2 Juan 1:2 - Mixteco del suroeste de Tlaxiaco Oaxaca

² chi tu̱ꞌun na̱a̱ꞌ ñúꞌún kutú iniꞌ ánímaꞌ‑ó, jee kuꞌun‑u iniꞌ‑ó nɨ́ɨ́nkání.

2 Juan 1:2 ပူးပေါင်းရင်းမြစ်များ

Juan 14:16

Jee nuꞌuꞌ, jee ka̱ka̱nꞌ táꞌvíꞌ ni̱ꞌ nu̱u̱nꞌ Tátáꞌ ni̱ꞌ, jee chuichí re̱ꞌ ɨɨn ya̱ chineí chituvi‑i nachuꞌun neí‑i iniꞌ ránoꞌó, sáva koo‑o jín rán nɨ́ɨ́nkání.

Juan 15:7

Retú íñɨ́ ni̱ꞌin rán kínóo kutú rán nu̱u̱nꞌ nuꞌuꞌ, jín retú ñúꞌún iniꞌ rán rá tu̱ꞌun ya̱ nkachiꞌ ni̱ꞌ nu̱u̱nꞌ rán, saájee kuvi ka̱ka̱nꞌ rán néni ɨɨn ya̱ kuíni rán, jee saꞌá ni̱ꞌ ya̱ kuvi ya̱ jíkánꞌ rán.

1 Corintios 9:23

Jee sáꞌá ni̱ꞌ ntáká rá yaꞌá sáva kutenuun ka̱ꞌ tu̱ꞌun váꞌa jie̱ꞌe̱ꞌ Cristo, sáva ni̱ꞌi̱nꞌ nkáá ni̱ꞌ jín ka̱ꞌ ñɨvɨ ya̱ váꞌa níso tu̱ꞌun yaꞌá.

2 Corintios 4:5

Jee nsú jie̱ꞌe̱ꞌ maáráníꞌ ví ya̱ stékútu̱ꞌún ránꞌ, chisaꞌ káchítu̱ꞌún ránꞌ ya̱ I̱toꞌoꞌ nu̱u̱nꞌ kua̱íyó ví Jesús ya̱ kúvi Cristo. Jee ránuꞌuꞌ chi kúvi ránꞌ kua̱chi musúꞌ ni ya̱ sátíñú ránꞌ nu̱u̱nꞌ Jesús nu̱u̱nꞌ ya̱ váꞌa ránoꞌó.

Colosenses 3:16

Saájee íyó kuꞌun kutú nasɨ́kuitɨꞌ ka̱ꞌ tu̱ꞌun jie̱ꞌe̱ꞌ Cristo iniꞌ ánímaꞌ rán, jee suꞌva xinéꞌénꞌ rán jee nakutíñú rán nu̱u̱nꞌ rá táꞌán rán jín nta̱ká tu̱ꞌun níchí. Jee ne̱ jín ánímaꞌ rán kata rán nu̱u̱nꞌ rá yaaꞌ Tu̱ꞌun Ndiosíꞌ naní salmo, jín rá yaaꞌ himno ya̱ nákuetúꞌún rán Cristo, jín rá yaaꞌ ííꞌ jie̱ꞌe̱ꞌ Ndiosíꞌ, jee nakuatáꞌví rán re̱ꞌ.

2 Timoteo 1:5

Nákúꞌun iniꞌ ni̱ꞌ ya̱ ntu ñúnkúún nika̱ꞌ kúneí nijia iniꞌ nú Cristo. Xíꞌna suꞌva nku̱neí iniꞌ náñaꞌnú nú, Loida, jín nánáꞌ nú, Eunice. Jee ínúꞌ iniꞌ ni̱ꞌ, ya̱ suni sukuán kúneí iniꞌ nú nika̱ꞌ.

2 Pedro 1:12

Jee jie̱ꞌe̱ꞌ yaꞌá, saáva sukuáni kunikɨnꞌ ni̱ꞌ xinákúꞌun ni̱ꞌ iniꞌ ránoꞌó jie̱ꞌe̱ꞌ rá tiñu yaꞌá, súka̱ꞌ ya̱ jíníꞌ rán jie̱ꞌe̱ꞌ rá tu̱ꞌun yaꞌá, jín ya̱ íñɨ́ níꞌin rán jín rá tu̱ꞌun na̱a̱ꞌ ya̱ ya nni̱ꞌi̱nꞌ rán.

1 Juan 1:8

Jee ré kachiꞌ‑ó ya̱ ntu̱ví íyó kua̱chi‑ó, jee xínáꞌví‑ó maáó, chi ntu̱ví ñúꞌún tu̱ꞌun na̱a̱ꞌ iniꞌ‑ó.

1 Juan 2:14

Ntee ni̱ꞌ nu̱u̱nꞌ ránoꞌó, rá tátáꞌ, chi ma̱ni̱ꞌ rán jín maáréꞌ ya̱ ya íyó ne̱ tiempúꞌ xíꞌnañúꞌún. Ntee ni̱ꞌ nu̱u̱nꞌ ránoꞌó rá te̱e súchí, chi neí iniꞌ rán, jee kínóo kutú Tu̱ꞌun Ndiosíꞌ ñúꞌún iniꞌ ánímaꞌ rán, jee nku̱neí rán jín kui̱ꞌna̱ꞌ kúñáꞌnú.

1 Juan 2:17

Jee ñɨ̱vɨ́ chi kua̱nɨꞌɨ‑ɨ, jín rá íyó iniꞌ‑i ya̱ níyo iniꞌ‑ó. Soo ñɨvɨ ya̱ sáꞌá sánikua̱ꞌ kuíni Ndiosíꞌ kino̱o kutú‑u jín re̱ꞌ nɨ́ɨ́nkání.