2 Corintios 11:10 - Mixteco del suroeste de Tlaxiaco Oaxaca

¹⁰ Kuéntáꞌ kua̱ꞌ káꞌánꞌ na̱a̱ꞌ Cristo, suni sukuán káꞌánꞌ na̱a̱ꞌ ni̱ꞌ. Jee sukuán káchíꞌ ni̱ꞌ ya̱ ni ɨɨn ñɨvɨ rá ñuunꞌ Acaya nka̱sɨ́ꞌ ráa nu̱u̱nꞌ ni̱ꞌ ya̱ káꞌánꞌ téyɨ́ɨ́ ni̱ꞌ jie̱ꞌe̱ꞌ vá.

2 Corintios 11:10 ပူးပေါင်းရင်းမြစ်များ

Romanos 9:1

Yɨ́ꞌɨ́ ni̱ꞌ nu̱u̱nꞌ Cristo jee ya̱ naáꞌ vá káchíꞌ ni̱ꞌ jee ntu kátúꞌún ni̱ꞌ, jee yɨ́ꞌɨ́ ni̱ꞌ naꞌá Ta̱chi̱ꞌ Ííꞌ Ndiosíꞌ jee ne̱ ánímaꞌ ni̱ꞌ jíníꞌ ni̱ꞌ ya̱ naáꞌ

Romanos 1:9

Chi Ndiosíꞌ, ya̱ sáꞌá ni̱ꞌ tiñu re̱ꞌ jín nɨꞌɨ ne̱ ánímaꞌ ni̱ꞌ ya̱ stékútu̱ꞌún ni̱ꞌ tu̱ꞌun váꞌa Se̱ꞌya re̱ꞌ, jee Ndiosíꞌ kúvi ya̱ naáꞌ ni̱ꞌ ya̱ ntu jiákui̱ñɨ̱ꞌ ni̱ꞌ ya̱ káꞌánꞌ ni̱ꞌ jie̱ꞌe̱ꞌ ránoꞌó

Hechos 18:12

Jee sáá kúvi Galión te̱e nísotíñú ya̱ tátúníꞌ sánitɨ́ɨn Acaya, jee íchí nkaꞌanꞌ nuún rá ñɨvɨ Israel, jee nta̱vi̱ꞌ ráa Pablo, jee ña̱na̱ka ráa maa vetíñú.

2 Corintios 1:23

Soo jíníꞌ va̱ꞌa Ndiosíꞌ ánímaꞌ ni̱ꞌ jee kána ni̱ꞌ re̱ꞌ ya̱ ku̱ꞌva re̱ꞌ ya̱ naáꞌ jie̱ꞌe̱ꞌ nuꞌuꞌ. Chi jíníꞌ re̱ꞌ ya̱ káchíꞌ na̱a̱ꞌ ni̱ꞌ, ya̱ ntiáꞌan kua̱jiaaꞌ ni̱ꞌ nu̱u̱nꞌ nééꞌ rán nu̱u̱nꞌ ñuunꞌ Corinto, sáva chusává ni̱ꞌ saꞌá ni̱ꞌ ya̱ koo tu̱nkuíꞌyáꞌ iniꞌ ránoꞌó.

1 Timoteo 2:7

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ ya̱ nsa̱ꞌá Cristo, jee sáva kunisotíñú ni̱ꞌ tiñu apóstol. Ya̱ nááꞌ ví ya̱ káchíꞌ ni̱ꞌ, jee ntu̱ví kátúꞌún ni̱ꞌ. Ñani re̱ꞌ nuꞌuꞌ sáva xinéꞌénꞌ ni̱ꞌ rá ñɨvɨ ntu kúvi Israel tu̱ꞌun nááꞌ Ndiosíꞌ, jín ya̱ íyó kuneí iniꞌ ráa Cristo.

1 Tesalonicenses 2:10

Ránoꞌó jín Ndiosíꞌ jíníꞌ rán ya̱ nááꞌ jee kúvi stúvi rán ya̱ nsa̱ꞌá sɨ́ɨ́n ráníꞌ maáránuꞌuꞌ ya̱ ntu yɨ́ꞌɨ́ ránꞌ nu̱u̱nꞌ ya̱ níváꞌa, jee nika na̱a̱ꞌ ránꞌ nteñu ránoꞌó, jee ntu kúvi chikua̱chi ñɨvɨ ránuꞌuꞌ, jie̱ꞌe̱ꞌ ya̱ nsa̱ꞌá ránꞌ nteñu ránoꞌó, ya̱ ínúꞌ iniꞌ rán tu̱ꞌun Cristo.

1 Tesalonicenses 2:5

Chi jíníꞌ ránú ya̱ ni ɨɨn íchí ntu̱né ne̱ jiákɨ́nꞌ ráníꞌ ta̱chi̱ꞌ ránꞌ káꞌánꞌ ránꞌ jín ñɨvɨ, sáva xináꞌví ránꞌ ráa. Ni ntu káñunkúún sáꞌá uꞌvi iniꞌ ránꞌ. Ndiosíꞌ kúvi stúvi ya̱ naáꞌ jie̱ꞌe̱ꞌ vá.

Gálatas 1:20

Tɨɨn kuéntáꞌ rán, ya̱ jíníꞌ Ndiosíꞌ ya̱ ntu kátúꞌún ni̱ꞌ jín tu̱ꞌun tée ni̱ꞌ nu̱u̱nꞌ rán.

2 Corintios 12:19

¿Á sa̱naanꞌ jiáni iniꞌ rán ya̱ náma ráníꞌ maáráníꞌ nu̱u̱nꞌ ránú rúja? Soo ntu̱ví. Chisaꞌ nu̱u̱nꞌ súví Cristo káꞌánꞌ ráníꞌ jee ne̱ maá Ndiosíꞌ jíníꞌ, ya̱ káchíꞌ ránꞌ nta̱ká tu̱ꞌun nu̱u̱nꞌ ránú, sáva sikújia ráníꞌ iniꞌ ránoꞌó nu̱u̱nꞌ Cristo, ya̱ ñúnúunꞌ ráníꞌ ránoꞌó.

2 Corintios 11:31

Ndiosíꞌ, ya̱ kúvi Tátáꞌ I̱toꞌoꞌ‑ó Jesús, suvire̱ꞌ jíníꞌ va̱ꞌa re̱ꞌ ya̱ ntu kátúꞌún ni̱ꞌ. Jee nakuetúꞌún‑ó re̱ꞌ nɨ́ɨ́nkání.

2 Corintios 11:12

Soo kunikɨnꞌ ni̱ꞌ saꞌá ni̱ꞌ sánikua̱ꞌ sáꞌá ni̱ꞌ, sáva kasɨꞌ ni̱ꞌ ichi nu̱u̱nꞌ rá ñɨvɨ ya̱ kúvi iniꞌ ráa núne nu̱u̱nꞌ ráa kaꞌanꞌ téyɨ́ɨ́ ráa ya̱ nuún túvi ráa jín ránuꞌuꞌ.

2 Corintios 10:15

Jee ntu jiáꞌa ráníꞌ nu̱u̱nꞌ sáni íyó káꞌánꞌ ránꞌ, chi ntu káꞌánꞌ téyɨ́ɨ́ ránꞌ jie̱ꞌe̱ꞌ tiñu ya̱ sáꞌá rá inka ka̱ꞌ te̱e, kuéntáꞌ retánꞌ nsa̱ꞌá ránꞌ maa. Chisaꞌ íyó tu̱neí iniꞌ ráníꞌ kujia iniꞌ ránú ya̱ kúneí iniꞌ rán Cristo, sáva kueꞌnu tiñu sáꞌá ráníꞌ nteñu ránoꞌó sáni nte̱tíñú Ndiosíꞌ ránuꞌuꞌ.

2 Corintios 9:2

Chi ya jíníꞌ ni̱ꞌ ya̱ ñúꞌún káñá iniꞌ rán chineí rán. Jee jie̱ꞌe̱ꞌ vá káꞌánꞌ téyɨ́ɨ́ ni̱ꞌ nu̱u̱nꞌ rá ñɨvɨ ñuunꞌ Macedonia. Jee káchíꞌ ni̱ꞌ nu̱u̱nꞌ ráa ya̱ ránoꞌó, ñɨvɨ nééꞌ rán rá ñuunꞌ tɨ́ɨn Acaya, ya̱ nsa̱túꞌva rán ne̱ kiava. Jee jie̱ꞌe̱ꞌ ya̱ ñúkáñá iniꞌ rán chineí rán, jee nchuꞌun káñá‑a iniꞌ ráa ya̱ kue̱ꞌe̱ꞌ víꞌí ráa nóꞌónꞌ iniꞌ ráa chineí ráa.

2 Corintios 1:1

Nuꞌuꞌ Pablo, Cristo Jesús nte̱tíñú re̱ꞌ nuꞌuꞌ, kuniso ni̱ꞌ tiñu apóstol ya̱ chúichí re̱ꞌ nuꞌuꞌ sáva stúvi ni̱ꞌ tu̱ꞌun re̱ꞌ, sáni kuíni Ndiosíꞌ. Nuꞌuꞌ jín ñaniꞌ‑ó Timoteo táji ránꞌ tutuꞌ yaꞌá nu̱u̱nꞌ ránoꞌó, ya̱ kúvi ñɨvɨ Ndiosíꞌ ya̱ jínúꞌ iniꞌ rán Jesús, ya̱ nééꞌ rán ñuunꞌ Corinto, ya̱ kútútú rán yukuán. Jee suni táji ránꞌ maa nu̱u̱nꞌ ntáká rá ñɨvɨ ya̱ nsásɨ́ɨ́n Ndiosíꞌ sáva kɨꞌɨ ráa nu̱u̱nꞌ re̱ꞌ, ya̱ nééꞌ ráa ntáká rá ñuunꞌ sánitɨ́ɨn Acaya.

1 Corintios 16:15

Ránoꞌó ñanitáꞌán, ya jíníꞌ rán ya̱ xíꞌnañúꞌún rá táꞌán veꞌi Estéfanas ví ya̱ ntɨɨn ráa Tu̱ꞌun Ndiosíꞌ nu̱u̱nꞌ ñuunꞌ Acaya, jee yɨ́tíñú ráa nu̱u̱nꞌ chíneí ráa rá ñanitáꞌán ya̱ yɨ́ꞌɨ́ rává xi̱ntíín Ndiosíꞌ. Jíkánꞌ táꞌvíꞌ ni̱ꞌ nu̱u̱nꞌ rán ya̱

Romanos 16:5

Jee ku̱ꞌva rán xá tu̱ꞌun jíkátu̱ꞌún ni̱ꞌ jie̱ꞌe̱ꞌ rá ñanitáꞌán‑ó ya̱ kútútú nu̱u̱nꞌ veꞌi Priscila jín Aquila. Jee ku̱ꞌva rán xá nu̱u̱nꞌ Epeneto tu̱ꞌun jíkátu̱ꞌún ni̱ꞌ jie̱ꞌe̱ꞌ re̱ꞌ. Suvire̱ꞌ ví ya̱ ñúnúunꞌ ni̱ꞌ jee kúvi te̱e xíꞌnañúꞌún ña̱ko̱so̱ꞌ re̱ꞌ nu̱u̱nꞌ ni̱nu̱ꞌ iniꞌ re̱ꞌ ntɨɨn re̱ꞌ tu̱ꞌun Cristo nu̱u̱nꞌ ñɨvɨ ñuunꞌ Asia.

Hechos 18:27

Sáá káꞌvi iniꞌ‑i kɨ̱ꞌɨ̱nꞌ‑ɨ Acaya, jee rá ñaniꞌ ya̱ kúneí iniꞌ ráa Jesús, nna̱sáneí ráa iniꞌ‑i. Jee ntee ráa nu̱u̱nꞌ tutuꞌ nu̱u̱nꞌ rá ñɨvɨ yukuán, ya̱ níkɨ́nꞌ ñujiínꞌ Jesús, sáva nakuatáꞌví ráa re̱ꞌ sáá kantaꞌ re̱ꞌ yukuán. Sáá nkenta‑a yukuán, jee nchi̱neí víꞌí‑i rá ñɨvɨ jínúꞌ iniꞌ tu̱ꞌun Jesús chi íyó mániꞌ iniꞌ Ndiosíꞌ néꞌyá‑a ráa.

Gálatas 2:20

Taꞌanꞌ ni̱ꞌ níꞌiꞌ ni̱ꞌ nu̱u̱nꞌ kurúsiꞌ jín Cristo. Saáva nsú káꞌ nuꞌuꞌ ví ya̱ tékúꞌ, chi maá Cristo ví ya̱ tékúꞌ iniꞌ ni̱ꞌ. Jee ni tékúꞌ ni̱ꞌ iniꞌ yɨkɨkúñu ni̱ꞌ yaꞌá, jee jiáꞌnu ni̱ꞌ ichi jie̱ꞌe̱ꞌ kúneí iniꞌ ni̱ꞌ Se̱ꞌya Ndiosíꞌ. Chi Cristo ví ya̱ ñúnúunꞌ re̱ꞌ nuꞌuꞌ jee nna̱sokoꞌ re̱ꞌ maáréꞌ ya̱ níꞌiꞌ re̱ꞌ jie̱ꞌe̱ꞌ ya̱ váꞌa kuvi ni̱ꞌ.