2 Juan 1:6 - Mixteco del suroeste de Tlaxiaco Oaxaca

⁶ Jee ya̱ tu̱ꞌun ñúnúunꞌ‑ó Ndiosíꞌ jín táꞌán‑ó, yaꞌá kúvi ya̱ jíka‑ó sánikua̱ꞌ rá tiñu ya̱ nta̱túníꞌ re̱ꞌ nu̱u̱nꞌ‑ó. Jee yaꞌá kúvi máá tiñu ya̱ nta̱túníꞌ re̱ꞌ ya̱ nteso̱ꞌo rán ne̱ ki̱vɨ̱ꞌ xíꞌnañúꞌún ya̱ nka̱jiéꞌé ni̱nu̱ꞌ iniꞌ rán: ya̱ kaka‑ó jín tu̱ꞌun kunu̱u̱nꞌ.

2 Juan 1:6 ပူးပေါင်းရင်းမြစ်များ

Juan 14:15

’Retú ñúnúunꞌ rán nuꞌuꞌ, jee kaníjiá rán sikúnkuvi rán rá tu̱ꞌun ya̱ nta̱túníꞌ ni̱ꞌ nu̱u̱nꞌ rán.

Juan 14:21

Chi néni ɨɨn ñɨvɨ ya̱ ñúꞌún iniꞌ‑i tu̱ꞌun ya̱ nta̱túníꞌ ni̱ꞌ jee sikúnkuvi‑i vá, jee ñɨvɨ yukuán ví ya̱ ñúnúunꞌ‑u nuꞌuꞌ, jee kunu̱u̱nꞌ Tátáꞌ ni̱ꞌ maa, jee nuꞌuꞌ kunu̱u̱nꞌ ni̱ꞌ maa, jee stúvi ni̱ꞌ na̱sa iniꞌ ni̱ꞌ nu̱u̱nꞌ ñɨvɨ vá ―nkachiꞌ Jesús.

Juan 14:23

Jee nna̱xiníkó Jesús, jee nkachiꞌ re̱ꞌ nu̱u̱nꞌ‑u: ―Ɨɨn ñɨvɨ ya̱ ñúnúunꞌ‑u nuꞌuꞌ, jee sikúnkuvi‑i tu̱ꞌun ni̱ꞌ, jee kunu̱u̱nꞌ Tátáꞌ ni̱ꞌ maa, jee ni núvíꞌ ni̱ꞌ jín Tátáꞌ ni̱ꞌ kiji ránꞌ nu̱u̱nꞌ ñɨvɨ vá, jee koo ránꞌ jín‑i.

Juan 15:10

Jee retú ñúꞌún iniꞌ rán ya̱ sikúnkuvi rán rá tu̱ꞌun ya̱ tátúníꞌ ni̱ꞌ, jee sukuán kino̱o kutú rán kuiñɨ ni̱ꞌin rán nu̱u̱nꞌ tu̱ꞌun ñúnúunꞌ ni̱ꞌ ránoꞌó, sánikua̱ꞌ ñúꞌún iniꞌ ni̱ꞌ síkúnkuvi ni̱ꞌ rá tu̱ꞌun ya̱ nta̱túníꞌ Tátáꞌ ni̱ꞌ nu̱u̱nꞌ ni̱ꞌ, jee kínóo kutú ni̱ꞌ íñɨ́ ni̱ꞌin ni̱ꞌ nu̱u̱nꞌ tu̱ꞌun ñúnúunꞌ re̱ꞌ nuꞌuꞌ.

Juan 15:14

’Jee ránoꞌó, chi ñɨvɨ kámani jín ni̱ꞌ kúvi rán, retú síkúnkuvi na̱a̱ꞌ nijia rán rá tu̱ꞌun ni̱ꞌ ya̱ nta̱túníꞌ ni̱ꞌ nu̱u̱nꞌ rán.

1 Juan 2:24

Chuꞌun va̱ꞌa rán iniꞌ ánímaꞌ rán tu̱ꞌun ya̱ ya nteso̱ꞌo rán ne̱ xíꞌnañúꞌún ya̱ ni̱nu̱ꞌ iniꞌ rán. Jee retú tu̱ꞌun nteso̱ꞌo rán ne̱ xíꞌnañúꞌún kínóo kutú‑u ñúꞌún iniꞌ ánímaꞌ rán, saájee suni kino̱o kutú rán yɨ́ꞌɨ́ rán nu̱u̱nꞌ Se̱ꞌya Ndiosíꞌ jín nu̱u̱nꞌ maá Tátáꞌ‑ó Ndiosíꞌ.

1 Juan 2:5

Soo néni ɨɨn ñɨvɨ ya̱ síkúnkuvi ráa tu̱ꞌun re̱ꞌ, jee ñɨvɨ yaꞌá máá naáꞌ nijia ya̱ nijia iniꞌ ráa ñúnúunꞌ ráa Ndiosíꞌ, jee jie̱ꞌe̱ꞌ yaꞌá jíníꞌ‑ó ya̱ yɨ́ꞌɨ́‑ó nu̱u̱nꞌ re̱ꞌ.

1 Juan 2:7

Ránoꞌó ya̱ ñúnúunꞌ ni̱ꞌ kuéntáꞌ ñaniꞌ ni̱ꞌ, nsú tu̱ꞌun ya̱ tátúníꞌ jiáá re̱ꞌ ví ya̱ tée ni̱ꞌ nu̱u̱nꞌ rán, chisaꞌ tu̱ꞌun ya̱ nta̱túníꞌ re̱ꞌ ne̱ yanaꞌán ya̱ ya nni̱ꞌi̱nꞌ rán ne̱ xíꞌnañúꞌún ya̱ ni̱nu̱ꞌ iniꞌ rán kúvi‑i. Jee tu̱ꞌun vá kúvi ya̱ nteso̱ꞌo rán ne̱ ki̱vɨ̱ꞌ nka̱jiéꞌé ni̱nu̱ꞌ iniꞌ rán.

1 Juan 5:15

Jee retú jíníꞌ‑ó ya̱ tésóꞌo ñáꞌnú re̱ꞌ na̱ni jíkánꞌ‑ó nu̱u̱nꞌ re̱ꞌ jee jíníꞌ‑ó ya̱ ya nni̱ꞌi̱nꞌ‑ó ya̱ níkanꞌ‑ó nu̱u̱nꞌ re̱ꞌ.

1 Juan 5:3

Chi tu̱ꞌun ñúnúunꞌ‑ó Ndiosíꞌ kúvi yaꞌá ya̱ síkúnkuvi‑ó rá tu̱ꞌun nta̱túníꞌ re̱ꞌ. Jee rá tiñu nta̱túníꞌ re̱ꞌ chi nsáꞌ véi ví‑i.

2 Juan 1:5

Nánáꞌ, vitan jee jíkánꞌ táꞌvíꞌ ni̱ꞌ nu̱u̱nꞌ nú ya̱ kunu̱u̱nꞌ‑ó ɨɨn inka táꞌán‑ó. Nsú tiñu jiáá ví yaꞌá ya̱ tátúníꞌ Ndiosíꞌ, chisaꞌ suvi‑i kúvi tu̱ꞌun ya̱ nníꞌinꞌ‑ó ne̱ tiempúꞌ xíꞌnañúꞌún ya̱ nka̱jiéꞌé ni̱nu̱ꞌ iniꞌ‑ó.