2 Corintios 10:8 - Mixteco del suroeste de Tlaxiaco Oaxaca

⁸ Chi nkóo tu̱ꞌun kánuun ni̱ꞌ, retú kaꞌanꞌ téyɨ́ɨ́ ni̱ꞌ ka̱ꞌ jie̱ꞌe̱ꞌ tiñu níso ráníꞌ ya̱ ntaji I̱toꞌoꞌ‑ó nu̱u̱nꞌ ránꞌ sáva sikújia ránꞌ iniꞌ ránoꞌó kuneí iniꞌ rán Cristo, jee nsú sáva xináánꞌ ránꞌ ránoꞌó.

2 Corintios 10:8 ပူးပေါင်းရင်းမြစ်များ

2 Corintios 1:24

Jee nsáꞌ núníꞌin ránꞌ kosoꞌ ránꞌ nu̱u̱nꞌ ránoꞌó jie̱ꞌe̱ꞌ ichi ya̱ kúneí iniꞌ ránú Jesús. Chisaꞌ táꞌán sátíñú nkáá kúvi ránꞌ jín ránoꞌó, sáva kusɨ̱ɨ̱ꞌ iniꞌ ánímaꞌ ránú. Chi íñɨ́ ni̱ꞌin rán jie̱ꞌe̱ꞌ kúneí iniꞌ rán Cristo.

2 Corintios 10:4

Chi ya̱ jiátíñú ránꞌ kántáꞌán ránꞌ nsú nantíñú ya̱ jiátíñú rá ñɨvɨ ñɨ̱vɨ́ yaꞌá kúvi‑i. Chisaꞌ táji Ndiosíꞌ ya̱ maá ñáꞌnú mánasɨ́ ví ya̱ jiátíñú ránꞌ sáva kántáꞌán ránꞌ, sáva xináánꞌ ránꞌ fuersáꞌ ya̱ níkó neí ñɨvɨ núníꞌin iniꞌ ánímaꞌ ráa sáva ntɨ́ɨn ráa tu̱ꞌun váꞌa Jesús.

2 Corintios 10:9

Soo ntu kuíni ni̱ꞌ ya̱ kani iniꞌ rán ya̱ núkú ni̱ꞌ siúꞌví ni̱ꞌ ránoꞌó jie̱ꞌe̱ꞌ tutuꞌ tée ni̱ꞌ nu̱u̱nꞌ ránoꞌó.

2 Corintios 12:19

¿Á sa̱naanꞌ jiáni iniꞌ rán ya̱ náma ráníꞌ maáráníꞌ nu̱u̱nꞌ ránú rúja? Soo ntu̱ví. Chisaꞌ nu̱u̱nꞌ súví Cristo káꞌánꞌ ráníꞌ jee ne̱ maá Ndiosíꞌ jíníꞌ, ya̱ káchíꞌ ránꞌ nta̱ká tu̱ꞌun nu̱u̱nꞌ ránú, sáva sikújia ráníꞌ iniꞌ ránoꞌó nu̱u̱nꞌ Cristo, ya̱ ñúnúunꞌ ráníꞌ ránoꞌó.

2 Corintios 12:6

Chi retú kuíni ni̱ꞌ kaꞌanꞌ téyɨ́ɨ́ ni̱ꞌ jie̱ꞌe̱ꞌ maáníꞌ, soo nsú te̱e naanꞌ kúvi ni̱ꞌ, chi tu̱ꞌun na̱a̱ꞌ kachiꞌ ni̱ꞌ. Soo nsáꞌ kaꞌanꞌ téyɨ́ɨ́ ni̱ꞌ sáva nkáni iniꞌ ni ɨɨn ñɨvɨ ya̱ kúñáꞌnú ni̱ꞌ ka̱ꞌ nsú káꞌ na̱sa íyó ni̱ꞌ ya̱ kúvi néꞌyá ráa maa jie̱ꞌe̱ꞌ ya̱ sáꞌá ni̱ꞌ, áxí ya̱ tésóꞌo ráa ya̱ káchíꞌ ni̱ꞌ.

2 Corintios 13:10

Saáva tée ni̱ꞌ rá tu̱ꞌun yaꞌá ni íyó íká ni̱ꞌ nu̱u̱nꞌ rán, sáva nkóo xichiꞌ ni̱ꞌ ránoꞌó sánikua̱ꞌ tiñu níso ni̱ꞌ, sáá kuneeꞌ ni̱ꞌ jín rán. Ntaji I̱toꞌoꞌ‑ó tiñu vá nu̱u̱nꞌ ni̱ꞌ, sáva sikújia ni̱ꞌ iniꞌ ránoꞌó, jee nsú sáva xináánꞌ ni̱ꞌ ránoꞌó.

2 Corintios 13:8

Chi ntu kúvi saꞌá ráníꞌ si̱kɨ̱ꞌ tu̱ꞌun na̱a̱ꞌ Ndiosíꞌ, chisaꞌ kua̱chi sátíñú ránꞌ nu̱u̱nꞌ tu̱ꞌun na̱a̱ꞌ re̱ꞌ.

2 Corintios 7:14

Chi sú sukuán nkaꞌanꞌ téyɨ́ɨ́ ni̱ꞌ nu̱u̱nꞌ re̱ꞌ jie̱ꞌe̱ꞌ ránoꞌó, ntu níyo tu̱nkánuun ni̱ꞌ. Chi sáni ntáká tu̱ꞌun ya̱ nkachiꞌ ráníꞌ nu̱u̱nꞌ ránoꞌó kúvi ya̱ naáꞌ, jee suni sukuán tu̱ꞌun ya̱ nna̱kani téyɨ́ɨ́ ráníꞌ nu̱u̱nꞌ Tito nkene na̱a̱ꞌ‑a.

2 Corintios 7:4

Jee káꞌánꞌ neí iniꞌ ni̱ꞌ jín ránoꞌó. Jee káꞌánꞌ téyɨ́ɨ́ ni̱ꞌ jie̱ꞌe̱ꞌ ránoꞌó. Chi núváꞌa iniꞌ ni̱ꞌ jee kúsɨ́ɨꞌ nasɨ́kuitɨꞌ iniꞌ ánímaꞌ ni̱ꞌ sú na̱sa ka̱ꞌ nta̱ká tu̱nóꞌó nóꞌo ráníꞌ.

Gálatas 1:1

Maáníꞌ, Pablo tée ni̱ꞌ nu̱u̱nꞌ tutuꞌ yaꞌá. Níso ni̱ꞌ tiñu apóstol, ya̱ chúichí Ndiosíꞌ stekútu̱ꞌún ni̱ꞌ tu̱ꞌun re̱ꞌ. Nsú rá ñɨvɨ ví ya̱ nchu̱ichí nuꞌuꞌ ni ya̱ nsáꞌ ñani ñɨvɨ nuꞌuꞌ kunisotíñú ni̱ꞌ. Chi maá Jesús ya̱ kúvi Cristo jín Tátáꞌ‑ó ya̱ kúvi Ndiosíꞌ ñani ráa nuꞌuꞌ. Jee Ndiosíꞌ ví ya̱ nxi̱nátekuꞌ i̱i̱ꞌ re̱ꞌ Jesús nteñu rá níꞌiꞌ jee nxi̱nákóo re̱ꞌ yɨkɨkúñu‑u jee tékúꞌ‑u.

2 Timoteo 1:12

Saáva nóꞌo ni̱ꞌ suꞌva. Soo ntu̱ví kúkanuun ni̱ꞌ, chi jíníꞌ ni̱ꞌ né ɨɨn ví ya̱ kúneí iniꞌ ni̱ꞌ, jee jínúꞌ kájí iniꞌ ni̱ꞌ ya̱ suvire̱ꞌ kúvi kumí váꞌa re̱ꞌ tiñu nte̱tíñú re̱ꞌ nuꞌuꞌ, ne̱ ki̱vɨ̱ꞌ nikó tuku re̱ꞌ.