2 Corintios 1:6 - Mixteco del suroeste de Tlaxiaco Oaxaca

⁶ Saájee, retú sáá nóꞌo ráníꞌ tu̱nóꞌó, jee nóꞌo ránꞌ jie̱ꞌe̱ꞌ táji ránꞌ Tu̱ꞌun Ndiosíꞌ sáva nasáneí ránꞌ iniꞌ ránú, jín sáva xinánitáꞌvíꞌ Ndiosíꞌ ránoꞌó jie̱ꞌe̱ꞌ kua̱chi ránoꞌó. Áxí retú sáá nasáneí iniꞌ ráníꞌ, jee íyó sukuán sáva nasáneí Ndiosíꞌ iniꞌ ránoꞌó [jín ya̱ nanitáꞌvíꞌ rán], jee sukuán sáꞌá‑a ya̱ kuiñɨ ni̱ꞌin rán nu̱u̱nꞌ Cristo jee keꞌneꞌ iniꞌ rán jín tu̱nóꞌó kunoꞌo rán kua̱ꞌ nóꞌo ránuꞌuꞌ.

2 Corintios 1:6 ပူးပေါင်းရင်းမြစ်များ

Hechos 21:5

Sáá nɨꞌɨ tiempúꞌ yukuán, jee nkene ránꞌ. Sáá nɨꞌɨ ráa, jín ñasɨ́ꞌɨ́ ráa, jín rá se̱ꞌya ráa, ña̱na̱ka ráa ránuꞌuꞌ ne̱ yuñúúnꞌ, nu̱u̱nꞌ káá nteñúꞌún, jee nna̱kui̱ñɨ̱ꞌ ítɨ́ ránꞌ yúnteñúꞌún jee yukuán nkaꞌanꞌ ránꞌ jín Ndiosíꞌ.

Romanos 8:28

Jee jíníꞌ‑ó ya̱ ntáká tiñu ya̱ kúvi jín rá ñɨvɨ ya̱ ñúnúunꞌ ráa Ndiosíꞌ jee jiátíñú Ndiosíꞌ rá tiñu vá sáva saꞌá re̱ꞌ ya̱ kúvi ya̱ váꞌa nu̱u̱nꞌ ráa ya̱ nkana re̱ꞌ ráa ya̱ kɨꞌɨ ráa nu̱u̱nꞌ re̱ꞌ sáni nkuna̱a̱ꞌ iniꞌ re̱ꞌ.

2 Corintios 1:4

Chi suvire̱ꞌ násaváꞌa re̱ꞌ iniꞌ‑ó nu̱u̱nꞌ nta̱ká rá tu̱nóꞌó nóꞌo‑ó, sáva suni maáó ranika̱ꞌ kuvi nasaváꞌa‑ó iniꞌ rá ñɨvɨ ya̱ nóꞌo rá na̱ni tu̱nóꞌó. Chi nasaváꞌa‑ó iniꞌ ráa sánikua̱ꞌ nna̱saváꞌa Ndiosíꞌ iniꞌ‑ó.

2 Corintios 12:15

Jee kúsɨ́ɨꞌ iniꞌ ni̱ꞌ ka̱xi̱nꞌ ni̱ꞌ ya̱ kúmí ni̱ꞌ, jín ne̱ máá maáníꞌ nu̱u̱nꞌ tiñu Cristo sáva kúvi ya̱ va̱ꞌa nu̱u̱nꞌ rán. Retú víꞌí ka̱ꞌ ñúnúunꞌ ni̱ꞌ ránoꞌó, ¿á núun ka̱ꞌ kunu̱u̱nꞌ rán nuꞌuꞌ?

2 Corintios 5:5

Soo maá Ndiosíꞌ ví ya̱ nsástákoo re̱ꞌ yó sáva ni̱ꞌi̱nꞌ‑ó yukuán. Jee ntaji ya̱chi̱ꞌ re̱ꞌ Ta̱chi̱ꞌ Ííꞌ re̱ꞌ yɨ́ꞌɨ́‑ɨ iniꞌ‑ó, ya̱ stúvi ya̱ naáꞌ ya̱ ni̱ꞌi̱nꞌ nijia‑ó yɨkɨkúñu jiáá.

Efesios 3:1

Jee tu̱ꞌun yukuán kua̱ꞌ ya̱ káchíꞌ kí ni̱ꞌ kúvi jie̱ꞌe̱ꞌ jíkánꞌ táꞌvíꞌ ni̱ꞌ nu̱u̱nꞌ Ndiosíꞌ jie̱ꞌe̱ꞌ ránoꞌó. Nuꞌuꞌ, Pablo, yɨ́ꞌɨ́ ni̱ꞌ veka̱a jie̱ꞌe̱ꞌ sátíñú ni̱ꞌ nu̱u̱nꞌ Cristo Jesús, ya̱ kúvi ya̱ váꞌa nu̱u̱nꞌ ránoꞌó ya̱ ntu kúvi rán ñɨvɨ Israel.

Efesios 3:13

Jee saáva jíkánꞌ táꞌvíꞌ ni̱ꞌ nu̱u̱nꞌ ránoꞌó, ya̱ koto núun iniꞌ rán jie̱ꞌe̱ꞌ tu̱nóꞌó nóꞌo ni̱ꞌ jie̱ꞌe̱ꞌ ya̱ kúvi ya̱ váꞌa nu̱u̱nꞌ ránoꞌó, chi sukuán sáꞌá Ndiosíꞌ ya̱ netuꞌ kuvi ránoꞌó.

Filipenses 1:19

chi jíníꞌ ni̱ꞌ, ya̱ jie̱ꞌe̱ꞌ nta̱ká tiñu yaꞌá kene va̱ꞌa jín nuꞌuꞌ, jie̱ꞌe̱ꞌ ya̱ káꞌánꞌ rán jín Ndiosíꞌ jie̱ꞌe̱ꞌ ni̱ꞌ, jín jie̱ꞌe̱ꞌ ya̱ chíneí chítuvi Ta̱chi̱ꞌ Ííꞌ Jesús ya̱ kúvi Cristo nuꞌuꞌ.

2 Timoteo 2:10

Saáva jiéꞌnéꞌ iniꞌ ni̱ꞌ nɨꞌɨ tu̱nóꞌó yaꞌá jie̱ꞌe̱ꞌ rá ñɨvɨ nkáji Ndiosíꞌ, sáva ni̱ꞌi̱nꞌ ráa ya̱ nanitáꞌvíꞌ ráa jie̱ꞌe̱ꞌ yɨ́ꞌɨ́ ráa nu̱u̱nꞌ Cristo Jesús, jee viiꞌ nasɨ́kuitɨꞌ kuneeꞌ ráa nɨ́ɨ́nkání jín re̱ꞌ.