2 Corintios 7:12 - Mixteco del suroeste de Tlaxiaco Oaxaca

¹² Saájee ntee ni̱ꞌ tutuꞌ vá nu̱u̱nꞌ rán, soo nsú kua̱chi jie̱ꞌe̱ꞌ ñɨvɨ vá ya̱ nsa̱ꞌá kua̱chi vá, jee ni nsú jie̱ꞌe̱ꞌ ñɨvɨ ya̱ nníꞌinꞌ‑i nnoꞌo‑o ya̱ níváꞌa vá. Chisaꞌ ntee ni̱ꞌ sáva ichinúúnꞌ Ndiosíꞌ túvi nu̱u̱nꞌ maárán ya̱ ñúꞌún káñá iniꞌ rán jie̱ꞌe̱ꞌ ránuꞌuꞌ.

2 Corintios 7:12 ပူးပေါင်းရင်းမြစ်များ

2 Corintios 11:11

¿Na̱ kuvi chi káꞌánꞌ ni̱ꞌ sukuán rúja? ¿Á ntu ñúnúunꞌ ni̱ꞌ ránoꞌó rúja? Jíníꞌ Ndiosíꞌ ya̱ ñúnúunꞌ ni̱ꞌ ránoꞌó.

2 Corintios 11:28

Jee sáá nóꞌo ni̱ꞌ rá tu̱nóꞌó vá, jee ni ki̱vɨ̱ꞌ ne̱ sávéi nuꞌuꞌ nániꞌvɨꞌ iniꞌ ni̱ꞌ jie̱ꞌe̱ꞌ nta̱ká rá grupo ñɨvɨ ya̱ kúneí iniꞌ ráa Jesús.

2 Corintios 2:17

Soo ránuꞌuꞌ, chi ntu̱ví núkú ránꞌ táváꞌ ránꞌ xu̱ꞌún jie̱ꞌe̱ꞌ Tu̱ꞌun Ndiosíꞌ, kuéntáꞌ sáꞌá kue̱ꞌe̱ꞌ rá te̱e, [jee ntu sáma ránꞌ maa]. Chisaꞌ jíníꞌ Ndiosíꞌ ya̱ saɨn ñúꞌún iniꞌ ránꞌ káchíꞌ ránꞌ tu̱ꞌun re̱ꞌ, chi maá Ndiosíꞌ ví ya̱ nta̱jí re̱ꞌ ránuꞌuꞌ ya̱ stékútu̱ꞌún ránꞌ tu̱ꞌun re̱ꞌ. Jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo káchíꞌ ránꞌ tu̱ꞌun re̱ꞌ.

2 Corintios 2:9

Chi tutuꞌ vá ntee ni̱ꞌ nu̱u̱nꞌ rán jie̱ꞌe̱ꞌ tiñu yaꞌá, sáva kototúníꞌ ni̱ꞌ ránoꞌó sáva kuniꞌ ni̱ꞌ retú káníjiá rán nta̱ká tiñu nta̱túníꞌ ni̱ꞌ.

2 Corintios 7:8

Jee tutuꞌ ya̱ ntaji ni̱ꞌ nu̱u̱nꞌ ránoꞌó, jee súka̱ꞌ nsa̱ꞌá‑a ya̱ nnu̱kuéká iniꞌ ránú, soo ntu ñúkuáchi iniꞌ ni̱ꞌ. Súka̱ꞌ nñukua̱chi iniꞌ ni̱ꞌ, nékúvi, chi jíníꞌ ni̱ꞌ ya̱ nnu̱kuéká iniꞌ rán ɨnúún ni.

1 Timoteo 3:5

(Retú néni ɨɨn te̱e ntu jíníꞌ‑i kosoꞌ‑o nu̱u̱nꞌ táꞌán veꞌi maáa, ¿na̱sa kuvi kuneen kuéntáꞌ re̱ꞌ ɨɨn grupo rá ñɨvɨ kúneí iniꞌ ráa Ndiosíꞌ rúsa?)