2 Pedro 3:1 - Mixteco del suroeste de Tlaxiaco Oaxaca

¹ Ránoꞌó ya̱ ñúnúunꞌ ni̱ꞌ, yaꞌá kúvi tutuꞌ uvíꞌ ya̱ tée ni̱ꞌ nu̱u̱nꞌ ránoꞌó. Jee tée ni̱ꞌ nu̱u̱nꞌ ni núvíꞌ rá tutuꞌ yaꞌá sáva xinákúꞌun ni̱ꞌ iniꞌ rán sáva xiníꞌvɨ́ꞌ ni̱ꞌ iniꞌ rán ya̱ kani ninuꞌun antúníꞌ rán,

2 Pedro 3:1 ပူးပေါင်းရင်းမြစ်များ

Mateo 5:8

Na̱ ka̱ꞌ netuꞌ ka̱ꞌ kúvi rá ñɨvɨ ya̱ íyó ninuꞌun iniꞌ ánímaꞌ ráa, chi suviráa vá kuniꞌ ráa nu̱u̱nꞌ Ndiosíꞌ.

2 Corintios 13:2

Sáni ya̱ nkachiꞌ ni̱ꞌ sáá nneeꞌ ni̱ꞌ jín rán ya̱ uvíꞌ íchí, jee vitan sáá íyó íká ni̱ꞌ nu̱u̱nꞌ rán, jee suni sukuán stúꞌva ya̱chi̱ꞌ ni̱ꞌ nu̱u̱nꞌ rá ñɨvɨ rán ya̱ nsa̱ꞌá ráa kua̱chi, jín nu̱u̱nꞌ nta̱ká rá inka rán ka̱ꞌ, ya̱ sáá kenta tuku ni̱ꞌ i̱ña̱ꞌ, jee nkɨ́netu ni̱ꞌ jín rá nsa̱ꞌá kua̱chi.

1 Timoteo 5:22

Koto kéꞌen ya̱chi̱ꞌ nú kani nú ni ɨɨn te̱e kuniso ɨɨn tiñu nu̱u̱nꞌ ñanitáꞌán‑ó, chi xíꞌna íyó kani va̱ꞌa iniꞌ nú. Jee suni koto nákuíñɨꞌ nú jín kua̱chi sáꞌá inka ñɨvɨ. Jee koo ninuꞌun nú.

2 Timoteo 1:6

Saáva xínákúꞌun ni̱ꞌ iniꞌ nú ya̱ chuꞌun káñá nú iniꞌ maánú kuatíñú nú ta̱ꞌvi̱ꞌ va̱ꞌa ya̱ ntaji Ndiosíꞌ nu̱u̱nꞌ nú, ya̱ kúvi ya̱ chíneí chítuvi Ndiosíꞌ noꞌó, sáva saꞌá nú tiñu re̱ꞌ. Jee ta̱ꞌvi̱ꞌ vá níso nú jie̱ꞌe̱ꞌ ya̱ nchi̱só ni̱ꞌ naꞌá ni̱ꞌ xi̱ni̱ꞌ nú.

Hebreos 6:9

Soo ránoꞌó ñanitáꞌán, ya̱ ñúnúunꞌ ni̱ꞌ, jee súka̱ꞌ sukuán káꞌánꞌ ráníꞌ jín rán, soo ne̱ yuchí kúkáꞌnú iniꞌ ráníꞌ ya̱ koo va̱ꞌa ka̱ꞌ jín ránoꞌó kútáꞌán‑a jín ya̱ nátavaꞌ Ndiosíꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó.

1 Pedro 1:22

Soo vitan jee ya̱ nna̱saꞌá ninuꞌun re̱ꞌ iniꞌ ánímaꞌ rán, jie̱ꞌe̱ꞌ ya̱ [nsa̱ꞌá Ta̱chi̱ꞌ Ííꞌ re̱ꞌ] ya̱ nka̱níjiá rán tu̱ꞌun na̱a̱ꞌ re̱ꞌ, sáva kunu̱u̱nꞌ nijia rán rá ñanitáꞌán rán, saáva ne̱ ninuꞌun ánímaꞌ rán kunu̱u̱nꞌ ntántúníꞌ víꞌí rán ɨɨn inka táꞌán rán.

1 Pedro 2:11

Ránoꞌó ñanitáꞌán ya̱ ñúnúunꞌ ni̱ꞌ, náxiníꞌvɨ́ꞌ ni̱ꞌ iniꞌ rán ya̱ koo rán kuéntáꞌ kua̱ꞌ retánꞌ kúvi rán to̱ꞌo̱ꞌ inka ñuunꞌ ya̱ váji íká rán jee ntu jiáꞌnu rán kuéntáꞌ jiáꞌnu rá ñɨvɨ ñɨ̱vɨ́ yaꞌá, jee saáva chusává rán rá tiñu ya̱ níyo iniꞌ rán saꞌá rán ya̱ ntu yɨ́ꞌɨ́ xi̱ntíín Ndiosíꞌ chi súkúta̱ꞌán‑a jín ánímaꞌ rán.

2 Pedro 3:14

Saáva ránoꞌó ya̱ ñúnúunꞌ ni̱ꞌ, jee ni nétu rán ya̱ kiji ntáká rá tiñu yaꞌá, jee kuniꞌvɨꞌ iniꞌ rán nikó néí rán ya̱ kino̱o noo ánímaꞌ rán jee ntu̱náꞌ kua̱chi kuniso ka̱ꞌ ánímaꞌ rán, jee kuniꞌ re̱ꞌ ya̱ ne̱ va̱ꞌa koo ntáká rán jín re̱ꞌ, sáá nenta re̱ꞌ.

2 Pedro 3:17

Soo ránoꞌó ñanitáꞌán ya̱ ñúnúunꞌ ni̱ꞌ, ya̱ jíníꞌ rán ya̱ íyó ñɨvɨ ya̱ násama ráa na̱sa kua̱ꞌ kuíni káchíꞌ Tu̱ꞌun Ndiosíꞌ, saájee kumí rán maárán, sáva ntu xtakaa rá te̱e kánéꞌén vá ránoꞌó sáva ntu chinikɨn rán rá tu̱ꞌun xtívɨ́ ya̱ xínéꞌénꞌ ráa, jee sáva ntu kininkava rán nu̱u̱nꞌ íñɨ́ kutú rán jín Tu̱ꞌun Ndiosíꞌ.

2 Pedro 3:8

Soo ránoꞌó ñanitáꞌán ya̱ ñúnúunꞌ ni̱ꞌ, koto náánꞌ iniꞌ rán tu̱ꞌun yaꞌá: ya̱ nu̱u̱nꞌ I̱toꞌoꞌ‑ó jee ɨɨn ki̱vɨ̱ꞌ kúvi kuéntáꞌ ɨɨn mil kui̱ya̱ꞌ, jee ɨɨn mil (1000) kui̱ya̱ꞌ kúvi kuéntáꞌ ɨɨn ki̱vɨ̱ꞌ ni.

Judas 1:5

Chi súnika̱ꞌ ya jíníꞌ va̱ꞌa rán ntáká tu̱ꞌun yaꞌá ya̱ káchíꞌ ni̱ꞌ nu̱u̱nꞌ rán, soo kuíni ni̱ꞌ xinákúꞌun tuku ni̱ꞌ iniꞌ rán na̱sa nsa̱ꞌá Ndiosíꞌ, sáá nkuvi nsi̱káku re̱ꞌ rá ñɨvɨ Israel ne̱ yanaꞌán, jee ntavaꞌ re̱ꞌ ráa nu̱u̱nꞌ ñu̱ꞌún Egipto nkene ráa, jee kuíre nxi̱náánꞌ re̱ꞌ rá ñɨvɨ ya̱ ntu nka̱níjiá ráa ji̱nu̱ꞌ iniꞌ ráa re̱ꞌ.