2 Corintios 7:7 - Mixteco del suroeste de Tlaxiaco Oaxaca

⁷ Jee nsú kua̱chi ya̱ nkiji Tito núváꞌa iniꞌ ránꞌ, chisaꞌ suni nna̱saváꞌa re̱ꞌ iniꞌ ránuꞌuꞌ jie̱ꞌe̱ꞌ ya̱ núváꞌa iniꞌ re̱ꞌ jie̱ꞌe̱ꞌ ránoꞌó. Chi nna̱kani re̱ꞌ nu̱u̱nꞌ ránuꞌuꞌ ya̱ ñúꞌún víꞌí iniꞌ ránú kune̱ꞌyá tuku rán ránuꞌuꞌ, jín ya̱ ñúꞌún kuáchi iniꞌ ránú jie̱ꞌe̱ꞌ ya̱ nsa̱ꞌá ránú, jín jie̱ꞌe̱ꞌ ya̱ nániꞌvɨꞌ iniꞌ rán jie̱ꞌe̱ꞌ ránuꞌuꞌ. Jee saáva kúsɨ́ɨꞌ víꞌí ka̱ꞌ iniꞌ ánímaꞌ ni̱ꞌ.

2 Corintios 7:7 ပူးပေါင်းရင်းမြစ်များ

Mateo 26:75

Saájee nna̱ku̱ꞌun iniꞌ Pedro tu̱ꞌun ya̱ nkachiꞌ Jesús nu̱u̱nꞌ re̱ꞌ ya̱: “Ne̱ ntiáꞌan ka̱ꞌ kana stóꞌo, jee ya̱ uníꞌ íchí kachiꞌ nú ya̱ ntu̱ví jíníꞌ nú nuꞌuꞌ”, jee nkene re̱ꞌ chíkéꞌi, jee nnaꞌyuꞌ víꞌí re̱ꞌ ya̱ maa nnu̱kuíꞌyáꞌ iniꞌ re̱ꞌ.

Mateo 5:4

Na̱ ka̱ꞌ netuꞌ ka̱ꞌ kúvi rá ñɨvɨ ya̱ náꞌyúꞌ uúꞌ, chi nachuꞌun neí Ndiosíꞌ iniꞌ ráa.

Lucas 22:44

Jee núkuíꞌyá nasɨ́kuitɨꞌ iniꞌ re̱ꞌ jee saꞌ víꞌí ka̱ꞌ kua̱neí re̱ꞌ nxi̱níꞌin re̱ꞌ jíkánꞌ táꞌvíꞌ re̱ꞌ ka̱ꞌ. Jee rá ta̱a̱nꞌ re̱ꞌ nkenta nkuvi ráa kuéntáꞌ rá yúyú ni̱ñɨ̱ꞌ náꞌnú ya̱ tóo ráa nu̱u̱nꞌ ñu̱ꞌún.

Hechos 11:23

Sáá nkenta re̱ꞌ yukuán, niniꞌ re̱ꞌ ya̱ va̱ꞌa nsa̱ꞌá Ndiosíꞌ nu̱u̱nꞌ ráa chi ma̱ni̱ꞌ re̱ꞌ néꞌyá re̱ꞌ ráa. Jee nnusɨ̱ɨ̱ꞌ iniꞌ Bernabé. Jee nna̱chuꞌun neí re̱ꞌ iniꞌ ráa kukáñá víꞌí iniꞌ ánímaꞌ ráa ya̱ kuiñɨ na̱a̱ꞌ ráa jín I̱toꞌoꞌ‑ó.

Romanos 1:12

Sukuán saꞌá ni̱ꞌ sáva nachuneí‑ó iniꞌ ɨɨn inka rá táꞌán‑órán jie̱ꞌe̱ꞌ ya̱ maárán jín nuꞌuꞌ ɨɨn nuún ni kúneí iniꞌ‑ó Jesús.

1 Corintios 5:2

Jee súka̱ꞌ sukuán kúvi, jee ránoꞌó chi jiáni téyɨ́ɨ́ iniꞌ rán. ¿Á ntu váꞌa ka̱ꞌ retánꞌ jiáni iniꞌ rán tu̱ꞌun ñúkuíꞌyáꞌ iniꞌ, jín ya̱ tavaꞌ rán te̱e vá nteñu rán ya̱ nsa̱ꞌá tiñu yaꞌá résa?

2 Corintios 1:14

sánikua̱ꞌ ya̱ ña̱ku̱ꞌun iniꞌ rán sava. Chi maáráníꞌ kúvi jie̱ꞌe̱ꞌ kaꞌanꞌ téyɨ́ɨ́ ránú, sánikua̱ꞌ maáránú kúvi jie̱ꞌe̱ꞌ kaꞌanꞌ téyɨ́ɨ́ ráníꞌ ki̱vɨ̱ꞌ niji I̱toꞌoꞌ‑ó Jesús.

2 Corintios 1:4

Chi suvire̱ꞌ násaváꞌa re̱ꞌ iniꞌ‑ó nu̱u̱nꞌ nta̱ká rá tu̱nóꞌó nóꞌo‑ó, sáva suni maáó ranika̱ꞌ kuvi nasaváꞌa‑ó iniꞌ rá ñɨvɨ ya̱ nóꞌo rá na̱ni tu̱nóꞌó. Chi nasaváꞌa‑ó iniꞌ ráa sánikua̱ꞌ nna̱saváꞌa Ndiosíꞌ iniꞌ‑ó.

2 Corintios 2:9

Chi tutuꞌ vá ntee ni̱ꞌ nu̱u̱nꞌ rán jie̱ꞌe̱ꞌ tiñu yaꞌá, sáva kototúníꞌ ni̱ꞌ ránoꞌó sáva kuniꞌ ni̱ꞌ retú káníjiá rán nta̱ká tiñu nta̱túníꞌ ni̱ꞌ.

2 Corintios 5:2

Jee suni ni nééꞌ‑ó yaꞌá, ne̱ kéꞌen‑ó kue̱ka̱ꞌ, chi kúvi víꞌí iniꞌ‑ó naku̱ꞌun‑ó yɨkɨkúñu jiáá‑ó vá, ya̱ kúvi kuéntáꞌ veꞌi‑ó vá, ya̱ ni̱ꞌi̱nꞌ‑ó ne̱ antivɨ́ súkún ne̱ nu̱u̱nꞌ nééꞌ Ndiosíꞌ.

2 Corintios 7:6

Soo Ndiosíꞌ, ya̱ násaváꞌa re̱ꞌ iniꞌ rá ñɨvɨ ya̱ núkuéká iniꞌ ráa, jee nna̱saváꞌa re̱ꞌ iniꞌ ránꞌ sáá nkiji Tito.

2 Corintios 7:8

Jee tutuꞌ ya̱ ntaji ni̱ꞌ nu̱u̱nꞌ ránoꞌó, jee súka̱ꞌ nsa̱ꞌá‑a ya̱ nnu̱kuéká iniꞌ ránú, soo ntu ñúkuáchi iniꞌ ni̱ꞌ. Súka̱ꞌ nñukua̱chi iniꞌ ni̱ꞌ, nékúvi, chi jíníꞌ ni̱ꞌ ya̱ nnu̱kuéká iniꞌ rán ɨnúún ni.

2 Corintios 8:16

Soo kútaꞌviꞌ‑ó nu̱u̱nꞌ Ndiosíꞌ, ya̱ nsa̱ꞌá re̱ꞌ ya̱ nuún ñúꞌún káñá iniꞌ ánímaꞌ Tito jín nuꞌuꞌ jie̱ꞌe̱ꞌ ránoꞌó.

Filipenses 1:20

Ñúꞌún numíjiꞌíꞌ iniꞌ ni̱ꞌ jee íyó tu̱ꞌun neí iniꞌ ni̱ꞌ, ya̱ nkúkanuun ni̱ꞌ, jín ya̱ koo neí iniꞌ ni̱ꞌ vitan kuéntáꞌ sukuáni, sáva kuatíñú Ndiosíꞌ nuꞌuꞌ, sáva stúvi re̱ꞌ ya̱ kúñáꞌnú ví Cristo, vasúꞌ tékúꞌ ni̱ꞌ áxí vasúꞌ kuviꞌ ni̱ꞌ.

Colosenses 2:5

Chi súnika̱ꞌ íyó íká ni̱ꞌ nu̱u̱nꞌ rán, soo ñúꞌún víꞌí iniꞌ ni̱ꞌ ránoꞌó. Jee kúsɨ́ɨꞌ víꞌí iniꞌ ánímaꞌ ni̱ꞌ chi jíníꞌ ni̱ꞌ ya̱ nuún jiáꞌnu na̱a̱ꞌ rán, jín ya̱ íñɨ́ ni̱ꞌin rán kúneí iniꞌ rán Cristo.

1 Tesalonicenses 3:6

Soo ntañúꞌún jee, nnene Timoteo nu̱u̱nꞌ nééꞌ ránú nni̱kó re̱ꞌ nu̱u̱nꞌ ránuꞌuꞌ. Jee nna̱kani re̱ꞌ tu̱ꞌun váꞌa jie̱ꞌe̱ꞌ ya̱ kúneí i̱i̱ꞌ iniꞌ ránú Cristo, jee ñúnúunꞌ ɨɨn inka rán táꞌán rán. Jee nkachiꞌ re̱ꞌ ya̱ sukuáni jiáni ñunkúún iniꞌ rán jie̱ꞌe̱ꞌ ránuꞌuꞌ. Jee níyo iniꞌ rán ya̱ kune̱ꞌyá rán ránuꞌuꞌ, sáni níyo iniꞌ ránꞌ ya̱ kune̱ꞌyá ránꞌ ránoꞌó.

1 Tesalonicenses 3:8

Chi ntañúꞌún kuéntáꞌ retánꞌ nátekuꞌ ráníꞌ kúníꞌ ránꞌ, nu̱u̱nꞌ íñɨ́ ni̱ꞌin ránoꞌó jín I̱toꞌoꞌ‑ó.

Hebreos 2:1

Jee saáva, íyó kunenu̱u̱nꞌ‑ó saꞌ víꞌí káꞌ tu̱ꞌun Se̱ꞌya re̱ꞌ ya̱ nteso̱ꞌo‑ó, sáva ntu nusɨ́ɨ́n‑ó nu̱u̱nꞌ tu̱ꞌun vá.

Santiago 5:17

Elías nkuvi re̱ꞌ ɨɨn te̱e ɨɨn nuún antúníꞌ jín‑ó. Nñu̱káñá iniꞌ re̱ꞌ ni̱ka̱nꞌ táꞌvíꞌ re̱ꞌ nu̱u̱nꞌ Ndiosíꞌ ya̱ koto kúun sa̱vi̱ꞌ, jee ntu nkúun sa̱vi̱ꞌ nu̱u̱nꞌ ñuꞌun u̱ni̱ꞌ kui̱ya̱ꞌ jín i̱ñu̱ꞌ yo̱o̱ꞌ.

2 Juan 1:4

Kúsɨ́ɨꞌ víꞌí iniꞌ ánímaꞌ ni̱ꞌ, chi nku̱káꞌnú iniꞌ ni̱ꞌ ya̱ sava rá se̱ꞌya nú jíka ráa jín tu̱ꞌun na̱a̱ꞌ, sánikua̱ꞌ nta̱túníꞌ Tátáꞌ‑ó Ndiosíꞌ nu̱u̱nꞌ‑ó.

Judas 1:3

Ránoꞌó ñaniꞌ jín ku̱ꞌva ya̱ ñúnúunꞌ ni̱ꞌ, na̱ ka̱ꞌ kúvi iniꞌ ni̱ꞌ ya̱ tee ni̱ꞌ nu̱u̱nꞌ rán jie̱ꞌe̱ꞌ tu̱ꞌun ya̱ nátavaꞌ Ndiosíꞌ yó nu̱u̱nꞌ kua̱chi‑ó sikáku re̱ꞌ ránoꞌó jín suni nuꞌuꞌ ranika̱ꞌ. Soo jíniñúꞌún ni̱ꞌ ya̱ íyó tee ni̱ꞌ tutuꞌ nu̱u̱nꞌ ránoꞌó sáva nasáneí ni̱ꞌ iniꞌ rán sáva nama rán tu̱ꞌun Jesús ya̱ jínúꞌ iniꞌ‑órán sáva kino̱o kutú ninuꞌun tu̱ꞌun re̱ꞌ, chi ɨɨn íchíni nɨ́ɨ́nkání ntaji re̱ꞌ maa nu̱u̱nꞌ maáórán ya̱ nsa̱ꞌá sɨ́ɨ́n re̱ꞌ yó sáva kuvi‑ó ñɨvɨ maáréꞌ.