2 Corintios 6:3 - Mixteco del suroeste de Tlaxiaco Oaxaca

³ Jee ni ntu̱náꞌ sáꞌá ráníꞌ sáva ntu xinínkava ránꞌ ñɨvɨ sáva ntu kasɨꞌ ránꞌ tɨɨn ráa Tu̱ꞌun Ndiosíꞌ, sáva nku̱ví chikua̱chi ráa si̱kɨ̱ꞌ tiñu sáꞌá ránꞌ nu̱u̱nꞌ Ndiosíꞌ.

2 Corintios 6:3 ပူးပေါင်းရင်းမြစ်များ

Mateo 17:27

Soo sáva ntu chuníní‑ó iniꞌ ráa, saáva kuáꞌán yúnteñúꞌún, jee sikéne yoꞌo núꞌníꞌ ka̱a lúlí ya̱ tɨ́ɨn tia̱ká nu̱u̱nꞌ nute, jee tia̱ká xíꞌnañúꞌún ya̱ tɨɨn ka̱a vá, jee tavaꞌ ti̱ꞌ, jee nikaꞌ nú yuꞌú ti̱ꞌ, jee yukuán naniꞌinꞌ nú ɨɨn xu̱ꞌún, jee tɨɨn maa chunáán nú nu̱u̱nꞌ rá te̱e vá, sáva kasɨꞌ nú nu̱u̱nꞌ nuꞌuꞌ jín nu̱u̱nꞌ noꞌó ―nkachiꞌ Jesús.

Mateo 18:6

’Ré íyó su̱chí lúlí suꞌva ya̱ kúneí iniꞌ‑i nuꞌuꞌ, jee néni ɨɨn ñɨvɨ ya̱ xinínkava ɨɨn rá su̱chí lúlí vá xinóo‑o ichi nuꞌuꞌ, jee íyó va̱ꞌa ka̱ꞌ ré kuꞌniꞌ su̱ku̱nꞌ ñɨvɨ vá nu̱u̱nꞌ ɨɨn yu̱u̱ꞌ molínúꞌ máá káꞌnú ya̱ síkótíyu burrúꞌ maa jee sikéi ráa ñɨvɨ vá nu̱u̱nꞌ nteñúꞌún.

Hechos 19:27

Jee íyó tu̱ꞌun yúꞌví ya̱ kuichi iniꞌ rá ñɨvɨ tiñu sáꞌá‑ó. Jee nsú kua̱chi tiñu sáꞌá‑ó, chi suni ntu̱náꞌ kɨya̱ꞌvi ka̱ꞌ maá veñu̱ꞌun Artemisa nu̱u̱nꞌ rá ñɨvɨ. Ndiosáꞌ máá ñáꞌnú ví ña. Jee suni ntu̱náꞌ kɨya̱ꞌvi ña nu̱u̱nꞌ ráa. Suviña ví ya̱ néñu̱ꞌun nɨꞌɨ rá ñɨvɨ Asia jín nɨꞌɨ ñɨ̱vɨ́.

Romanos 14:13

Saáva koto síjíta rán ka̱ꞌ jie̱ꞌe̱ꞌ ɨɨn inka‑ó, chisaꞌ va̱ꞌa ka̱ꞌ ya̱ kani iniꞌ rán ya̱ koto sáꞌá rán ni ɨɨn tiñu niváꞌa ya̱ sikíninkava‑a rá ñanitáꞌán rán jee saꞌá ráa kua̱chi.

1 Corintios 9:12

Jee retú íyó inka ñɨvɨ ya̱ íyó ni̱ꞌi̱nꞌ ráa nu̱u̱nꞌ rán ya̱ kutekuꞌ ráa jie̱ꞌe̱ꞌ xínéꞌénꞌ ráa ránoꞌó, saájee saꞌ víꞌí ka̱ꞌ íyó ni̱ꞌi̱nꞌ ráníꞌ nu̱u̱nꞌ ránoꞌó ya̱ kutekuꞌ ránꞌ résa. Soo ntu níkánꞌ ráníꞌ ya̱ taji ránú nu̱u̱nꞌ ránuꞌuꞌ ya̱ íyó ni̱ꞌi̱nꞌ ráníꞌ, chisaꞌ jiéꞌnéꞌ iniꞌ ránꞌ nɨꞌɨ, sáva ntu kasɨꞌ ránꞌ sikúténuun ránꞌ ka̱ꞌ tu̱ꞌun váꞌa jie̱ꞌe̱ꞌ Cristo.

1 Corintios 9:22

Jee sáá nééꞌ ni̱ꞌ jín rá ñaniꞌ‑ó ya̱ táyáꞌ iniꞌ tu̱jiáni iniꞌ ráa jie̱ꞌe̱ꞌ ya̱ ntiáꞌan kujia iniꞌ ráa nu̱u̱nꞌ Tu̱ꞌun Ndiosíꞌ, jee suni sukuán jiáꞌnu ni̱ꞌ sáni jiáꞌnu maáráa ya̱ táyáꞌ iniꞌ, sáva ni̱ꞌi̱nꞌ ni̱ꞌ ya̱ sijínúꞌ ni̱ꞌ iniꞌ ráa tu̱ꞌun vá. Jee sukuán násaꞌá ni̱ꞌ maáníꞌ, chi jiáꞌnu ni̱ꞌ sánikua̱ꞌ jiáꞌnu ntáká nu̱u̱nꞌ ñɨvɨ, sáva sú na̱ja ka̱ꞌ kuneí sijínúꞌ ni̱ꞌ iniꞌ sava ráa ji̱nu̱ꞌ iniꞌ ráa Jesús jee natavaꞌ re̱ꞌ ráa nu̱u̱nꞌ kua̱chi ráa sikáku re̱ꞌ ráa.

2 Corintios 1:12

Suꞌva káꞌánꞌ téyɨ́ɨ́ ráníꞌ, ya̱ ne̱ ánímaꞌ ránꞌ jíníꞌ ránꞌ ya̱, ñaꞌnu na̱a̱ꞌ ránꞌ jee saɨn ni̱yo iniꞌ ránꞌ ñaꞌnu ránꞌ jín rá ñɨvɨ ñɨ̱vɨ́ yaꞌá, sáni kuíni Ndiosíꞌ. Jee víꞌí káꞌ jíníꞌ ránꞌ ya̱ nsa̱ꞌá ránꞌ sukuán nu̱u̱nꞌ ránoꞌó. Chi ntu ñáꞌnu ránꞌ sáni ya̱ níchí xíniꞌ maáránꞌ, chisaꞌ chíneí chituvi Ndiosíꞌ ránuꞌuꞌ saꞌá ránꞌ sukuán, chi íyó mániꞌ iniꞌ re̱ꞌ néꞌyá re̱ꞌ ránuꞌuꞌ.

2 Corintios 8:20

Jee suꞌva ntu jiáꞌa ránꞌ chikua̱chi néni ɨɨn ñɨvɨ si̱kɨ̱ꞌ ránuꞌuꞌ, jie̱ꞌe̱ꞌ na̱ja sátíñú ránꞌ jín kue̱ꞌe̱ꞌ víꞌí ya̱ tétáꞌán ránú.