2 Corintios 9:8 - Mixteco del suroeste de Tlaxiaco Oaxaca

⁸ Jee kúvi saꞌá Ndiosíꞌ ya̱ nukueꞌeꞌ ka̱ꞌ nta̱ká nu̱u̱nꞌ ya̱ váꞌa nu̱u̱nꞌ rán chineí re̱ꞌ ránoꞌó, sáva sukuáni koo nñátin nta̱ká nu̱u̱nꞌ ya̱ jíniñúꞌún rán, sáva kukueꞌeꞌ ka̱ꞌ nta̱ká tiñu váꞌa sáꞌá rán nu̱u̱nꞌ ñɨvɨ.

2 Corintios 9:8 ပူးပေါင်းရင်းမြစ်များ

Hechos 9:36

Ñuunꞌ Jope nééꞌ ɨɨn ñaꞌan níkɨ́nꞌ ña ichi Jesús, ya̱ naní ña Tabita, ya̱ tu̱ꞌun griego kuíni káchíꞌ Dorcas. Ñaꞌan yaꞌá sáꞌá víꞌí ña tiñu váꞌa, jee sáꞌá víꞌí ña caridad nu̱u̱nꞌ rá láꞌví.

1 Corintios 15:58

Jee saáva ránoꞌó ñaniꞌ jín ku̱ꞌva maáníꞌ ya̱ ñúnúunꞌ ni̱ꞌ, kuiñɨ ni̱ꞌin rán jín ya̱ yɨ́táꞌán kunikɨnꞌ rán Cristo, sukuáni sáꞌá rán ka̱ꞌ tiñu I̱toꞌoꞌ‑ó. Chi jíníꞌ rán ya̱ ntu sátíñú ka̱ꞌá rán jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó.

2 Corintios 13:3

Nu̱u̱nꞌ nánukú rán ya̱ naáꞌ ya̱ jiátíñú Cristo nuꞌuꞌ sáva káꞌánꞌ re̱ꞌ tu̱ꞌun re̱ꞌ. Suvire̱ꞌ ntu táyáꞌ iniꞌ re̱ꞌ sáá sáꞌá re̱ꞌ tiñu nu̱u̱nꞌ rán. Chisaꞌ íyó nasɨ́kuitɨꞌ fuersáꞌ ííꞌ níso re̱ꞌ jín tiñu sáꞌá re̱ꞌ nteñu rán.

2 Corintios 8:19

Jee nsú kua̱chi yaꞌá, chisaꞌ suni ntáká rá grupo kútútú vá nka̱ji ráa re̱ꞌ sáva kutáꞌán re̱ꞌ jín ráníꞌ nu̱u̱nꞌ ñuunꞌ Jerusalén sáva chineí re̱ꞌ saꞌá ránꞌ tiñu máníꞌ iniꞌ yaꞌá. Sáꞌá ránꞌ suꞌva sáva stúvi ránꞌ ya̱ máá viiꞌ kúñáꞌnú ví I̱toꞌoꞌ‑ó, jín ya̱ ñúkáñá iniꞌ‑órán chineí‑ó.

2 Corintios 8:2

Chi súka̱ꞌ nóꞌo ráa kue̱ꞌe̱ꞌ tu̱nóꞌó, ya̱ stúvi‑i ya̱ íñɨ́ kutú ráa jín Cristo. Soo ntántúníꞌ kúsɨ́ɨꞌ iniꞌ ánímaꞌ ráa ya̱ yɨ́ꞌɨ́ ráa nu̱u̱nꞌ Cristo, jee súnika̱ꞌ níviniꞌ nóꞌo láꞌví ráa, soo ntántúníꞌ ma̱ni̱ꞌ iniꞌ ráa, kuéntáꞌ kúká ráa, ya̱ jiáꞌa ráa nu̱u̱nꞌ ñɨvɨ ya̱ jíniñúꞌún rává.

2 Corintios 8:7

Jee sánikua̱ꞌ kua̱ꞌa̱nꞌ kéne rán ka̱ꞌ ichinúúnꞌ jín nta̱ká nu̱u̱nꞌ, na̱sa kúneí iniꞌ rán Cristo, jín na̱sa káꞌánꞌ rán tu̱ꞌun, jín na̱sa jíníꞌ víꞌí rán jie̱ꞌe̱ꞌ Ndiosíꞌ, jín na̱sa ñúkáñá iniꞌ rán chineí rán, jín na̱sa ñúnúunꞌ rán ránuꞌuꞌ. Jee suni sukuán kua̱ꞌa̱nꞌ kene rán ka̱ꞌ ichinúúnꞌ jín tiñu yaꞌá ya̱ koo ma̱ni̱ꞌ iniꞌ rán chineí rán rá láꞌví.

2 Corintios 9:11

Jee sáva ntáká nu̱u̱nꞌ sákúká re̱ꞌ ánímaꞌ ránoꞌó sáva koo ma̱ni̱ꞌ iniꞌ rán ku̱ꞌva víꞌí rán. Jee yaꞌá sáꞌá‑a ya̱ ku̱ꞌva ñɨvɨ ya̱ kútaꞌviꞌ nu̱u̱nꞌ Ndiosíꞌ jie̱ꞌe̱ꞌ tiñu sáꞌá‑ó.

Efesios 2:10

Chi kúvi‑ó ɨɨn tiñu jiáá nsa̱ꞌá Ndiosíꞌ, chi maá Ndiosíꞌ nsa̱ꞌá yó sáá íyó‑ó ntañúꞌún jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús. Sáꞌá re̱ꞌ yó sukuán, sáva saꞌá‑ó rá tiñu váꞌa ya̱ ya nsa̱ꞌá túꞌva Ndiosíꞌ sáva kueꞌnu‑ó ichi re̱ꞌ sukuán.

Efesios 3:20

Jee vitan jee na̱ ka̱ꞌ viiꞌ nasɨ́kuitɨꞌ kúñáꞌnú Ndiosíꞌ ka̱ꞌ ya̱ níso re̱ꞌ fuersáꞌ ííꞌ ya̱ kúvi saꞌá re̱ꞌ ntáká tiñu ya̱ ntántúníꞌ nasɨ́kuitɨꞌ ka̱ꞌ nsú káꞌ nɨꞌɨ rá jíkánꞌ‑ó áxí rá jiáni iniꞌ‑ó. Jee sáꞌá re̱ꞌ sukuán sáni íyó fuersáꞌ ííꞌ re̱ꞌ ya̱ sátíñú‑u iniꞌ‑ó.

Filipenses 4:11

Soo nsáꞌ káchíꞌ ni̱ꞌ yaꞌá, retánꞌ ya̱ kúmániꞌ nu̱u̱nꞌ ni̱ꞌ. Chi nku̱tu̱ꞌva ni̱ꞌ kuva̱ꞌa iniꞌ ni̱ꞌ jie̱ꞌe̱ꞌ na̱ni kúvi ya̱ váji nu̱u̱nꞌ ni̱ꞌ.

Colosenses 1:10

Suꞌva jíkánꞌ táꞌvíꞌ ránꞌ nu̱u̱nꞌ Ndiosíꞌ, sáva kaka na̱a̱ꞌ rán sánikua̱ꞌ íyó kueꞌnu ñɨvɨ ya̱ yɨ́ꞌɨ́ ráa nu̱u̱nꞌ I̱toꞌoꞌ‑ó, sáva suꞌva sukuáni kuva̱ꞌa iniꞌ re̱ꞌ kune̱ꞌyá re̱ꞌ na̱sa jíka rán. Jee suꞌva saꞌá rán nta̱ká tiñu váꞌa, kuéntáꞌ ɨɨn yutun jiáꞌa ya̱ vixíꞌ váꞌa. Jee kukueꞌeꞌ ka̱ꞌ kukáꞌnú noo iniꞌ rán na̱sa iniꞌ Ndiosíꞌ.

2 Tesalonicenses 2:17

Na̱ ka̱ꞌ nasáneí ráa iniꞌ ánímaꞌ rán. Jee suni na̱ ka̱ꞌ saꞌá ráa ka̱ꞌ, ya̱ kuiñɨ ni̱ꞌin rán, sáva saꞌá rán nɨꞌɨ tiñu váꞌa jín nɨꞌɨ tu̱ꞌun váꞌa káꞌánꞌ rán.

2 Timoteo 2:21

Jee suni sukuán, retú ɨɨn ñɨvɨ saꞌá noo ninuꞌun‑u maáa nu̱u̱nꞌ rá tu̱ꞌun níváꞌa vá, jee kúvi vá ya̱ kuatíñú ñunkúún I̱toꞌoꞌ‑ó, kuéntáꞌ ɨɨn ko̱ꞌo̱ꞌ ñunkúún, chi nsa̱ꞌá sɨ́ɨ́n re̱ꞌ maa ya̱ kɨtíñú‑u nu̱u̱nꞌ re̱ꞌ, jee kootiñu‑u nu̱u̱nꞌ I̱toꞌoꞌ‑ó, chi ya̱ íyó stákoo‑o sáva saꞌá‑a nɨꞌɨ tiñu váꞌa.

2 Timoteo 3:17

Sáva ɨɨn ñɨvɨ ya̱ yɨ́ꞌɨ́ naꞌá Ndiosíꞌ kujia iniꞌ‑i jee koo tu̱ꞌva‑a sáva saꞌá‑a nta̱ká tiñu váꞌa.

Tito 2:14

Chi njia̱ꞌa re̱ꞌ maáréꞌ ya̱ kuviꞌ re̱ꞌ jie̱ꞌe̱ꞌ‑ó, sáva chunáán nkáꞌnú re̱ꞌ maáréꞌ nu̱u̱nꞌ Ndiosíꞌ jie̱ꞌe̱ꞌ‑ó, sáva nakani núne re̱ꞌ yó naꞌá nta̱ká nu̱u̱nꞌ ya̱ niva̱ꞌa. Jee nna̱saꞌá noo nɨꞌɨ kuitɨꞌ re̱ꞌ kua̱chi níso ánímaꞌ‑ó, sáva kuvi‑ó ñɨvɨ maáréꞌ, sáva kuꞌun káñá iniꞌ‑ó saꞌá‑ó ya̱ váꞌa.

Tito 3:14

Jee rá ñanitáꞌán‑ó íyó kutu̱ꞌva ráa kɨtíñú ráa saꞌá ráa tiñu váꞌa, sáva kɨtuvi ráa jín rá ñɨvɨ jíniñúꞌún ya̱ kutekuꞌ rává, jee sáva nkuéꞌnu ka̱ꞌá ráa.

Tito 3:8

Tu̱ꞌun yaꞌá ví máá na̱a̱ꞌ nijia. Jee kuíni ni̱ꞌ, ya̱ íchí sanáaꞌ ni̱ꞌin nú rá tu̱ꞌun yaꞌá nu̱u̱nꞌ rá ñɨvɨ kúneí iniꞌ ráa Ndiosíꞌ, sáva kɨtíñú ráa saꞌá ráa rá tiñu váꞌa. Jee ya̱ váꞌa víꞌí ví rá tu̱ꞌun yaꞌá, jee íyótiñu‑u nu̱u̱nꞌ rá ñɨvɨ.

1 Pedro 4:10

Jee nu̱u̱nꞌ ta ɨɨn ɨɨn rán nsi̱kútaꞌviꞌ Ndiosíꞌ ɨɨn ta̱ꞌvi̱ꞌ nu̱u̱nꞌ ránoꞌó ya̱ kuvi saꞌá rán ɨɨn tiñu, jee sánikua̱ꞌ íyó ta̱ꞌvi̱ꞌ rán jee íyó saꞌá rán tiñu vá sáva chineí rán ɨɨn inka ka̱ꞌ rá táꞌán rán, jee suꞌva sikúnkuvi na̱a̱ꞌ va̱ꞌa rán maa sánikua̱ꞌ sɨ́ɨ́n sɨ́ɨ́n nu̱u̱nꞌ ta̱ꞌvi̱ꞌ ví‑i nsi̱kútaꞌviꞌ Ndiosíꞌ maa nu̱u̱nꞌ rán.