2 Corintios 10:1 - Mixteco del suroeste de Tlaxiaco Oaxaca

¹ Nuꞌuꞌ Pablo jíkánꞌ táꞌvíꞌ ni̱ꞌ nu̱u̱nꞌ ránoꞌó jee másúꞌ káꞌánꞌ ni̱ꞌ jee káꞌánꞌ vi̱tá ni̱ꞌ kuéntáꞌ káꞌánꞌ Cristo. Jee ñɨvɨ káꞌvi ni káchíꞌ ya̱ sáá nééꞌ ni̱ꞌ jín rán jee ñúꞌún láꞌví iniꞌ ni̱ꞌ, soo sáá íyó íká ni̱ꞌ nu̱u̱nꞌ rán jee ñúꞌún tiɨ́kɨ́ iniꞌ ni̱ꞌ káꞌánꞌ ni̱ꞌ jín ránoꞌó, sáá tée ni̱ꞌ nu̱u̱nꞌ tutuꞌ nu̱u̱nꞌ rán.

2 Corintios 10:1 ပူးပေါင်းရင်းမြစ်များ

Mateo 11:29

Chiꞌi rán maárán xi̱ntíín ni̱ꞌ, ya̱ kúvi‑i kuéntáꞌ chísó rán yugo ni̱ꞌ ránoꞌó, jee kutu̱ꞌva rán ya̱ xinéꞌénꞌ ni̱ꞌ ránoꞌó. Chi másúꞌ iniꞌ ni̱ꞌ, jee ñúꞌún láꞌví iniꞌ ni̱ꞌ, jee sukuán jee ni̱ꞌi̱nꞌ rán ya̱ najia̱ví ánímaꞌ rán saꞌá ni̱ꞌ.

Mateo 21:5

Kachiꞌ rán nu̱u̱nꞌ rá se̱ꞌya ñuunꞌ Sión: “¡Kune̱ꞌyá!, yaꞌá va̱ji nu̱u̱nꞌ ránoꞌó maáréꞌ ya̱ kúñáꞌnú tátúníꞌ re̱ꞌ nu̱u̱nꞌ ránoꞌó, jee láꞌví va̱ji re̱ꞌ, jee yósóꞌ re̱ꞌ ɨɨn burrúꞌ, jee yósóꞌ re̱ꞌ ɨɨn burrúꞌ lúlí ya̱ kúvi se̱ꞌya ɨɨn kitɨ níso ve̱i.” Sukuán káchíꞌ nu̱u̱nꞌ Tutuꞌ Ííꞌ.

Hechos 8:32

Tu̱ꞌun Ndiosíꞌ nééꞌ nu̱u̱nꞌ Tutuꞌ nu̱u̱nꞌ káꞌvi re̱ꞌ káchíꞌ suꞌva: Ntu jíne re̱ꞌ yuꞌú re̱ꞌ, kuéntáꞌ ɨɨn lanchi ña̱na̱ka ráa nu̱u̱nꞌ jiáꞌníꞌ ráa ti̱ꞌ, jee kuéntáꞌ ɨɨn lanchi lúlí másúꞌ íñɨ́ ichinúúnꞌ te̱e, ya̱ sété‑e ka̱chi̱ꞌ ti̱ꞌ.

Romanos 10:20

Jee kuíre nchu̱neí iniꞌ Isaías nkachiꞌ re̱ꞌ ya̱ nkachiꞌ Ndiosíꞌ: Nna̱niꞌinꞌ rá ñɨvɨ nuꞌuꞌ ya̱ ntu̱ví nnánukú ráa nuꞌuꞌ. Jee nstúvi ni̱ꞌ maáníꞌ nu̱u̱nꞌ ñɨvɨ ya̱ ntu níkátu̱ꞌún ráa jie̱ꞌe̱ꞌ nuꞌuꞌ. Nkachiꞌ Ndiosíꞌ.

Romanos 12:1

Saáva, ránoꞌó ñanitáꞌán ni̱ꞌ, jie̱ꞌe̱ꞌ ya̱ nníꞌinꞌ yó ya̱ náꞌví iniꞌ Ndiosíꞌ yó, jee saáva náxinániꞌvɨꞌ ni̱ꞌ iniꞌ rán ya̱ nasokoꞌ tékúꞌ rán maárán nu̱u̱nꞌ Ndiosíꞌ sáva kɨtíñú rán nu̱u̱nꞌ re̱ꞌ ya̱ kusɨ́ɨ́n rán kene rán nu̱u̱nꞌ ya̱ niváꞌa, jín ya̱ kueꞌnu rán sáni kúváꞌa iniꞌ re̱ꞌ néꞌyá re̱ꞌ maa. Yukuán kúvi nijia ya̱ néñu̱ꞌun rán re̱ꞌ jín ánímaꞌ rán.

Romanos 15:15

Soo nkiji iniꞌ ni̱ꞌ nku̱neí iniꞌ ni̱ꞌ ntee ni̱ꞌ nu̱u̱nꞌ tutuꞌ yaꞌá nu̱u̱nꞌ ránoꞌó jie̱ꞌe̱ꞌ sava tiñu, sáva naxinákúꞌun ni̱ꞌ iniꞌ rán jie̱ꞌe̱ꞌ tiñu níso ni̱ꞌ ya̱ nsi̱kútaꞌviꞌ Ndiosíꞌ nu̱u̱nꞌ ni̱ꞌ,

1 Corintios 2:3

Jee sáá nneeꞌ ni̱ꞌ nteñu rán jee táyáꞌ ni̱ꞌ, jee yúꞌví víꞌí ni̱ꞌ, jee kísɨ ni̱ꞌ.

1 Corintios 4:10

Jee ránuꞌuꞌ chi káꞌvi iniꞌ rá ñɨvɨ ya̱ sáꞌá xíniꞌ ránꞌ jie̱ꞌe̱ꞌ yɨ́tíñú ránꞌ nu̱u̱nꞌ Cristo, soo ránoꞌó chi káꞌvi iniꞌ ránú ya̱ níchí víꞌí xi̱ni̱ꞌ ránú. Jee ránuꞌuꞌ chi jiáni iniꞌ ráa ya̱ táyáꞌ iniꞌ ránꞌ, soo ránoꞌó jiáni iniꞌ ránú ya̱ tiɨ́kɨ́ víꞌí iniꞌ rán. Jee ránoꞌó chi sáꞌá ñáꞌnú rá ñɨvɨ nu̱u̱nꞌ ránoꞌó, soo ránuꞌuꞌ chi kúníichiꞌ ráa néꞌyá ráa ránuꞌuꞌ.

1 Corintios 4:21

Áxí, ¿ná kúvi ya̱ kuíni rán ya̱ va̱ꞌa ka̱ꞌ rúja? ¿Á kuíni rán ya̱ kua̱jiaaꞌ néꞌyá ni̱ꞌ ránoꞌó jee kuxeenꞌ ni̱ꞌ nu̱u̱nꞌ rán, áxí ya̱ kaꞌanꞌ ñunkúún ni̱ꞌ jín rán jín tu̱ꞌun káꞌánꞌ másúꞌ iniꞌ rúja?

2 Corintios 10:10

Chi íyótúníꞌ ni ñɨvɨ káchíꞌ jie̱ꞌe̱ꞌ nuꞌuꞌ ya̱: “Rá tutuꞌ tée re̱ꞌ nu̱u̱nꞌ ráníꞌ, máá tu̱ꞌun xichiꞌ káꞌánꞌ re̱ꞌ jee tu̱ꞌun ni̱ꞌin tiɨ́kɨ́ káꞌánꞌ re̱ꞌ. Soo sáá nééꞌ re̱ꞌ jín ránꞌ, jee táyáꞌ iniꞌ ni túvi re̱ꞌ, jee ni ntu yɨ́yáꞌvi tu̱ꞌun káꞌánꞌ re̱ꞌ”, káchíꞌ ráa.

2 Corintios 10:2

Soo jíkánꞌ táꞌvíꞌ ni̱ꞌ nu̱u̱nꞌ ránoꞌó ya̱ koto núkú rán ya̱ kuꞌun tiɨ́kɨ́ iniꞌ ni̱ꞌ nu̱u̱nꞌ rán sáá kuneeꞌ ni̱ꞌ jín rán. Chi kúneí iniꞌ ni̱ꞌ Ndiosíꞌ ya̱ ɨɨn ni ñúꞌún iniꞌ ni̱ꞌ kaꞌanꞌ tiɨ́kɨ́ iniꞌ ni̱ꞌ nu̱u̱nꞌ rá ñɨvɨ jiáni iniꞌ ya̱ jiáꞌnu ráníꞌ sánikua̱ꞌ jiáꞌnu rá ñɨvɨ ñɨ̱vɨ́ yaꞌá, ya̱ ntu yɨ́ꞌɨ́ ráa xi̱ntíín Ndiosíꞌ.

2 Corintios 10:7

Jee ránoꞌó chi kua̱chi kuitɨꞌ néꞌyá rán na̱sa túvi nijinꞌ ránuꞌuꞌ. Soo retú néni ɨɨn ñɨvɨ ínúꞌ iniꞌ‑i ya̱ yɨ́ꞌɨ́‑ɨ nu̱u̱nꞌ Cristo, jee maáa íyó kani va̱ꞌa tuku iniꞌ‑i, chi sánikua̱ꞌ yɨ́ꞌɨ́‑ɨ nu̱u̱nꞌ Cristo, suni sukuán yɨ́ꞌɨ́ ránuꞌuꞌ nu̱u̱nꞌ Cristo.

2 Corintios 11:21

Jee kúkanuun ni̱ꞌ ya̱ káchíꞌ ni̱ꞌ ya̱ táyáꞌ iniꞌ ránꞌ ntu tiɨ́kɨ́ iniꞌ ráníꞌ saꞌá ránꞌ sukuán. Soo na̱ni jie̱ꞌe̱ꞌ ya̱ kíji iniꞌ néni ɨɨn ñɨvɨ káꞌánꞌ téyɨ́ɨ́‑ɨ, sunisaá nuꞌuꞌ kíji iniꞌ ni̱ꞌ, sú kuéntáꞌ káꞌánꞌ naanꞌ ni̱ꞌ.

2 Corintios 11:30

Jee retú íyó kaꞌanꞌ téyɨ́ɨ́ ni̱ꞌ, jee kaꞌanꞌ téyɨ́ɨ́ ni̱ꞌ ya̱ stúvi‑i ya̱ táyáꞌ iniꞌ ni̱ꞌ.

2 Corintios 12:5

Jee jie̱ꞌe̱ꞌ te̱e vá kaꞌanꞌ téyɨ́ɨ́ ni̱ꞌ, soo jie̱ꞌe̱ꞌ nuꞌuꞌ nsáꞌ kaꞌanꞌ téyɨ́ɨ́ ni̱ꞌ, chisaꞌ kaꞌanꞌ téyɨ́ɨ́ ni̱ꞌ jie̱ꞌe̱ꞌ ya̱ táyáꞌ iniꞌ ni̱ꞌ.

2 Corintios 3:12

Jee jie̱ꞌe̱ꞌ íyó kutú tu̱neí iniꞌ‑ó ya̱ saꞌá Ndiosíꞌ sukuán, jee saáva íyó neí iniꞌ‑ó.

2 Corintios 5:20

Jee saáva ránuꞌuꞌ, nta̱jí Cristo yɨ́tíñú ránꞌ nu̱u̱nꞌ tiñu re̱ꞌ, maá Ndiosíꞌ jiátíñú re̱ꞌ ránuꞌuꞌ jíkánꞌ táꞌvíꞌ re̱ꞌ nu̱u̱nꞌ ránoꞌó ya̱ kuéntáꞌ káꞌánꞌ re̱ꞌ sáá káꞌánꞌ ránꞌ. Jee nu̱u̱nꞌ súví Cristo, jíkánꞌ táꞌvíꞌ ránꞌ nu̱u̱nꞌ ránoꞌó, ya̱ numa̱ni̱ꞌ ránú jín Ndiosíꞌ.

2 Corintios 6:1

Jee saáva ránuꞌuꞌ, táꞌán sátíñú kúvi ránꞌ jín Ndiosíꞌ, jee jíkánꞌ táꞌvíꞌ ránꞌ nu̱u̱nꞌ ránoꞌó ya̱ koto níꞌínꞌ ka̱ꞌá rán ya̱ ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.

2 Corintios 7:4

Jee káꞌánꞌ neí iniꞌ ni̱ꞌ jín ránoꞌó. Jee káꞌánꞌ téyɨ́ɨ́ ni̱ꞌ jie̱ꞌe̱ꞌ ránoꞌó. Chi núváꞌa iniꞌ ni̱ꞌ jee kúsɨ́ɨꞌ nasɨ́kuitɨꞌ iniꞌ ánímaꞌ ni̱ꞌ sú na̱sa ka̱ꞌ nta̱ká tu̱nóꞌó nóꞌo ráníꞌ.

Gálatas 4:13

Jee jíníꞌ va̱ꞌa rán, ya̱ jie̱ꞌe̱ꞌ ya̱ nkuꞌviꞌ ni̱ꞌ vá nkino̱o ni̱ꞌ ñuunꞌ rán nste̱kútu̱ꞌún ni̱ꞌ tu̱ꞌun va̱ꞌa Jesús nu̱u̱nꞌ rán ya̱ xíꞌnañúꞌún ka̱ꞌ.

Gálatas 5:2

¡Tɨɨn kuéntáꞌ rán! Chi nuꞌuꞌ, Pablo, káchíꞌ ni̱ꞌ nu̱u̱nꞌ rán ya̱ retú saꞌá circuncidar rán maárán, sáni káchíꞌ tu̱ꞌun ley, ña̱re ntu̱náꞌ íyótiñu nu̱u̱nꞌ rán ya̱ ni̱ꞌi̱ꞌ Cristo jie̱ꞌe̱ꞌ rán.

Efesios 3:1

Jee tu̱ꞌun yukuán kua̱ꞌ ya̱ káchíꞌ kí ni̱ꞌ kúvi jie̱ꞌe̱ꞌ jíkánꞌ táꞌvíꞌ ni̱ꞌ nu̱u̱nꞌ Ndiosíꞌ jie̱ꞌe̱ꞌ ránoꞌó. Nuꞌuꞌ, Pablo, yɨ́ꞌɨ́ ni̱ꞌ veka̱a jie̱ꞌe̱ꞌ sátíñú ni̱ꞌ nu̱u̱nꞌ Cristo Jesús, ya̱ kúvi ya̱ váꞌa nu̱u̱nꞌ ránoꞌó ya̱ ntu kúvi rán ñɨvɨ Israel.

Efesios 4:1

Saájee nuꞌuꞌ Pablo, ya̱ yɨ́ꞌɨ́ ni̱ꞌ veka̱a jie̱ꞌe̱ꞌ sátíñú ni̱ꞌ nu̱u̱nꞌ I̱toꞌoꞌ‑ó, náxiníꞌvɨ́ꞌ ni̱ꞌ iniꞌ rán ya̱ kueꞌnu na̱a̱ꞌ rán ichi Ndiosíꞌ, sánikua̱ꞌ íyó kaka rán ya̱ kúvi rán ñɨvɨ ya̱ nkana Ndiosíꞌ kɨtíñú rán nu̱u̱nꞌ re̱ꞌ.

Filipenses 4:5

Koo másúꞌ iniꞌ rán jín nta̱ká ñɨvɨ, sáva kuniꞌ nɨꞌɨ ráa ya̱ íyó rán suꞌva. I̱toꞌoꞌ‑ó íyó yatin.

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.

2 Tesalonicenses 3:17

Nuꞌuꞌ Pablo, tée ni̱ꞌ tu̱ꞌun káva̱ꞌa jín naꞌá maáníꞌ nu̱u̱nꞌ tutuꞌ yaꞌá. Yaꞌá kúvi ɨɨn seña nu̱u̱nꞌ nta̱ká tutuꞌ táji ni̱ꞌ, chi suꞌva tée ni̱ꞌ nu̱u̱nꞌ nɨꞌɨ tutuꞌ táji ni̱ꞌ.

Filemón 1:19

Nuꞌuꞌ, Pablo, tée ni̱ꞌ rá tu̱ꞌun yaꞌá jín naꞌá maáníꞌ sáva stúvi ya̱ nááꞌ ya̱ maáníꞌ chunáán maa. Jee ntu jíniñúꞌún ni̱ꞌ naxinákúꞌun ni̱ꞌ iniꞌ nú ya̱ noꞌó táyáꞌvi maánú nu̱u̱nꞌ ni̱ꞌ [chi ntaji ni̱ꞌ tu̱ꞌun váꞌa Jesús nu̱u̱nꞌ nú jee nni̱ꞌi̱nꞌ nú ya̱ natavaꞌ re̱ꞌ noꞌó nu̱u̱nꞌ kua̱chi nú nsi̱káku re̱ꞌ noꞌó].

Filemón 1:9

Soo jie̱ꞌe̱ꞌ ñúnúunꞌ táꞌán‑ó, jee káꞌvi iniꞌ ni̱ꞌ va̱ꞌa ka̱ꞌ jíkánꞌ táꞌvíꞌ ni̱ꞌ ɨɨn tu̱ꞌun kákua̱chi nu̱u̱nꞌ nú. Jee nuꞌuꞌ, Pablo, ya̱ kúvi ni̱ꞌ ɨɨn jííꞌ jee suni vitan yɨ́ꞌɨ́ ni̱ꞌ veka̱a jie̱ꞌe̱ꞌ tiñu Jesús ya̱ kúvi Cristo,

1 Pedro 2:11

Ránoꞌó ñanitáꞌán ya̱ ñúnúunꞌ ni̱ꞌ, náxiníꞌvɨ́ꞌ ni̱ꞌ iniꞌ rán ya̱ koo rán kuéntáꞌ kua̱ꞌ retánꞌ kúvi rán to̱ꞌo̱ꞌ inka ñuunꞌ ya̱ váji íká rán jee ntu jiáꞌnu rán kuéntáꞌ jiáꞌnu rá ñɨvɨ ñɨ̱vɨ́ yaꞌá, jee saáva chusává rán rá tiñu ya̱ níyo iniꞌ rán saꞌá rán ya̱ ntu yɨ́ꞌɨ́ xi̱ntíín Ndiosíꞌ chi súkúta̱ꞌán‑a jín ánímaꞌ rán.

Apoclipsis 1:9

Nuꞌuꞌ Juan, ya̱ kúvi ni̱ꞌ ñanitáꞌán‑órán. Jee jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, ɨɨn nuún ni nkáá nóꞌo ni̱ꞌ jín ránoꞌó tu̱nóꞌó sáꞌá kíni ñɨvɨ yó, jee ɨɨn nuún ni nkáá yɨ́ꞌɨ́ ni̱ꞌ jín rán xi̱ntíín Ndiosíꞌ, jee ɨɨn nuún ni nkáá káꞌnú íyó iniꞌ‑ó kúneí‑ó kúníꞌin‑ó íñɨ́‑ó jín Cristo. Jee jie̱ꞌe̱ꞌ ya̱ stékútu̱ꞌún ni̱ꞌ tu̱ꞌun váꞌa Ndiosíꞌ jín tu̱ꞌun ya̱ kúvi ya̱ naáꞌ ya̱ njiáꞌa Jesús, jee saáva ntɨɨn rá ñɨvɨ nuꞌuꞌ yɨ́ꞌɨ́ ni̱ꞌ xi̱ntíín ráa, jee ña̱na̱ka ráa nuꞌuꞌ ne̱ nu̱u̱nꞌ ɨɨn ñuꞌun naní Patmos ya̱ káá sɨ́ɨ́n ma̱ꞌñú nteñúꞌún.