2 Corintios 8:18 - Mixteco del suroeste de Tlaxiaco Oaxaca

¹⁸ Jee chúichí ráníꞌ ɨɨn ñanitáꞌán‑ó jín Tito. Jee jie̱ꞌe̱ꞌ ñaniꞌ vá, nta̱ká rá grupo ñɨvɨ kútútú ráa ya̱ kúneí iniꞌ ráa Cristo nákuetúꞌún ráa maa jie̱ꞌe̱ꞌ sátíñú va̱ꞌa‑a nu̱u̱nꞌ tu̱ꞌun váꞌa jie̱ꞌe̱ꞌ Cristo.

2 Corintios 8:18 ပူးပေါင်းရင်းမြစ်များ

2 Corintios 12:18

Nkakua̱chi ni̱ꞌ nu̱u̱nꞌ Tito ya̱ kua̱jiaaꞌ re̱ꞌ nu̱u̱nꞌ ránoꞌó jee nta̱jí ni̱ꞌ ñaniꞌ‑ó jín re̱ꞌ. ¿Á nichi Tito ránoꞌó rúja? ¿Á ntu̱ví nuún ñúꞌún iniꞌ ánímaꞌ ni̱ꞌ jín Tito na̱ja jiáꞌnu ráníꞌ rúja? ¿Á nsáꞌ ɨɨn ni ichi jiáꞌnu ránꞌ rúja?

2 Corintios 8:19

Jee nsú kua̱chi yaꞌá, chisaꞌ suni ntáká rá grupo kútútú vá nka̱ji ráa re̱ꞌ sáva kutáꞌán re̱ꞌ jín ráníꞌ nu̱u̱nꞌ ñuunꞌ Jerusalén sáva chineí re̱ꞌ saꞌá ránꞌ tiñu máníꞌ iniꞌ yaꞌá. Sáꞌá ránꞌ suꞌva sáva stúvi ránꞌ ya̱ máá viiꞌ kúñáꞌnú ví I̱toꞌoꞌ‑ó, jín ya̱ ñúkáñá iniꞌ‑órán chineí‑ó.

1 Corintios 7:17

Saájee ta ɨɨn ɨɨn rán íyó kueꞌnu rán sánikua̱ꞌ ntaji I̱toꞌoꞌ‑ó sáá koo rán, jín sánikua̱ꞌ ya̱ íyó rán sáá nkana Ndiosíꞌ ránoꞌó kɨꞌɨ rán nu̱u̱nꞌ re̱ꞌ, jee ni̱nu̱ꞌ iniꞌ rán nka̱níjiá rán. Jee suꞌva tátúníꞌ ni̱ꞌ nu̱u̱nꞌ ntáká rá grupo rá ñɨvɨ jínúꞌ iniꞌ ráa káníjiá ráa Jesús.

2 Corintios 2:12

Jee sáá nkenta ni̱ꞌ nu̱u̱nꞌ ñuunꞌ Troas, sáva stekútu̱ꞌún ni̱ꞌ tu̱ꞌun váꞌa jie̱ꞌe̱ꞌ I̱toꞌoꞌ‑ó Cristo, jee nsine re̱ꞌ ichi nu̱u̱nꞌ ni̱ꞌ sáva kachitu̱ꞌún ni̱ꞌ tu̱ꞌun re̱ꞌ yukuán.

Romanos 16:4

Njia̱ꞌa ráa maáráa jie̱ꞌe̱ꞌ nuꞌuꞌ súka̱ꞌ kuviꞌ ráa, nékúvi. Jee nsú kua̱chi kuitɨꞌ maáníꞌ vá jiáꞌa ya̱ kútaꞌviꞌ ni̱ꞌ nu̱u̱nꞌ ráa, chisaꞌ suni jiáꞌa ya̱ kútaꞌviꞌ ne̱ nta̱ká rá ñɨvɨ yɨ́ꞌɨ́ ráa nu̱u̱nꞌ Cristo ya̱ ntu kúvi ráa ñɨvɨ Israel ya̱ kútútú ráa ntáká rá ñuunꞌ.

1 Corintios 4:17

Jee jie̱ꞌe̱ꞌ rá tu̱ꞌun ya̱ káchíꞌ ni̱ꞌ yaꞌá kúvi ya̱ nchu̱ichí ni̱ꞌ Timoteo kua̱jiaaꞌ re̱ꞌ nu̱u̱nꞌ rán. Jee Timoteo kúvi kuéntáꞌ se̱ꞌya ni̱ꞌ ya̱ ñúnúunꞌ ni̱ꞌ, jee káníjiá re̱ꞌ síkúnkuvi va̱ꞌa re̱ꞌ nu̱u̱nꞌ I̱toꞌoꞌ‑ó. Jee maáréꞌ ví ya̱ xinákúꞌun re̱ꞌ iniꞌ rán jie̱ꞌe̱ꞌ na̱sa jiáꞌnu ni̱ꞌ ichi Cristo Jesús, jín ya̱ jiáꞌnu ni̱ꞌ sánikua̱ꞌ xínéꞌénꞌ ni̱ꞌ tu̱ꞌun váꞌa Cristo nu̱u̱nꞌ ntáká ichi nu̱u̱nꞌ jíka ni̱ꞌ xínéꞌénꞌ ni̱ꞌ nu̱u̱nꞌ ntáká grupo rá ñɨvɨ ya̱ jínúꞌ iniꞌ ráa Cristo.

1 Corintios 16:3

Jee sáá kenta ni̱ꞌ, jee tee ni̱ꞌ tutuꞌ ya̱ nákutíñú jie̱ꞌe̱ꞌ néni ɨɨn rá te̱e ya̱ nkáji rán, jee maáráa tají ni̱ꞌ ráa kɨ̱ꞌɨ̱nꞌ ráa ñuunꞌ Jerusalén jín xu̱ꞌún vá ya̱ nsi̱kútaꞌviꞌ rán.