2 Corintios 13:5 - Mixteco del suroeste de Tlaxiaco Oaxaca

⁵ Kototúníꞌ rán maárán, sáva kuniꞌ rán retú máá naáꞌ nijia kúneí iniꞌ rán Cristo. Kototúníꞌ rán maárán. ¿Á ntu tɨ́ɨn kuéntáꞌ rán ya̱ yɨ́ꞌɨ́ Cristo iniꞌ rán rúja? Áxí, ¿á ni̱ta rán ntu kéne na̱a̱ꞌ ya̱ máá naáꞌ nijia kúneí iniꞌ rán Cristo rúja?

2 Corintios 13:5 ပူးပေါင်းရင်းမြစ်များ

Juan 14:23

Jee nna̱xiníkó Jesús, jee nkachiꞌ re̱ꞌ nu̱u̱nꞌ‑u: ―Ɨɨn ñɨvɨ ya̱ ñúnúunꞌ‑u nuꞌuꞌ, jee sikúnkuvi‑i tu̱ꞌun ni̱ꞌ, jee kunu̱u̱nꞌ Tátáꞌ ni̱ꞌ maa, jee ni núvíꞌ ni̱ꞌ jín Tátáꞌ ni̱ꞌ kiji ránꞌ nu̱u̱nꞌ ñɨvɨ vá, jee koo ránꞌ jín‑i.

Juan 15:4

Jee íyó kuiñɨ ni̱ꞌin rán kino̱o kutú rán nu̱u̱nꞌ nuꞌuꞌ, jee nuꞌuꞌ suni kuiñɨ ni̱ꞌin ni̱ꞌ koo ni̱ꞌ jín rán. Chi ɨɨn naꞌá yokúꞌúꞌ lúlí ntu̱ví kúvi máá maáa ku̱ꞌva‑a uva, retú ntu̱ví tɨ́ɨn táꞌán‑a jín yokúꞌúꞌ káꞌnú vá. Jee suni sukuán ránoꞌó chi ntu̱ví kúvi kueꞌnu máá maárán sáni kuíni Ndiosíꞌ retú ntu̱ví íñɨ́ ni̱ꞌin rán jín nuꞌuꞌ.

Juan 17:23

Nuꞌuꞌ, jee yɨ́ꞌɨ́ ni̱ꞌ iniꞌ ráa, jee noꞌó, yɨ́ꞌɨ́ nú iniꞌ nuꞌuꞌ, sáva kenta kuna̱a̱ꞌ nuún koo iniꞌ ráa, sáva kuniꞌ rá ñɨvɨ ñɨ̱vɨ́ ya̱ maánú nchu̱ichí nú nuꞌuꞌ, jín ya̱ ñúnúunꞌ nú ráa kuéntáꞌ ñúnúunꞌ nú nuꞌuꞌ.

Juan 17:26

Ni̱stúvi ni̱ꞌ noꞌó nu̱u̱nꞌ ráa jee istúvi ni̱ꞌ ka̱ꞌ noꞌó, sáva kuéntáꞌ kua̱ꞌ ñúnúunꞌ nú nuꞌuꞌ, jee suni sukuán kunu̱u̱nꞌ ráa rá táꞌán ráa, jee kɨꞌɨ ni̱ꞌ iniꞌ ráa ―nkachiꞌ Jesús.

Juan 6:56

Chi ɨɨn ñɨvɨ ya̱ yájíꞌ‑i yɨkɨkúñu ni̱ꞌ jee jíꞌi‑i ni̱ñɨ̱ꞌ ni̱ꞌ, jee kínóo‑o yɨ́ꞌɨ́‑ɨ nu̱u̱nꞌ ni̱ꞌ, jee kínóo ni̱ꞌ yɨ́ꞌɨ́ ni̱ꞌ nu̱u̱nꞌ maáa.

Juan 6:6

Soo nkachiꞌ Jesús suꞌva nu̱u̱nꞌ Felipe sáva kototúníꞌ re̱ꞌ maa, chi jíníꞌ re̱ꞌ ná kúvi ya̱ saꞌá re̱ꞌ.

Romanos 1:28

Nu̱u̱nꞌ nku̱ichi iniꞌ ráa tɨɨn kuéntáꞌ ráa ya̱ íyó Ndiosíꞌ. Nna̱siáꞌa Ndiosíꞌ ráa nu̱u̱nꞌ antúníꞌ kánéꞌí ráa sáva saꞌá ráa tiñu ya̱ ntu̱ví íyó saꞌá ráa.

Romanos 8:10

Soo nu̱u̱nꞌ yɨ́ꞌɨ́ Cristo iniꞌ rán, sú kɨ̱naanꞌ yɨkɨkúñu rán sáva kuviꞌ‑i jie̱ꞌe̱ꞌ kua̱chi rán, soo ánímaꞌ rán kutekuꞌ‑u jín re̱ꞌ jie̱ꞌe̱ꞌ ya̱ nsiíyo Ndiosíꞌ kua̱chi rán sáva nkino̱o na̱a̱ꞌ rán nu̱u̱nꞌ re̱ꞌ.

1 Corintios 11:28

Saájee retú sukuán íyó, jee xíꞌna ka̱ꞌ íyó kototúníꞌ va̱ꞌa ta ɨɨn ɨɨn‑ó iniꞌ maáó retú íyó kua̱chi‑ó jee nakani iniꞌ‑ó jie̱ꞌe̱ꞌ‑e, saájee kuvi kajiꞌ rán i̱xta̱tíláꞌ vá, jee kuvi koꞌo rán ya̱ ñúꞌún iniꞌ vasúꞌ vá.

1 Corintios 11:31

Jee saáva, chi retánꞌ jítotúníꞌ‑ó maáó retú ntu̱náꞌ kua̱chi‑ó íyó, jee yukuán jee nsáꞌ sijíta I̱toꞌoꞌ‑ó maáó.

1 Corintios 3:16

¿Á ntu̱ví jíníꞌ ránú ya̱ kúvi rán veñu̱ꞌun maá Ndiosíꞌ jín ya̱ yɨ́ꞌɨ́ Ta̱chi̱ꞌ Ííꞌ Ndiosíꞌ iniꞌ ánímaꞌ rán rúja?

1 Corintios 6:15

¿Á ntu̱ví jíníꞌ rán ya̱ maá Cristo xí nantíñú ví yɨkɨkúñu rán chi yɨ́ꞌɨ́ rán yɨkɨkúñu re̱ꞌ rúja? ¿Á kaneeꞌ ni̱ꞌ yɨkɨkúñu ni̱ꞌ ya̱ kúvi nantíñú Cristo jee nasikétáꞌán ni̱ꞌ maa jín yɨkɨkúñu ɨɨn ñaꞌan téní rúja? ¡Soo ni nkúvi kuitɨꞌ!

1 Corintios 6:19

Áxí, ¿á ntu̱ví jíníꞌ rán ya̱ yɨkɨkúñu rán kúvi veñu̱ꞌun nu̱u̱nꞌ yɨ́ꞌɨ́ Ta̱chi̱ꞌ Ííꞌ Ndiosíꞌ iniꞌ rán, jín ya̱ níꞌin rán maa nu̱u̱nꞌ Ndiosíꞌ résa? Jín, ¿á ntu jíníꞌ rán ya̱ nsú i̱toꞌoꞌ xí maárán kúvi rán résa?

1 Corintios 6:2

Áxí, ¿á ntu̱ví jíníꞌ rán ya̱ ɨɨn ki̱vɨ̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Jesús saꞌá náaꞌ ráa keꞌneꞌ ráa kua̱chi jie̱ꞌe̱ꞌ ya̱ sáꞌá rá ñɨvɨ ñɨ̱vɨ́ rúja? Jee retú ránoꞌó jee saꞌá náaꞌ rán kua̱chi ñɨvɨ ñɨ̱vɨ́, jee, ¿á ntu kúneí rán sanáaꞌ rán ɨɨn kua̱chi lúlí ya̱ sáꞌá ɨɨn rá ñanitáꞌán rán rúja?

1 Corintios 9:24

Jee, ¿á ntu jíníꞌ rán ya̱ sáá kunu rá ñɨvɨ jee ntáká kuitɨꞌ ráa jínu nijia, soo kua̱chi métúꞌún ɨɨn ni ví ya̱ kúneí‑i ni̱ꞌi̱nꞌ‑i kutaꞌviꞌ‑i ta̱ꞌvi̱ꞌ‑i rúja? Saáva suni sukuán kuéntáꞌ jínu ɨɨn ñɨvɨ, íyó kueꞌnu rán kuniꞌvɨꞌ iniꞌ rán kuiñɨ ni̱ꞌin rán jín tu̱ꞌun re̱ꞌ sáva kuneí rán ni̱ꞌi̱nꞌ rán ta̱ꞌvi̱ꞌ kutaꞌviꞌ rán ya̱ nachunáán re̱ꞌ nu̱u̱nꞌ ránoꞌó.

1 Corintios 9:27

Chisaꞌ, xichiꞌ nákeꞌen ni̱ꞌ yɨkɨkúñu ni̱ꞌ, jee chíꞌi ni̱ꞌ maa xi̱ntíín ni̱ꞌ, jee sáꞌá ni̱ꞌ sukuán sáva sáá nku̱neí ni̱ꞌ ya̱ nste̱kútu̱ꞌún ni̱ꞌ Tu̱ꞌun Ndiosíꞌ nu̱u̱nꞌ inka ñɨvɨ, jee retú ntu nákeꞌen ni̱ꞌ yɨkɨkúñu ni̱ꞌ jee sa̱naanꞌ jee ntu tɨɨn kuéntáꞌ Ndiosíꞌ ya̱ nsa̱ꞌá ni̱ꞌ jee xitá re̱ꞌ ta̱ꞌvi̱ꞌ nachunáán re̱ꞌ nu̱u̱nꞌ nuꞌuꞌ nékúvi.

2 Corintios 6:16

Jee, ¿ná kúvi ya̱ kétáꞌán veñu̱ꞌun Ndiosíꞌ jín rá nantíñú ya̱ nsú Ndiosíꞌ ví‑i ya̱ néñu̱ꞌun ñɨvɨ rúja? Chi maáó kúvi‑ó veñu̱ꞌun Ndiosíꞌ tékúꞌ, chi yɨ́ꞌɨ́ re̱ꞌ iniꞌ‑ó, sáni nkachiꞌ re̱ꞌ: Kuneeꞌ ni̱ꞌ nteñu ráa jee kakanuun ni̱ꞌ satíñú ni̱ꞌ iniꞌ ráa. Jee maáníꞌ kuvi Ndiosíꞌ ráa. Jee suviráa kuvi ñɨvɨ maáníꞌ.

Gálatas 2:20

Taꞌanꞌ ni̱ꞌ níꞌiꞌ ni̱ꞌ nu̱u̱nꞌ kurúsiꞌ jín Cristo. Saáva nsú káꞌ nuꞌuꞌ ví ya̱ tékúꞌ, chi maá Cristo ví ya̱ tékúꞌ iniꞌ ni̱ꞌ. Jee ni tékúꞌ ni̱ꞌ iniꞌ yɨkɨkúñu ni̱ꞌ yaꞌá, jee jiáꞌnu ni̱ꞌ ichi jie̱ꞌe̱ꞌ kúneí iniꞌ ni̱ꞌ Se̱ꞌya Ndiosíꞌ. Chi Cristo ví ya̱ ñúnúunꞌ re̱ꞌ nuꞌuꞌ jee nna̱sokoꞌ re̱ꞌ maáréꞌ ya̱ níꞌiꞌ re̱ꞌ jie̱ꞌe̱ꞌ ya̱ váꞌa kuvi ni̱ꞌ.

Gálatas 4:19

Ránoꞌó se̱ꞌya maáníꞌ. Nóꞌo ni̱ꞌ kuéntáꞌ téꞌnéꞌ iniꞌ ɨɨn ñaꞌan káku se̱ꞌya, chi nóꞌo ni̱ꞌ suꞌva ne̱kua̱ꞌ sama iniꞌ rán ne̱ nuún koo iniꞌ ánímaꞌ rán jín Cristo.

Gálatas 6:4

Soo ta ɨɨn ñɨvɨ kototúníꞌ‑i maáa jie̱ꞌe̱ꞌ tiñu sáꞌá‑a. Ña̱re nu̱u̱nꞌ sáꞌá va̱ꞌa rán, kuvi kusɨ̱ɨ̱ꞌ téyɨ́ɨ́ iniꞌ‑i jie̱ꞌe̱ꞌ ya̱ sáꞌá‑a jee nkúvi saꞌá nuún‑u maáa jín inka ñɨvɨ.

Efesios 3:17

Sáva kɨꞌɨ Cristo iniꞌ ánímaꞌ rán jie̱ꞌe̱ꞌ ya̱ kúneí iniꞌ rán re̱ꞌ, sáva kuiñɨ ni̱ꞌin rán kuꞌun tu̱ꞌun ñúnúunꞌ re̱ꞌ iniꞌ ránoꞌó, kuéntáꞌ kúkutú yoꞌo yutun jín kuéntáꞌ veꞌi yósóꞌ kutú nu̱u̱nꞌ koo sámáꞌ,

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.

Colosenses 1:27

Jee nkuini iniꞌ re̱ꞌ ya̱ sikúkáꞌnú re̱ꞌ iniꞌ ráa, ya̱ na̱ ka̱ꞌ viiꞌ kúñáꞌnú yɨ́yáꞌvi ka̱ꞌ ví ya̱ váꞌa, ya̱ níso tu̱ꞌun yuꞌuꞌ yaꞌá, ya̱ jiáꞌa re̱ꞌ nu̱u̱nꞌ rá ñɨvɨ ntu kúvi Israel. Tu̱ꞌun yaꞌá kúvi ya̱ yɨ́ꞌɨ́ Cristo iniꞌ ánímaꞌ rán. Jee saáva íyó tu̱ꞌun neí iniꞌ‑ó ya̱ kuneeꞌ‑ó nɨ́ɨ́nkání jín re̱ꞌ, ya̱ nu̱u̱nꞌ viiꞌ nasɨ́kuitɨꞌ ví‑i.

Colosenses 2:19

Chi ntu̱ví íñɨ́ ráa jín Cristo, ya̱ yósóꞌ‑o nu̱u̱nꞌ‑ó kuéntáꞌ kúvi re̱ꞌ xi̱ni̱ꞌ nu̱u̱nꞌ‑ó. Jee kúvi‑ó kuéntáꞌ yɨkɨkúñu re̱ꞌ, chi náketáꞌán‑ó jín re̱ꞌ, kuéntáꞌ nééꞌ táꞌán yɨkɨkúñu jín xi̱ni̱ꞌ jín rá nu̱u̱nꞌ ñútáꞌán jín rá tu̱chi fuersáꞌ. Jee táji re̱ꞌ ya̱ jíniñúꞌún‑ó sáva kujia iniꞌ‑ó sáni síkuéꞌnu Ndiosíꞌ yó.

Colosenses 2:7

Jee kaka rán suꞌva jie̱ꞌe̱ꞌ kukutú rán kuiñɨ rán jín re̱ꞌ, kuéntáꞌ kúun ɨɨn yoꞌo yutun, jee kujia iniꞌ rán ya̱ kúneí iniꞌ rán re̱ꞌ, jee kuiñɨ ni̱ꞌin rán ya̱ kúneí iniꞌ rán re̱ꞌ, sánikua̱ꞌ nku̱tu̱ꞌva rán. Jee saꞌ víꞌí káꞌ ku̱ꞌva rán ya̱ kútaꞌviꞌ rán nu̱u̱nꞌ Ndiosíꞌ.

1 Timoteo 2:15

Soo sáá xtaꞌvíꞌ ráña se̱ꞌya, jee natavaꞌ Cristo rá ñaꞌan nu̱u̱nꞌ rá kua̱chi ráña sikáku re̱ꞌ ráña, retú kuni̱ꞌin ráña kuneí iniꞌ ráña Cristo, jee kunu̱u̱nꞌ ráña ñɨvɨ, jee sasɨ́ɨ́n ráña maáráña nu̱u̱nꞌ ya̱ níváꞌa, jee kaka ñáꞌnú ráña.

2 Timoteo 3:8

Kuéntáꞌ rá te̱e tásɨ́ naní Janes jín Jambres nnuni̱ꞌin ráa nu̱u̱nꞌ Moisés tiempúꞌ yanaꞌán, suni sukuán rá ñɨvɨ xínáꞌví núníꞌin ráa nu̱u̱nꞌ ya̱ nááꞌ. Chi maá ñɨvɨ ni̱ta antúníꞌ ví ráa, jee nni̱kóyátá iniꞌ ráa nu̱u̱nꞌ tu̱ꞌun Cristo ya̱ kúneí iniꞌ‑ó.

Tito 1:13

Jee ya̱ naáꞌ ví ya̱ nkachiꞌ re̱ꞌ. Saáva kuxeenꞌ ni̱ꞌin nú nu̱u̱nꞌ rá ñɨvɨ xínéꞌénꞌ tu̱ꞌun túꞌún, sáva nakuneí na̱a̱ꞌ va̱ꞌa iniꞌ ráa ya̱ naáꞌ,

Tito 1:16

Káchíꞌ ráa ya̱ ma̱ni̱ꞌ ráa jín Ndiosíꞌ, soo jín tiñu sáꞌá ráa, túvi ya̱ jíníichiꞌ ráa re̱ꞌ. Jee néꞌí nasɨ́kuitɨꞌ sáꞌá ráa, jee jiáá iniꞌ ráa, jee ni ntu kúvi saꞌá ráa ni ɨɨn na̱ tiñu váꞌa.

Tito 2:2

Xinéꞌénꞌ nú rá te̱e ñáꞌnú, ya̱ ntu jíꞌi víꞌí jee ntu jíni ráa, jín ya̱ ñáꞌnú iniꞌ ráa, jín ya̱ kuꞌun kájí iniꞌ ráa, jín ya̱ kuiñɨ na̱a̱ꞌ kutú ráa ya̱ kúneí iniꞌ ráa Cristo, jín ya̱ kunu̱u̱nꞌ ráa rá ñɨvɨ jín Ndiosíꞌ, jín ya̱ kuni̱ꞌin ráa kuiñɨ ni̱ꞌin ráa jín Jesús.

Hebreos 12:15

Kumí rán maárán sáva ni ɨɨn rán koto xínóo‑o ya̱ váꞌa táji Ndiosíꞌ nu̱u̱nꞌ‑ó jie̱ꞌe̱ꞌ íyó mániꞌ iniꞌ re̱ꞌ yó, sáva ni ɨɨn rán nkújia tu̱ꞌun ñúꞌún táꞌvi iniꞌ ñɨvɨ nteñu rán, ya̱ saꞌá níní‑i iniꞌ rá ñanitáꞌán‑ó jee stívɨ́‑ɨ kue̱ꞌe̱ꞌ ráa kuéntáꞌ yu̱ku̱ꞌ u̱va̱ꞌ.

Hebreos 4:1

Jee saáva, vitan íyó‑ó ka̱ꞌ jín tu̱ꞌun ya̱ nchi̱sóyuꞌú Ndiosíꞌ ya̱ ni̱ꞌi̱nꞌ‑ó ki̱vɨ‑ó naꞌá re̱ꞌ nu̱u̱nꞌ ni̱ꞌi̱nꞌ‑ó najia̱ví‑ó saꞌá re̱ꞌ. Jee íyó kuꞌun yúꞌví iniꞌ rán kumí rán maárán sáva nkóo ni ɨɨn rán ya̱ sanáaꞌ Ndiosíꞌ jie̱ꞌe̱ꞌ ñɨvɨ vá ya̱ nsáꞌ ni̱ꞌi̱nꞌ‑i ki̱vɨ‑ɨ nu̱u̱nꞌ najia̱ví‑i saꞌá re̱ꞌ.

Hebreos 6:8

Soo retú kéne yu̱ku̱ꞌ ne̱ꞌén jín yu̱ku̱ꞌ iñu nu̱u̱nꞌ ñu̱ꞌún vá, yukuán jee ntu̱náꞌ tiñu kuitɨꞌ‑ɨ, jee va̱kuyatin chisónínu Ndiosíꞌ maa jee kiji ya̱ kenta ka̱yu̱ꞌ‑u.

Santiago 4:4

¡Ñɨvɨ ya̱ ntu jiáꞌnu na̱a̱ꞌ nu̱u̱nꞌ Ndiosíꞌ! Retú íyó mániꞌ táꞌán rán jín ya̱ níyo iniꞌ rá ñɨvɨ ñɨ̱vɨ́ yaꞌá, ¿á ntu jíníꞌ rán, ya̱ suvivá kúvi ya̱ túfíꞌ ta̱ꞌán rán néꞌyá rán Ndiosíꞌ? Saáva néni ɨɨn ñɨvɨ ya̱ nkuna̱a̱ꞌ iniꞌ‑i koo mániꞌ táꞌán‑a jín ya̱ níyo iniꞌ rá ñɨvɨ ñɨ̱vɨ́ yaꞌá, jee nkenta‑a kúvi‑i ñɨvɨ ya̱ túfíꞌ ta̱ꞌán‑a néꞌyá‑a Ndiosíꞌ.

1 Pedro 5:9

Soo nunasɨ́ rán nu̱u̱nꞌ re̱ꞌ, jee kuiñɨ kutú rán kuneí iniꞌ rán ínúꞌ iniꞌ rán Ndiosíꞌ, chi jíníꞌ rán ya̱ suni sukuán ranika̱ꞌ nóꞌo rá ñanitáꞌán rán yɨ́ꞌɨ́ ráa xi̱ntíín Cristo ya̱ nééꞌ ráa nɨ́ɨ́nkáꞌnú né ni ví nkuvi iniꞌ ñɨ̱vɨ́ yaꞌá.

Apoclipsis 2:5

Saáva íyó naku̱ꞌun iniꞌ rán ya̱ ntántúníꞌ ñúnúunꞌ víꞌí rán nékúvi soo nkininkava rán ya̱ ntu ñúnúunꞌ rán ka̱ꞌ kua̱ꞌ nékúvi. Íyó nakani iniꞌ rán jee saꞌá rán tiñu sánikua̱ꞌ nsa̱ꞌá rán ya̱ ñúnúunꞌ víꞌí rán ne̱ rá tiempúꞌ va̱ji ya̱ta̱ꞌ sáá nka̱jiéꞌé ni̱nu̱ꞌ iniꞌ rán xíꞌnañúꞌún. Chi retú ntu̱ví, jee kenta ni̱ꞌ jee siíyo ni̱ꞌ kantilerúꞌ ránoꞌó sáva nsáꞌ kuvi rán grupo ni̱ꞌ ka̱ꞌ.