2 Corintios 3:2 - Mixteco del suroeste de Tlaxiaco Oaxaca

² Soo ntu̱ví, chi ránoꞌó vá kúvi kuéntáꞌ ɨɨn tutuꞌ ya̱ nákutíñú va̱ꞌa‑a jie̱ꞌe̱ꞌ ránuꞌuꞌ. [Ñúꞌún iniꞌ ráníꞌ na̱sa kúneí va̱ꞌa iniꞌ ránú Jesús níkɨ́nꞌ rán re̱ꞌ] kuéntáꞌ ɨɨn tutuꞌ ya̱ nééꞌ iniꞌ ánímaꞌ ráníꞌ. Jee kuvi kuniꞌ nɨꞌɨ rá ñɨvɨ maa jee sukuán kuéntáꞌ kúvi káꞌvi ráa maa.

2 Corintios 3:2 ပူးပေါင်းရင်းမြစ်များ

Romanos 1:8

Jee xíꞌnañúꞌún ka̱ꞌ jiáꞌa ni̱ꞌ ya̱ kútaꞌviꞌ ni̱ꞌ nu̱u̱nꞌ Ndiosíꞌ ni̱ꞌ jie̱ꞌe̱ꞌ ntáká ránoꞌó sáni chúꞌun káñá Jesucristo iniꞌ ni̱ꞌ sáꞌá ni̱ꞌ maa, chi tékútu̱ꞌún nu̱u̱nꞌ nɨꞌɨ ñɨ̱vɨ́ na̱sa kúneí iniꞌ rán Jesús.

1 Corintios 3:10

Sánikua̱ꞌ ni̱yo maniꞌ iniꞌ Ndiosíꞌ néꞌyá re̱ꞌ nuꞌuꞌ jee saáva ntaji re̱ꞌ tiñu sáꞌá ni̱ꞌ nu̱u̱nꞌ rán ya̱ kúvi ni̱ꞌ kuéntáꞌ mestrúꞌ ya̱ jiáni veꞌi jee sáꞌá ni̱ꞌ nu̱u̱nꞌ kájiéꞌé jie̱ꞌe̱ꞌ ve̱ꞌí. Jee inka te̱e kua̱ꞌa̱nꞌ náchisó no̱ꞌo nu̱u̱nꞌ nsamaꞌ ni̱ꞌ vá, soo ta ɨɨn ta ɨɨn vá íyó kumí sáá sikuéꞌnu tiñu sáꞌá vá.

2 Corintios 11:11

¿Na̱ kuvi chi káꞌánꞌ ni̱ꞌ sukuán rúja? ¿Á ntu ñúnúunꞌ ni̱ꞌ ránoꞌó rúja? Jíníꞌ Ndiosíꞌ ya̱ ñúnúunꞌ ni̱ꞌ ránoꞌó.

2 Corintios 12:15

Jee kúsɨ́ɨꞌ iniꞌ ni̱ꞌ ka̱xi̱nꞌ ni̱ꞌ ya̱ kúmí ni̱ꞌ, jín ne̱ máá maáníꞌ nu̱u̱nꞌ tiñu Cristo sáva kúvi ya̱ va̱ꞌa nu̱u̱nꞌ rán. Retú víꞌí ka̱ꞌ ñúnúunꞌ ni̱ꞌ ránoꞌó, ¿á núun ka̱ꞌ kunu̱u̱nꞌ rán nuꞌuꞌ?

2 Corintios 3:1

¿Á jiáni iniꞌ ránú ya̱ nákijiéꞌé tuku ráníꞌ ya̱ nákutíñú va̱ꞌa ránꞌ jie̱ꞌe̱ꞌ maáránꞌ rúja? Áxí, ¿á íyó taji ránꞌ nu̱u̱nꞌ ránoꞌó tutuꞌ ya̱ nákutíñú va̱ꞌa‑a jie̱ꞌe̱ꞌ ránuꞌuꞌ rúja?, áxí, ¿á íyó taji ránú tutuꞌ sukuán nu̱u̱nꞌ ránuꞌuꞌ, sáni jíniñúꞌún sava inka ñɨvɨ rúja?

2 Corintios 7:3

Soo nsáꞌ káchíꞌ ni̱ꞌ yaꞌá sáva tee ni̱ꞌ si̱kɨ̱ꞌ ránoꞌó, chi ya̱ nkachiꞌ ni̱ꞌ xíꞌna, ya̱ ñúnúunꞌ ránꞌ ránoꞌó ñúꞌún iniꞌ ánímaꞌ ráníꞌ ránoꞌó, va̱ni kuviꞌ ránꞌ jín ránoꞌó va̱ni kutekuꞌ ránꞌ jín ránoꞌó.

Filipenses 1:7

Na̱a̱ꞌ vá jiáni iniꞌ ni̱ꞌ suꞌva jie̱ꞌe̱ꞌ nta̱ká rán, chi ñúꞌún víꞌí iniꞌ ni̱ꞌ néꞌyá ni̱ꞌ ránoꞌó, chi íyó mániꞌ iniꞌ Ndiosíꞌ néꞌyá re̱ꞌ nta̱ká‑órán, ya̱ chíneí chituvi re̱ꞌ yó, sáva chíneí táꞌán nta̱ká rán jín ni̱ꞌ, sáá núꞌníꞌ ni̱ꞌ iniꞌ veka̱a, jín sáá náma ni̱ꞌ tu̱ꞌun va̱ꞌa Jesús, jín sáá sánáaꞌ ni̱ꞌ ya̱ na̱a̱ꞌ ví tu̱ꞌun vá.

1 Tesalonicenses 1:8

Chi síkúténuun ránú tu̱ꞌun I̱toꞌoꞌ‑ó nu̱u̱nꞌ rá ñuunꞌ Macedonia jín Acaya, soo nsú kua̱chi yukuán, chi suni ntáká nu̱u̱nꞌ jiéténuun tu̱ꞌun jie̱ꞌe̱ꞌ ya̱ kúneí iniꞌ rán Ndiosíꞌ. Saáva ntu̱náꞌ jíniñúꞌún ráníꞌ ka̱ꞌ kachiꞌ ránꞌ maa.