2 Pedro 2:6 - Mixteco del suroeste de Tlaxiaco Oaxaca

⁶ Jee nsi̱jíta Ndiosíꞌ rá ñuunꞌ Sodoma jín Gomorra nxi̱nááꞌ re̱ꞌ ráa chi nte̱ñuꞌunꞌ re̱ꞌ ráa ne̱ nkuvi ráa ya̱a̱ꞌ. Jee yukuán nsa̱ꞌá Ndiosíꞌ ya̱ kuvi ráa ɨɨn ichi ya̱ stúꞌva re̱ꞌ nu̱u̱nꞌ rá ñɨvɨ ya̱ jíka ráa ichi niva̱ꞌa ya̱ ntu íyó sáni kuíni Ndiosíꞌ ya̱ suni sukuán kunoꞌo ráa.

2 Pedro 2:6 ပူးပေါင်းရင်းမြစ်များ

Génesis 19:28

Jee nna̱kune̱ꞌyá‑a nu̱u̱nꞌ káá rá ñuunꞌ Sodoma jín Gomorra, jín ntáká ichinúúnꞌ káá ñuꞌun ñuunꞌ vá, jee niniꞌ‑i ya̱ kéne ñu̱ꞌma̱ꞌ ñuꞌun vá kuéntáꞌ retánꞌ kua̱ꞌ ɨɨn i̱tu̱nꞌ.

Mateo 10:15

Chi máá naáꞌ vá káchíꞌ ni̱ꞌ nu̱u̱nꞌ ránoꞌó, ya̱ ki̱vɨ̱ꞌ kiji keꞌneꞌ Ndiosíꞌ kua̱chi ñɨvɨ, sú kunoꞌo nasɨ́kuitɨꞌ rá ñɨvɨ ñuunꞌ Sodoma jín ñuunꞌ Gomorra soo yakuꞌ ka̱ꞌ kunoꞌo ráa nsú káꞌ kua̱ꞌ xe̱e̱nꞌ nasɨ́kuitɨꞌ ntántúníꞌ ka̱ꞌ kunoꞌo rá ñɨvɨ ñuunꞌ vá.

Mateo 11:23

Jee ránoꞌó ñɨvɨ ñuunꞌ Capernaum, ¿á kúñáꞌnú nasɨ́kuitɨꞌ rán ka̱ꞌ ne̱ kusúkún rán kua̱nkaa rán ne̱ antivɨ́ súkún? Soo ntu̱ví, chisaꞌ kɨ̱núún nú ne̱ nu̱u̱nꞌ nútútú ánímaꞌ rá ni̱yɨ. Chi retánꞌ sukuán jee nu̱u̱nꞌ ñuunꞌ Sodoma nsa̱ꞌá ni̱ꞌ rá tiñu a̱nasɨ́ ya̱ nsa̱ꞌá ni̱ꞌ nu̱u̱nꞌ rá ñuunꞌ ránú, jee ma̱káꞌ ya̱ kino̱o ñuunꞌ vá ne̱ vitan nékúvi.

Romanos 9:29

Jee suꞌva nkachiꞌ ya̱chi̱ꞌ Isaías ya̱ koo ichinúúnꞌ: Chi máá maá Ndiosíꞌ ya̱ kúvi I̱toꞌoꞌ nɨꞌɨ rá najiáꞌáꞌ ííꞌ re̱ꞌ, jee retánꞌ ntu nxínóo re̱ꞌ yakuꞌ tataꞌ ichiyúkúnꞌ‑ó, nékúvi, jee vitan naanꞌ‑ó, nékúvi, íyó‑ó kuéntáꞌ ñɨvɨ ñuunꞌ Sodoma jín ñuunꞌ Gomorra, ya̱ nɨꞌɨ ráa nxi̱náánꞌ re̱ꞌ. Nkachiꞌ Isaías.

1 Corintios 10:11

Saájee ntáká ya̱ nnoꞌo rá ñɨvɨ vá, táji ɨɨn ichi nu̱u̱nꞌ‑ó sáva ntu saꞌá‑ó sukuán. Chi rá tu̱ꞌun yaꞌá jee nkino̱o nééꞌ‑e nu̱u̱nꞌ Tutuꞌ níso Tu̱ꞌun Ndiosíꞌ sáva kaꞌvi‑ó maa, jee stúꞌva tu̱ꞌun vá yó sáva nkúꞌun iniꞌ‑ó ya̱ saꞌá‑ó tiñu níváꞌa sukuán, chi maáó kúvi‑ó ñɨvɨ ya̱ tékúꞌ ka̱ꞌ rá tiempúꞌ kuánɨꞌɨ.

Hebreos 4:11

Saáva íyó nunasɨ́‑ó ki̱vɨ‑ó nu̱u̱nꞌ najia̱ví‑ó sáni nna̱jia̱ví re̱ꞌ, sáva ni ɨɨn‑ó ntu kininkava‑a saꞌá‑a kua̱ꞌ nsa̱ꞌá rá ñɨvɨ vá ya̱ ntu nka̱níjiá ráa.

Judas 1:15

sáva sanáaꞌ re̱ꞌ jie̱ꞌe̱ꞌ ntáká rá ñɨvɨ, jee sijíta re̱ꞌ ntáká rá ñɨvɨ kánéꞌén ya̱ ntu yɨ́ꞌɨ́ ráa nu̱u̱nꞌ Ndiosíꞌ kɨ̱naanꞌ ráa, jie̱ꞌe̱ꞌ ntáká tiñu niváꞌa sáꞌá ráa ya̱ ntu jíka ráa ichi sáni kuíni Ndiosíꞌ. Jee sanáaꞌ re̱ꞌ si̱kɨ̱ꞌ rá ñɨvɨ kua̱chi jie̱ꞌe̱ꞌ rá tu̱ꞌun káꞌánꞌ niva̱ꞌa ráa si̱kɨ̱ꞌ re̱ꞌ”, nkachiꞌ Enoc.

Judas 1:7

Jee suni sukuán nnoꞌo rá ñuunꞌ Sodoma jín Gomorra jín rá ñuunꞌ káá ni̱kótíyu rá ñuunꞌ yukuán. Chi rá ñɨvɨ rá ñuunꞌ yukuán, nsa̱ꞌá téní ráa jee nki̱vɨ ráa ñujiínꞌ xeꞌne. Jee yukuán nsa̱ꞌá Ndiosíꞌ ya̱ kuvi ráa ɨɨn ichi ya̱ stúꞌva re̱ꞌ nu̱u̱nꞌ rá ñɨvɨ ya̱ jíka ráa ichi niva̱ꞌa ya̱ ntu íyó sáni kuíni Ndiosíꞌ ya̱ suni sukuán kunoꞌo ráa nu̱u̱nꞌ ñuꞌúnꞌ xéénꞌ nɨ́ɨ́nkání.