2 Corintios 4:2 - Mixteco del suroeste de Tlaxiaco Oaxaca

² Jee jíníi̱yo ráníꞌ sáꞌá ránꞌ rá tiñu yɨ́séꞌí ya̱ kúvi tu̱ꞌun kánuun sáꞌá ñɨvɨ. Jee ni ntu̱ví jíka ránꞌ jín tiñu máñáꞌ. Jee ni ntu̱ví sáma ránꞌ sáá káꞌánꞌ Tu̱ꞌun Ndiosíꞌ. Chisaꞌ stúvi nijinꞌ ránꞌ tu̱ꞌun na̱a̱ꞌ Ndiosíꞌ, jee sukuán nákutíñú rán jie̱ꞌe̱ꞌ maáránꞌ sáva kuniꞌ nta̱ká rá ñɨvɨ ne̱ ánímaꞌ ráa ya̱ na̱a̱ꞌ íyó ránꞌ. Jee jíníꞌ maá Ndiosíꞌ ya̱ na̱a̱ꞌ íyó ránꞌ.

2 Corintios 4:2 ပူးပေါင်းရင်းမြစ်များ

Romanos 1:16

Chi ntu̱ví kúkanuun ni̱ꞌ jie̱ꞌe̱ꞌ tu̱ꞌun váꞌa Jesús, chi kúvi tu̱ꞌun vá fuersáꞌ ííꞌ Ndiosíꞌ sáva nátavaꞌ re̱ꞌ ntáká ñɨvɨ ya̱ kúneí iniꞌ ráa tu̱ꞌun vá nu̱u̱nꞌ kua̱chi ráa xinánitáꞌvíꞌ re̱ꞌ ráa, xíꞌnañúꞌún rá ñɨvɨ Israel jee suni rá ñɨvɨ ntu kúvi Israel.

Romanos 6:21

Soo ¿ná nkuvi ya̱ váꞌa ya̱ nníꞌinꞌ rán sáá nyɨ̱ꞌɨ rán nu̱u̱nꞌ kua̱chi rúja? Jee jie̱ꞌe̱ꞌ vá tu̱nkánuun kúvi‑i nu̱u̱nꞌ rán vitan. Chi kua̱chi vá sáꞌá‑a ya̱ jiánaanꞌ rán ya̱ kuéntáꞌ jíꞌíꞌ rán nu̱u̱nꞌ Ndiosíꞌ.

1 Corintios 4:5

Saáva, koto sáꞌá náaꞌ rán si̱kɨ̱ꞌ táꞌán rán nekuaꞌ niji maá I̱toꞌoꞌ‑ó. Maáréꞌ nastúvi nijinꞌ re̱ꞌ rá tiñu nsa̱ꞌá yuꞌuꞌ‑ó nu̱u̱nꞌ neenꞌ, jee nastúvi re̱ꞌ ya̱ ñúꞌún iniꞌ ánímaꞌ‑ó. Saájee nakuetúꞌún Ndiosíꞌ ta ɨɨn ɨɨn ñɨvɨ sánikua̱ꞌ íyó ni̱ꞌi̱nꞌ maa.

2 Corintios 1:12

Suꞌva káꞌánꞌ téyɨ́ɨ́ ráníꞌ, ya̱ ne̱ ánímaꞌ ránꞌ jíníꞌ ránꞌ ya̱, ñaꞌnu na̱a̱ꞌ ránꞌ jee saɨn ni̱yo iniꞌ ránꞌ ñaꞌnu ránꞌ jín rá ñɨvɨ ñɨ̱vɨ́ yaꞌá, sáni kuíni Ndiosíꞌ. Jee víꞌí káꞌ jíníꞌ ránꞌ ya̱ nsa̱ꞌá ránꞌ sukuán nu̱u̱nꞌ ránoꞌó. Chi ntu ñáꞌnu ránꞌ sáni ya̱ níchí xíniꞌ maáránꞌ, chisaꞌ chíneí chituvi Ndiosíꞌ ránuꞌuꞌ saꞌá ránꞌ sukuán, chi íyó mániꞌ iniꞌ re̱ꞌ néꞌyá re̱ꞌ ránuꞌuꞌ.

2 Corintios 11:3

Soo yúꞌví ni̱ꞌ ya̱ sa̱naanꞌ jee kusɨ́ɨ́n rán nu̱u̱nꞌ yɨ́tíñú rán ne̱ saɨn ninuꞌun iniꞌ rán nu̱u̱nꞌ métúꞌún Cristo, jee sukuán jíta antúníꞌ rán, kuéntáꞌ nxi̱náꞌví ko̱o̱ꞌ Eva jín máñáꞌ ti̱ꞌ.

2 Corintios 11:6

Chi retú ntu túꞌva ni̱ꞌ kaꞌanꞌ va̱ꞌa ni̱ꞌ, soo nsú sukuán kúvi jie̱ꞌe̱ꞌ ya̱ jíníꞌ va̱ꞌa ni̱ꞌ tu̱ꞌun váꞌa jie̱ꞌe̱ꞌ Jesús, chi nstúvi kájí ni̱ꞌ yaꞌá nu̱u̱nꞌ ránoꞌó, ntáká nu̱u̱nꞌ, ntáká íchí.

2 Corintios 2:17

Soo ránuꞌuꞌ, chi ntu̱ví núkú ránꞌ táváꞌ ránꞌ xu̱ꞌún jie̱ꞌe̱ꞌ Tu̱ꞌun Ndiosíꞌ, kuéntáꞌ sáꞌá kue̱ꞌe̱ꞌ rá te̱e, [jee ntu sáma ránꞌ maa]. Chisaꞌ jíníꞌ Ndiosíꞌ ya̱ saɨn ñúꞌún iniꞌ ránꞌ káchíꞌ ránꞌ tu̱ꞌun re̱ꞌ, chi maá Ndiosíꞌ ví ya̱ nta̱jí re̱ꞌ ránuꞌuꞌ ya̱ stékútu̱ꞌún ránꞌ tu̱ꞌun re̱ꞌ. Jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo káchíꞌ ránꞌ tu̱ꞌun re̱ꞌ.

2 Corintios 5:11

Jee saáva, jíníꞌ ráníꞌ ná kúvi ya̱ ñúyúꞌví iniꞌ ránꞌ nu̱u̱nꞌ I̱toꞌoꞌ‑ó. Jee saáva núkú ránꞌ sijínúꞌ ránꞌ iniꞌ ñɨvɨ ki̱vɨ ráa nu̱u̱nꞌ re̱ꞌ. Jee túvi kájí nu̱u̱nꞌ maá Ndiosíꞌ sáá ñúꞌún iniꞌ ánímaꞌ ránꞌ. Varésukuán jee suni sukuán túvi kájí nu̱u̱nꞌ ránú ya̱ na̱a̱ꞌ kúvi ráníꞌ.

2 Corintios 6:8

Jee suni stúvi ránꞌ sáá sátíñú ránꞌ nu̱u̱nꞌ Ndiosíꞌ sáá sáꞌá ñáꞌnú ñɨvɨ nu̱u̱nꞌ ránuꞌuꞌ, jín sáá jiáꞌa ráa tu̱ꞌun kánuun nu̱u̱nꞌ ránuꞌuꞌ, jín sáá káꞌánꞌ va̱ꞌa ñɨvɨ jie̱ꞌe̱ꞌ ránꞌ, jín sáá káꞌánꞌ niva̱ꞌa ñɨvɨ jie̱ꞌe̱ꞌ ránꞌ, jín sáá káchíꞌ ñɨvɨ ya̱ te̱e xínáꞌví ví ránꞌ sú te̱e na̱a̱ꞌ ví ránꞌ,

2 Corintios 7:14

Chi sú sukuán nkaꞌanꞌ téyɨ́ɨ́ ni̱ꞌ nu̱u̱nꞌ re̱ꞌ jie̱ꞌe̱ꞌ ránoꞌó, ntu níyo tu̱nkánuun ni̱ꞌ. Chi sáni ntáká tu̱ꞌun ya̱ nkachiꞌ ráníꞌ nu̱u̱nꞌ ránoꞌó kúvi ya̱ naáꞌ, jee suni sukuán tu̱ꞌun ya̱ nna̱kani téyɨ́ɨ́ ráníꞌ nu̱u̱nꞌ Tito nkene na̱a̱ꞌ‑a.

Efesios 4:14

Sáva nkúvi‑ó ka̱ꞌ kuéntáꞌ rá súchí lúlí ya̱ ntu ɨɨn ni jiáni iniꞌ ráa, jee sáva ntu kúvi‑ó ka̱ꞌ kuéntáꞌ ɨɨn nantíñú xínó xíníji ta̱chi̱ꞌ víjin chínaꞌá‑a cháꞌá chúkuán ya̱ súkuíkó‑o, chi nsáꞌ síkívɨ inka tu̱ꞌun ka̱ꞌ maáó yaꞌá yukuán, ya̱ xínéꞌénꞌ rá te̱e xínáꞌví cháꞌá chúkuán, ya̱ nito nasɨ́kuitɨꞌ íyó ráa jee máñáꞌ ráa jín tu̱ꞌun jíta xínéꞌénꞌ ráa.

Efesios 5:12

Chi íyó tu̱nkánuun sáá káꞌánꞌ‑ó jie̱ꞌe̱ꞌ rá tiñu ya̱ sáꞌá yuꞌuꞌ ráa.