2 Corintios 6:7 - Mixteco del suroeste de Tlaxiaco Oaxaca

⁷ jín jie̱ꞌe̱ꞌ káꞌánꞌ ránꞌ ya̱ naáꞌ, jín jie̱ꞌe̱ꞌ sátíñú fuersáꞌ ííꞌ Ndiosíꞌ jín ránuꞌuꞌ, jín jie̱ꞌe̱ꞌ jiáꞌnu na̱a̱ꞌ ránꞌ nu̱u̱nꞌ Ndiosíꞌ, jín jie̱ꞌe̱ꞌ ya̱ ntaji Ndiosíꞌ nu̱u̱nꞌ ránꞌ sáva saꞌá ránꞌ tiñu na̱a̱ꞌ sáva nama ránꞌ tu̱ꞌun na̱a̱ꞌ kuáꞌá sátín.

2 Corintios 6:7 ပူးပေါင်းရင်းမြစ်များ

2 Corintios 4:2

Jee jíníi̱yo ráníꞌ sáꞌá ránꞌ rá tiñu yɨ́séꞌí ya̱ kúvi tu̱ꞌun kánuun sáꞌá ñɨvɨ. Jee ni ntu̱ví jíka ránꞌ jín tiñu máñáꞌ. Jee ni ntu̱ví sáma ránꞌ sáá káꞌánꞌ Tu̱ꞌun Ndiosíꞌ. Chisaꞌ stúvi nijinꞌ ránꞌ tu̱ꞌun na̱a̱ꞌ Ndiosíꞌ, jee sukuán nákutíñú rán jie̱ꞌe̱ꞌ maáránꞌ sáva kuniꞌ nta̱ká rá ñɨvɨ ne̱ ánímaꞌ ráa ya̱ na̱a̱ꞌ íyó ránꞌ. Jee jíníꞌ maá Ndiosíꞌ ya̱ na̱a̱ꞌ íyó ránꞌ.

2 Timoteo 2:15

Nunasɨ́ nú sáva kene na̱a̱ꞌ tiñu sáꞌá nú nu̱u̱nꞌ Ndiosíꞌ, ya̱ ntu íyó kukanuun nú, chi xínéꞌénꞌ na̱a̱ꞌ nú tu̱ꞌun na̱a̱ꞌ re̱ꞌ.

Santiago 1:18

Jee ña̱tíñú re̱ꞌ tu̱ꞌun na̱a̱ꞌ re̱ꞌ, sáva saꞌá re̱ꞌ ya̱ nakaku‑ó ya̱ kuvi‑ó se̱ꞌya re̱ꞌ, sáni kuíni re̱ꞌ. Nsa̱ꞌá re̱ꞌ suꞌva sáva kuvi‑ó rá se̱ꞌya xíꞌnañúꞌún ya̱ ña̱ko̱so̱ꞌ nu̱u̱nꞌ kue̱ꞌe̱ꞌ ka̱ꞌ se̱ꞌya re̱ꞌ, ya̱ va̱ji nu̱u̱nꞌ rá ñɨvɨ ya̱ nsa̱ꞌá re̱ꞌ.

2 Timoteo 4:7

Nnu̱nasɨ́ ni̱ꞌ nka̱ntáꞌán ni̱ꞌ nu̱u̱nꞌ tiñu váꞌa re̱ꞌ. Jee kuéntáꞌ te̱e jínu va̱ꞌa carrera, nku̱neí ni̱ꞌ nsi̱jínu ni̱ꞌ ya̱ nsi̱kúnkuvi ni̱ꞌ ne̱ nu̱u̱nꞌ nɨ́ꞌɨ tiñu ya̱ ntaji Ndiosíꞌ nu̱u̱nꞌ ni̱ꞌ. Jee nnikɨnꞌ ni̱ꞌin ni̱ꞌ tu̱ꞌun kúneí iniꞌ‑ó.

1 Tesalonicenses 5:8

Soo maáó ya̱ kúvi‑ó se̱ꞌya nuví nu̱u̱nꞌ nijínꞌ, jee íyó kuꞌun kájí iniꞌ‑ó, jee kuneí iniꞌ‑ó Jesús jee kunu̱u̱nꞌ‑ó ɨɨn inka‑ó. Suꞌva nama‑ó maáó sáva ntu xínáꞌví ñɨvɨ yó, kuéntáꞌ nákúꞌun ɨɨn soldado saꞌma nama‑a maáa. Jee íyó tu̱neí iniꞌ‑ó ya̱ nanitáꞌvíꞌ‑ó. Suꞌva nama‑ó antúníꞌ‑ó, kuéntáꞌ nákúꞌun ɨɨn soldado ti̱kokoꞌ ka̱a sáva nama‑a xi̱ni̱ꞌ‑i.

Efesios 3:20

Jee vitan jee na̱ ka̱ꞌ viiꞌ nasɨ́kuitɨꞌ kúñáꞌnú Ndiosíꞌ ka̱ꞌ ya̱ níso re̱ꞌ fuersáꞌ ííꞌ ya̱ kúvi saꞌá re̱ꞌ ntáká tiñu ya̱ ntántúníꞌ nasɨ́kuitɨꞌ ka̱ꞌ nsú káꞌ nɨꞌɨ rá jíkánꞌ‑ó áxí rá jiáni iniꞌ‑ó. Jee sáꞌá re̱ꞌ sukuán sáni íyó fuersáꞌ ííꞌ re̱ꞌ ya̱ sátíñú‑u iniꞌ‑ó.

2 Corintios 13:4

Chi máá naáꞌ nijia ya̱ níꞌiꞌ re̱ꞌ nu̱u̱nꞌ kurúsiꞌ jie̱ꞌe̱ꞌ ña̱netuꞌ re̱ꞌ ya̱ ntayaꞌ iniꞌ re̱ꞌ. Soo vitan fuersáꞌ ííꞌ níꞌin níso Ndiosíꞌ sáꞌá‑a ya̱ tékúꞌ re̱ꞌ. Jee suni sukuán táyáꞌ iniꞌ ráníꞌ kuéntáꞌ Cristo jie̱ꞌe̱ꞌ yɨ́ꞌɨ́ ránꞌ nu̱u̱nꞌ re̱ꞌ, soo suni kutekuꞌ ránꞌ jín re̱ꞌ sáꞌá fuersáꞌ ííꞌ níso Ndiosíꞌ ya̱ táji re̱ꞌ nu̱u̱nꞌ ránꞌ sáva saꞌá ránꞌ tiñu re̱ꞌ nu̱u̱nꞌ ránú.

Efesios 1:13

Jee sunisaá ránoꞌó, yɨ́ꞌɨ́ rán nu̱u̱nꞌ Cristo sáá niniso̱ꞌo rán tu̱ꞌun jie̱ꞌe̱ꞌ ya̱ naáꞌ, ya̱ kúvi tu̱ꞌun váꞌa ya̱ sikáku re̱ꞌ ránoꞌó nu̱u̱nꞌ kua̱chi rán, jee nku̱neí iniꞌ rán Cristo. Jee saáva ntaji Ndiosíꞌ Ta̱chi̱ꞌ Ííꞌ re̱ꞌ, yɨ́ꞌɨ́‑ɨ iniꞌ ánímaꞌ‑ó, ya̱ nchi̱sóyuꞌú re̱ꞌ taji re̱ꞌ maa. Ta̱chi̱ꞌ Ííꞌ re̱ꞌ vá kúvi ɨɨn seyúꞌ ya̱ stúvi‑i ya̱ naáꞌ ya̱ kúvi rán se̱ꞌya re̱ꞌ.

2 Corintios 7:14

Chi sú sukuán nkaꞌanꞌ téyɨ́ɨ́ ni̱ꞌ nu̱u̱nꞌ re̱ꞌ jie̱ꞌe̱ꞌ ránoꞌó, ntu níyo tu̱nkánuun ni̱ꞌ. Chi sáni ntáká tu̱ꞌun ya̱ nkachiꞌ ráníꞌ nu̱u̱nꞌ ránoꞌó kúvi ya̱ naáꞌ, jee suni sukuán tu̱ꞌun ya̱ nna̱kani téyɨ́ɨ́ ráníꞌ nu̱u̱nꞌ Tito nkene na̱a̱ꞌ‑a.

Hebreos 2:4

Jee stúvi maá Ndiosíꞌ ya̱ naáꞌ ví tu̱ꞌun vá. Chi nsa̱ꞌá re̱ꞌ ya̱ saꞌá rá te̱e vá rá seña, jín tiñu ñáꞌnú ya̱ tívɨ́ xíniꞌ‑ó, jín kéꞌín nu̱u̱nꞌ a̱nasɨ́, ya̱ stúvi ya̱ naáꞌ ví tu̱ꞌun vá. Jee suni ntaji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ ta ɨɨn ɨɨn‑órán, sáva saꞌá‑a ya̱ kuvi saꞌá‑ó sɨ́ɨ́n sɨ́ɨ́n tiñu re̱ꞌ, sánikua̱ꞌ kuíni maáréꞌ.

Colosenses 1:5

Jiáꞌnu rán suꞌva chi jie̱ꞌe̱ꞌ ni ka̱ꞌ íyó tu̱ꞌun neí iniꞌ rán ni̱ꞌi̱nꞌ rán ta̱ꞌvi̱ꞌ ya̱ nanitáꞌvíꞌ rán ya̱ ñúꞌún va̱ꞌa ne̱ ñuunꞌ íyó súkún nu̱u̱nꞌ íyó Ndiosíꞌ. Jie̱ꞌe̱ꞌ ta̱ꞌvi̱ꞌ vá ví ya̱ ya nteso̱ꞌo rán nu̱u̱nꞌ tu̱ꞌun na̱a̱ꞌ, ya̱ kúvi tu̱ꞌun váꞌa jie̱ꞌe̱ꞌ Cristo, naní evangelio.

Efesios 4:21

Chi retú máá naáꞌ nijia ya̱ nteso̱ꞌo rán tu̱ꞌun Cristo, jee nxi̱néꞌénꞌ ñɨvɨ nu̱u̱nꞌ rán sáni ya̱ naáꞌ ya̱ kúvi tu̱ꞌun Cristo,

1 Corintios 1:24

Soo ntáká rá ñɨvɨ ya̱ nkana Ndiosíꞌ kɨꞌɨ ráa naꞌá re̱ꞌ jee ínúꞌ iniꞌ ráa Cristo, va̱ni kúvi ráa ñɨvɨ ñuunꞌ Israel, áxí va̱ni ñɨvɨ ntu kúvi ñuunꞌ Israel, jee nu̱u̱nꞌ ráa tu̱ꞌun jie̱ꞌe̱ꞌ Cristo kúvi‑i fuersáꞌ ííꞌ níꞌin níso Ndiosíꞌ ya̱ sátíñú re̱ꞌ jín‑i jín tu̱ꞌun níchí re̱ꞌ.

Hechos 11:21

Jee nchi̱neí I̱toꞌoꞌ‑ó rá te̱e vá, jee kue̱ꞌe̱ꞌ víꞌí ñɨvɨ nku̱neí iniꞌ ráa Jesús, jee nna̱kani iniꞌ ráa ichi ráa, sáva ki̱vɨ ráa nu̱u̱nꞌ I̱toꞌoꞌ‑ó.

Marcos 16:20

Jee nke̱i̱chí rá te̱e vá, jee nɨ́ɨ́n nste̱kútu̱ꞌún ráa tu̱ꞌun váꞌa Jesús, jee nchi̱neí maá I̱toꞌoꞌ‑ó ráa, jee nstúvi re̱ꞌ ya̱ naáꞌ ví tu̱ꞌun vá jín seña ííꞌ a̱nasɨ́ nsa̱ꞌá re̱ꞌ. Saá koo. Amén.]

2 Corintios 2:17

Soo ránuꞌuꞌ, chi ntu̱ví núkú ránꞌ táváꞌ ránꞌ xu̱ꞌún jie̱ꞌe̱ꞌ Tu̱ꞌun Ndiosíꞌ, kuéntáꞌ sáꞌá kue̱ꞌe̱ꞌ rá te̱e, [jee ntu sáma ránꞌ maa]. Chisaꞌ jíníꞌ Ndiosíꞌ ya̱ saɨn ñúꞌún iniꞌ ránꞌ káchíꞌ ránꞌ tu̱ꞌun re̱ꞌ, chi maá Ndiosíꞌ ví ya̱ nta̱jí re̱ꞌ ránuꞌuꞌ ya̱ stékútu̱ꞌún ránꞌ tu̱ꞌun re̱ꞌ. Jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo káchíꞌ ránꞌ tu̱ꞌun re̱ꞌ.