2 Pedro 3:7 - Mixteco del suroeste de Tlaxiaco Oaxaca

⁷ Soo súkún jín ñɨ̱vɨ́ íyó vitan, jee jín máá tu̱ꞌun yuꞌuꞌ Ndiosíꞌ ya̱ ya íyó tu̱ꞌva tatúníꞌ re̱ꞌ sáva ka̱yu̱ꞌ ráa ki̱vɨ̱ꞌ sanáaꞌ re̱ꞌ kua̱chi jee xináánꞌ re̱ꞌ rá ñɨvɨ ya̱ ntu níkɨ́nꞌ ráa ichi Ndiosíꞌ.

2 Pedro 3:7 ပူးပေါင်းရင်းမြစ်များ

Mateo 10:15

Chi máá naáꞌ vá káchíꞌ ni̱ꞌ nu̱u̱nꞌ ránoꞌó, ya̱ ki̱vɨ̱ꞌ kiji keꞌneꞌ Ndiosíꞌ kua̱chi ñɨvɨ, sú kunoꞌo nasɨ́kuitɨꞌ rá ñɨvɨ ñuunꞌ Sodoma jín ñuunꞌ Gomorra soo yakuꞌ ka̱ꞌ kunoꞌo ráa nsú káꞌ kua̱ꞌ xe̱e̱nꞌ nasɨ́kuitɨꞌ ntántúníꞌ ka̱ꞌ kunoꞌo rá ñɨvɨ ñuunꞌ vá.

Mateo 11:22

Soo káchíꞌ ni̱ꞌ nu̱u̱nꞌ ránoꞌó ya̱ ki̱vɨ̱ꞌ kiji keꞌneꞌ Ndiosíꞌ rá kua̱chi, sú kunoꞌo nasɨ́kuitɨꞌ rá ñɨvɨ ñuunꞌ Tiro jín Sidón soo kunoꞌo ráa yakuꞌ ka̱ꞌ nsú káꞌ kua̱ꞌ xe̱e̱nꞌ nasɨ́kuitɨꞌ ka̱ꞌ kunoꞌo ránoꞌó ñɨvɨ ñuunꞌ Corazín jín Betsaida.

Mateo 11:24

Soo káchíꞌ ni̱ꞌ nu̱u̱nꞌ ránoꞌó ya̱ ki̱vɨ̱ꞌ kiji keꞌneꞌ Ndiosíꞌ kua̱chi ñɨvɨ, sú kunoꞌo nasɨ́kuitɨꞌ rá ñɨvɨ ñuunꞌ Sodoma soo yakuꞌ ka̱ꞌ kunoꞌo ráa nsú káꞌ kua̱ꞌ xe̱e̱nꞌ nasɨ́kuitɨꞌ ntántúníꞌ ka̱ꞌ kunoꞌo rá ñɨvɨ ñuunꞌ Capernaum ―nkachiꞌ Jesús.

Mateo 12:36

Soo káchíꞌ ni̱ꞌ nu̱u̱nꞌ rán ki̱vɨ̱ꞌ koo juiciúꞌ jee naku̱ꞌva ñɨvɨ kuéntáꞌ jie̱ꞌe̱ꞌ ntáká tu̱ꞌun nékáíyó káꞌánꞌ‑a.

Mateo 24:35

Súkún jín ñɨ̱vɨ́ yaꞌá kɨ̱naanꞌ ráa, soo rá tu̱ꞌun káchíꞌ ni̱ꞌ, ni nsáꞌ kɨ̱naanꞌ‑a chi nɨꞌɨ sikúnkuvi.

Mateo 25:41

’Saájee kachiꞌ ni̱ꞌ nu̱u̱nꞌ rá ñɨvɨ íñɨ́ ichi sátín ni̱ꞌ: “¡Kuiyo rán nu̱u̱nꞌ ni̱ꞌ! Chísónínu Tátáꞌ ni̱ꞌ ránoꞌó. Kɨ̱ꞌɨ̱nꞌ rán nu̱u̱nꞌ ñuꞌúnꞌ xéénꞌ ya̱ káyúꞌ nɨ́ɨ́nkání, nu̱u̱nꞌ ya̱ íyó stákoo nu̱u̱nꞌ kɨ̱ꞌɨ̱nꞌ kui̱ꞌna̱ꞌ kúñáꞌnú jín rá ta̱chi̱ꞌ kíni‑i ya̱ kúvi najiáꞌáꞌ‑a.

Marcos 6:11

Jee retú ɨɨn nu̱u̱nꞌ ntu íyó maniꞌ ráa tɨɨn ráa ránoꞌó, ni ntu̱ví nénu̱u̱nꞌ ráa chúꞌun iniꞌ ráa Tu̱ꞌun Ndiosíꞌ ya̱ káchíꞌ ránú nu̱u̱nꞌ‑u, jee sáá kene rán yukuán, jee kisɨ rán ti̱ka̱cha̱a̱ꞌ jie̱ꞌe̱ꞌ rán, sáva nastúvi rán ya̱ íyó si̱kɨ̱ꞌ ráa. Máá nááꞌ vá káchíꞌ ni̱ꞌ nu̱u̱nꞌ rán, ya̱ ki̱vɨ̱ꞌ keꞌneꞌ Ndiosíꞌ kua̱chi ñɨ̱vɨ́, súka̱ꞌ xinóꞌo víꞌí Ndiosíꞌ rá ñɨvɨ rá ñuunꞌ Sodoma jín Gomorra, soo másúꞌ ka̱ꞌ xinóꞌo re̱ꞌ ráa nsú káꞌ xinóꞌo re̱ꞌ rá ñɨvɨ rá ñuunꞌ vá ya̱ ntu tésóꞌo tu̱ꞌun kachiꞌ ránú ―nkachiꞌ Jesús nu̱u̱nꞌ ráa.

Juan 12:48

Soo ñɨvɨ ya̱ kúníichiꞌ iniꞌ‑i nuꞌuꞌ, jee ntu̱ví tɨ́ɨn‑ɨ tu̱ꞌun káꞌánꞌ ni̱ꞌ, jee ya̱ íyó ɨɨn ya̱ sanáaꞌ‑a kua̱chi si̱kɨ̱ꞌ ñɨvɨ vá jee keꞌneꞌ‑e kua̱chi si̱kɨ̱ꞌ vá. Rá tu̱ꞌun ya̱ nkachiꞌ ni̱ꞌ ví ya̱ keꞌneꞌ‑e kua̱chi vá ki̱vɨ̱ꞌ nu̱u̱nꞌ nɨ́ꞌɨ.

Romanos 2:5

Soo jie̱ꞌe̱ꞌ ni̱ꞌin ánímaꞌ nú jee ntu nákani iniꞌ ánímaꞌ nú nu̱u̱nꞌ kua̱chi nú sáva nakunikɨnꞌ nú Ndiosíꞌ, jee sukuán násikúniso nú ka̱ꞌ ya̱ kítɨ́ꞌ iniꞌ Ndiosíꞌ néꞌyá re̱ꞌ noꞌó jee taji re̱ꞌ ka̱ꞌ tu̱nóꞌó nu̱u̱nꞌ nú ki̱vɨ̱ꞌ ya̱ xinóꞌo re̱ꞌ ñɨvɨ nsa̱ꞌá kua̱chi, sáá stúvi re̱ꞌ ya̱ na̱a̱ꞌ sanáaꞌ re̱ꞌ rá kua̱chi.

1 Corintios 3:13

jee rá tiñu ya̱ nsa̱ꞌá ta ɨɨn ta ɨɨn ñɨvɨ jee kenta natu̱vi nijinꞌ‑i, chi ki̱vɨ̱ꞌ ya̱ koo juisiúꞌ ya̱ kenta keꞌneꞌ Ndiosíꞌ rá tiñu nsa̱ꞌá ñɨvɨ jee tu̱vi kájí na̱ nu̱u̱nꞌ tiñu kúvi ráa. Kototúníꞌ Ndiosíꞌ rá tiñu sáꞌá ta ɨɨn ta ɨɨn ñɨvɨ jín ñuꞌunꞌ sáva stúvi na̱ nu̱u̱nꞌ tiñu kúvi tiñu nsa̱ꞌá‑a.

Filipenses 1:28

Jee suni ya̱ ntu yúꞌví rán rá ñɨvɨ nuni̱ꞌin nu̱u̱nꞌ ránoꞌó. Yaꞌá kúvi ɨɨn seña, ya̱ stúvi ya̱ sukuíta ráa maáráa, jee suꞌva stúvi‑i ya̱ sikáku Ndiosíꞌ ránoꞌó nanitáꞌvíꞌ rán ya̱ va̱ji‑i ne̱ nu̱u̱nꞌ Ndiosíꞌ.

2 Tesalonicenses 2:3

Jee koto jiáꞌa rán ni ɨɨn ñɨvɨ xináꞌví ráa ránoꞌó sú na̱sa ka̱ꞌ. Chi ne̱ ntiáꞌan kenta ki̱vɨ̱ꞌ vá jee xíꞌna ka̱ꞌ nuni̱ꞌin iniꞌ kue̱ꞌe̱ꞌ víꞌí ñɨvɨ nu̱u̱nꞌ Ndiosíꞌ, jee kenta nijinꞌ máá maá te̱e ya̱ ntu íyó ley nu̱u̱nꞌ‑u. Jee saá yósóꞌ ni̱nu re̱ꞌ ya̱ sijíta Ndiosíꞌ re̱ꞌ nu̱u̱nꞌ ñúꞌúnꞌ xéénꞌ.

1 Timoteo 6:9

Soo rá ñɨvɨ ñúꞌún iniꞌ, ya̱ kukúká ráa, jee kininkava ráa nu̱u̱nꞌ ya̱ níyo kánéꞌén iniꞌ ráa, jín nu̱u̱nꞌ ya̱ níyo naanꞌ iniꞌ ráa, ya̱ kúvi máñáꞌ maáráa, ya̱ saꞌá kini ráa maáráa. Jee kininkava ráa nu̱u̱nꞌ ti̱vɨ́ ráa, jee sikɨ́naanꞌ ráa maáráa, ya̱ koo sɨ́ɨ́n ráa nu̱u̱nꞌ Ndiosíꞌ nɨ́ɨ́nkání.

Hebreos 12:29

Chi Ndiosíꞌ kúvi re̱ꞌ kuéntáꞌ ɨɨn ñuꞌunꞌ káyúꞌ ya̱ xináánꞌ nta̱ká ya̱ niváꞌa.

2 Pedro 2:9

Jee ré sukuán nsa̱ꞌá I̱toꞌoꞌ‑ó jee jíníꞌ I̱toꞌoꞌ‑ó sikáku re̱ꞌ rá ñɨvɨ yɨ́tíñú ráa nu̱u̱nꞌ re̱ꞌ nu̱u̱nꞌ rá tu̱nóꞌó ya̱ jítotúníꞌ vá ráa. Soo téváꞌa sɨ́ɨ́n re̱ꞌ rá ñɨvɨ ya̱ ntu kúvi ñɨvɨ na̱a̱ꞌ, sáva kunoꞌo ráa tu̱nóꞌó ki̱vɨ̱ꞌ saꞌá náaꞌ re̱ꞌ kua̱chi.

2 Pedro 3:10

Soo ki̱vɨ̱ꞌ ya̱ nenta I̱toꞌoꞌ‑ó sanáaꞌ re̱ꞌ jee sa̱naanꞌ ni nenta re̱ꞌ kuéntáꞌ kua̱ꞌ sa̱naanꞌ ni kenta ɨɨn te̱e kuíꞌná. Jee ki̱vɨ̱ꞌ nenta re̱ꞌ, jee nɨꞌɨn víꞌí súkún jee kɨ̱naanꞌ‑a. Jee nɨꞌɨ ya̱ íyó súkún jín ñɨ̱vɨ́ ka̱yu̱ꞌ‑u jee ta̱nɨ̱ꞌ‑ɨ jee nta̱ká ya̱ íyó iniꞌ ñɨ̱vɨ́ yaꞌá ka̱yu̱ꞌ‑u.

2 Pedro 3:12

ni nétu rán kiji ki̱vɨ̱ꞌ sanáaꞌ Ndiosíꞌ rá kua̱chi jee sukuán sáꞌá rán ya̱ ñamani kenta ki̱vɨ̱ꞌ yukuán. Jee ki̱vɨ̱ꞌ yukuán tɨɨn ñuꞌunꞌ súkún jee naanꞌ‑a, jee nta̱ká ya̱ íyó iniꞌ‑i ka̱yu̱ꞌ‑u jee ta̱nɨ̱ꞌ‑ɨ.

1 Juan 4:17

Jee jín yaꞌá jíjia iniꞌ‑ó jín tu̱ꞌun ñúnúunꞌ ñúꞌún iniꞌ‑ó, sáva ne̱ yuchí kúkáꞌnú iniꞌ‑ó ki̱vɨ̱ꞌ keꞌneꞌ re̱ꞌ kua̱chi ñɨvɨ ñɨ̱vɨ́, chi sáni jiáꞌnu Jesús, suꞌva jiáꞌnu‑ó ñɨ̱vɨ́ yaꞌá.

Judas 1:7

Jee suni sukuán nnoꞌo rá ñuunꞌ Sodoma jín Gomorra jín rá ñuunꞌ káá ni̱kótíyu rá ñuunꞌ yukuán. Chi rá ñɨvɨ rá ñuunꞌ yukuán, nsa̱ꞌá téní ráa jee nki̱vɨ ráa ñujiínꞌ xeꞌne. Jee yukuán nsa̱ꞌá Ndiosíꞌ ya̱ kuvi ráa ɨɨn ichi ya̱ stúꞌva re̱ꞌ nu̱u̱nꞌ rá ñɨvɨ ya̱ jíka ráa ichi niva̱ꞌa ya̱ ntu íyó sáni kuíni Ndiosíꞌ ya̱ suni sukuán kunoꞌo ráa nu̱u̱nꞌ ñuꞌúnꞌ xéénꞌ nɨ́ɨ́nkání.

Apoclipsis 17:11

Jee kitɨ xéénꞌ kákini ya̱ ni̱yo ti̱ꞌ yanaꞌán, soo ntu íyó ti̱ꞌ vitan, jee suviti̱ꞌ kúvi te̱e nísotíñú unáꞌ, ɨɨn táꞌán rá ni uxáꞌ te̱e tátúníꞌ vá. Jee kɨ̱ꞌɨ̱nꞌ‑ɨ nu̱u̱nꞌ naanꞌ‑a.

Apoclipsis 17:8

Jee kitɨ xéénꞌ kákini ya̱ niniꞌ nú, ni̱yo ti̱ꞌ yanaꞌán, soo ntu íyó ti̱ꞌ vitan, chi íyó kene tuku ti̱ꞌ numaꞌ ya̱ ntu jínu nu̱u̱nꞌ kúnú‑u nu̱u̱nꞌ yɨ́ꞌɨ́ ti̱ꞌ, jee íyó kɨ̱ꞌɨ̱nꞌ ti̱ꞌ nu̱u̱nꞌ ji̱ta ti̱ꞌ kunoꞌo ti̱ꞌ. Jee íyó tutuꞌ ya̱ ne̱ ntiáꞌan kiko̱o ñɨ̱vɨ́ níso rá súví rá ñɨvɨ kutekuꞌ nɨ́ɨ́nkání jín Ndiosíꞌ. Jee rá ñɨvɨ nééꞌ ñɨ̱vɨ́ ya̱ ntu níso súví ráa nu̱u̱nꞌ tutuꞌ vá jee ti̱vɨ́ xíniꞌ ráa kuniꞌ ráa kitɨ vá, ya̱ ni̱yo ti̱ꞌ yanaꞌán, soo ntu íyó ti̱ꞌ vitan, jee koo tuku ti̱ꞌ.

Apoclipsis 20:11

Jee niniꞌ ni̱ꞌ ɨɨn teyuꞌ kuíjín kúñáꞌnú nu̱u̱nꞌ kuna̱a̱ꞌ tiñu. Jee yukuán nééꞌ Ndiosíꞌ ya̱ tátúníꞌ re̱ꞌ tiñu. Jee nkuiyo ñɨ̱vɨ́ jín súkún nu̱u̱nꞌ re̱ꞌ. Chi ntu̱ví ka̱ꞌ né núꞌ koo ráa nu̱u̱nꞌ re̱ꞌ.

Apoclipsis 21:1

Jee kuíre niniꞌ ni̱ꞌ súkún jiáá jín ñɨ̱vɨ́ jiáá. Chi súkún xíꞌnañúꞌún jín ñuꞌunꞌ iniꞌ ñɨ̱vɨ́ xíꞌnañúꞌún kua̱ꞌa̱nꞌ rává, jee ni ntu̱ví ka̱ꞌ nteñúꞌún.