2 Corintios 3:7 - Mixteco del suroeste de Tlaxiaco Oaxaca

⁷ Jee ley vá ya̱ sáꞌá‑a ya̱ kuéntáꞌ níꞌiꞌ ñɨvɨ nu̱u̱nꞌ Ndiosíꞌ, jee ntee Ndiosíꞌ maa nu̱u̱nꞌ yu̱u̱ꞌ tiáxín jee njia̱ꞌa re̱ꞌ maa nu̱u̱nꞌ Moisés, jee viiꞌ kúñáꞌnú ley vá ya̱ nkenta nu̱u̱nꞌ Moisés ya̱ ñanu̱te̱ꞌ nasɨ́kuitɨꞌ nu̱u̱nꞌ re̱ꞌ, ya̱ ni ntu̱ví nkúvi kune̱ꞌyá va̱ꞌa rá ñɨvɨ Israel nu̱u̱nꞌ re̱ꞌ. Saájee kuééni kuééni na̱ꞌva̱ꞌ nuva vá nu̱u̱nꞌ re̱ꞌ. Jee retú maá ñáꞌnú nasɨ́kuitɨꞌ kúvi ley vá ya̱ sáꞌá‑a ya̱ kuéntáꞌ níꞌiꞌ ñɨvɨ nu̱u̱nꞌ Ndiosíꞌ,

2 Corintios 3:7 ပူးပေါင်းရင်းမြစ်များ

Génesis 3:21

Jee I̱toꞌoꞌ‑ó Ndiosíꞌ nsa̱ꞌá re̱ꞌ saꞌma ñɨɨn nsi̱kúnijin re̱ꞌ Adán jín ñasɨ́ꞌɨ́‑ɨ.

Hechos 6:15

Jee nɨꞌɨ rá te̱e nééꞌ nu̱u̱nꞌ Justicia jee sáá nna̱kune̱ꞌyá va̱ꞌa ráa nu̱u̱nꞌ Esteban, jee niniꞌ ráa ya̱ ntúvi nu̱u̱nꞌ re̱ꞌ kuéntáꞌ túvi nu̱u̱nꞌ ɨɨn najiáꞌáꞌ ííꞌ Ndiosíꞌ.

Romanos 10:4

Chi Cristo ví ya̱ nsi̱kúnkuvi nɨꞌɨ ya̱ kuíni Ndiosíꞌ saꞌá‑a jín ley Moisés, sáva nta̱ká rá ñɨvɨ ya̱ kúneí iniꞌ ráa Cristo jee kino̱o na̱a̱ꞌ ráa nu̱u̱nꞌ Ndiosíꞌ.

Romanos 4:15

Chi tu̱ꞌun ley nta̱túníꞌ Ndiosíꞌ síkíji‑i ya̱ ni̱ꞌi̱nꞌ ñɨvɨ ya̱ ki̱tɨ̱ꞌ iniꞌ Ndiosíꞌ jee xinóꞌo re̱ꞌ ráa jie̱ꞌe̱ꞌ ntu kúneí ráa sikúnkuvi ráa nɨꞌɨ ya̱ káchíꞌ ley vá. Soo nu̱u̱nꞌ ntu íyó ni ɨɨn ley, jee suni ntu jiáꞌa ñɨvɨ nu̱u̱nꞌ ya̱ káchíꞌ ley.

Romanos 5:20

Soo nkenta tu̱ꞌun ley nta̱túníꞌ Ndiosíꞌ sáva kukueꞌeꞌ ka̱ꞌ kua̱chi sáꞌá ñɨvɨ. Soo sáá nku̱kueꞌeꞌ kua̱chi íyó, jee kúkueꞌeꞌ ka̱ꞌ íyó mániꞌ iniꞌ Ndiosíꞌ néꞌyá re̱ꞌ yó.

Romanos 7:10

Jee kuéntáꞌ ni̱ꞌi̱ꞌ ni̱ꞌ nu̱u̱nꞌ Ndiosíꞌ, chi nna̱niꞌinꞌ ni̱ꞌ ya̱ tu̱ꞌun tátúníꞌ Ndiosíꞌ yaꞌá ya̱ njia̱ꞌa re̱ꞌ sáva kutekuꞌ va̱ꞌa ni̱ꞌ, nékúvi, soo nsa̱ꞌá ley vá ya̱ kuéntáꞌ ni̱ꞌi̱ꞌ ni̱ꞌ nu̱u̱nꞌ re̱ꞌ.

Romanos 7:22

Chi ne̱ ánímaꞌ ni̱ꞌ kúsɨ́ɨꞌ iniꞌ ni̱ꞌ néꞌyá ni̱ꞌ ley tátúníꞌ Ndiosíꞌ.

Romanos 7:5

Chi sáá ntu yɨ́ꞌɨ́‑ó xi̱ntíín Ndiosíꞌ jee ñaꞌnu‑ó sánikua̱ꞌ níyo iniꞌ‑ó, jee jie̱ꞌe̱ꞌ tátúníꞌ ley Ndiosíꞌ ya̱ koto sáꞌá kua̱chi, jee xínóto‑o iniꞌ‑ó ya̱ níyo iniꞌ‑ó saꞌá‑ó kua̱chi. Jee sukuán nsa̱tíñú‑u iniꞌ ñunéꞌyúꞌ kua̱chi‑ó sáva saꞌá‑ó tiñu niváꞌa, saáva kenta‑ó kuéntáꞌ kuviꞌ‑ó nu̱u̱nꞌ Ndiosíꞌ.

1 Corintios 13:10

Soo sáá kiji ya̱ sikúnkuvi noo Ndiosíꞌ nɨꞌɨ kuitɨꞌ ya̱ nkuna̱a̱ꞌ iniꞌ re̱ꞌ saꞌá re̱ꞌ, jee sijínu Ndiosíꞌ rá ta̱ꞌvi̱ꞌ ya̱ sáꞌá‑a ya̱ jíníꞌ‑ó yakuꞌ vitan.

2 Corintios 3:3

Chi nijinꞌ túvi ya̱ kúvi ránú kuéntáꞌ ɨɨn tutuꞌ ya̱ ntee maá Cristo, jie̱ꞌe̱ꞌ tiñu re̱ꞌ ya̱ nsa̱ꞌá ráníꞌ nu̱u̱nꞌ ránoꞌó. Soo nsú jín ɨɨn tutuꞌ jín tinta lapíꞌ ntee re̱ꞌ maa, chisaꞌ jín Ta̱chi̱ꞌ Ííꞌ Ndiosíꞌ, ya̱ tékúꞌ re̱ꞌ. Jee ni ntu̱ví ntée re̱ꞌ maa nu̱u̱nꞌ yu̱u̱ꞌ tiáxín [kuéntáꞌ ntee Ndiosíꞌ rá tu̱ꞌun ya̱ nta̱túníꞌ re̱ꞌ jee njia̱ꞌa re̱ꞌ maa nu̱u̱nꞌ Moisés, tióꞌ chíji]. Chisaꞌ ntee re̱ꞌ maa iniꞌ ánímaꞌ ñɨvɨ.

2 Corintios 3:6

Chi suni maáréꞌ ví ya̱ nsa̱ꞌá re̱ꞌ ya̱ tu̱ꞌva ránꞌ sátíñú ránꞌ nu̱u̱nꞌ re̱ꞌ, jie̱ꞌe̱ꞌ tratúꞌ jiáá ya̱ ñakɨnꞌ Ndiosíꞌ na̱ja kɨꞌɨ ñɨvɨ nu̱u̱nꞌ re̱ꞌ. Jee tratúꞌ jiáá yaꞌá nsú ley ví‑i ya̱ ntee re̱ꞌ sáva tatúníꞌ re̱ꞌ nu̱u̱nꞌ rá ñɨvɨ. Chisaꞌ tratúꞌ jiáá ví ya̱ táji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ‑ó sáva kɨꞌɨ‑ɨ iniꞌ ánímaꞌ‑ó. Chi ley ya̱ ntee nu̱u̱nꞌ tutuꞌ, jee síjíta‑a yó ya̱ kuéntáꞌ níꞌiꞌ‑ó nu̱u̱nꞌ Ndiosíꞌ. Soo Ta̱chi̱ꞌ Ííꞌ re̱ꞌ ví ya̱ xítékúꞌ‑u yó nɨ́ɨ́nkání nu̱u̱nꞌ re̱ꞌ.

2 Corintios 3:8

soo saꞌ víꞌí káꞌ viiꞌ kúñáꞌnú nasɨ́kuitɨꞌ tratúꞌ jiáá ya̱ sátíñú Ta̱chi̱ꞌ Ííꞌ re̱ꞌ iniꞌ‑ó.

Gálatas 3:10

Chi yósóni̱nu nta̱ká rá ñɨvɨ ya̱ nánukú ráa saꞌá ráa ya̱ tátúníꞌ ley vá sáva kino̱o na̱a̱ꞌ ráa nu̱u̱nꞌ Ndiosíꞌ. Chi káchíꞌ tu̱ꞌun ley nta̱túníꞌ Ndiosíꞌ ya̱ nééꞌ nu̱u̱nꞌ tutuꞌ: “Kosoni̱nu nta̱ká ráa ya̱ ntu kúníꞌin ráa kaníjiá ráa nɨꞌɨ kuitɨꞌ ya̱ tátúníꞌ ley ya̱ nééꞌ nu̱u̱nꞌ tutuꞌ.”

Gálatas 3:21

Saájee, ¿á kénta tu̱ꞌun ley vá si̱kɨ̱ꞌ ya̱ nchi̱sóyuꞌú Ndiosíꞌ rúja? ¡Ntu̱ví kuitɨꞌ!, chi retánꞌ ntaji Ndiosíꞌ néni ɨɨn ley ya̱ kúvi xitékúꞌ‑u yó nɨ́ɨ́nkání jín re̱ꞌ, nékúvi, ña̱re kúvi saꞌá ley vá ya̱ kino̱o na̱a̱ꞌ‑ó nu̱u̱nꞌ Ndiosíꞌ jie̱ꞌe̱ꞌ ya̱ síkúnkuvi‑ó ya̱ káchíꞌ ley vá, nékúvi.

Hebreos 12:18

Chi ránoꞌó, ntu ñákuyatin rán nu̱u̱nꞌ ɨɨn yuku ya̱ kuvi tɨɨn rán kuéntáꞌ yuku nu̱u̱nꞌ njiáꞌa Ndiosíꞌ ley re̱ꞌ nu̱u̱nꞌ rá ñɨvɨ Israel, nu̱u̱nꞌ ntɨɨn núꞌvéꞌ ñuꞌunꞌ, jín nu̱u̱nꞌ neenꞌ, jín ñu̱neenꞌ túún, jín nu̱u̱nꞌ nyɨ̱ꞌɨ ta̱chi̱ꞌ xéénꞌ,

Hebreos 3:3

Chi Jesús nni̱ꞌi̱nꞌ re̱ꞌ ya̱ viiꞌ kúñáꞌnú re̱ꞌ ka̱ꞌ nsú káꞌ kúñáꞌnú Moisés, kuéntáꞌ kua̱ꞌ kúñáꞌnú ka̱ꞌ ɨɨn te̱e sáꞌá veꞌi nsú káꞌ maá veꞌi.

Hebreos 9:4

Jee yukuán ni̱ñɨ ɨɨn altar oro nu̱u̱nꞌ káyúꞌ su̱jie ííꞌ, jee suni ni̱ñɨ kajúnꞌ ya̱tu̱nꞌ nu̱u̱nꞌ ñúꞌún tratúꞌ ley, jee maa oro ña̱noꞌonꞌ kua̱íyó ya̱ta̱ꞌ ya̱tu̱nꞌ vá. Jee suni iniꞌ‑i nñu̱ꞌun ɨɨn ki̱sɨ oro ya̱ nñu̱ꞌun maná iniꞌ‑i ya̱ kúvi i̱xta̱tíláꞌ nki̱nkuun súkún, jee suni iniꞌ ya̱tu̱nꞌ vá nñu̱ꞌun karútíꞌ Aarón ya̱ nnene naꞌá yu̱ku̱ꞌ, jee suni nñu̱ꞌun rá tukúnú yu̱u̱ꞌ tiáxín ya̱ nniso rá tu̱ꞌun tratúꞌ.