Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Corintios 13:4 - Mixteco del suroeste de Tlaxiaco Oaxaca

4 Chi máá naáꞌ nijia ya̱ níꞌiꞌ re̱ꞌ nu̱u̱nꞌ kurúsiꞌ jie̱ꞌe̱ꞌ ña̱netuꞌ re̱ꞌ ya̱ ntayaꞌ iniꞌ re̱ꞌ. Soo vitan fuersáꞌ ííꞌ níꞌin níso Ndiosíꞌ sáꞌá‑a ya̱ tékúꞌ re̱ꞌ. Jee suni sukuán táyáꞌ iniꞌ ráníꞌ kuéntáꞌ Cristo jie̱ꞌe̱ꞌ yɨ́ꞌɨ́ ránꞌ nu̱u̱nꞌ re̱ꞌ, soo suni kutekuꞌ ránꞌ jín re̱ꞌ sáꞌá fuersáꞌ ííꞌ níso Ndiosíꞌ ya̱ táji re̱ꞌ nu̱u̱nꞌ ránꞌ sáva saꞌá ránꞌ tiñu re̱ꞌ nu̱u̱nꞌ ránú.

အခန်းကိုကြည့်ပါ။ ကော်ပီ




2 Corintios 13:4
26 ပူးပေါင်းရင်းမြစ်များ  

Chi ni ɨɨn ñɨvɨ ntu̱ví kuvi kaꞌniꞌ ráa nuꞌuꞌ, chisaꞌ maáníꞌ ví ya̱ jiáꞌayuꞌú ni̱ꞌ ya̱ kuviꞌ ni̱ꞌ. Chi níso ni̱ꞌ tiñu ñáꞌnú ííꞌ ni̱ꞌin ya̱ jiáꞌayuꞌú ni̱ꞌ ya̱ kuviꞌ ni̱ꞌ, jee suni níso ni̱ꞌ tiñu ñáꞌnú ííꞌ ni̱ꞌin ya̱ xinátekuꞌ i̱i̱ꞌ tuku ni̱ꞌ maáníꞌ. Chi sukuán nta̱túníꞌ Tátáꞌ ni̱ꞌ nu̱u̱nꞌ ni̱ꞌ ya̱ saꞌá ni̱ꞌ ―nkachiꞌ Jesús nu̱u̱nꞌ ráa.


―Saájee kukáꞌnú na̱a̱ꞌ iniꞌ ntáká ñɨvɨ tataꞌ Israel, ya̱ ñani Ndiosíꞌ Jesús yaꞌá ya̱ kuvi‑i I̱toꞌoꞌ‑ó jín ya̱ kuvi‑i Cristo, sáva natavaꞌ re̱ꞌ ñɨvɨ nu̱u̱nꞌ kua̱chi ráa. Jesús yaꞌá ví ya̱ nte̱kaa rán nu̱u̱nꞌ kurúsiꞌ jee ñaꞌniꞌ rán maa ―nkachiꞌ Pedro.


Jie̱ꞌe̱ꞌ kúneí iniꞌ ránꞌ tiñu níso Jesús nnu̱fésáꞌ te̱e yaꞌá, ya̱ néꞌyá rán maa, jee jíníꞌ rán maa. Jee nu̱u̱nꞌ súví Jesús jín jie̱ꞌe̱ꞌ kúneí iniꞌ ránꞌ re̱ꞌ jee nkenta nuva̱ꞌa te̱e yaꞌá ichinúúnꞌ nɨꞌɨ rán.


Jee nstúvi Ta̱chi̱ꞌ Ííꞌ Ndiosíꞌ ya̱ Jesús kúvi re̱ꞌ Se̱ꞌya Ndiosíꞌ chi nna̱tekuꞌ i̱i̱ꞌ re̱ꞌ nkene re̱ꞌ nteñu rá ni̱yɨ, jín fuersáꞌ ííꞌ níso re̱ꞌ. Máá Jesús níso re̱ꞌ tiñu Cristo [ya̱ ñani Ndiosíꞌ re̱ꞌ tatúníꞌ re̱ꞌ nu̱u̱nꞌ nɨꞌɨ], ya̱ kúvi re̱ꞌ I̱toꞌoꞌ‑ó.


Chi jie̱ꞌe̱ꞌ yukuán kúvi ya̱ níꞌiꞌ Cristo jee nna̱tekuꞌ i̱i̱ꞌ‑i, sáva kúvi‑i I̱toꞌoꞌ nu̱u̱nꞌ rá ñɨvɨ níꞌiꞌ jín nu̱u̱nꞌ rá ñɨvɨ tékúꞌ.


Saáva kuéntáꞌ nyɨse̱ꞌí nkáá‑ó jín Cristo sáá ña̱nuté‑ó, chi yɨ́ꞌɨ́‑ó nu̱u̱nꞌ re̱ꞌ ya̱ suni jíꞌín‑ó ni̱ꞌi̱ꞌ‑ó jín re̱ꞌ. Sáva sánikua̱ꞌ nnako̱o Cristo nna̱tekuꞌ re̱ꞌ nkene re̱ꞌ nteñu rá níꞌiꞌ nsa̱ꞌá Tátáꞌ re̱ꞌ jín fuersáꞌ ííꞌ kúñáꞌnú níso‑o jee suni sukuán kúvi nakaka‑ó ichi jiáá.


Chi rá tiñu sáꞌá Ndiosíꞌ ya̱ káchíꞌ rá ñɨvɨ ya̱ kúvi tiñu naanꞌ soo tiñu vá kúvi níchí ñúꞌún kájí xíniꞌ ka̱ꞌ nsú ka̱ꞌ ya̱ níchí ñúꞌún xi̱ni̱ꞌ rá ñɨvɨ tu̱ꞌva. Jee sú káꞌvi iniꞌ rá ñɨvɨ ya̱ táyáꞌ Ndiosíꞌ, soo saꞌ víꞌí káꞌ ví fuersáꞌ ííꞌ níso re̱ꞌ nsú ka̱ꞌ fuersáꞌ níso ñɨvɨ.


Jee séꞌí‑ó yɨkɨkúñu náꞌví‑ó ya̱ jiáꞌa‑a tu̱ꞌun kánuun nu̱u̱nꞌ‑ó, soo nastekúꞌ re̱ꞌ maa ya̱ viiꞌ kuñáꞌnú‑u. Jee yɨkɨkúñu ya̱ séꞌí‑ó jee táyáꞌ‑a, soo yɨkɨkúñu ya̱ nastekúꞌ re̱ꞌ maa jee koo fuersáꞌ kuniso‑o.


Jee sáá nneeꞌ ni̱ꞌ nteñu rán jee táyáꞌ ni̱ꞌ, jee yúꞌví víꞌí ni̱ꞌ, jee kísɨ ni̱ꞌ.


Chi Ndiosíꞌ ya̱ nxi̱nákóo re̱ꞌ yɨkɨkúñu I̱toꞌoꞌ‑ó Jesús jee nxi̱nátekuꞌ i̱i̱ꞌ re̱ꞌ maa nkene‑e nteñu rá ni̱yɨ, jee suni sukuán xinákóo re̱ꞌ yɨkɨkúñu‑ó jín fuersáꞌ ííꞌ níꞌin níso re̱ꞌ.


Chi íyótúníꞌ ni ñɨvɨ káchíꞌ jie̱ꞌe̱ꞌ nuꞌuꞌ ya̱: “Rá tutuꞌ tée re̱ꞌ nu̱u̱nꞌ ráníꞌ, máá tu̱ꞌun xichiꞌ káꞌánꞌ re̱ꞌ jee tu̱ꞌun ni̱ꞌin tiɨ́kɨ́ káꞌánꞌ re̱ꞌ. Soo sáá nééꞌ re̱ꞌ jín ránꞌ, jee táyáꞌ iniꞌ ni túvi re̱ꞌ, jee ni ntu yɨ́yáꞌvi tu̱ꞌun káꞌánꞌ re̱ꞌ”, káchíꞌ ráa.


Saáva kúsɨ́ɨꞌ iniꞌ ni̱ꞌ jie̱ꞌe̱ꞌ ya̱ táyáꞌ iniꞌ ni̱ꞌ, jín ya̱ ténúunꞌ ñɨvɨ nuꞌuꞌ, jín sáá kúmániꞌ nu̱u̱nꞌ ni̱ꞌ, jín sáá jíto u̱ꞌvi̱ꞌ ñɨvɨ nuꞌuꞌ, jín sáá táꞌánꞌ ni̱ꞌ tu̱nóꞌó, jie̱ꞌe̱ꞌ sátíñú ni̱ꞌ nu̱u̱nꞌ Cristo. Chi sáá táyáꞌ iniꞌ ni̱ꞌ saájee nátají Cristo fuersáꞌ nu̱u̱nꞌ ni̱ꞌ.


Chi kúsɨ́ɨꞌ iniꞌ ánímaꞌ ránꞌ sáá táyáꞌ iniꞌ ráníꞌ jee ránoꞌó íyó fuersáꞌ ránú ya̱ kúneí iniꞌ rán Cristo. Jee suni sukuán jíkánꞌ táꞌvíꞌ ránꞌ yaꞌá nu̱u̱nꞌ Ndiosíꞌ sáva kenta kujia ránú kuneí noo iniꞌ rán Cristo.


Suni nsu̱kuíta ni̱ꞌ nɨꞌɨ rá tiñu vá, sáva koo ma̱ni̱ꞌ ni̱ꞌ jín Cristo, sáva kuniꞌ ni̱ꞌ ya̱ sátíñú maá fuersáꞌ ííꞌ níso Ndiosíꞌ iniꞌ ni̱ꞌ. Fuersáꞌ vá ví ya̱ ña̱tíñú Ndiosíꞌ sáva nxi̱nátekuꞌ re̱ꞌ Cristo, jee nxi̱nákóo re̱ꞌ yɨkɨkúñu Cristo. Jee suni sáva kuniꞌ taꞌanꞌ ni̱ꞌ kunoꞌo ni̱ꞌ jie̱ꞌe̱ꞌ Cristo kuéntáꞌ nnoꞌo maáréꞌ jie̱ꞌe̱ꞌ‑ó, ne̱ kenta kuꞌun iniꞌ ni̱ꞌ kua̱ꞌ níyo maáréꞌ sáá ni̱ꞌi̱ꞌ re̱ꞌ.


Jee rá ki̱vɨ̱ꞌ kúvi Cristo te̱e ñunéꞌyúꞌ sáá nneeꞌ re̱ꞌ iniꞌ ñɨ̱vɨ́ yaꞌá, jee ni̱ka̱nꞌ táꞌvíꞌ re̱ꞌ nkaꞌanꞌ kua̱chi re̱ꞌ ne̱ jiáku iniꞌ re̱ꞌ nka̱najíín re̱ꞌ nnaꞌyuꞌ ntenúúnꞌ re̱ꞌ nu̱u̱nꞌ Ndiosíꞌ ya̱ níso‑o fuersáꞌ sikáku‑u re̱ꞌ ya̱ kuviꞌ re̱ꞌ nékúvi. Jee saáva ntɨɨn kuéntáꞌ Ndiosíꞌ maa jie̱ꞌe̱ꞌ ya̱ ñúyúꞌví iniꞌ re̱ꞌ néꞌyá re̱ꞌ Ndiosíꞌ.


Chi suni íyó nijia ya̱ Cristo nnoꞌo re̱ꞌ jee ɨɨn íchíni ni̱ꞌi̱ꞌ re̱ꞌ nchu̱náán re̱ꞌ nu̱u̱nꞌ rá kua̱chi rá ñɨvɨ íyótiñu‑u nɨ́ɨ́nkání. Súka̱ꞌ te̱e na̱a̱ꞌ kúvi re̱ꞌ ntu kuáchi re̱ꞌ, soo nnoꞌo re̱ꞌ jie̱ꞌe̱ꞌ ya̱ váꞌa nu̱u̱nꞌ rá ñɨvɨ ya̱ ntu kúvi ñɨvɨ na̱a̱ꞌ, sáva na̱siáꞌa re̱ꞌ yó nu̱u̱nꞌ Ndiosíꞌ. Jee súka̱ꞌ ni̱ꞌi̱ꞌ nijia re̱ꞌ sáá ntekuꞌ re̱ꞌ jín yɨkɨkúñu re̱ꞌ, soo nna̱tekuꞌ i̱i̱ꞌ tuku re̱ꞌ nsa̱ꞌá Ta̱chi̱ꞌ Ííꞌ Ndiosíꞌ.


Jee nnaa Cristo kua̱noꞌonꞌ‑o antivɨ́ súkún, jee nééꞌ re̱ꞌ ichi kuáꞌá Ndiosíꞌ nu̱u̱nꞌ kúñáꞌnú nasɨ́kuitɨꞌ re̱ꞌ tátúníꞌ re̱ꞌ, jee rá najiáꞌáꞌ ííꞌ, jín rá nísotíñú, jín rá níso fuersáꞌ, nchiꞌi Ndiosíꞌ ráa xi̱ntíín re̱ꞌ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ