2 Pedro 3:9 - Mixteco del suroeste de Tlaxiaco Oaxaca

⁹ Jee nsáꞌ kúkuéé I̱toꞌoꞌ‑ó síkúnkuvi re̱ꞌ ya̱ nchi̱sóyuꞌú re̱ꞌ ya̱ tiaaꞌ tuku re̱ꞌ kuéntáꞌ kua̱ꞌ ya̱ jiáni iniꞌ sava rá ñɨvɨ jie̱ꞌe̱ꞌ ya̱ kukuéé re̱ꞌ. Chisaꞌ nétukáꞌnú iniꞌ re̱ꞌ néꞌyá re̱ꞌ ránoꞌó, chi ntu kuíni re̱ꞌ ya̱ kɨ̱naanꞌ ni ɨɨn ñɨvɨ chisaꞌ kuíni re̱ꞌ ya̱ nta̱ká ñɨvɨ nakani iniꞌ ráa chiꞌi ráa maáráa xi̱ntíín re̱ꞌ.

2 Pedro 3:9 ပူးပေါင်းရင်းမြစ်များ

Romanos 13:11

Jee jie̱ꞌe̱ꞌ nta̱ká yaꞌá, jee tɨɨn kuéntáꞌ rán tiempúꞌ vitan ya̱ va̱kuyatin ki̱vɨ̱ꞌ niji Cristo. Koto íyó rán kuéntáꞌ ñɨvɨ kíxíꞌ ya̱ ntu nániꞌvɨꞌ iniꞌ ráa jie̱ꞌe̱ꞌ vá. Yaꞌá íyó maá hora ya̱ íyó kuéntáꞌ nako̱o‑ó ya̱ kíxíꞌ‑ó, chi nku̱yatin ka̱ꞌ tiempúꞌ ya̱ nanitáꞌvíꞌ‑ó nsú káꞌ ne̱ sáá nka̱jiéꞌé nku̱neí iniꞌ‑ó Cristo.

Romanos 13:12

Chi kúvi kuéntáꞌ ya̱ ya kua̱jia̱ꞌa yakuááꞌ, jee ya̱ va̱ji kunijinꞌ ki̱vɨ̱ꞌ. Jee íyó sukuíta‑ó tiñu niváꞌa nsa̱ꞌá‑ó kuéntáꞌ nu̱u̱nꞌ neenꞌ. Íyó kukutú‑ó kueꞌnu‑ó nu̱u̱nꞌ tiñu na̱a̱ꞌ váꞌa ya̱ xtúúnꞌ ñuꞌunꞌ Ndiosíꞌ ánímaꞌ‑ó, kuéntáꞌ nákúꞌun‑ó saꞌma ka̱a sáva kantáꞌán‑ó kuéntáꞌ soldado.

Romanos 2:4

Áxí, ¿á kúníichiꞌ nú ya̱ ntántúníꞌ ñunkúún iniꞌ Ndiosíꞌ noꞌó jín ya̱ jiéꞌnéꞌ xá iniꞌ re̱ꞌ jín ya̱ káꞌnú xá iniꞌ re̱ꞌ néꞌyá re̱ꞌ noꞌó? ¿Á ntu jíníꞌ nú ya̱ ñunkúún iniꞌ re̱ꞌ noꞌó sáva nachuꞌun re̱ꞌ ichi noꞌó nakani iniꞌ nú nu̱u̱nꞌ kua̱chi nú, résa?

Romanos 9:22

Jee, ¿á ntu̱ví váꞌa ya̱ suni sukuán sáꞌá Ndiosíꞌ?, chi kuíni Ndiosíꞌ stúvi re̱ꞌ ya̱ xinóꞌo re̱ꞌ ñɨvɨ jie̱ꞌe̱ꞌ kua̱chi ráa chi kítɨ́ꞌ iniꞌ re̱ꞌ néꞌyá re̱ꞌ ráa jee kuíni re̱ꞌ saꞌá re̱ꞌ ya̱ kukáꞌnú iniꞌ nɨꞌɨ jie̱ꞌe̱ꞌ fuersáꞌ ííꞌ ni̱ꞌin níso re̱ꞌ, soo neí káꞌnú íyó neí iniꞌ re̱ꞌ jiéꞌnéꞌ iniꞌ re̱ꞌ néꞌyá re̱ꞌ rá ñɨvɨ ya̱ íyó ni̱ꞌi̱nꞌ ráa ya̱ kítɨ́ꞌ iniꞌ re̱ꞌ xinóꞌo re̱ꞌ ráa saá váji ráa ya̱ xináánꞌ re̱ꞌ ráa.

1 Timoteo 1:16

Soo jie̱ꞌe̱ꞌ mánasɨ́ nsa̱ꞌá ni̱ꞌ, jee nku̱náꞌví iniꞌ Cristo Jesús nne̱ꞌyá re̱ꞌ nuꞌuꞌ, sáva stúvi re̱ꞌ ya̱ ntu ñúkúꞌvá iniꞌ re̱ꞌ, ya̱ káꞌnú íyó iniꞌ re̱ꞌ. Suꞌva nstúvi re̱ꞌ maa jín ni̱ꞌ nu̱u̱nꞌ rá ñɨvɨ, sáva koo ɨɨn ichi ntaji re̱ꞌ nu̱u̱nꞌ rá ñɨvɨ i̱nu̱ꞌ iniꞌ ráa kune̱ꞌyá ráa re̱ꞌ, sáva ni̱ꞌi̱nꞌ ráa, ya̱ kutekuꞌ ráa nɨ́ɨ́nkání jín re̱ꞌ.

1 Timoteo 2:4

jee kuíni re̱ꞌ ya̱ nɨꞌɨ ñɨvɨ ni̱ꞌi̱nꞌ ráa ya̱ natavaꞌ re̱ꞌ ráa nu̱u̱nꞌ kua̱chi ráa nanitáꞌvíꞌ ráa, jín ya̱ kenta kukáꞌnú iniꞌ ráa ya̱ naáꞌ.

Hebreos 10:37

Chi káchíꞌ nu̱u̱nꞌ Tutuꞌ Ííꞌ: Yakuꞌ tíꞌínꞌ ni ka̱ꞌ tiempúꞌ kúníꞌ, jee kiji tuku Cristo ya̱ maáréꞌ vá íyó niji. Jee nsáꞌ kukuéé re̱ꞌ jee tiaaꞌ re̱ꞌ.

1 Pedro 3:20

Maáráa ví ya̱ ntu nkáníjiá ráa nu̱u̱nꞌ Tu̱ꞌun Ndiosíꞌ ne̱ yanaꞌán rá ki̱vɨ̱ꞌ ntekuꞌ Noé, sáá káꞌnú ni̱yo iniꞌ Ndiosíꞌ nnetu re̱ꞌ sáá sátúꞌva Noé barkúꞌ naní arca. Jee iniꞌ arca yukuán nkaku yakuꞌ ni rá ñɨvɨ ya̱ kua̱chi u̱na̱ꞌ ráa vá nkaku nu̱u̱nꞌ nute.

2 Pedro 1:4

Jee saáva jie̱ꞌe̱ꞌ nni̱ꞌi̱nꞌ‑ó nɨꞌɨ rá yaꞌá jee nchi̱sóyuꞌú re̱ꞌ nu̱u̱nꞌ‑ó ya̱ saꞌá re̱ꞌ rá tiñu jín‑ó ya̱ máá ñáꞌnú víꞌí ka̱ꞌ ya̱ váꞌa yɨ́yáꞌvi víꞌí ka̱ꞌ. Jee jie̱ꞌe̱ꞌ ya̱ nchi̱sóyuꞌú re̱ꞌ jee kuvi kenta koo rán kuéntáꞌ maáréꞌ, chi síkáku re̱ꞌ ránoꞌó nu̱u̱nꞌ ya̱ niváꞌa ya̱ nkúꞌun ka̱ꞌ iniꞌ rán rá tiñu néꞌí sɨ̱ɨ̱ꞌ iniꞌ ya̱ níyo iniꞌ rá ñɨvɨ ñɨ̱vɨ́ yaꞌá.

2 Pedro 3:15

Jee tɨɨn kuéntáꞌ rán ya̱ kúkuéé I̱toꞌoꞌ‑ó niji re̱ꞌ jie̱ꞌe̱ꞌ ya̱ káꞌnú íyó iniꞌ re̱ꞌ néꞌyá re̱ꞌ rá ñɨvɨ sáva koo ka̱ꞌ tiempúꞌ nakunikɨnꞌ rá ñɨvɨ ka̱ꞌ ichi re̱ꞌ sáva natavaꞌ re̱ꞌ ráa nu̱u̱nꞌ kua̱chi ráa nanitáꞌvíꞌ ráa. Jee suni sukuán ntee ñaniꞌ‑ó Pablo ya̱ ñúnúunꞌ‑ó nu̱u̱nꞌ rá tutuꞌ nu̱u̱nꞌ ránoꞌó sánikua̱ꞌ tu̱ꞌun níchí njia̱ꞌa Ndiosíꞌ nu̱u̱nꞌ re̱ꞌ.

Apoclipsis 2:21

Jee ya̱ njia̱ꞌa ni̱ꞌ tiempúꞌ sáva nakani iniꞌ ña, soo ni ntu kuíni ña nakani iniꞌ ña xinóo ña ya̱ sáꞌá téní ña.