2 Juan 1:11 - Mixteco del suroeste de Tlaxiaco Oaxaca

¹¹ Chi ñɨvɨ ya̱ nákuatáꞌví‑i ñɨvɨ vá, jee chíneí táꞌán‑a jín ñɨvɨ vá saꞌá tiñu niváꞌa.

2 Juan 1:11 ပူးပေါင်းရင်းမြစ်များ

Efesios 5:11

Jee koto kívɨ rán nu̱u̱nꞌ rá tiñu niváꞌa ya̱ ntu íyótiñu ya̱ sáꞌá ñɨvɨ ya̱ jiáꞌnu nu̱u̱nꞌ neenꞌ, chisaꞌ stúvi rán nu̱u̱nꞌ nijínꞌ ya̱ niváꞌa ví rá tiñu vá.

1 Timoteo 5:22

Koto kéꞌen ya̱chi̱ꞌ nú kani nú ni ɨɨn te̱e kuniso ɨɨn tiñu nu̱u̱nꞌ ñanitáꞌán‑ó, chi xíꞌna íyó kani va̱ꞌa iniꞌ nú. Jee suni koto nákuíñɨꞌ nú jín kua̱chi sáꞌá inka ñɨvɨ. Jee koo ninuꞌun nú.

Hebreos 5:13

Chi ntáká rá ñɨvɨ ya̱ kuéntáꞌ títí i̱i̱ꞌ‑i xu̱kui, ya̱ ni ntu jíjia iniꞌ‑i nu̱u̱nꞌ Tu̱ꞌun Ndiosíꞌ, chi kúvi ñɨvɨ vá kuéntáꞌ ɨɨn nchíkɨ́n. Jee sáꞌá Tu̱ꞌun Ndiosíꞌ ya̱ kino̱o na̱a̱ꞌ ñɨvɨ nu̱u̱nꞌ re̱ꞌ.

Judas 1:23

Jee suni íyó nukú rán na̱ja saꞌá rán sáva sikáku rán sava ka̱ꞌ rá ñɨvɨ sáva nkíninkava ráa nu̱u̱nꞌ kua̱chi, yukuán kúvi ya̱ kuéntáꞌ náxitá rán ráa nu̱u̱nꞌ ñuꞌúnꞌ xéénꞌ. Jee íyó kunáꞌví iniꞌ rán sava ka̱ꞌ rá ñɨvɨ, soo kuyúꞌví iniꞌ rán jie̱ꞌe̱ꞌ maárán jee kumí rán maárán jee koto ne̱ jíꞌín rán kininkava rán nu̱u̱nꞌ kua̱chi, chisaꞌ ne̱ kukini rán kune̱ꞌyá rán saꞌma ya̱ nku̱téꞌén jín tiñu néꞌén ya̱ nsa̱ꞌá rá ñɨvɨ vá.

Apoclipsis 18:4

Saájee nteso̱ꞌo ni̱ꞌ inka ka̱ꞌ nusuyuꞌú ya̱ káꞌánꞌ‑a ne̱ súkún, jee nkachiꞌ‑i: Ránoꞌó ñɨvɨ ni̱ꞌ, kene rán nu̱u̱nꞌ ñuunꞌ i̱ña̱ꞌ, sáva ntu jíꞌín rán nkaa saꞌá rá kua̱chi sáꞌá ráa, jee sáva ntu jíꞌín rán nkaa kunoꞌo rán rá tu̱nóꞌó kunoꞌo ráa.