2 Corintios 4:18 - Mixteco del suroeste de Tlaxiaco Oaxaca

¹⁸ Ntu tɨ́ɨn kuéntáꞌ‑ó rá túvi néꞌyá‑ó ñɨ̱vɨ́ yaꞌá. Chisaꞌ tɨ́ɨn kuéntáꞌ‑ó ya̱ viiꞌ kúñáꞌnú ka̱ꞌ ya̱ ntu túvi néꞌyá‑ó. Chi ya̱ túvi néꞌyá‑ó tiñu núún ni ví‑i. Soo rá tiñu ya̱ ntu̱ví túvi nijinꞌ néꞌyá‑ó, jee suvi‑i ví ya̱ koo nɨ́ɨ́nkání.

2 Corintios 4:18 ပူးပေါင်းရင်းမြစ်များ

Mateo 25:46

’Saájee kɨ̱ꞌɨ̱nꞌ rá ñɨvɨ vá nu̱u̱nꞌ xinóꞌo Ndiosíꞌ ráa nɨ́ɨ́nkání, soo rá ñɨvɨ na̱a̱ꞌ chi kɨ̱ꞌɨ̱nꞌ ráa nu̱u̱nꞌ kutekuꞌ ráa nɨ́ɨ́nkání jín Ndiosíꞌ ―nkachiꞌ Jesús.

2 Corintios 5:7

Chi níkɨ́nꞌ‑ó jiáꞌnu‑ó sáni kuíni re̱ꞌ jie̱ꞌe̱ꞌ kúneí iniꞌ‑ó re̱ꞌ, jee nsú jie̱ꞌe̱ꞌ ya̱ túvi néꞌyá‑ó ñɨ̱vɨ́ yaꞌá.

2 Tesalonicenses 2:16

I̱ña̱jée, máá maá I̱toꞌoꞌ‑ó, Jesucristo, jín Tátáꞌ‑ó, Ndiosíꞌ, suviráa ñúnúunꞌ ráa yó. Saáva násaváꞌa ráa iniꞌ‑ó nɨ́ɨ́nkání, jee nsa̱ꞌá ráa ya̱ íyó tu̱neí iniꞌ‑ó ya̱ váꞌa saꞌá ráa nu̱u̱nꞌ‑ó, jie̱ꞌe̱ꞌ íyó mániꞌ iniꞌ ráa néꞌyá ráa yó.

Hebreos 11:1

Soo vitan jee, ya̱ ínúꞌ iniꞌ‑ó kúneí iniꞌ‑ó Ndiosíꞌ, yukuán kúvi ya̱ kúnáaꞌ nijia iniꞌ‑ó ya̱ ni̱ꞌi̱nꞌ‑ó ntáká ya̱ íyó tu̱neí iniꞌ‑ó nétu‑ó ni̱ꞌi̱nꞌ‑ó ya̱ saꞌá Ndiosíꞌ jín‑ó. Jee suni yukuán kúvi ya̱ ne̱ yuchí kúkáꞌnú iniꞌ‑ó ya̱ íyó sú ntiáꞌan kuniꞌ jínúunꞌ‑ó maa vitan.

Hebreos 11:13

Jee ntáká rá ñɨvɨ vá ni̱ꞌi̱ꞌ ráa súka̱ꞌ nku̱neí iniꞌ ráa Ndiosíꞌ. Súnika̱ꞌ ntu nni̱ꞌi̱nꞌ ráa ya̱ nchi̱sóyuꞌú Ndiosíꞌ nu̱u̱nꞌ ráa, soo ne̱ íká niniꞌ váꞌa ráa jie̱ꞌe̱ꞌ ya̱ koo ichinúúnꞌ, jee ne̱ nku̱sɨ̱ɨ̱ꞌ iniꞌ ráa jie̱ꞌe̱ꞌ‑e. Jee njia̱ꞌayuꞌú ráa ya̱ kúvi ráa to̱ꞌo̱ꞌ ya̱ yakuꞌ ni tiempúꞌ néénúún ráa iniꞌ ñɨ̱vɨ́ yaꞌá.

Hebreos 9:11

Soo vitan jee ya nkiji Cristo, jee maáréꞌ ví su̱tu̱ꞌ kúñáꞌnú nasɨ́kuitɨꞌ ka̱ꞌ ya̱ nísotíñú re̱ꞌ rá tiñu váꞌa ya̱ váji vitan ya̱ táji Ndiosíꞌ. Jee yɨ́tíñú re̱ꞌ nu̱u̱nꞌ kúvi nu̱u̱nꞌ ííꞌ nasɨ́kuitɨꞌ íyó ne̱ antivɨ́, nu̱u̱nꞌ kúñáꞌnú‑u ka̱ꞌ jín va̱ꞌa nasɨ́kuitɨꞌ ka̱ꞌ nsú ka̱ꞌ veꞌi ííꞌ yanaꞌán. Jee ntu nsa̱ꞌá ñɨvɨ maa, chi ntu íyó‑o iniꞌ ñɨ̱vɨ́ yaꞌá.

1 Juan 2:25

Jee yaꞌá kúvi tu̱ꞌun na̱a̱ꞌ ya̱ nchi̱sóyuꞌú Ndiosíꞌ nu̱u̱nꞌ‑ó: ya̱ kutekuꞌ‑ó jín re̱ꞌ nɨ́ɨ́nkání.