2 Corintios 11:9 - Mixteco del suroeste de Tlaxiaco Oaxaca

⁹ Jee sáá nneeꞌ ni̱ꞌ jín ránoꞌó jee ntu nkúvi ni̱ꞌ tiñu véi nu̱u̱nꞌ ni ɨɨn ránoꞌó, sú nkumaniꞌ nu̱u̱nꞌ ni̱ꞌ. Chi rá ñanitáꞌán‑ó ya̱ nkiji ichi rá ñuunꞌ Macedonia nkenta ráa ntaji ráa ya̱ niniñúꞌún ni̱ꞌ. Jee íchí ntu njiáꞌa ni̱ꞌ maáníꞌ kúvi ni̱ꞌ tiñu véi nu̱u̱nꞌ ránoꞌó, jee kunikɨnꞌ ni̱ꞌ saꞌá ni̱ꞌ suꞌva.

2 Corintios 11:9 ပူးပေါင်းရင်းမြစ်များ

Hechos 18:3

Jee nkino̱o re̱ꞌ jín ráa jee nsa̱tíñú re̱ꞌ jín ráa. Chijie̱ꞌ ɨɨn nu̱u̱nꞌ ni tiñu yɨ́tíñú‑u jín ráa, ya̱ sáꞌá ráa vesayo saꞌma.

Hechos 18:5

Sáá nkene Silas jín Timoteo Macedonia, jee sáá nkenta ráa ñuunꞌ Corinto, nka̱jiéꞌé Pablo máá tiñu stékútu̱ꞌún‑u tu̱ꞌun jie̱ꞌe̱ꞌ Jesús. Jee ístúvi‑i nu̱u̱nꞌ rá ñɨvɨ Israel ya̱ Jesús ví Cristo, [ya̱ ñani Ndiosíꞌ sáva natavaꞌ‑a ñɨvɨ nu̱u̱nꞌ kua̱chi ráa].

Hechos 20:33

’Ntu nkuíni ni̱ꞌ ni xu̱ꞌún plata ni xu̱ꞌún oro ni saꞌma ni ɨɨn ñɨvɨ.

Romanos 15:26

Chi rá ñanitáꞌán‑ó ya̱ nééꞌ ráa ñuunꞌ Macedonia jín ñuunꞌ Acaya ñani iniꞌ ráa ya̱ nasokoꞌ ráa xu̱ꞌún sáva chineí ráa rá ñɨvɨ láꞌví ya̱ íyó nteñu rá ñanitáꞌán‑ó ya̱ yɨ́tíñú ráa nu̱u̱nꞌ Cristo ya̱ nééꞌ ráa Jerusalén.

1 Corintios 16:17

Kúsɨ́ɨꞌ iniꞌ ni̱ꞌ, sáá nkiaaꞌ Estéfanas jín Fortunato jín Acaico nu̱u̱nꞌ ni̱ꞌ yaꞌá, chi nchi̱neí ráa nuꞌuꞌ nasɨ ráa nu̱u̱nꞌ ránoꞌó, chi ntu nkúvi chineí rán nuꞌuꞌ jie̱ꞌe̱ꞌ ntu nééꞌ rán yaꞌá,

2 Corintios 6:4

Chisaꞌ, nta̱ká nu̱u̱nꞌ ya̱ kúvi, stúvi ránꞌ ya̱ kúvi ránꞌ musúꞌ ya̱ sátíñú nu̱u̱nꞌ Ndiosíꞌ, jie̱ꞌe̱ꞌ ya̱ kúníꞌin ránꞌ íñɨ́ ni̱ꞌin rán jín Cristo, jín nu̱u̱nꞌ ya̱ kúmániꞌ nu̱u̱nꞌ ránꞌ, jín nu̱u̱nꞌ ya̱ víjí sáꞌá‑a nu̱u̱nꞌ ránꞌ,

2 Corintios 9:12

Chi tiñu yaꞌá sáꞌá ránú ya̱ chineí rán, jee nsú kua̱chi kuitɨꞌ kasɨꞌ‑ɨ nu̱u̱nꞌ ya̱ kúmániꞌ nu̱u̱nꞌ rá ñɨvɨ láꞌví ya̱ yɨ́ꞌɨ́ ráa nu̱u̱nꞌ Cristo. Chisaꞌ suni saꞌá‑a ya̱ ntántúníꞌ ku̱ꞌva nasɨ́kuitɨꞌ rá ñanitáꞌán ya̱ kútaꞌviꞌ nu̱u̱nꞌ Ndiosíꞌ.

Filipenses 2:25

Jiáni iniꞌ ni̱ꞌ ya̱ jíniñúꞌún ni̱ꞌ chuichí ni̱ꞌ Epafrodito kua̱jiaaꞌ‑a nu̱u̱nꞌ rán. Jee kúvi re̱ꞌ ñaniꞌ ni̱ꞌ, jee táꞌán sátíñú jín ni̱ꞌ ví re̱ꞌ, jee táꞌán náma jín ni̱ꞌ tu̱ꞌun Jesús ví re̱ꞌ, kuéntáꞌ táꞌán ɨɨn soldado kántáꞌán. Nchu̱ichí rán re̱ꞌ chineí re̱ꞌ nuꞌuꞌ jín ya̱ jíniñúꞌún ni̱ꞌ.

1 Tesalonicenses 2:6

Ni ntu̱náꞌ núkú ránꞌ ya̱ nakuetúꞌún ñɨvɨ ránuꞌuꞌ, ni ya̱ nakuetúꞌún rán ránuꞌuꞌ, ni ya̱ nakuetúꞌún inka ñɨvɨ ránuꞌuꞌ. Sú níso ránꞌ tiñu apóstol, ya̱ nchu̱ichí Cristo, jee kúvi tetuvi ráníꞌ ránoꞌó ya̱ koto rán ránuꞌuꞌ,

1 Tesalonicenses 2:9

Chi, ránoꞌó ñanitáꞌán, náꞌán rán ya̱ nsa̱tíñú ni̱ꞌin ráníꞌ jee nnu̱nasɨ́ yɨ́ɨ́ ránꞌ. Nuví niñuꞌ nsa̱tíñú ránꞌ sáva ni̱ꞌi̱nꞌ ránꞌ ya̱ jíniñúꞌún ránꞌ, sáva ntu nkúvi ránꞌ ɨɨn tiñu véi nu̱u̱nꞌ ni ɨɨn ránoꞌó, sáá káchítu̱ꞌún ránꞌ tu̱ꞌun váꞌa Ndiosíꞌ nu̱u̱nꞌ ránoꞌó.

Hebreos 11:37

Jee inka ráa ni̱ꞌi̱ꞌ ráa jín máá yu̱u̱ꞌ nkuun ñɨvɨ ráa, jee suni nkuachi ñɨvɨ savana̱a̱ꞌ ñunéꞌyúꞌ ráa jín sierra naꞌá, jee ni̱totúníꞌ tu̱nóꞌó ráa, jee suni ñaꞌniꞌ ñɨvɨ ráa jín yuchiꞌ kání xe̱e̱nꞌ, jee suni sukuán ni̱kónúun ráa yaꞌá yukuán, jee nñu̱ꞌun ráa saꞌma ñɨɨn lanchi jín nixíꞌyú, nóꞌo láꞌví ráa, nóꞌo níviniꞌ ráa, nsa̱ꞌá kini ñɨvɨ ráa.