2 Corintios 5:1 - Mixteco del suroeste de Tlaxiaco Oaxaca

¹ Chi jíníꞌ‑ó ya̱ yɨkɨkúñu‑ó ya̱ kúmí‑ó iniꞌ ñɨ̱vɨ́ yaꞌá, jee kúvi‑i kuéntáꞌ ɨɨn vesayo ya̱ jiánaanꞌ. Soo jíníꞌ‑ó ya̱ sáá kɨ̱naanꞌ‑a, jee natají Ndiosíꞌ ɨɨn yɨkɨkúñu jiáá nu̱u̱nꞌ‑ó ya̱ koo nɨ́ɨ́nkání. Jee yukuán kúvi kuéntáꞌ ɨɨn veꞌi jee íyó‑o ñuunꞌ íyó antivɨ́ súkún. Soo ntu̱ví kúvi‑i ɨɨn veꞌi ya̱ sáꞌá ñɨvɨ jín naꞌá‑a, chi maá Ndiosíꞌ nsa̱ꞌá maa.

2 Corintios 5:1 ပူးပေါင်းရင်းမြစ်များ

Génesis 3:19

Ne̱ kene ta̱a̱nꞌ nu̱u̱nꞌ nú satíñú yɨ́ɨ́ nú sáva ni̱ꞌi̱nꞌ nú tataꞌ kéne nu̱u̱nꞌ ñu̱ꞌún kajiꞌ nú. Suꞌva saꞌá nú ne̱kua̱ꞌ kuviꞌ nú jee nikó nú nu̱u̱nꞌ ñu̱ꞌún. Chi nu̱u̱nꞌ ñu̱ꞌún ntavaꞌ ni̱ꞌ noꞌó. Ti̱ka̱cha̱a̱ꞌ kúvi nú jee ti̱ka̱cha̱a̱ꞌ nuvi tuku nú ―nkachiꞌ Ndiosíꞌ.

Marcos 14:58

―Ránuꞌuꞌ nteso̱ꞌo ya̱ nkachiꞌ re̱ꞌ: “Suvini̱ꞌ xináánꞌ ni̱ꞌ veñu̱ꞌun káꞌnú yaꞌá, ya̱ nsa̱ꞌá jín naꞌá rá te̱e, jee ki̱vɨ̱ꞌ uníꞌ nasaꞌá ni̱ꞌ inka ka̱ꞌ, ya̱ ntu sáꞌá rá te̱e jín naꞌá‑a” ―nkachiꞌ ráa.

Hechos 7:48

Súnika̱ꞌ Ndiosíꞌ máá kúñáꞌnú ka̱ꞌ nu̱u̱nꞌ nɨꞌɨ ntu nééꞌ‑e iniꞌ veꞌi sáꞌá rá ñɨvɨ jín naꞌá ráa. Sukuán nkachiꞌ ɨɨn te̱e nna̱kani tu̱ꞌun nkene yuꞌú Ndiosíꞌ:

1 Corintios 3:9

Chi kúvi ránuꞌuꞌ ñɨvɨ ya̱ táꞌán sátíñú ránꞌ tiñu nu̱u̱nꞌ maá Ndiosíꞌ. Jee ránoꞌó kúvi ránú kuéntáꞌ ñuꞌun Ndiosíꞌ nu̱u̱nꞌ káá tataꞌ sáꞌá re̱ꞌ. Jee suni kúvi ránú kuéntáꞌ veꞌi re̱ꞌ.

2 Corintios 4:7

Sú stúúnꞌ re̱ꞌ iniꞌ ánímaꞌ ránꞌ ya̱ yɨ́yáꞌvi nasɨ́kuitɨꞌ soo kúvi kuéntáꞌ yɨ́ꞌɨ́ vá iniꞌ ɨɨn ki̱sɨ ñuꞌun. Chi maáránꞌ kúvi kuéntáꞌ ki̱sɨ ñuꞌun vá ya̱ ntu íyó fuersáꞌ ránꞌ sáva saꞌá ránꞌ tiñu re̱ꞌ. Va̱ji fuersáꞌ mánasɨ́ ne̱ nu̱u̱nꞌ Ndiosíꞌ sáva sikúnkuvi ránꞌ maa. Jee ntu va̱ji fuersáꞌ vá nu̱u̱nꞌ ránuꞌuꞌ.

2 Corintios 5:4

Chi ni íyó‑ó iniꞌ vesayo‑ó yaꞌá, ya̱ kúvi yɨkɨkúñu‑ó yaꞌá, jee kéꞌen‑ó kue̱ka̱ꞌ chi jiáku nijia iniꞌ‑ó, nsú jie̱ꞌe̱ꞌ ya̱ kuíni‑ó ya̱ xinóo‑ó yɨkɨkúñu‑ó yaꞌá, chisaꞌ jie̱ꞌe̱ꞌ kuíni‑ó kuꞌun‑ó yɨkɨkúñu jiáá‑ó, sáva yɨkɨkúñu‑ó ya̱ jíꞌíꞌ nɨꞌɨ kuitɨꞌ‑ɨ sama jee koo yɨkɨkúñu jiáá kutekuꞌ nɨ́ɨ́nkání.

Colosenses 2:11

Jee jie̱ꞌe̱ꞌ ya̱ yɨ́ꞌɨ́ rán nu̱u̱nꞌ Cristo, jee saáva níso rán seña Ndiosíꞌ, soo nsáꞌ kúvi ya̱ nsiíyo ñɨvɨ ntíꞌ ñɨɨn kuéntáꞌ sáꞌá rá ñɨvɨ Israel. Chisaꞌ nsiíyo re̱ꞌ ránoꞌó xi̱ntíín kua̱chi ya̱ níyo néꞌén iniꞌ rán saꞌá rán jín ñunéꞌyúꞌ kua̱chi. Suꞌva tée Cristo seña Ndiosíꞌ yó.

2 Timoteo 1:12

Saáva nóꞌo ni̱ꞌ suꞌva. Soo ntu̱ví kúkanuun ni̱ꞌ, chi jíníꞌ ni̱ꞌ né ɨɨn ví ya̱ kúneí iniꞌ ni̱ꞌ, jee jínúꞌ kájí iniꞌ ni̱ꞌ ya̱ suvire̱ꞌ kúvi kumí váꞌa re̱ꞌ tiñu nte̱tíñú re̱ꞌ nuꞌuꞌ, ne̱ ki̱vɨ̱ꞌ nikó tuku re̱ꞌ.

Hebreos 11:10

Chi nnetu ñáꞌnú Abraham ya̱ ni̱ꞌi̱nꞌ re̱ꞌ kuneeꞌ re̱ꞌ ñuunꞌ ya̱ nsamaꞌ kutú, ya̱ maá Ndiosíꞌ ví ya̱ ñani iniꞌ re̱ꞌ na̱ja koo jee suni maáréꞌ nsa̱ꞌá maa.

Hebreos 9:11

Soo vitan jee ya nkiji Cristo, jee maáréꞌ ví su̱tu̱ꞌ kúñáꞌnú nasɨ́kuitɨꞌ ka̱ꞌ ya̱ nísotíñú re̱ꞌ rá tiñu váꞌa ya̱ váji vitan ya̱ táji Ndiosíꞌ. Jee yɨ́tíñú re̱ꞌ nu̱u̱nꞌ kúvi nu̱u̱nꞌ ííꞌ nasɨ́kuitɨꞌ íyó ne̱ antivɨ́, nu̱u̱nꞌ kúñáꞌnú‑u ka̱ꞌ jín va̱ꞌa nasɨ́kuitɨꞌ ka̱ꞌ nsú ka̱ꞌ veꞌi ííꞌ yanaꞌán. Jee ntu nsa̱ꞌá ñɨvɨ maa, chi ntu íyó‑o iniꞌ ñɨ̱vɨ́ yaꞌá.

Hebreos 9:24

Chi Cristo ntu̱ví nkívɨ re̱ꞌ nu̱u̱nꞌ ííꞌ víꞌí iniꞌ veꞌi ííꞌ nu̱u̱nꞌ nsa̱ꞌá jín naꞌá rá ñɨvɨ, chi yukuán jee kua̱chi vá xínéꞌénꞌ‑e na̱ja kútúníꞌ sáá íyó nu̱u̱nꞌ ííꞌ nijia nasɨ́kuitɨꞌ ka̱ꞌ ya̱ íyó antivɨ́. Chisaꞌ nki̱vɨ nijia re̱ꞌ ne̱ máá maá antivɨ́ sáva íñɨ́ re̱ꞌ ichinúúnꞌ Ndiosíꞌ yɨ́tuvi re̱ꞌ ya̱ kúvi ya̱ váꞌa jie̱ꞌe̱ꞌ‑ó vitan.

1 Pedro 1:4

Jee ni̱ꞌi̱nꞌ‑ó ta̱ꞌvi̱ꞌ vá ya̱ taji Ndiosíꞌ nu̱u̱nꞌ‑ó ya̱ nchu̱va̱ꞌa re̱ꞌ ne̱ antivɨ́ súkún ya̱ kúvi ta̱ꞌvi̱ꞌ ránoꞌó, ya̱ ni ntu tívɨ́‑ɨ, jee ni ntu̱náꞌ níváꞌa kútáꞌán jín‑i, jee ni ntu nɨ́ꞌɨ‑ɨ.

2 Pedro 3:11

Jee jie̱ꞌe̱ꞌ ya̱ kɨ̱naanꞌ nta̱ká rává sukuán, saáva íyó kueꞌnu na̱a̱ꞌ ninuꞌun rán sáni kuíni Ndiosíꞌ jee kɨtíñú rán nu̱u̱nꞌ re̱ꞌ,

1 Juan 3:14

Sú ñaꞌnu‑ó suꞌva kuéntáꞌ ya̱ níꞌiꞌ‑ó nu̱u̱nꞌ Ndiosíꞌ, soo nxi̱nóo‑ó ya̱ kuéntáꞌ níꞌiꞌ‑ó sukuán jee nkenta kutekuꞌ‑ó jín Ndiosíꞌ. Jee maáórán chi jíníꞌ‑ó maa chi ñúnúunꞌ‑ó rá ñanitáꞌán‑ó. Jee ñɨvɨ ya̱ ntu ñúnúunꞌ rá ñanitáꞌán‑ó jee kínóo i̱i̱ꞌ ráa ya̱ kuéntáꞌ níꞌiꞌ ráa.

1 Juan 3:19

Jie̱ꞌe̱ꞌ yaꞌá kuniꞌ‑ó ya̱ íñɨ́‑ó jín tu̱ꞌun na̱a̱ꞌ, jín jie̱ꞌe̱ꞌ yaꞌá suꞌva íyó kutú va̱ꞌa ánímaꞌ‑ó ichinúúnꞌ re̱ꞌ.

1 Juan 3:2

Ránoꞌó ya̱ ñúnúunꞌ ni̱ꞌ, vitan jee se̱ꞌya Ndiosíꞌ kúvi‑ó. Soo ntiáꞌan tu̱vi ná kúvi ya̱ koo maáó tiempúꞌ ichinúúnꞌ. Soo jíníꞌ‑ó ya̱ sáá kitu̱vi Jesús niji re̱ꞌ, jee nuún koo‑ó jín re̱ꞌ kuéntáꞌ íyó maáréꞌ, chi kuniꞌ‑ó re̱ꞌ sánikua̱ꞌ íyó nijia re̱ꞌ.