2 Corintios 2:14 - Mixteco del suroeste de Tlaxiaco Oaxaca

¹⁴ Soo kútaꞌviꞌ ni̱ꞌ nu̱u̱nꞌ Ndiosíꞌ, chi suvire̱ꞌ vá sukuáni náka re̱ꞌ ránuꞌuꞌ sáva stúvi re̱ꞌ ya̱ kúneí re̱ꞌ si̱kɨ̱ꞌ nɨꞌɨ jie̱ꞌe̱ꞌ ya̱ nsa̱ꞌá re̱ꞌ jín ránuꞌuꞌ, kuéntáꞌ ɨɨn desfile stúvi‑i ya̱ nku̱neí ɨɨn general sáá nka̱ntáꞌán re̱ꞌ. Náka Ndiosíꞌ ránuꞌuꞌ sukuán jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo. Jee jiátíñú re̱ꞌ ránuꞌuꞌ sáva sikúténuun ránꞌ tu̱ꞌun váꞌa Cristo nta̱ká ichi, sáva kuvi kuniꞌ rá ñɨvɨ iniꞌ re̱ꞌ, kuéntáꞌ kua̱ꞌ jiéténuun xikoꞌ jiávi̱xi̱ꞌ.

2 Corintios 2:14 ပူးပေါင်းရင်းမြစ်များ

Juan 16:33

Ntáká rá tu̱ꞌun yaꞌá nkaꞌanꞌ ni̱ꞌ jín rán sáva ne̱ va̱ꞌa kino̱o ánímaꞌ rán, chi yɨ́ꞌɨ́ rán nu̱u̱nꞌ ni̱ꞌ. Chi kiji tu̱nóꞌó nu̱u̱nꞌ rán iniꞌ ñɨ̱vɨ́ yaꞌá, soo koo neí iniꞌ rán, chi ya nku̱neí ni̱ꞌ nu̱u̱nꞌ nɨꞌɨ ya̱ niváꞌa íyó iniꞌ ñɨ̱vɨ́.

Romanos 1:8

Jee xíꞌnañúꞌún ka̱ꞌ jiáꞌa ni̱ꞌ ya̱ kútaꞌviꞌ ni̱ꞌ nu̱u̱nꞌ Ndiosíꞌ ni̱ꞌ jie̱ꞌe̱ꞌ ntáká ránoꞌó sáni chúꞌun káñá Jesucristo iniꞌ ni̱ꞌ sáꞌá ni̱ꞌ maa, chi tékútu̱ꞌún nu̱u̱nꞌ nɨꞌɨ ñɨ̱vɨ́ na̱sa kúneí iniꞌ rán Jesús.

Romanos 15:19

jín ya̱ káꞌánꞌ ni̱ꞌ jie̱ꞌe̱ꞌ ya̱ nsa̱ꞌá re̱ꞌ jín ni̱ꞌ rá seña ya̱ níso fuersáꞌ ííꞌ jín rá a̱nasɨ́ sáva stúvi ya̱ kúñáꞌnú re̱ꞌ, chi Ta̱chi̱ꞌ Ííꞌ re̱ꞌ nsa̱ꞌá maa jín fuersáꞌ ííꞌ níso re̱ꞌ. Nsa̱ꞌá re̱ꞌ nɨꞌɨ yaꞌá sáva sikúnkuvi ni̱ꞌ stekútu̱ꞌún ni̱ꞌ tu̱ꞌun váꞌa jie̱ꞌe̱ꞌ Cristo ne̱ ñuunꞌ Jerusalén, jín ntáká rá ñuunꞌ ya̱ káá ni̱kótíyu ntáká ichi yukuán, kénta kua̱íyó ne̱ rá ñuunꞌ ya̱ sánitɨ́ɨn ñuunꞌ Ilírico.

Romanos 6:17

Soo nkútaꞌviꞌ‑ó nu̱u̱nꞌ Ndiosíꞌ, ya̱ súnika̱ꞌ nyɨ̱ꞌɨ rán xi̱ntíín kua̱chi kuéntáꞌ musúꞌ kéꞌen, nékúvi, soo vitan jee nka̱níjiá rán ne̱ ánímaꞌ rán Tu̱ꞌun Ndiosíꞌ ya̱ nxi̱néꞌénꞌ ráa nu̱u̱nꞌ ránoꞌó.

Romanos 8:37

Soo súka̱ꞌ nóꞌo‑ó tu̱nóꞌó sukuán, jee Cristo ya̱ ñúnúunꞌ re̱ꞌ yó, maáréꞌ sáꞌá re̱ꞌ ya̱ ntántúníꞌ kuneí‑ó núneí ka̱ꞌ iniꞌ‑ó,

1 Corintios 12:8

Chi nu̱u̱nꞌ sava‑ó táji Ta̱chi̱ꞌ Ííꞌ ta̱ꞌvi̱ꞌ ya̱ káꞌánꞌ‑a tu̱ꞌun níchí ya̱ va̱ji ne̱ nu̱u̱nꞌ Ndiosíꞌ. Jee nu̱u̱nꞌ inka‑ó ka̱ꞌ táji ɨɨn ni Ta̱chi̱ꞌ Ííꞌ vá ta̱ꞌvi̱ꞌ ya̱ sátíñú re̱ꞌ iniꞌ‑i sáva jíníꞌ va̱ꞌa‑a Tu̱ꞌun Ndiosíꞌ jee xínéꞌénꞌ‑e vá nu̱u̱nꞌ rá ñanitáꞌán‑ó.

1 Corintios 15:37

Jee nsú maá yuku ya̱ táꞌvíꞌ ví ya̱ chiꞌi nú chi̱ji ñuꞌun, chisaꞌ maá nikɨn tataꞌ ví ya̱ táji nú chi̱ji ñuꞌun, va̱ni trigúꞌ áxí va̱ni inka nikɨn,

1 Corintios 15:57

Soo na̱ ka̱ꞌ kútaꞌviꞌ‑ó nu̱u̱nꞌ Ndiosíꞌ, chi jie̱ꞌe̱ꞌ ya̱ sáꞌá I̱toꞌoꞌ‑ó Jesús ya̱ kúvi Cristo ya̱ kúneí‑ó si̱kɨ̱ꞌ jíꞌíꞌ‑ó.

2 Corintios 1:11

sáá chíneí táꞌán ránú ránuꞌuꞌ ya̱ jíkánꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ ránuꞌuꞌ. Jee suni koo kue̱ꞌe̱ꞌ ñɨvɨ ku̱ꞌva ráa ya̱ kútaꞌviꞌ nu̱u̱nꞌ Ndiosíꞌ jie̱ꞌe̱ꞌ ta̱ꞌvi̱ꞌ sikútaꞌviꞌ re̱ꞌ nu̱u̱nꞌ ránuꞌuꞌ ya̱ nama re̱ꞌ ránuꞌuꞌ jie̱ꞌe̱ꞌ jíkánꞌ táꞌvíꞌ kue̱ꞌe̱ꞌ ñɨvɨ jie̱ꞌe̱ꞌ ránuꞌuꞌ.

2 Corintios 8:16

Soo kútaꞌviꞌ‑ó nu̱u̱nꞌ Ndiosíꞌ, ya̱ nsa̱ꞌá re̱ꞌ ya̱ nuún ñúꞌún káñá iniꞌ ánímaꞌ Tito jín nuꞌuꞌ jie̱ꞌe̱ꞌ ránoꞌó.

2 Corintios 9:15

¡Kútaꞌviꞌ‑ó nu̱u̱nꞌ Ndiosíꞌ!, chi ntaji re̱ꞌ nu̱u̱nꞌ‑ó ɨɨn ta̱ꞌvi̱ꞌ maá ñáꞌnú nasɨ́kuitɨꞌ ka̱ꞌ, ya̱ ntu níꞌínꞌ‑ó na̱ja kachiꞌ‑ó maa.

Efesios 5:2

Jee íyó kueꞌnu rán jín tu̱ꞌun ñúnúunꞌ táꞌán, kuéntáꞌ suni ñúnúunꞌ Cristo yó, jee nna̱ku̱ꞌva re̱ꞌ maáréꞌ jie̱ꞌe̱ꞌ‑ó, chi nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Yukuán kúvi kuéntáꞌ ɨɨn xikoꞌ jiáꞌánꞌ vi̱xi̱ꞌ ya̱ téñuꞌunꞌ maa nu̱u̱nꞌ Ndiosíꞌ. Jee kúváꞌa iniꞌ Ndiosíꞌ néꞌyá re̱ꞌ maa.

Efesios 5:20

Jee nu̱u̱nꞌ súví I̱toꞌoꞌ‑ó Jesús ya̱ kúvi Cristo, sukuáni íyó ku̱ꞌva rán ya̱ kútaꞌviꞌ rán nu̱u̱nꞌ Tátáꞌ‑ó Ndiosíꞌ, jie̱ꞌe̱ꞌ ntáká na̱janu̱u̱nꞌ.

Filipenses 4:18

Saájee nni̱ꞌi̱nꞌ ni̱ꞌ nɨꞌɨ ya̱ jíniñúꞌún ni̱ꞌ, jee kínóo ka̱ꞌ nu̱u̱nꞌ ni̱ꞌ. Íyó kue̱ꞌe̱ꞌ nu̱u̱nꞌ ni̱ꞌ, chi nni̱ꞌi̱nꞌ ni̱ꞌ ya̱ váji jín Epafrodito ya̱ ntaji rán nu̱u̱nꞌ ni̱ꞌ. Ya̱ ntaji rán nu̱u̱nꞌ ni̱ꞌ íyó kuéntáꞌ su̱jie ííꞌ jiáꞌánꞌ vi̱xi̱ꞌ ya̱ sókóꞌ rán nu̱u̱nꞌ Ndiosíꞌ. Chi ya̱ ntaji rán nu̱u̱nꞌ ni̱ꞌ kúvi ya̱ nso̱ko̱ꞌ rán nu̱u̱nꞌ re̱ꞌ, jee tɨ́ɨn kuéntáꞌ re̱ꞌ maa, chi kúváꞌa iniꞌ re̱ꞌ néꞌyá re̱ꞌ maa.

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.

Colosenses 1:6

Tu̱ꞌun vá nkenta nu̱u̱nꞌ rán, sáni kénta‑a nu̱u̱nꞌ rá ñɨvɨ nɨꞌɨ ñɨ̱vɨ́. Sáꞌá tu̱ꞌun váꞌa vá ya̱ váꞌa iniꞌ ráa, sánikua̱ꞌ ɨɨn yutun váꞌa kúun ya̱ vixíꞌ váꞌa, jee jiáꞌnu ka̱ꞌ tu̱ꞌun vá iniꞌ ráa. Suꞌva sáꞌá tu̱ꞌun vá sánikua̱ꞌ suni sukuán sáꞌá‑a jín rán ne̱ sáá ki̱vɨ̱ꞌ nteso̱ꞌo rán maa, jee nku̱káꞌnú noo iniꞌ rán ya̱ nááꞌ nijia íyó ma̱ni̱ꞌ iniꞌ Ndiosíꞌ néꞌyá re̱ꞌ yó, sú ntu íyó ni̱ꞌi̱nꞌ‑ó ya̱ koo ma̱ni̱ꞌ iniꞌ re̱ꞌ kune̱ꞌyá re̱ꞌ yó.

Colosenses 2:15

Jee sáá ni̱ꞌi̱ꞌ Cristo nu̱u̱nꞌ kurúsiꞌ, nku̱neí re̱ꞌ si̱kɨ̱ꞌ rá ta̱chi̱ꞌ kíni ya̱ kúñáꞌnú jín ya̱ níso ráa fuersáꞌ. Jee nstúvi nijinꞌ re̱ꞌ maa, kuéntáꞌ síáꞌa nijinꞌ rá ñɨvɨ ɨɨn te̱e nu̱chitú nu̱u̱nꞌ kua̱ꞌa̱nꞌ‑a veka̱a. Jee suꞌva nstúvi re̱ꞌ ya̱ kúñáꞌnú re̱ꞌ nu̱u̱nꞌ ráa, sáá ni̱ꞌi̱ꞌ re̱ꞌ nu̱u̱nꞌ kurúsiꞌ.

1 Tesalonicenses 1:8

Chi síkúténuun ránú tu̱ꞌun I̱toꞌoꞌ‑ó nu̱u̱nꞌ rá ñuunꞌ Macedonia jín Acaya, soo nsú kua̱chi yukuán, chi suni ntáká nu̱u̱nꞌ jiéténuun tu̱ꞌun jie̱ꞌe̱ꞌ ya̱ kúneí iniꞌ rán Ndiosíꞌ. Saáva ntu̱náꞌ jíniñúꞌún ráníꞌ ka̱ꞌ kachiꞌ ránꞌ maa.

1 Tesalonicenses 3:9

Ntu ñúkúꞌvá iniꞌ ráníꞌ ya̱ íyó ku̱ꞌva ránꞌ ya̱ kútaꞌviꞌ ránꞌ nu̱u̱nꞌ Ndiosíꞌ jie̱ꞌe̱ꞌ ránoꞌó, jie̱ꞌe̱ꞌ nɨꞌɨ ya̱ sɨɨ́ꞌ ntaji re̱ꞌ jie̱ꞌe̱ꞌ ránoꞌó. ¿Na̱ja kúvi ku̱ꞌva ránꞌ kua̱ꞌ nɨꞌɨ ya̱ kútaꞌviꞌ ránꞌ nu̱u̱nꞌ re̱ꞌ, rúsa?

1 Timoteo 2:8

Saáva kuíni ni̱ꞌ, ya̱ kaꞌanꞌ rá te̱e jín Ndiosíꞌ né ni ví nkuvi, jee naneꞌen ráa naꞌá ráa, ya̱ ntu yɨ́ꞌɨ́ ráa jín ya̱ níváꞌa, ya̱ nkóo tu̱ꞌun kítɨ́ꞌ iniꞌ ɨɨn inka ráa, jín ya̱ nkóo tu̱ꞌun kántátúꞌun ɨɨn inka ráa.

2 Timoteo 2:2

Jee nta̱ká tu̱ꞌun, ya̱ nteso̱ꞌo nú ya̱ nkachiꞌ ni̱ꞌ nu̱u̱nꞌ nú ichinúúnꞌ kue̱ꞌe̱ꞌ ñɨvɨ ya̱ kúvi stúvi ráa maa, jee natetíñú nú tu̱ꞌun vá nu̱u̱nꞌ inka rá te̱e na̱a̱ꞌ, ya̱ síkúnkuvi va̱ꞌa ráa, ya̱ kuvi naxinéꞌénꞌ ráa maa nu̱u̱nꞌ rá inka ñɨvɨ.

Apoclipsis 7:12

Jee nkachiꞌ ráa: Sukuán koo, na̱ ka̱ꞌ vá nakuetúꞌún‑ó Ndiosíꞌ‑ó nɨ́ɨ́nkání nta̱ká tiempúꞌ, jín ya̱ viiꞌ víꞌí kúñáꞌnú re̱ꞌ, jín ya̱ níchí víꞌí re̱ꞌ, jín ya̱ ku̱ꞌva‑ó ya̱ kútaꞌviꞌ nu̱u̱nꞌ re̱ꞌ, jín ya̱ nakuatáꞌví‑ó re̱ꞌ, jín ya̱ kuneí re̱ꞌ jín ntáká tiñu ya̱ sáꞌá re̱ꞌ, jín ya̱ níso re̱ꞌ fesáꞌ ííꞌ níꞌin re̱ꞌ nta̱ká tiempúꞌ nɨ́ɨ́nkání. Sukuán koo, nkachiꞌ rá najiáꞌáꞌ ííꞌ re̱ꞌ.