2 Corintios 8:4 - Mixteco del suroeste de Tlaxiaco Oaxaca

⁴ Chi nkakua̱chi nasɨ́kuitɨꞌ ráa nu̱u̱nꞌ ráníꞌ ya̱ koo maniꞌ iniꞌ ránꞌ ya̱ ku̱ꞌva ránꞌ ya̱ jíꞌín ráa tetáꞌán ráa ya̱ chineí ráa rá ñɨvɨ láꞌví ya̱ yɨ́ꞌɨ́ nu̱u̱nꞌ Cristo.

2 Corintios 8:4 ပူးပေါင်းရင်းမြစ်များ

Mateo 10:42

Jee néni ɨɨn ñɨvɨ ya̱ ku̱ꞌva‑a sú kua̱chi ɨɨn ñejin nute víjin koꞌo ɨɨn rá ñɨvɨ náꞌví yaꞌá, jie̱ꞌe̱ꞌ ya̱ yɨ́tíñú ñɨvɨ náꞌví yaꞌá nu̱u̱nꞌ nuꞌuꞌ, jee máá naáꞌ vá káchíꞌ ni̱ꞌ nu̱u̱nꞌ rán, ya̱ nsáꞌ sukuíta ñɨvɨ sáꞌá suꞌva ta̱ꞌvi̱ꞌ kutaꞌviꞌ‑i nu̱u̱nꞌ Ndiosíꞌ ―nkachiꞌ Jesús.

Mateo 12:50

Chi néni ɨɨn ñɨvɨ ya̱ sáꞌá‑a sáni kuíni Tátáꞌ ni̱ꞌ Ndiosíꞌ ya̱ nééꞌ antivɨ́ súkún, jee suvi‑i ví ñaniꞌ ni̱ꞌ jín ku̱ꞌva ni̱ꞌ jín náánꞌ ni̱ꞌ ―nkachiꞌ Jesús.

Mateo 25:40

’Jee nuꞌuꞌ ya̱ kúvi ya̱ tátúníꞌ nu̱u̱nꞌ nɨꞌɨ naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán ya̱, mákua sukuán nsa̱ꞌá rán jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee nu̱u̱nꞌ nuꞌuꞌ nsa̱ꞌá rán maa”, kachiꞌ ni̱ꞌ.

Marcos 14:7

Chi sukuáni nééꞌ rá láꞌví jín ránoꞌó. Jee résá kuíni rán, jee kúvi saꞌá rán ya̱ váꞌa jín ráa. Soo nuꞌuꞌ, nsáꞌ nɨ́ɨ́nkání kuneeꞌ ni̱ꞌ jín rán.

Hechos 11:29

Saáva rá ñɨvɨ yukuán, ya̱ níkɨ́nꞌ ráa Jesús, jee ñani iniꞌ ráa chineí ráa rá ñaniꞌ ráa ñuunꞌ Judea, rá yɨ́ꞌɨ́ nu̱u̱nꞌ Jesús. Ta ɨɨn ku̱ꞌva sánikua̱ꞌ kénta néen‑e.

Hechos 16:15

Jee sáá ña̱nuté ña jín rá táꞌán veꞌi ña, nkana ña ránuꞌuꞌ jee ni̱ka̱nꞌ táꞌvíꞌ ña: ―Ré káꞌvi iniꞌ rán ya̱ kúneí nijia iniꞌ ni̱ꞌ Jesús, kiji rán kino̱o rán veꞌi ni̱ꞌ. Jee nsi̱ínúꞌ ña iniꞌ ránꞌ.

Hechos 24:17

’Sáá njia̱ꞌa víꞌí kui̱ya̱ꞌ ni̱kúténúún ni̱ꞌ rá inka ñuunꞌ, jee nnenta ni̱ꞌ ñuunꞌ ni̱ꞌ Israel, sáva naku̱ꞌva ni̱ꞌ caridad nu̱u̱nꞌ rá láꞌvíꞌ yaꞌá, jee suni so̱ko̱ꞌ ni̱ꞌ nu̱u̱nꞌ Ndiosíꞌ.

Romanos 15:31

sáva ka̱ku ni̱ꞌ xi̱ntíín rá ñɨvɨ ni̱ꞌin iniꞌ nu̱u̱nꞌ Ndiosíꞌ ya̱ rá nééꞌ ñuunꞌ Judea. Jee suni ka̱ka̱nꞌ táꞌvíꞌ rán ya̱ kuva̱ꞌa iniꞌ rá ñanitáꞌán‑ó yɨ́ꞌɨ́ nu̱u̱nꞌ Cristo tɨɨn ráa xu̱ꞌún ya̱ kɨ̱na̱ka ni̱ꞌ ñuunꞌ Jerusalén sáva chineí ránꞌ ráa.

1 Corintios 16:1

Soo vitan jee káchíꞌ ni̱ꞌ nu̱u̱nꞌ rán jie̱ꞌe̱ꞌ xu̱ꞌún ya̱ kútútú ya̱ kɨ̱ꞌɨ̱nꞌ nu̱u̱nꞌ rá ñanitáꞌán nééꞌ Jerusalén ya̱ yɨ́ꞌɨ́ ráa nu̱u̱nꞌ Cristo sáva chineí rán ráa. Saꞌá rán maa sánikua̱ꞌ nta̱túníꞌ ni̱ꞌ nu̱u̱nꞌ rá grupo rá ñanitáꞌán nééꞌ ñuꞌun tɨ́ɨn Galacia.

1 Corintios 16:15

Ránoꞌó ñanitáꞌán, ya jíníꞌ rán ya̱ xíꞌnañúꞌún rá táꞌán veꞌi Estéfanas ví ya̱ ntɨɨn ráa Tu̱ꞌun Ndiosíꞌ nu̱u̱nꞌ ñuunꞌ Acaya, jee yɨ́tíñú ráa nu̱u̱nꞌ chíneí ráa rá ñanitáꞌán ya̱ yɨ́ꞌɨ́ rává xi̱ntíín Ndiosíꞌ. Jíkánꞌ táꞌvíꞌ ni̱ꞌ nu̱u̱nꞌ rán ya̱

2 Corintios 9:1

Jee vitan jee ntu̱ví jíniñúꞌún ni̱ꞌ ya̱ tee ni̱ꞌ nu̱u̱nꞌ rán jie̱ꞌe̱ꞌ tiñu ya̱ chineí rán rá ñɨvɨ láꞌví ya̱ yɨ́ꞌɨ́ nu̱u̱nꞌ Cristo.

Gálatas 2:10

Kua̱chi kuitɨꞌ ni̱ka̱nꞌ ráa ya̱ koto va̱ꞌa ránꞌ rá ñɨvɨ láꞌví. Jee tiñu vá níꞌvɨ́ꞌ iniꞌ ni̱ꞌ saꞌá ni̱ꞌ.

Gálatas 6:10

Saáva sáá kénta íyó, jee saꞌá‑ó ya̱ váꞌa nu̱u̱nꞌ nɨꞌɨ. Jee ya̱ ñáꞌnú ka̱ꞌ vá íyó saꞌá‑ó ya̱ váꞌa nu̱u̱nꞌ rá ñanitáꞌán‑ó ya̱ kúneí iniꞌ ráa Jesús.

1 Timoteo 5:10

jee retú túvi ya̱ váꞌa sáꞌá ña nu̱u̱nꞌ inka ñɨvɨ, jee retú nsi̱kuéꞌnu va̱ꞌa ña se̱ꞌya ña, jee retú ni̱yo ma̱ni̱ꞌ iniꞌ ña, ya̱ njia̱ꞌa ña ntíꞌ veꞌi ña kino̱o ñɨvɨ jíka ichi, jee retú nsa̱ꞌá ña tiñu suꞌva, sáva kootiñu ña nu̱u̱nꞌ rá ñɨvɨ yɨ́ꞌɨ́ nu̱u̱nꞌ Cristo, sú tiñu láꞌví ví‑i ya̱ nna̱kete ña jie̱ꞌe̱ꞌ ráa, jee retú nchi̱neí ña rá ñɨvɨ nóꞌo, jee retú nyɨ̱tíñú ña nsa̱ꞌá ña nta̱ká nu̱u̱nꞌ ya̱ váꞌa.

Hebreos 6:10

Chi na̱a̱ꞌ kúvi Ndiosíꞌ, jee ntu náánꞌ iniꞌ re̱ꞌ rá tiñu sáꞌá rán nu̱u̱nꞌ re̱ꞌ, jín ya̱ ñúnúunꞌ rán re̱ꞌ. Jee sukuán nstúvi rán ya̱ ñúnúunꞌ rán re̱ꞌ jie̱ꞌe̱ꞌ nchi̱neí rán rá ñɨvɨ re̱ꞌ, ya̱ nsásɨ́ɨ́n re̱ꞌ sáva kɨꞌɨ ráa nu̱u̱nꞌ re̱ꞌ. Jee sukuán sáꞌá i̱i̱ꞌ rán ne̱ ntañúꞌún.