2 Corintios 5:9 - Mixteco del suroeste de Tlaxiaco Oaxaca

⁹ Jee saáva va̱ne̱ꞌ ñúꞌún iniꞌ‑ó kueꞌnu‑ó sánikua̱ꞌ kúváꞌa iniꞌ re̱ꞌ néꞌyá re̱ꞌ sáá sáꞌá‑ó, va̱ni íyó‑ó iniꞌ veꞌi‑ó ya̱ kúvi yɨkɨkúñu‑ó yaꞌá, áxí va̱ni retú sú káꞌ ya̱ nkene‑ó kɨ̱ꞌɨ̱nꞌ‑ó kuneeꞌ‑ó jín re̱ꞌ.

2 Corintios 5:9 ပူးပေါင်းရင်းမြစ်များ

Génesis 4:7

Retánꞌ ya̱ váꞌa saꞌá nú, ¿á ntu íyó nuva̱ꞌa iniꞌ nú rúja? Soo retú ntu saꞌá nú ya̱ váꞌa jee íyó yatin kua̱chi jín nú kuéntáꞌ íñɨ́‑ɨ yuvéꞌí nú níyo iniꞌ‑i néꞌyá‑a nó kosoꞌ‑o nó, soo íyó kuneí nú kajiaꞌ nú kua̱chi vá.”

Juan 6:27

Koto nániꞌvɨꞌ iniꞌ rán jie̱ꞌe̱ꞌ ya̱ yájíꞌ ya̱ tívɨ́. Chisaꞌ naniꞌvɨꞌ iniꞌ rán ni̱ꞌi̱nꞌ rán kuéntáꞌ ɨɨn ya̱ yájíꞌ ya̱ íyó nɨ́ɨ́nkání ya̱ sáꞌá‑a ya̱ kutekuꞌ rán nɨ́ɨ́nkání jín Ndiosíꞌ. Yaꞌá vá taji ni̱ꞌ nu̱u̱nꞌ ránoꞌó, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, chi Tátáꞌ ni̱ꞌ Ndiosíꞌ nstúvi re̱ꞌ nu̱u̱nꞌ ñɨvɨ ya̱ ñani re̱ꞌ nuꞌuꞌ kuniso ni̱ꞌ tiñu vá sáva nakuniꞌ ñɨvɨ níso ni̱ꞌ tiñu vá.

Hechos 10:35

Soo íyó mániꞌ re̱ꞌ néꞌyá re̱ꞌ ñɨvɨ ntáká ñuunꞌ, ya̱ ñúyúꞌví iniꞌ ráa re̱ꞌ, jín ya̱ jiáꞌnu na̱a̱ꞌ ráa.

Romanos 14:18

Chi ñɨvɨ ya̱ sukuán yɨ́tíñú‑u nu̱u̱nꞌ Cristo, jee kúváꞌa iniꞌ Ndiosíꞌ néꞌyá re̱ꞌ maa, jee kúváꞌa iniꞌ rá inka ñɨvɨ jie̱ꞌe̱ꞌ ya̱ sáꞌá‑a.

Romanos 14:8

Chi retú tékúꞌ‑ó, jee tékúꞌ‑ó sáva kueꞌnu‑ó kɨtíñú‑ó nu̱u̱nꞌ I̱toꞌoꞌ‑ó. Jee retú kuviꞌ‑ó, jee kueꞌnu‑ó kɨtíñú‑ó nu̱u̱nꞌ I̱toꞌoꞌ‑ó sáá kuviꞌ‑ó. Saáva retú kutekuꞌ‑ó, áxí retú kuviꞌ‑ó, yɨ́ꞌɨ́‑ó nu̱u̱nꞌ I̱toꞌoꞌ‑ó.

Romanos 15:20

Jee sukuán nnu̱nasɨ́ ni̱ꞌ nkachitu̱ꞌún ni̱ꞌ tu̱ꞌun re̱ꞌ nu̱u̱nꞌ ntiáꞌan teso̱ꞌo rá ñɨvɨ jie̱ꞌe̱ꞌ Cristo, sáva ntu kívɨ ni̱ꞌ nu̱u̱nꞌ ya̱ ya stékútu̱ꞌún inka te̱e tu̱ꞌun Cristo.

1 Corintios 15:58

Jee saáva ránoꞌó ñaniꞌ jín ku̱ꞌva maáníꞌ ya̱ ñúnúunꞌ ni̱ꞌ, kuiñɨ ni̱ꞌin rán jín ya̱ yɨ́táꞌán kunikɨnꞌ rán Cristo, sukuáni sáꞌá rán ka̱ꞌ tiñu I̱toꞌoꞌ‑ó. Chi jíníꞌ rán ya̱ ntu sátíñú ka̱ꞌá rán jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó.

2 Corintios 5:6

Jee saáva, sukuáni ne̱ yuchí kúneí iniꞌ‑ó yaꞌá, jee jíníꞌ‑ó ya̱ ni íyó‑ó iniꞌ veꞌi‑ó yaꞌá, ya̱ kúvi yɨkɨkúñu‑ó, jee íyó íká‑ó nu̱u̱nꞌ kuneeꞌ‑ó kune̱ꞌyá jínúunꞌ máá maáó nu̱u̱nꞌ I̱toꞌoꞌ‑ó.

2 Corintios 5:8

Soo ne̱ yuchí kúneí iniꞌ‑ó Ndiosíꞌ, jee kée ka̱ꞌ kene‑ó veꞌi‑ó yaꞌá, ya̱ kúvi yɨkɨkúñu‑ó, jee kɨ̱ꞌɨ̱nꞌ‑ó nu̱u̱nꞌ kuneeꞌ‑ó jín I̱toꞌoꞌ‑ó.

Efesios 1:6

Saáva jie̱ꞌe̱ꞌ vá íyó nakuetúꞌún‑ó Ndiosíꞌ ya̱ viiꞌ kúñáꞌnú re̱ꞌ jie̱ꞌe̱ꞌ ya̱ na̱ ka̱ꞌ vá íyó mániꞌ iniꞌ re̱ꞌ jín yó jee nsi̱kútaꞌviꞌ saɨn re̱ꞌ ya̱ váꞌa nu̱u̱nꞌ‑ó, jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, ya̱ ñúnúunꞌ re̱ꞌ maa.

Colosenses 1:10

Suꞌva jíkánꞌ táꞌvíꞌ ránꞌ nu̱u̱nꞌ Ndiosíꞌ, sáva kaka na̱a̱ꞌ rán sánikua̱ꞌ íyó kueꞌnu ñɨvɨ ya̱ yɨ́ꞌɨ́ ráa nu̱u̱nꞌ I̱toꞌoꞌ‑ó, sáva suꞌva sukuáni kuva̱ꞌa iniꞌ re̱ꞌ kune̱ꞌyá re̱ꞌ na̱sa jíka rán. Jee suꞌva saꞌá rán nta̱ká tiñu váꞌa, kuéntáꞌ ɨɨn yutun jiáꞌa ya̱ vixíꞌ váꞌa. Jee kukueꞌeꞌ ka̱ꞌ kukáꞌnú noo iniꞌ rán na̱sa iniꞌ Ndiosíꞌ.

Colosenses 1:29

Jee saáva núnasɨ́ ni̱ꞌ saꞌá ni̱ꞌ fesáꞌ saꞌá ni̱ꞌin ni̱ꞌ tiñu yaꞌá, jie̱ꞌe̱ꞌ ya̱ sátíñú ni̱ꞌin Cristo iniꞌ nuꞌuꞌ, jín fuersáꞌ níso re̱ꞌ.

1 Tesalonicenses 4:1

Jee ntañúꞌún kaꞌanꞌ ráníꞌ jie̱ꞌe̱ꞌ inka ka̱ꞌ tiñu. Ránoꞌó, ñaniꞌ jín ku̱ꞌva, jee jie̱ꞌe̱ꞌ yɨ́ꞌɨ́ ráníꞌ nu̱u̱nꞌ I̱toꞌoꞌ‑ó Jesús jee jíkánꞌ táꞌvíꞌ ránꞌ nu̱u̱nꞌ ránoꞌó jee xíníꞌvɨ́ꞌ ránꞌ iniꞌ ránoꞌó, ya̱ kukueꞌeꞌ víꞌí ka̱ꞌ kaka rán sánikua̱ꞌ nxi̱néꞌénꞌ ránꞌ ránoꞌó na̱sa íyó kaka rán sáva kuva̱ꞌa iniꞌ Ndiosíꞌ kune̱ꞌyá re̱ꞌ na̱sa jíka rán, sánikua̱ꞌ ya jiáꞌnu rán.

1 Tesalonicenses 4:11

Jee nakeni rán kuneeꞌ ñunkúún rán. Jee jitú iniꞌ rán tiñu sáꞌá maárán. Jee satíñú rán sáva koto rán maárán. Íyó saꞌá rán yaꞌá sáni ya̱ nta̱túníꞌ ránꞌ nu̱u̱nꞌ ránoꞌó.

1 Timoteo 4:10

Chi jie̱ꞌe̱ꞌ yaꞌá sátíñú ni̱ꞌin‑ó jee núnasɨ́‑ó sátíñú‑ó, chi njia̱ꞌa‑ó tu̱neí iniꞌ‑ó Ndiosíꞌ ya̱ tékúꞌ. Jee suvire̱ꞌ ví ya̱ kúvi saꞌá re̱ꞌ ya̱ kúvi natavaꞌ re̱ꞌ nta̱ká ñɨvɨ nu̱u̱nꞌ kua̱chi ráa xinánitáꞌvíꞌ re̱ꞌ ráa. Jee sáni máá rá ñɨvɨ ya̱ ínúꞌ iniꞌ ráa Cristo ví ya̱ sáꞌá re̱ꞌ ya̱ nanitáꞌvíꞌ ráa.

Hebreos 12:28

Jee nu̱u̱nꞌ ni̱ꞌi̱nꞌ‑ó ɨɨn ñuunꞌ táji Ndiosíꞌ nu̱u̱nꞌ‑ó nu̱u̱nꞌ tátúníꞌ re̱ꞌ nu̱u̱nꞌ‑ó ya̱ ntu kúvi kajiaꞌ‑a chi ya̱ íyó kutú‑u, jee saáva íyó nakuatáꞌví‑ó re̱ꞌ, jee jie̱ꞌe̱ꞌ vá kɨtíñú‑ó nu̱u̱nꞌ re̱ꞌ kɨñúꞌún‑ó nu̱u̱nꞌ re̱ꞌ jín ya̱ kuꞌun yúꞌví iniꞌ‑ó re̱ꞌ sáni kúváꞌa iniꞌ re̱ꞌ néꞌyá re̱ꞌ maa.

Hebreos 4:11

Saáva íyó nunasɨ́‑ó ki̱vɨ‑ó nu̱u̱nꞌ najia̱ví‑ó sáni nna̱jia̱ví re̱ꞌ, sáva ni ɨɨn‑ó ntu kininkava‑a saꞌá‑a kua̱ꞌ nsa̱ꞌá rá ñɨvɨ vá ya̱ ntu nka̱níjiá ráa.

2 Pedro 3:14

Saáva ránoꞌó ya̱ ñúnúunꞌ ni̱ꞌ, jee ni nétu rán ya̱ kiji ntáká rá tiñu yaꞌá, jee kuniꞌvɨꞌ iniꞌ rán nikó néí rán ya̱ kino̱o noo ánímaꞌ rán jee ntu̱náꞌ kua̱chi kuniso ka̱ꞌ ánímaꞌ rán, jee kuniꞌ re̱ꞌ ya̱ ne̱ va̱ꞌa koo ntáká rán jín re̱ꞌ, sáá nenta re̱ꞌ.