2 Pedro 2:4 - Mixteco del suroeste de Tlaxiaco Oaxaca

⁴ Chi jie̱ꞌe̱ꞌ ya̱ ntu nnékáꞌnú iniꞌ Ndiosíꞌ nne̱ꞌyá re̱ꞌ rá najiáꞌáꞌ ííꞌ re̱ꞌ ya̱ nsa̱ꞌá ráa kua̱chi, chisaꞌ ntaanꞌ re̱ꞌ ráa nu̱u̱nꞌ ñuꞌunꞌ xéénꞌ ya̱ ntu jínu nu̱u̱nꞌ kúnú‑u jee yukuán yɨ́niꞌyuꞌ ráa nu̱u̱nꞌ ñu̱neenꞌ, jee núꞌníꞌ ráa jín cadena ka̱a nekuaꞌ kenta ki̱vɨ̱ꞌ ya̱ sanáaꞌ re̱ꞌ jie̱ꞌe̱ꞌ kua̱chi ráa.

2 Pedro 2:4 ပူးပေါင်းရင်းမြစ်များ

Mateo 25:41

’Saájee kachiꞌ ni̱ꞌ nu̱u̱nꞌ rá ñɨvɨ íñɨ́ ichi sátín ni̱ꞌ: “¡Kuiyo rán nu̱u̱nꞌ ni̱ꞌ! Chísónínu Tátáꞌ ni̱ꞌ ránoꞌó. Kɨ̱ꞌɨ̱nꞌ rán nu̱u̱nꞌ ñuꞌúnꞌ xéénꞌ ya̱ káyúꞌ nɨ́ɨ́nkání, nu̱u̱nꞌ ya̱ íyó stákoo nu̱u̱nꞌ kɨ̱ꞌɨ̱nꞌ kui̱ꞌna̱ꞌ kúñáꞌnú jín rá ta̱chi̱ꞌ kíni‑i ya̱ kúvi najiáꞌáꞌ‑a.

Mateo 8:29

Jee nka̱najíín ráa nsa̱ꞌá ta̱chi̱ꞌ néꞌí kákini yɨ́ꞌɨ́ iniꞌ ráa, jee nkachiꞌ ráa: ―¿Na̱kui chi kíní nú maánú nteñu ráníꞌ, Jesús, Se̱ꞌya Ndiosíꞌ? ¿Á váji nú yaꞌá sáva xinóꞌo nú ránuꞌuꞌ ne̱ ntiáꞌan ka̱ꞌ kenta tiempúꞌ ji̱nu rúja? ―nkachiꞌ ráa.

Marcos 5:7

Jee ni̱ꞌin xá nka̱najíín re̱ꞌ nsa̱ꞌá ta̱chi̱ꞌ néꞌí kákini, jee nkachiꞌ‑i: ―¿Na̱kui chi kíní nú maánú nteñu ráníꞌ, Jesús, Se̱ꞌya Ndiosíꞌ, máá kúñáꞌnú nasɨ́kuitɨꞌ nu̱u̱nꞌ kua̱íyó? Jíkánꞌ táꞌvíꞌ ni̱ꞌ nu̱u̱nꞌ noꞌó ichinúúnꞌ Ndiosíꞌ, ya̱ koto xínóꞌo nú nuꞌuꞌ.

Lucas 10:18

Jee nkachiꞌ Jesús nu̱u̱nꞌ ráa: ―Niniꞌ ni̱ꞌ nkininkava Satanás kui̱ꞌna̱ꞌ kúñáꞌnú ne̱ antivɨ́ kuéntáꞌ nkuun ɨɨn nuva tajia.

Lucas 8:31

Jee ni̱ka̱nꞌ táꞌvíꞌ rá ta̱chi̱ꞌ néꞌí kákini vá nu̱u̱nꞌ Jesús ya̱ koto tájí re̱ꞌ ráa kɨ̱ꞌɨ̱nꞌ ráa nu̱u̱nꞌ neenꞌ nu̱u̱nꞌ ntu jínu ya̱ kúnú‑u.

Juan 8:44

Chi ránoꞌó chi tátáꞌ rán kúvi kui̱ꞌna̱ꞌ kúñáꞌnú, chi kuíni rán saꞌá rán rá tiñu ya̱ níyo iniꞌ tátáꞌ rán vá saꞌá rán. Chi maáréꞌ kúvi re̱ꞌ ya̱ sáꞌá re̱ꞌ ni̱yɨ ne̱ tiempúꞌ xíꞌnañúꞌún ya̱ ña̱ko̱o ñɨ̱vɨ́ yaꞌá. Jee ni ntu̱ví íñɨ́‑ɨ jín ya̱ naáꞌ, chi ntu̱ví ñúꞌún ya̱ naáꞌ iniꞌ‑i. Sáá káꞌánꞌ re̱ꞌ tu̱ꞌun túꞌún jee káꞌánꞌ re̱ꞌ sánikua̱ꞌ na̱sa íyó maáréꞌ, chi ya̱ kini túꞌún ví re̱ꞌ jee kúvi re̱ꞌ tátáꞌ nu̱u̱nꞌ ya̱ váji tu̱ꞌun túꞌún.

Romanos 11:21

Chi retú ntu nnékáꞌnú iniꞌ Ndiosíꞌ rá ñɨvɨ ñuunꞌ Israel, ya̱ nkáji re̱ꞌ ráa sáva kuvi ráa ñɨvɨ re̱ꞌ kuéntáꞌ naꞌá máá maá yutun olivo stíláꞌ, jee suni ni noꞌó nsáꞌ kunekáꞌnú iniꞌ re̱ꞌ noꞌó retú ntu kúneí iniꞌ nú Cristo.

Romanos 8:32

Chi Ndiosíꞌ ntu nkúsáꞌán re̱ꞌ Se̱ꞌya re̱ꞌ, chisaꞌ nna̱ku̱ꞌva re̱ꞌ Se̱ꞌya re̱ꞌ sáva kuviꞌ‑i jie̱ꞌe̱ꞌ ntáká‑ó ya̱ kúvi ya̱ váꞌa nu̱u̱nꞌ‑ó. Jee nu̱u̱nꞌ ntaji re̱ꞌ Se̱ꞌya re̱ꞌ sukuán jee suni íyó nijia ya̱ sikútaꞌviꞌ re̱ꞌ nu̱u̱nꞌ‑ó ntáká ka̱ꞌ ya̱ kiji jie̱ꞌe̱ꞌ ya̱ njia̱ꞌa re̱ꞌ Se̱ꞌya re̱ꞌ.

2 Pedro 2:11

Soo ne̱ rá najiáꞌáꞌ ííꞌ Ndiosíꞌ, ya̱ súka̱ꞌ suni kúñáꞌnú ráa ka̱ꞌ jín suni íyó ka̱ꞌ fuersáꞌ ííꞌ níꞌin ráa, jee ichinúúnꞌ I̱toꞌoꞌ‑ó ntu kíji iniꞌ ráa kaꞌanꞌ niva̱ꞌa ráa ntu ténúunꞌ ráa si̱kɨ̱ꞌ rá kúñáꞌnú yukuán.

2 Pedro 2:5

Jee jie̱ꞌe̱ꞌ ya̱ ni ntu nnékáꞌnú iniꞌ Ndiosíꞌ nne̱ꞌyá re̱ꞌ rá ñɨvɨ ñɨ̱vɨ́ yanaꞌán, chisaꞌ nsi̱kúun re̱ꞌ sa̱vi̱ꞌ xéénꞌ nchi̱tú nute kua̱íyó nu̱u̱nꞌ ñuꞌun ñɨ̱vɨ́ yaꞌá, jee nxi̱nááꞌ re̱ꞌ rá ñɨvɨ ya̱ ntu íyó Ndiosíꞌ nu̱u̱nꞌ ráa. Jee Noé, te̱e ya̱ nste̱kútu̱ꞌún Tu̱ꞌun Ndiosíꞌ ya̱ íyó kueꞌnu na̱a̱ꞌ rá ñɨvɨ, jee nsi̱káku re̱ꞌ maa jín u̱xa̱ꞌ ka̱ꞌ rá ñɨvɨ.

2 Pedro 2:9

Jee ré sukuán nsa̱ꞌá I̱toꞌoꞌ‑ó jee jíníꞌ I̱toꞌoꞌ‑ó sikáku re̱ꞌ rá ñɨvɨ yɨ́tíñú ráa nu̱u̱nꞌ re̱ꞌ nu̱u̱nꞌ rá tu̱nóꞌó ya̱ jítotúníꞌ vá ráa. Soo téváꞌa sɨ́ɨ́n re̱ꞌ rá ñɨvɨ ya̱ ntu kúvi ñɨvɨ na̱a̱ꞌ, sáva kunoꞌo ráa tu̱nóꞌó ki̱vɨ̱ꞌ saꞌá náaꞌ re̱ꞌ kua̱chi.

1 Juan 3:8

Soo ñɨvɨ ya̱ sáꞌá kua̱chi, jee íñɨ́ ráa jín kui̱ꞌna̱ꞌ kúñáꞌnú. Chi kui̱ꞌna̱ꞌ kúñáꞌnú sáꞌá‑a kua̱chi ne̱ tiempúꞌ xíꞌnañúꞌún. Jee jie̱ꞌe̱ꞌ yaꞌá kúvi ya̱ nkiji máá Se̱ꞌya Ndiosíꞌ sáva xináánꞌ re̱ꞌ rá tiñu ya̱ sáꞌá kui̱ꞌna̱ꞌ kúñáꞌnú.

Judas 1:13

Jee suni kúvi ráa kuéntáꞌ kúvi nteñúꞌún ya̱ jísóꞌ xe̱e̱nꞌ, jee síkéne‑e tiu̱u̱nꞌ téꞌén ya̱ kúvi mani tiñu niváꞌa ya̱ jiáꞌa tu̱nkánuun sáꞌá ráa. Chi kúvi ráa kuéntáꞌ rá tiu̱u̱nꞌ súkún ya̱ jíkónúun ráa. Soo ya íyó tu̱ꞌva nu̱u̱nꞌ íyó ñu̱neenꞌ kuneeꞌ rá ñɨvɨ vá nɨ́ɨ́nkání.

Judas 1:6

Jee suni ya jíníꞌ ránú na̱sa nsa̱ꞌá Ndiosíꞌ jín rá najiáꞌáꞌ ííꞌ re̱ꞌ sáá nxi̱nóo ráa tiñu níso ráa jee nxi̱nóo ráa ne̱ nu̱u̱nꞌ níyo ráa antivɨ́. Jee nchi̱niꞌyuꞌ re̱ꞌ ráa nu̱u̱nꞌ ñu̱neenꞌ, jee yukuán núꞌníꞌ ráa nɨ́ɨ́nkání nekuaꞌ kenta máá ki̱vɨ ñáꞌnú ya̱ sanáaꞌ re̱ꞌ ntáká tiñu.

Apoclipsis 20:10

Jee kui̱ꞌna̱ꞌ kúñáꞌnú ya̱ nxi̱náꞌví‑i ráa, jee nsi̱kéne Ndiosíꞌ maa nchuꞌun re̱ꞌ maa nu̱u̱nꞌ ñúꞌún xéénꞌ kuéntáꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ jín sufríꞌ, nu̱u̱nꞌ ya̱ yɨ́ꞌɨ́ kitɨ xéénꞌ kákini vá jín inka ka̱ꞌ kitɨ xéénꞌ kákini ya̱ kúvi te̱e ya̱ káchítu̱ꞌún tu̱ꞌun túꞌún kéne yuꞌú kitɨ xe̱e̱nꞌ xíꞌnañúꞌún. Jee nu̱u̱nꞌ ñúꞌúnꞌ yukuán kuꞌun ráa kunoꞌo ráa nɨ́ɨ́nkání.