2 Corintios 3:12 - Mixteco del suroeste de Tlaxiaco Oaxaca

¹² Jee jie̱ꞌe̱ꞌ íyó kutú tu̱neí iniꞌ‑ó ya̱ saꞌá Ndiosíꞌ sukuán, jee saáva íyó neí iniꞌ‑ó.

2 Corintios 3:12 ပူးပေါင်းရင်းမြစ်များ

Juan 10:24

Jee rá te̱e kúñáꞌnú nu̱u̱nꞌ Israel nkuti̱yu̱ꞌ ráa nu̱u̱nꞌ Jesús, jee nkachiꞌ ráa: ―¿Na̱sa ka̱ꞌ tiempúꞌ vá íyó chuꞌun níní nú iniꞌ ránꞌ? Retú noꞌó ví máá Cristo, jee kachiꞌ kájí maa nu̱u̱nꞌ ránꞌ.

Juan 16:25

’Nkachiꞌ ni̱ꞌ nu̱u̱nꞌ rán rá tu̱ꞌun kúnkunuún káꞌánꞌ. Soo kiji rá ki̱vɨ̱ꞌ ya̱ nsáꞌ kaꞌanꞌ ni̱ꞌ ka̱ꞌ jín rán rá tu̱ꞌun kúnkunuún káꞌánꞌ, chisaꞌ kájí ni kachitu̱ꞌún ni̱ꞌ nu̱u̱nꞌ rán tu̱ꞌun jie̱ꞌe̱ꞌ Tátáꞌ ni̱ꞌ.

Juan 16:29

Jee nkachiꞌ rá te̱e súkuáꞌa re̱ꞌ ráa: ―Vitan jee kájí ni káchíꞌ nú, chi ni ntu̱ví káchíꞌ nú ka̱ꞌ rá tu̱ꞌun kúnkunuún káꞌánꞌ.

Hechos 14:3

Soo kue̱ꞌe̱ꞌ tiempúꞌ nkino̱o Pablo jín Bernabé yukuán, jee nkaꞌanꞌ neí iniꞌ ráa, chi kúneí iniꞌ ráa I̱toꞌoꞌ‑ó. Jee I̱toꞌoꞌ‑ó nsa̱ꞌá re̱ꞌ ya̱ saꞌá ráa rá seña jín a̱nasɨ́ sáva nstúvi ya̱ íyó na̱a̱ꞌ tu̱ꞌun káꞌánꞌ ráa, jie̱ꞌe̱ꞌ íyó mániꞌ iniꞌ re̱ꞌ néꞌyá re̱ꞌ rá ñɨvɨ ya̱ síkáku re̱ꞌ yó ya̱ ntu íyó ni̱ꞌi̱nꞌ‑ó maa.

Hechos 4:13

Jee sáá niniꞌ ráa ya̱ chúneí iniꞌ Pedro jín Juan, jee sáá nku̱káꞌnú iniꞌ ráa ya̱ nsú te̱e nsu̱kuáꞌa víꞌí ví rává jee kúvi rává te̱e saɨn, jee nti̱vɨ́ xi̱ni̱ꞌ ráa. Jee nna̱kuniꞌ ráa ya̱ kúvi rává rá te̱e nku̱táꞌán rává jín Jesús.

Hechos 9:27

Soo Bernabé ña̱na̱ka re̱ꞌ maa nu̱u̱nꞌ rá te̱e níso ráa tiñu apóstol. Jee nna̱kani Bernabé sáá niniꞌ Saulo I̱toꞌoꞌ‑ó iniꞌ ichi, jín ya̱ nkaꞌanꞌ I̱toꞌoꞌ‑ó jín re̱ꞌ, jín sáá nkaꞌanꞌ neí iniꞌ re̱ꞌ nu̱u̱nꞌ súví Jesús, nu̱u̱nꞌ ñuunꞌ Damasco.

Hechos 9:29

jee káꞌánꞌ neí iniꞌ re̱ꞌ jie̱ꞌe̱ꞌ I̱toꞌoꞌ‑ó. Káꞌánꞌ re̱ꞌ jee kántátúꞌun re̱ꞌ jín rá te̱e Israel ya̱ káꞌánꞌ tu̱ꞌun griego. Soo suviráa nnu̱nasɨ́ ráa kaꞌniꞌ ráa maa.

1 Corintios 14:19

Soo súka̱ꞌ sukuán íyó, soo sáá nútútú ráníꞌ jín rá ñɨvɨ ya̱ jínúꞌ iniꞌ ráa Ndiosíꞌ, jee kuíni ni̱ꞌ kaꞌanꞌ ni̱ꞌ sú ré u̱ꞌu̱nꞌ ni tu̱ꞌun jín antúníꞌ ni̱ꞌ ya̱ ki̱ku̱ꞌun iniꞌ rá inka ñɨvɨ maa sáva xinéꞌénꞌ ni̱ꞌ ráa, nsú ka̱ꞌ ya̱ kaꞌanꞌ ni̱ꞌ u̱ji̱ꞌ mil (10,000) tu̱ꞌun inka nu̱u̱nꞌ rá tu̱ꞌun ya̱ ntu̱ví jiáku̱ꞌun iniꞌ rá ñɨvɨ.

2 Corintios 10:1

Nuꞌuꞌ Pablo jíkánꞌ táꞌvíꞌ ni̱ꞌ nu̱u̱nꞌ ránoꞌó jee másúꞌ káꞌánꞌ ni̱ꞌ jee káꞌánꞌ vi̱tá ni̱ꞌ kuéntáꞌ káꞌánꞌ Cristo. Jee ñɨvɨ káꞌvi ni káchíꞌ ya̱ sáá nééꞌ ni̱ꞌ jín rán jee ñúꞌún láꞌví iniꞌ ni̱ꞌ, soo sáá íyó íká ni̱ꞌ nu̱u̱nꞌ rán jee ñúꞌún tiɨ́kɨ́ iniꞌ ni̱ꞌ káꞌánꞌ ni̱ꞌ jín ránoꞌó, sáá tée ni̱ꞌ nu̱u̱nꞌ tutuꞌ nu̱u̱nꞌ rán.

2 Corintios 3:11

Jee retú nkenta ru ley vá nku̱ñáꞌnú nasɨ́kuitɨꞌ‑ɨ ya̱ núun‑u vitan ne̱ jíta‑a, soo maá kúñáꞌnú nasɨ́kuitɨꞌ ka̱ꞌ ví tratúꞌ jiáá, ya̱ kínóo‑o nɨ́ɨ́nkání.

2 Corintios 4:13

Jee nuún kúneí iniꞌ ránꞌ Ndiosíꞌ ne̱ ánímaꞌ ránꞌ sánikua̱ꞌ nku̱neí iniꞌ maá te̱e ya̱ ntee re̱ꞌ salmo níso nu̱u̱nꞌ Tutuꞌ Ííꞌ. Jee sánikua̱ꞌ káchíꞌ re̱ꞌ: “Ni̱nu̱ꞌ iniꞌ ni̱ꞌ Ndiosíꞌ, saáva nkaꞌanꞌ ni̱ꞌ tu̱ꞌun re̱ꞌ”, jee saáva suni sukuán ínúꞌ iniꞌ ránuꞌuꞌ Ndiosíꞌ, jee saáva káꞌánꞌ ránꞌ tu̱ꞌun re̱ꞌ.

2 Corintios 7:4

Jee káꞌánꞌ neí iniꞌ ni̱ꞌ jín ránoꞌó. Jee káꞌánꞌ téyɨ́ɨ́ ni̱ꞌ jie̱ꞌe̱ꞌ ránoꞌó. Chi núváꞌa iniꞌ ni̱ꞌ jee kúsɨ́ɨꞌ nasɨ́kuitɨꞌ iniꞌ ánímaꞌ ni̱ꞌ sú na̱sa ka̱ꞌ nta̱ká tu̱nóꞌó nóꞌo ráníꞌ.

Filipenses 1:14

Jie̱ꞌe̱ꞌ yɨ́ꞌɨ́ ni̱ꞌ veka̱a, jee yatin kúnɨꞌɨ rá ñaniꞌ kúneí ka̱ꞌ iniꞌ ráa sáꞌá I̱toꞌoꞌ‑ó, saáva kukueꞌeꞌ ka̱ꞌ kíji iniꞌ ráa stékútu̱ꞌún ráa Tu̱ꞌun Ndiosíꞌ, jee ntu níkó iniꞌ ráa sáꞌá ráa maa.

Filipenses 1:20

Ñúꞌún numíjiꞌíꞌ iniꞌ ni̱ꞌ jee íyó tu̱ꞌun neí iniꞌ ni̱ꞌ, ya̱ nkúkanuun ni̱ꞌ, jín ya̱ koo neí iniꞌ ni̱ꞌ vitan kuéntáꞌ sukuáni, sáva kuatíñú Ndiosíꞌ nuꞌuꞌ, sáva stúvi re̱ꞌ ya̱ kúñáꞌnú ví Cristo, vasúꞌ tékúꞌ ni̱ꞌ áxí vasúꞌ kuviꞌ ni̱ꞌ.

Colosenses 4:4

Jee ka̱ka̱nꞌ táꞌvíꞌ rán nu̱u̱nꞌ Ndiosíꞌ ya̱ stúvi kájí ni̱ꞌ tu̱ꞌun váꞌa vá, sáni íyó kachiꞌ ni̱ꞌ maa.

1 Tesalonicenses 2:2

Chi sú nnoꞌo ránuꞌuꞌ xi̱ntíín rá te̱e nísotíñú ñuunꞌ Filipos jee ntenu̱u̱nꞌ ráa ránuꞌuꞌ yukuán, sáni jíníꞌ ránoꞌó, soo nna̱sáneí Ndiosíꞌ iniꞌ ránꞌ sáva kachiꞌ ránꞌ tu̱ꞌun váꞌa Ndiosíꞌ nu̱u̱nꞌ ránoꞌó. Nnu̱nasɨ́ víꞌí ránꞌ nsa̱ꞌá ránꞌ suꞌva sú nkenta víꞌí rá ñɨvɨ yukuán si̱kɨ̱ꞌ ránuꞌuꞌ.

1 Timoteo 3:13

Jee rá te̱e chíneí vá, ya̱ síkúnkuvi va̱ꞌa ráa rá tiñu ráa, jee ni̱ꞌi̱nꞌ ráa ya̱ koo ñáꞌnú ñɨvɨ nu̱u̱nꞌ ráa, jee ni̱ꞌi̱nꞌ ráa ka̱ꞌ ya̱ kaꞌanꞌ neí iniꞌ ráa jie̱ꞌe̱ꞌ tu̱ꞌun Cristo Jesús ya̱ kúneí iniꞌ ráa.

Filemón 1:8

Saáva táji Cristo ya̱ kuvi kaꞌanꞌ neí iniꞌ ni̱ꞌ tatúníꞌ ni̱ꞌ noꞌó ya̱ íyó saꞌá nú.