2 Corintios 7:14 - Mixteco del suroeste de Tlaxiaco Oaxaca

¹⁴ Chi sú sukuán nkaꞌanꞌ téyɨ́ɨ́ ni̱ꞌ nu̱u̱nꞌ re̱ꞌ jie̱ꞌe̱ꞌ ránoꞌó, ntu níyo tu̱nkánuun ni̱ꞌ. Chi sáni ntáká tu̱ꞌun ya̱ nkachiꞌ ráníꞌ nu̱u̱nꞌ ránoꞌó kúvi ya̱ naáꞌ, jee suni sukuán tu̱ꞌun ya̱ nna̱kani téyɨ́ɨ́ ráníꞌ nu̱u̱nꞌ Tito nkene na̱a̱ꞌ‑a.

2 Corintios 7:14 ပူးပေါင်းရင်းမြစ်များ

Juan 17:19

Jee yɨ́tíñú ni̱ꞌ nu̱u̱nꞌ noꞌó sáva kuvi ya̱ váꞌa nu̱u̱nꞌ ráa, sáva suni kúvi kɨtíñú ráa nu̱u̱nꞌ nú jie̱ꞌe̱ꞌ ya̱ naáꞌ.

2 Corintios 10:8

Chi nkóo tu̱ꞌun kánuun ni̱ꞌ, retú kaꞌanꞌ téyɨ́ɨ́ ni̱ꞌ ka̱ꞌ jie̱ꞌe̱ꞌ tiñu níso ráníꞌ ya̱ ntaji I̱toꞌoꞌ‑ó nu̱u̱nꞌ ránꞌ sáva sikújia ránꞌ iniꞌ ránoꞌó kuneí iniꞌ rán Cristo, jee nsú sáva xináánꞌ ránꞌ ránoꞌó.

2 Corintios 12:6

Chi retú kuíni ni̱ꞌ kaꞌanꞌ téyɨ́ɨ́ ni̱ꞌ jie̱ꞌe̱ꞌ maáníꞌ, soo nsú te̱e naanꞌ kúvi ni̱ꞌ, chi tu̱ꞌun na̱a̱ꞌ kachiꞌ ni̱ꞌ. Soo nsáꞌ kaꞌanꞌ téyɨ́ɨ́ ni̱ꞌ sáva nkáni iniꞌ ni ɨɨn ñɨvɨ ya̱ kúñáꞌnú ni̱ꞌ ka̱ꞌ nsú káꞌ na̱sa íyó ni̱ꞌ ya̱ kúvi néꞌyá ráa maa jie̱ꞌe̱ꞌ ya̱ sáꞌá ni̱ꞌ, áxí ya̱ tésóꞌo ráa ya̱ káchíꞌ ni̱ꞌ.

2 Corintios 2:13

Soo nku̱níní iniꞌ ánímaꞌ ni̱ꞌ, chi ntu nnániꞌinꞌ ni̱ꞌ ñaniꞌ‑ó Tito yukuán. Saájee nkaꞌanꞌ ntíꞌ jín rá ñɨvɨ ñuunꞌ Troas, jee kua̱ꞌa̱nꞌ ni̱ꞌ ichi rá ñuunꞌ tɨ́ɨn Macedonia.

2 Corintios 7:13

Saáva núváꞌa iniꞌ ráníꞌ. Núváꞌa iniꞌ ráníꞌ, soo saꞌ víꞌí káꞌ kúsɨ́ɨꞌ nasɨ́kuitɨꞌ iniꞌ ránꞌ ya̱ kúsɨ́ɨꞌ iniꞌ Tito, chi va̱ne̱ꞌ va̱ꞌa kúvi iniꞌ ánímaꞌ re̱ꞌ jie̱ꞌe̱ꞌ nta̱ká ránoꞌó.

2 Corintios 7:4

Jee káꞌánꞌ neí iniꞌ ni̱ꞌ jín ránoꞌó. Jee káꞌánꞌ téyɨ́ɨ́ ni̱ꞌ jie̱ꞌe̱ꞌ ránoꞌó. Chi núváꞌa iniꞌ ni̱ꞌ jee kúsɨ́ɨꞌ nasɨ́kuitɨꞌ iniꞌ ánímaꞌ ni̱ꞌ sú na̱sa ka̱ꞌ nta̱ká tu̱nóꞌó nóꞌo ráníꞌ.

2 Corintios 7:6

Soo Ndiosíꞌ, ya̱ násaváꞌa re̱ꞌ iniꞌ rá ñɨvɨ ya̱ núkuéká iniꞌ ráa, jee nna̱saváꞌa re̱ꞌ iniꞌ ránꞌ sáá nkiji Tito.

2 Corintios 8:24

Jee saáva stúvi rán nu̱u̱nꞌ rá te̱e vá ya̱ ñúnúunꞌ nijia rán rá ñɨvɨ Ndiosíꞌ, jee suꞌva stúvi rán na̱ jie̱ꞌe̱ꞌ kúvi ya̱ káꞌánꞌ téyɨ́ɨ́ ráníꞌ jie̱ꞌe̱ꞌ ránoꞌó jee suꞌva tu̱vi vá ichinúúnꞌ rá grupo ñɨvɨ kúneí iniꞌ ráa Cristo.

Filipenses 1:26

Suꞌva koo, sáva kutéyɨ́ɨ́ víꞌí rán ka̱ꞌ jie̱ꞌe̱ꞌ Cristo Jesús jie̱ꞌe̱ꞌ ya̱ nnoꞌo nuꞌuꞌ, sáá kantaꞌ ni̱ꞌ kuneeꞌ tuku ni̱ꞌ nteñu rán.

2 Tesalonicenses 1:4

Saáva ránuꞌuꞌ kúsɨ́ɨꞌ téyɨ́ɨ́ iniꞌ ráníꞌ káꞌánꞌ téyɨ́ɨ́ ránꞌ jie̱ꞌe̱ꞌ ránoꞌó nu̱u̱nꞌ rá grupo ñɨvɨ ya̱ kúneí iniꞌ ráa Ndiosíꞌ, chi kúníꞌin rán íñɨ́ ni̱ꞌin rán jee kúneí iniꞌ rán Jesús, sú jíto u̱ꞌvi̱ꞌ ñɨvɨ ránoꞌó jee nóꞌo rán tu̱nóꞌó ya̱ jiéꞌnéꞌ iniꞌ rán ya̱ nóꞌo rán.