2 Corintios 1:8 - Mixteco del suroeste de Tlaxiaco Oaxaca

⁸ Ránoꞌó ñanitáꞌán, kuíni ráníꞌ ya̱ kukáꞌnú iniꞌ ránú jie̱ꞌe̱ꞌ rá tu̱nóꞌó ya̱ nkiji si̱kɨ̱ꞌ ránuꞌuꞌ ni nneeꞌ ránꞌ ichi rá ñuunꞌ tɨ́ɨn Asia. Chi nnoꞌo ránꞌ tu̱nóꞌó maá ve̱i nasɨ́kuitɨꞌ nsú kua̱ꞌ kuneí ránꞌ ka̱ꞌ jín fuersáꞌ ránꞌ, ya̱ ni ntu̱ví níyo ka̱ꞌ tu̱neí iniꞌ ránꞌ ya̱ kutekuꞌ ránꞌ.

2 Corintios 1:8 ပူးပေါင်းရင်းမြစ်များ

Hechos 16:6

Jee njia̱ꞌa ráa kua̱ꞌa̱nꞌ ráa sánitɨ́ɨn Frigia jín Galacia, chi ntu njiáꞌa Ta̱chi̱ꞌ Ííꞌ Ndiosíꞌ stekútu̱ꞌún ráa tu̱ꞌun va̱ꞌa sánitɨ́ɨn Asia.

Hechos 19:41

Sáá nkachiꞌ re̱ꞌ yaꞌá, jee nna̱chuichí re̱ꞌ rá ñɨvɨ nku̱tútú yukuán.

Hechos 2:9

Kúvi‑ó ñɨvɨ ñuunꞌ Partia, jín Media, jín Elam, jín rá ñɨvɨ nééꞌ Mesopotamia, jín Judea, jín Capadocia, Ponto, jín Asia,

Romanos 1:13

Soo, ránoꞌó ñanitáꞌán ni̱ꞌ, kuíni ni̱ꞌ ya̱ kúkáꞌnú iniꞌ rán ya̱ kue̱ꞌe̱ꞌ íchí nñu̱ꞌun iniꞌ ni̱ꞌ kua̱jiane̱ꞌyá ni̱ꞌ ránoꞌó, soo ne̱ vitan íyó ya̱ chítuvi‑i nu̱u̱nꞌ nuꞌuꞌ. Kuíni ni̱ꞌ kua̱jiane̱ꞌyá ni̱ꞌ ránoꞌó sáva taji ni̱ꞌ Tu̱ꞌun Ndiosíꞌ nu̱u̱nꞌ ránoꞌó sáva saꞌá Ta̱chi̱ꞌ Ííꞌ re̱ꞌ tiñu iniꞌ ánímaꞌ rán, kuéntáꞌ nsa̱ꞌá ni̱ꞌ nteñu rá ñɨvɨ rá inka nación.

1 Corintios 15:32

Jee retú sáꞌá ni̱ꞌ tiñu Ndiosíꞌ jee nnoꞌo ni̱ꞌ nsa̱ꞌá rá te̱e xe̱e̱nꞌ nu̱u̱nꞌ ñuunꞌ Éfeso kuéntáꞌ ɨɨn te̱e ya̱ kántáꞌán‑a jín kitɨ xéénꞌ, jee, ¿na̱kuá kúvi ya̱ váꞌa ni̱ꞌi̱nꞌ ni̱ꞌ jie̱ꞌe̱ꞌ sáꞌá ni̱ꞌ vá rúja?, retánꞌ ntu natekuꞌ rá ni̱yɨ jee ntu̱náꞌ ni̱ꞌi̱nꞌ ni̱ꞌ, jee sáni káchíꞌ ráa: Kajiꞌ‑ó jee koꞌo‑ó, chi kuviꞌ‑ó steñu̱ꞌún.

1 Corintios 16:9

Chi nine ɨɨn ichi máá káꞌnú nu̱u̱nꞌ tiñu ya̱ kuvi saꞌá ni̱ꞌ ya̱ kéne ya̱ váꞌa, asúnika̱ꞌ íyó kue̱ꞌe̱ꞌ víꞌí rá ñɨvɨ kénta síkɨꞌ ni̱ꞌ.

1 Corintios 4:8

Chi ya kúváꞌa iniꞌ rán ya̱ jiáni iniꞌ rán ya̱ kúmí rán nɨꞌɨ ya̱ jíniñúꞌún rán, ya̱ kuéntáꞌ retú ya nkukúká rán. Jee jiáni iniꞌ rán ya̱ kuvi tatúníꞌ maárán, jee ni ntu ka̱ꞌ jíniñúꞌún rán ránuꞌuꞌ kúníꞌ rán. Jee varésukuán jee kuvi tatúníꞌ nijia rán, sáva suni kuvi tatúníꞌ ránuꞌuꞌ jín ránoꞌó.

2 Corintios 1:9

Chi nkuvi iniꞌ ránꞌ kuéntáꞌ nsa̱náaꞌ si̱kɨ̱ꞌ ránuꞌuꞌ ya̱ kuviꞌ ránꞌ. Soo nkuvi sukuán sáva ntu kúneí iniꞌ‑ó maáó, chisaꞌ sáva kuneí iniꞌ‑ó Ndiosíꞌ, ya̱ suvire̱ꞌ ví ya̱ nástekúꞌ re̱ꞌ rá ni̱yɨ.

2 Corintios 6:9

jín sáá káchíꞌ ñɨvɨ ya̱ ntu jíníꞌ ráa ránuꞌuꞌ, soo jíníꞌ va̱ꞌa Ndiosíꞌ ránuꞌuꞌ, jín sáá káchíꞌ ráa ya̱ jíꞌíꞌ ránꞌ, jee tɨɨn kuéntáꞌ ránꞌ ya̱ tékúꞌ i̱i̱ꞌ ránꞌ, jín sáá xínóꞌo ráa ránuꞌuꞌ, soo ntu ñaꞌniꞌ ráa ránuꞌuꞌ,