2 Corintios 4:1 - Mixteco del suroeste de Tlaxiaco Oaxaca

¹ Jee saáva ntu̱ví núun iniꞌ ráníꞌ, chi jie̱ꞌe̱ꞌ nku̱náꞌví iniꞌ Ndiosíꞌ nne̱ꞌyá re̱ꞌ ránuꞌuꞌ, saáva nni̱ꞌi̱nꞌ ránꞌ tiñu yaꞌá ya̱ nte̱tíñú Ndiosíꞌ ránuꞌuꞌ stékútu̱ꞌún ránꞌ jie̱ꞌe̱ꞌ tratúꞌ jiáá.

2 Corintios 4:1 ပူးပေါင်းရင်းမြစ်များ

Lucas 18:1

Jee nna̱kani Jesús ɨɨn tu̱ꞌun kúnkunuún káꞌánꞌ suꞌva nu̱u̱nꞌ rá te̱e kútáꞌán jín re̱ꞌ súkuáꞌa re̱ꞌ ráa, jie̱ꞌe̱ꞌ ya̱ sukuáni íyó kaꞌanꞌ ráa jín Ndiosíꞌ, jee koto núun iniꞌ ráa kaꞌanꞌ ráa jín re̱ꞌ.

1 Corintios 3:5

¿Né ɨɨn kúvi nuꞌuꞌ Pablo rúja? Jee, ¿né ɨɨn kúvi Apolos rúja? Chi kúvi ráníꞌ musúꞌ ya̱ yɨ́tíñú ráníꞌ nu̱u̱nꞌ Ndiosíꞌ. Jee kúneí iniꞌ ránú ínúꞌ iniꞌ rán Tu̱ꞌun Ndiosíꞌ jie̱ꞌe̱ꞌ nkachitu̱ꞌún ráníꞌ maa nu̱u̱nꞌ ránoꞌó sáni tiñu ntaji I̱toꞌoꞌ‑ó nu̱u̱nꞌ ta ɨɨn ránuꞌuꞌ saꞌá ráníꞌ maa.

1 Corintios 7:25

Jee ntañúꞌún náxiníkó ni̱ꞌ nu̱u̱nꞌ ránoꞌó jie̱ꞌe̱ꞌ rá ñaꞌan ya̱ ntiáꞌan tana̱ꞌá. Jee ntu̱ví íyó tu̱ꞌun ya̱ tátúníꞌ I̱toꞌoꞌ‑ó nu̱u̱nꞌ‑ó jie̱ꞌe̱ꞌ vá, soo íyó tu̱ꞌun nu̱u̱nꞌ ni̱ꞌ ya̱ jiáni iniꞌ ni̱ꞌ ya̱ taji ni̱ꞌ nu̱u̱nꞌ rán, kuéntáꞌ ɨɨn ñɨvɨ ya̱ nku̱náꞌví iniꞌ Ndiosíꞌ nne̱ꞌyá re̱ꞌ nuꞌuꞌ jee nsa̱ꞌá re̱ꞌ ya̱ kúvi ni̱ꞌ ɨɨn ñɨvɨ ya̱ kuvi kuneí iniꞌ rán ya̱ káchíꞌ ni̱ꞌ.

2 Corintios 3:12

Jee jie̱ꞌe̱ꞌ íyó kutú tu̱neí iniꞌ‑ó ya̱ saꞌá Ndiosíꞌ sukuán, jee saáva íyó neí iniꞌ‑ó.

2 Corintios 3:6

Chi suni maáréꞌ ví ya̱ nsa̱ꞌá re̱ꞌ ya̱ tu̱ꞌva ránꞌ sátíñú ránꞌ nu̱u̱nꞌ re̱ꞌ, jie̱ꞌe̱ꞌ tratúꞌ jiáá ya̱ ñakɨnꞌ Ndiosíꞌ na̱ja kɨꞌɨ ñɨvɨ nu̱u̱nꞌ re̱ꞌ. Jee tratúꞌ jiáá yaꞌá nsú ley ví‑i ya̱ ntee re̱ꞌ sáva tatúníꞌ re̱ꞌ nu̱u̱nꞌ rá ñɨvɨ. Chisaꞌ tratúꞌ jiáá ví ya̱ táji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ‑ó sáva kɨꞌɨ‑ɨ iniꞌ ánímaꞌ‑ó. Chi ley ya̱ ntee nu̱u̱nꞌ tutuꞌ, jee síjíta‑a yó ya̱ kuéntáꞌ níꞌiꞌ‑ó nu̱u̱nꞌ Ndiosíꞌ. Soo Ta̱chi̱ꞌ Ííꞌ re̱ꞌ ví ya̱ xítékúꞌ‑u yó nɨ́ɨ́nkání nu̱u̱nꞌ re̱ꞌ.

2 Corintios 4:16

Saáva, ntu̱ví núun iniꞌ‑ó. Súka̱ꞌ kua̱nɨꞌɨ nijia yɨkɨkúñu‑ó, soo vitan nteenꞌ nújiáá ánímaꞌ‑ó sáꞌá Ndiosíꞌ.

2 Corintios 5:18

Jee maá Ndiosíꞌ ví ya̱ sáꞌá re̱ꞌ nta̱ká rá tiñu vá, chi jie̱ꞌe̱ꞌ ya̱ nsa̱ꞌá Cristo, jee nsa̱ꞌá re̱ꞌ ya̱ nnuma̱ni̱ꞌ‑ó jín re̱ꞌ. Jee ntaji re̱ꞌ tiñu nu̱u̱nꞌ ránuꞌuꞌ sáva kachitu̱ꞌún ránꞌ tu̱ꞌun re̱ꞌ jie̱ꞌe̱ꞌ ya̱ kúvi ni̱ꞌi̱nꞌ ñɨvɨ ya̱ numa̱ni̱ꞌ re̱ꞌ jín ráa.

Gálatas 6:9

Koto núun iniꞌ‑órán saꞌá‑ó ya̱ váꞌa. Chi kenta ki̱vɨ̱ꞌ ñani Ndiosíꞌ ya̱ ni̱ꞌi̱nꞌ‑ó ta̱ꞌvi̱ꞌ taji re̱ꞌ, kuéntáꞌ níꞌínꞌ‑ó tataꞌ sáꞌá‑ó, retú ntu nikó iniꞌ‑ó sáꞌá‑ó ya̱ váꞌa.

Efesios 3:13

Jee saáva jíkánꞌ táꞌvíꞌ ni̱ꞌ nu̱u̱nꞌ ránoꞌó, ya̱ koto núun iniꞌ rán jie̱ꞌe̱ꞌ tu̱nóꞌó nóꞌo ni̱ꞌ jie̱ꞌe̱ꞌ ya̱ kúvi ya̱ váꞌa nu̱u̱nꞌ ránoꞌó, chi sukuán sáꞌá Ndiosíꞌ ya̱ netuꞌ kuvi ránoꞌó.

Filipenses 4:13

Kuvi kuiñɨ ni̱ꞌ nu̱u̱nꞌ nta̱ká ya̱ nóꞌo ni̱ꞌ, chi yɨ́ꞌɨ́ ni̱ꞌ nu̱u̱nꞌ Cristo, ya̱ násáneí re̱ꞌ iniꞌ nuꞌuꞌ.

2 Tesalonicenses 3:13

Soo ránoꞌó ñanitáꞌán, koto núun iniꞌ rán saꞌá rán ya̱ váꞌa.

1 Timoteo 1:13

Ñani re̱ꞌ nuꞌuꞌ nu̱u̱nꞌ tiñu vá, súnika̱ꞌ nkaꞌanꞌ niva̱ꞌa ni̱ꞌ si̱kɨ̱ꞌ re̱ꞌ, jee nito u̱ꞌvi̱ꞌ ni̱ꞌ si̱kɨ̱ꞌ rá ñɨvɨ re̱ꞌ, jee ntenu̱u̱nꞌ ni̱ꞌ nne̱ꞌyá ni̱ꞌ ráa. Soo nku̱náꞌví iniꞌ re̱ꞌ nne̱ꞌyá re̱ꞌ nuꞌuꞌ, chi nsa̱ꞌá naanꞌ ni̱ꞌ yaꞌá, chi ntiáꞌan i̱nu̱ꞌ iniꞌ ni̱ꞌ Cristo.

Hebreos 12:3

Jee saáva kani iniꞌ rán jie̱ꞌe̱ꞌ Jesús ya̱ ñeꞌneꞌ iniꞌ re̱ꞌ ya̱ rá ñɨvɨ íyó kua̱chi nnuni̱ꞌin víꞌí ráa si̱kɨ̱ꞌ re̱ꞌ, sáva ntu táyáꞌ iniꞌ ánímaꞌ rán jín ntu núun iniꞌ rán.

1 Pedro 2:10

Chi nékúvi jee ránoꞌó ni ntu kúvi rán ñɨvɨ re̱ꞌ, soo vitan jee kúvi rán ñɨvɨ re̱ꞌ, chi nékúvi jee ránoꞌó ni ntu nníꞌínꞌ rán kúnáꞌví iniꞌ re̱ꞌ ránoꞌó, soo vitan jee nni̱ꞌi̱nꞌ rán kúnáꞌví iniꞌ re̱ꞌ ránoꞌó.

Apoclipsis 2:3

Jee káꞌnú íyó iniꞌ rán kúníꞌin kutú rán íñɨ́ rán jín nuꞌuꞌ jín ya̱ jiéꞌnéꞌ iniꞌ rán nóꞌo rán tu̱nóꞌó sáꞌá kini rá ñɨvɨ ránoꞌó jie̱ꞌe̱ꞌ ínúꞌ iniꞌ rán nuꞌuꞌ, jee ni ntu núun iniꞌ rán saꞌá rán tiñu ni̱ꞌ.