiátíñú Cristo Jesús.

2 Timoteo 2:3 ပူးပေါင်းရင်းမြစ်များ

Hechos 23:31

Saájee nsa̱ꞌá rá soldado sáni nta̱túníꞌ re̱ꞌ nu̱u̱nꞌ ráa. Nkeꞌen ráa Pablo jee ña̱ꞌa̱nꞌ ráa jín‑i yakuááꞌ ki̱vɨ̱ꞌ yukuán nu̱u̱nꞌ ñuunꞌ Antípatris.

1 Corintios 13:7

Jee ñɨvɨ ya̱ ñúnúunꞌ‑u táꞌán‑a, jee ntáká nu̱u̱nꞌ jiéꞌnéꞌ iniꞌ‑i nóꞌo‑o, jín ntáká ni kúneí iniꞌ‑i Ndiosíꞌ, jín ntáká ni íyó tu̱ꞌun neí iniꞌ‑i ya̱ na̱a̱ꞌ sikúnkuvi Ndiosíꞌ jín ñɨvɨ vá, jín ntáká ni kínóo kutú jín Ndiosíꞌ.

1 Corintios 9:7

¿Né ɨɨn soldado sátíñú saɨn jee tékúꞌ re̱ꞌ xu̱ꞌún veꞌi maáréꞌ rúsa? Áxí, ¿né ɨɨn te̱e ya̱ tée re̱ꞌ tataꞌ uva jee ntu̱ví yájíꞌ re̱ꞌ ya̱ vixíꞌ vá rúja? Áxí, ¿né ɨɨn ñɨvɨ ya̱ kúmí‑i rá lanchi jee ntu̱ví jíꞌi‑i xu̱kui rátíꞌ rúja? Ntu̱ví íyó sukuán.

2 Corintios 1:6

Saájee, retú sáá nóꞌo ráníꞌ tu̱nóꞌó, jee nóꞌo ránꞌ jie̱ꞌe̱ꞌ táji ránꞌ Tu̱ꞌun Ndiosíꞌ sáva nasáneí ránꞌ iniꞌ ránú, jín sáva xinánitáꞌvíꞌ Ndiosíꞌ ránoꞌó jie̱ꞌe̱ꞌ kua̱chi ránoꞌó. Áxí retú sáá nasáneí iniꞌ ráníꞌ, jee íyó sukuán sáva nasáneí Ndiosíꞌ iniꞌ ránoꞌó [jín ya̱ nanitáꞌvíꞌ rán], jee sukuán sáꞌá‑a ya̱ kuiñɨ ni̱ꞌin rán nu̱u̱nꞌ Cristo jee keꞌneꞌ iniꞌ rán jín tu̱nóꞌó kunoꞌo rán kua̱ꞌ nóꞌo ránuꞌuꞌ.

1 Timoteo 1:18

Noꞌó, Timoteo, ya̱ kúvi kuéntáꞌ se̱ꞌya ni̱ꞌ. Tiñu yaꞌá tétíñú ni̱ꞌ noꞌó, sánikua̱ꞌ tu̱ꞌun nna̱kani sava rá ñanitáꞌán‑ó ya̱ nkene yuꞌú Ndiosíꞌ. Tétíñú ni̱ꞌ noꞌó, sáva nunasɨ́ nú sikúnkuvi va̱ꞌa nú tiñu vá, kuéntáꞌ kántáꞌán va̱ꞌa ɨɨn soldado.

2 Timoteo 1:1

Nuꞌuꞌ, Pablo, ya̱ níso ni̱ꞌ tiñu apóstol ya̱ chúichí Cristo Jesús nuꞌuꞌ sáni nkuini Ndiosíꞌ. Ntají re̱ꞌ nuꞌuꞌ sáva stekútu̱ꞌún ni̱ꞌ tu̱ꞌun ya̱ nchi̱sóyuꞌú Ndiosíꞌ ya̱ kutekuꞌ‑ó nɨ́ɨ́nkání jín‑i jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús.

2 Timoteo 1:8

Koto kúkanuun nú nakani nú tu̱ꞌun váꞌa jie̱ꞌe̱ꞌ I̱toꞌoꞌ‑ó. Jee suni koto kúkanuun nú jie̱ꞌe̱ꞌ ni̱ꞌ, ya̱ yɨ́ꞌɨ́ ni̱ꞌ veka̱a jie̱ꞌe̱ꞌ yɨ́tíñú ni̱ꞌ nu̱u̱nꞌ re̱ꞌ. Chisaꞌ tɨɨn jín ni̱ꞌ tu̱nóꞌó kunoꞌo‑ó jie̱ꞌe̱ꞌ tu̱ꞌun váꞌa Cristo, sáni sáꞌá fuersáꞌ ííꞌ níso Ndiosíꞌ ya̱ kuiñɨ ni̱ꞌin‑ó.

2 Timoteo 2:10

Saáva jiéꞌnéꞌ iniꞌ ni̱ꞌ nɨꞌɨ tu̱nóꞌó yaꞌá jie̱ꞌe̱ꞌ rá ñɨvɨ nkáji Ndiosíꞌ, sáva ni̱ꞌi̱nꞌ ráa ya̱ nanitáꞌvíꞌ ráa jie̱ꞌe̱ꞌ yɨ́ꞌɨ́ ráa nu̱u̱nꞌ Cristo Jesús, jee viiꞌ nasɨ́kuitɨꞌ kuneeꞌ ráa nɨ́ɨ́nkání jín re̱ꞌ.

2 Timoteo 2:9

Jee jie̱ꞌe̱ꞌ tu̱ꞌun yaꞌá nóꞌo ni̱ꞌ tu̱nóꞌó, jee ne̱ núꞌníꞌ ni̱ꞌ jín cadena ka̱a, yɨ́ꞌɨ́ ni̱ꞌ iniꞌ veka̱a, kuéntáꞌ ɨɨn te̱e sáꞌá kua̱chi ni̱ꞌin ví ni̱ꞌ. Soo Tu̱ꞌun Ndiosíꞌ, nsáꞌ núꞌníꞌ‑i.

2 Timoteo 3:11

Jee jíníꞌ nú na̱sa nito u̱ꞌvi̱ꞌ ñɨvɨ nuꞌuꞌ, jín rá tu̱nóꞌó nóꞌo ni̱ꞌ, sánikua̱ꞌ nkuvi jín nuꞌuꞌ rá ñuunꞌ Antioquía, Iconio jín Listra. Jee ñeꞌneꞌ iniꞌ ni̱ꞌ rá tu̱nóꞌó vá ya̱ nito u̱ꞌvi̱ꞌ ráa nuꞌuꞌ yukuán, soo I̱toꞌoꞌ‑ó nsi̱káku nuꞌuꞌ nu̱u̱nꞌ nɨꞌɨ ya̱ nnoꞌo ni̱ꞌ yukuán.

2 Timoteo 4:5

Soo noꞌó, kuꞌun kájí iniꞌ nú nu̱u̱nꞌ nta̱ká tiñu, keꞌneꞌ iniꞌ nú tu̱nóꞌó, saꞌá nú tiñu ya̱ kachitu̱ꞌún nú tu̱ꞌun váꞌa jie̱ꞌe̱ꞌ Cristo, jee sikúnkuvi va̱ꞌa nú tiñu sáꞌá nú nu̱u̱nꞌ Ndiosíꞌ.

Filemón 1:2

Jee tájí ránꞌ tu̱ꞌun káva̱ꞌa nu̱u̱nꞌ noꞌó jín nu̱u̱nꞌ ku̱ꞌva‑ó Apia jín nu̱u̱nꞌ Arquipo, ya̱ táꞌán sátíñú yɨ́ɨ́ re̱ꞌ jín ránuꞌuꞌ nu̱u̱nꞌ tiñu Jesús kuéntáꞌ táꞌán ɨɨn soldado kántáꞌán, jee tájí rán tu̱ꞌun káva̱ꞌa nu̱u̱nꞌ rá ñɨvɨ ya̱ kúneí iniꞌ ráa Cristo ya̱ nútútú iniꞌ veꞌi nú.

Hebreos 10:32

Soo naku̱ꞌun iniꞌ rán na̱ja nkuvi tiempúꞌ váji ya̱ta̱ꞌ, sáá sukuáni nka̱jiéꞌé rán nine antúníꞌ rán nsa̱ꞌá Tu̱ꞌun Ndiosíꞌ, sáá ñeꞌneꞌ iniꞌ rán nnoꞌo rán nu̱u̱nꞌ kue̱ꞌe̱ꞌ tu̱nóꞌó xéénꞌ ntaꞌanꞌ rán.

Hebreos 11:27

Jee jie̱ꞌe̱ꞌ ya̱ ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, jee nkene re̱ꞌ nu̱u̱nꞌ ñuunꞌ Egipto, jee ntu nyúꞌví re̱ꞌ ya̱ ki̱tɨ̱ꞌ iniꞌ te̱e tátúníꞌ Egipto, chi ni̱ñɨ ni̱ꞌin re̱ꞌ nsi̱kúnkuvi re̱ꞌ ya̱ nkachiꞌ Ndiosíꞌ kuéntáꞌ retánꞌ néꞌyá jínúunꞌ re̱ꞌ Ndiosíꞌ ya̱ ntu túvi kune̱ꞌyá‑ó.

Hebreos 6:15

Jee saájee káꞌnú ni̱yo iniꞌ Abraham jee nni̱ꞌi̱nꞌ re̱ꞌ ya̱ nchi̱sóyuꞌú Ndiosíꞌ nu̱u̱nꞌ re̱ꞌ.

Santiago 1:12

Na̱ ka̱ꞌ netuꞌ ka̱ꞌ ví ñɨvɨ kúníꞌin íñɨ́ ni̱ꞌin sáá nóꞌo‑o tu̱nóꞌó ya̱ jítotúníꞌ yó. Chi sáá kuneí kene na̱a̱ꞌ ñɨvɨ vá, jee ni̱ꞌi̱nꞌ‑i ta̱ꞌvi̱ꞌ ya̱ kutekuꞌ‑u nɨ́ɨ́nkání jín Ndiosíꞌ, ya̱ nchi̱sóyuꞌú re̱ꞌ nu̱u̱nꞌ rá ñɨvɨ ya̱ ñúnúunꞌ ráa re̱ꞌ.