2 Corintios 8:1 - Mixteco del suroeste de Tlaxiaco Oaxaca

¹ Ránoꞌó ñanitáꞌán, vitan jee síkúkáꞌnú ni̱ꞌ iniꞌ ránú jie̱ꞌe̱ꞌ ya̱ nsa̱ꞌá re̱ꞌ tiñu váꞌa iniꞌ rá ñɨvɨ rá grupo kútútú ráa ya̱ kúneí iniꞌ ráa Cristo, ya̱ nééꞌ ráa rá ñuunꞌ tɨɨn ñuunꞌ Macedonia chi íyó mániꞌ iniꞌ Ndiosíꞌ néꞌyá re̱ꞌ ráa.

2 Corintios 8:1 ပူးပေါင်းရင်းမြစ်များ

Mateo 25:22

’Jee suni ña̱kuyatin musúꞌ ya̱ nni̱ꞌi̱nꞌ u̱vi̱ꞌ kustáꞌ xu̱ꞌún vá nu̱u̱nꞌ i̱toꞌoꞌ‑o, jee nkachiꞌ‑i nu̱u̱nꞌ re̱ꞌ: “I̱toꞌoꞌ, u̱vi̱ꞌ kustáꞌ xu̱ꞌún ntaji nú nu̱u̱nꞌ ni̱ꞌ, jee kune̱ꞌyá, yaꞌá íyó u̱vi̱ꞌ ka̱ꞌ kustáꞌ xu̱ꞌún ni̱ꞌi̱nꞌ ni̱ꞌ si̱kɨ̱ꞌ‑ɨ”, nkachiꞌ musúꞌ vá.

Hechos 11:23

Sáá nkenta re̱ꞌ yukuán, niniꞌ re̱ꞌ ya̱ va̱ꞌa nsa̱ꞌá Ndiosíꞌ nu̱u̱nꞌ ráa chi ma̱ni̱ꞌ re̱ꞌ néꞌyá re̱ꞌ ráa. Jee nnusɨ̱ɨ̱ꞌ iniꞌ Bernabé. Jee nna̱chuꞌun neí re̱ꞌ iniꞌ ráa kukáñá víꞌí iniꞌ ánímaꞌ ráa ya̱ kuiñɨ na̱a̱ꞌ ráa jín I̱toꞌoꞌ‑ó.

Hechos 16:9

Jee kájíkuitɨꞌ ntu̱vi ya̱ nxi̱néꞌénꞌ Ndiosíꞌ nu̱u̱nꞌ Pablo yakuááꞌ. Ntu̱vi nu̱u̱nꞌ re̱ꞌ ɨɨn te̱e Macedonia íñɨ́ nichiꞌ, jee ni̱ka̱nꞌ táꞌvíꞌ‑i nu̱u̱nꞌ re̱ꞌ: “Kiji nú nu̱u̱nꞌ Macedonia jee chineí nú ránuꞌuꞌ.”

Hechos 24:17

’Sáá njia̱ꞌa víꞌí kui̱ya̱ꞌ ni̱kúténúún ni̱ꞌ rá inka ñuunꞌ, jee nnenta ni̱ꞌ ñuunꞌ ni̱ꞌ Israel, sáva naku̱ꞌva ni̱ꞌ caridad nu̱u̱nꞌ rá láꞌvíꞌ yaꞌá, jee suni so̱ko̱ꞌ ni̱ꞌ nu̱u̱nꞌ Ndiosíꞌ.

Romanos 15:26

Chi rá ñanitáꞌán‑ó ya̱ nééꞌ ráa ñuunꞌ Macedonia jín ñuunꞌ Acaya ñani iniꞌ ráa ya̱ nasokoꞌ ráa xu̱ꞌún sáva chineí ráa rá ñɨvɨ láꞌví ya̱ íyó nteñu rá ñanitáꞌán‑ó ya̱ yɨ́tíñú ráa nu̱u̱nꞌ Cristo ya̱ nééꞌ ráa Jerusalén.

1 Corintios 15:10

Soo jie̱ꞌe̱ꞌ ni ka̱ꞌ ya̱ níyo ma̱ni̱ꞌ iniꞌ Ndiosíꞌ nku̱náꞌví iniꞌ re̱ꞌ nuꞌuꞌ, saáva nsi̱kútaꞌviꞌ re̱ꞌ nu̱u̱nꞌ ni̱ꞌ ya̱ kúvi ni̱ꞌ apóstol nchu̱ichí re̱ꞌ jín tiñu níso ni̱ꞌ vitan. Jee nsáꞌ ka̱ꞌá níyo ma̱ni̱ꞌ iniꞌ Ndiosíꞌ néꞌyá re̱ꞌ nuꞌuꞌ ya̱ nka̱ji re̱ꞌ nuꞌuꞌ saꞌá ni̱ꞌ tiñu re̱ꞌ, chi saꞌ víꞌí ka̱ꞌ nsa̱tíñú yɨ́ɨ́ ni̱ꞌ nu̱u̱nꞌ re̱ꞌ nsú káꞌ ntáká rá inka ka̱ꞌ te̱e kúvi apóstol. Soo nsú nuꞌuꞌ ví ya̱ sáꞌá tiñu vá, chisaꞌ Ndiosíꞌ ví ya̱ chíneí chítuvi re̱ꞌ nuꞌuꞌ jín tiñu sáꞌá ni̱ꞌ.

2 Corintios 11:9

Jee sáá nneeꞌ ni̱ꞌ jín ránoꞌó jee ntu nkúvi ni̱ꞌ tiñu véi nu̱u̱nꞌ ni ɨɨn ránoꞌó, sú nkumaniꞌ nu̱u̱nꞌ ni̱ꞌ. Chi rá ñanitáꞌán‑ó ya̱ nkiji ichi rá ñuunꞌ Macedonia nkenta ráa ntaji ráa ya̱ niniñúꞌún ni̱ꞌ. Jee íchí ntu njiáꞌa ni̱ꞌ maáníꞌ kúvi ni̱ꞌ tiñu véi nu̱u̱nꞌ ránoꞌó, jee kunikɨnꞌ ni̱ꞌ saꞌá ni̱ꞌ suꞌva.

2 Corintios 9:12

Chi tiñu yaꞌá sáꞌá ránú ya̱ chineí rán, jee nsú kua̱chi kuitɨꞌ kasɨꞌ‑ɨ nu̱u̱nꞌ ya̱ kúmániꞌ nu̱u̱nꞌ rá ñɨvɨ láꞌví ya̱ yɨ́ꞌɨ́ ráa nu̱u̱nꞌ Cristo. Chisaꞌ suni saꞌá‑a ya̱ ntántúníꞌ ku̱ꞌva nasɨ́kuitɨꞌ rá ñanitáꞌán ya̱ kútaꞌviꞌ nu̱u̱nꞌ Ndiosíꞌ.

2 Corintios 9:2

Chi ya jíníꞌ ni̱ꞌ ya̱ ñúꞌún káñá iniꞌ rán chineí rán. Jee jie̱ꞌe̱ꞌ vá káꞌánꞌ téyɨ́ɨ́ ni̱ꞌ nu̱u̱nꞌ rá ñɨvɨ ñuunꞌ Macedonia. Jee káchíꞌ ni̱ꞌ nu̱u̱nꞌ ráa ya̱ ránoꞌó, ñɨvɨ nééꞌ rán rá ñuunꞌ tɨ́ɨn Acaya, ya̱ nsa̱túꞌva rán ne̱ kiava. Jee jie̱ꞌe̱ꞌ ya̱ ñúkáñá iniꞌ rán chineí rán, jee nchuꞌun káñá‑a iniꞌ ráa ya̱ kue̱ꞌe̱ꞌ víꞌí ráa nóꞌónꞌ iniꞌ ráa chineí ráa.

2 Corintios 9:4

Sáva nki̱nóo kanuun ni̱ꞌ jie̱ꞌe̱ꞌ ne̱ yuchí kúneí iniꞌ ni̱ꞌ ránoꞌó, chi kino̱o kanuun ni̱ꞌ retú koto sa̱naanꞌ jee kua̱jiaaꞌ sava rá ñɨvɨ ñuunꞌ tɨ́ɨn Macedonia jín ni̱ꞌ yukuán, jee kuniꞌ ráa ya̱ ntu̱ví íyó tu̱ꞌva rán. Jee ntu jíniñúꞌún ni̱ꞌ kaꞌanꞌ ni̱ꞌ jie̱ꞌe̱ꞌ ránoꞌó chi suni kino̱o kanuun rán ranika̱ꞌ.

Efesios 3:8

Sú núun ka̱ꞌ kúñáꞌnú ni̱ꞌ nu̱u̱nꞌ nɨꞌɨ rá ñɨvɨ núun ka̱ꞌ kúñáꞌnú ráa ya̱ nsa̱ꞌá sɨ́ɨ́n Ndiosíꞌ ráa sáva kuvi ráa ñɨvɨ re̱ꞌ. Soo nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ ya̱ kachitu̱ꞌún ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ ya̱ ntu kúvi ñɨvɨ Israel. Tu̱ꞌun vá ví ya̱ ntántúníꞌ yɨ́yáꞌvi nasɨ́kuitɨꞌ ka̱ꞌ ví Cristo jín rá táji re̱ꞌ nu̱u̱nꞌ‑ó. Jee ni nsáꞌ kenta ki̱ku̱ꞌun iniꞌ‑ó nɨꞌɨ tu̱ꞌun vá.

Colosenses 1:29

Jee saáva núnasɨ́ ni̱ꞌ saꞌá ni̱ꞌ fesáꞌ saꞌá ni̱ꞌin ni̱ꞌ tiñu yaꞌá, jie̱ꞌe̱ꞌ ya̱ sátíñú ni̱ꞌin Cristo iniꞌ nuꞌuꞌ, jín fuersáꞌ níso re̱ꞌ.

1 Tesalonicenses 4:10

Chi ya̱ sáꞌá nijia ránú maa nu̱u̱nꞌ nɨꞌɨ rá ñanitáꞌán nɨꞌɨ rá ñuunꞌ Macedonia. Jee xíníꞌvɨ́ꞌ ránꞌ iniꞌ ránoꞌó, ñanitáꞌán, ya̱ saꞌ víꞌí káꞌ saꞌá rán maa.