2 Corintios 1:18 - Mixteco del suroeste de Tlaxiaco Oaxaca

¹⁸ Soo sánikua̱ꞌ na̱a̱ꞌ kúvi Ndiosíꞌ jee síkúnkuvi na̱a̱ꞌ re̱ꞌ ya̱ káchíꞌ re̱ꞌ, jee suni sukuán tu̱ꞌun káchíꞌ ráníꞌ nu̱u̱nꞌ ránoꞌó, nsáꞌ káchíꞌ ránꞌ “kuvi” soo tuku “ntu̱ví” káchíꞌ ránꞌ.

2 Corintios 1:18 ပူးပေါင်းရင်းမြစ်များ

Juan 7:28

Saájee sáá súkuáꞌa Jesús rá ñɨvɨ chíkéꞌi iniꞌ veñu̱ꞌun káꞌnú, jee nkaꞌanꞌ ni̱ꞌin re̱ꞌ: ―¿Á jíníꞌ nijia rán nuꞌuꞌ, jee á jíníꞌ nijia rán ne̱ núꞌ va̱ji ni̱ꞌ rúja? Soo nsáꞌ kúvi iniꞌ maáníꞌ ya̱ va̱ji ni̱ꞌ ñɨ̱vɨ́ yaꞌá. Chi maáréꞌ ya̱ nchu̱ichí re̱ꞌ nuꞌuꞌ jee na̱a̱ꞌ víꞌí re̱ꞌ. Jee ni̱ꞌ ntu̱ví jíníꞌ rán iniꞌ re̱ꞌ.

Juan 8:26

Íyó kue̱ꞌe̱ꞌ tu̱ꞌun ya̱ kachiꞌ ni̱ꞌ jie̱ꞌe̱ꞌ rán, jín suni kue̱ꞌe̱ꞌ jie̱ꞌe̱ꞌ sanáaꞌ ni̱ꞌ jie̱ꞌe̱ꞌ rán. Soo maáréꞌ ya̱ nchu̱ichí re̱ꞌ nuꞌuꞌ, na̱a̱ꞌ kúvi re̱ꞌ, jee rá tu̱ꞌun ya̱ nteso̱ꞌo ni̱ꞌ ya̱ nkachiꞌ re̱ꞌ ví rá tu̱ꞌun káchíꞌ ni̱ꞌ nu̱u̱nꞌ ñɨvɨ ñɨ̱vɨ́ yaꞌá.

1 Corintios 1:9

Chi síkúnkuvi na̱a̱ꞌ Ndiosíꞌ ya̱ nkana re̱ꞌ ránoꞌó sáva kanitáꞌán iniꞌ rán jín Se̱ꞌya re̱ꞌ Jesús ya̱ kúvi Cristo ya̱ kúvi I̱toꞌoꞌ‑ó.

2 Corintios 1:23

Soo jíníꞌ va̱ꞌa Ndiosíꞌ ánímaꞌ ni̱ꞌ jee kána ni̱ꞌ re̱ꞌ ya̱ ku̱ꞌva re̱ꞌ ya̱ naáꞌ jie̱ꞌe̱ꞌ nuꞌuꞌ. Chi jíníꞌ re̱ꞌ ya̱ káchíꞌ na̱a̱ꞌ ni̱ꞌ, ya̱ ntiáꞌan kua̱jiaaꞌ ni̱ꞌ nu̱u̱nꞌ nééꞌ rán nu̱u̱nꞌ ñuunꞌ Corinto, sáva chusává ni̱ꞌ saꞌá ni̱ꞌ ya̱ koo tu̱nkuíꞌyáꞌ iniꞌ ránoꞌó.

2 Corintios 11:31

Ndiosíꞌ, ya̱ kúvi Tátáꞌ I̱toꞌoꞌ‑ó Jesús, suvire̱ꞌ jíníꞌ va̱ꞌa re̱ꞌ ya̱ ntu kátúꞌún ni̱ꞌ. Jee nakuetúꞌún‑ó re̱ꞌ nɨ́ɨ́nkání.

2 Corintios 2:17

Soo ránuꞌuꞌ, chi ntu̱ví núkú ránꞌ táváꞌ ránꞌ xu̱ꞌún jie̱ꞌe̱ꞌ Tu̱ꞌun Ndiosíꞌ, kuéntáꞌ sáꞌá kue̱ꞌe̱ꞌ rá te̱e, [jee ntu sáma ránꞌ maa]. Chisaꞌ jíníꞌ Ndiosíꞌ ya̱ saɨn ñúꞌún iniꞌ ránꞌ káchíꞌ ránꞌ tu̱ꞌun re̱ꞌ, chi maá Ndiosíꞌ ví ya̱ nta̱jí re̱ꞌ ránuꞌuꞌ ya̱ stékútu̱ꞌún ránꞌ tu̱ꞌun re̱ꞌ. Jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo káchíꞌ ránꞌ tu̱ꞌun re̱ꞌ.

2 Corintios 6:8

Jee suni stúvi ránꞌ sáá sátíñú ránꞌ nu̱u̱nꞌ Ndiosíꞌ sáá sáꞌá ñáꞌnú ñɨvɨ nu̱u̱nꞌ ránuꞌuꞌ, jín sáá jiáꞌa ráa tu̱ꞌun kánuun nu̱u̱nꞌ ránuꞌuꞌ, jín sáá káꞌánꞌ va̱ꞌa ñɨvɨ jie̱ꞌe̱ꞌ ránꞌ, jín sáá káꞌánꞌ niva̱ꞌa ñɨvɨ jie̱ꞌe̱ꞌ ránꞌ, jín sáá káchíꞌ ñɨvɨ ya̱ te̱e xínáꞌví ví ránꞌ sú te̱e na̱a̱ꞌ ví ránꞌ,

1 Juan 5:20

Soo jíníꞌ‑ó ya̱ nkiji Se̱ꞌya Ndiosíꞌ, jee nsa̱ꞌá re̱ꞌ ya̱ ki̱ku̱ꞌun iniꞌ‑ó sáva kuniꞌ‑ó maáréꞌ ya̱ kúvi nijia re̱ꞌ Ndiosíꞌ. Jee yɨ́ꞌɨ́‑ó iniꞌ naꞌá maáréꞌ ya̱ kúvi nijia Ndiosíꞌ. Yɨ́ꞌɨ́‑ó naꞌá Se̱ꞌya re̱ꞌ, Jesús ya̱ kúvi Cristo. Suvivá kúvi nijia‑a Ndiosíꞌ, jee maáa ví ya̱ sáꞌá‑a ya̱ kutekuꞌ‑ó nɨ́ɨ́nkání jín Ndiosíꞌ.

Apoclipsis 3:14

’Jee tee nú nu̱u̱nꞌ tutuꞌ kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ ya̱ jínúꞌ iniꞌ ráa nuꞌuꞌ, jee suviráa ví ya̱ nééꞌ ráa nu̱u̱nꞌ ñuunꞌ Laodicea: “Nuꞌuꞌ kúvi ya̱ stúvi ya̱ suꞌva koo sáni káchíꞌ Tu̱ꞌun Ndiosíꞌ, chi síkúnkuvi na̱a̱ꞌ ni̱ꞌ máá tu̱ꞌun na̱a̱ꞌ jee jiáꞌa ni̱ꞌ ya̱ naáꞌ. Jee nuꞌuꞌ nsa̱ꞌá ni̱ꞌ ntáká nantíñú ya̱ nta̱túníꞌ Ndiosíꞌ ya̱ kiko̱o ne̱ tiempúꞌ xíꞌnañúꞌún. Tu̱ꞌun yaꞌá káchíꞌ nuꞌuꞌ:

Apoclipsis 3:7

’Jee tee nú nu̱u̱nꞌ tutuꞌ kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ ya̱ jínúꞌ iniꞌ ráa nuꞌuꞌ, jee suviráa ví ya̱ nééꞌ ráa nu̱u̱nꞌ ñuunꞌ Filadelfia: “Nuꞌuꞌ vá i̱i̱ꞌ ni̱ꞌ jín nuꞌuꞌ vá na̱a̱ꞌ ni̱ꞌ. Ínaꞌá ni̱ꞌ nakáa David, ya̱ nísotíñú ni̱ꞌ kuéntáꞌ kua̱ꞌ nta̱túníꞌ re̱ꞌ nu̱u̱nꞌ nación Israel yanaꞌán. Saáva nuꞌuꞌ ví ya̱ jíne ni̱ꞌ nu̱u̱nꞌ ki̱vɨ rá ñɨvɨ nu̱u̱nꞌ tátúníꞌ ni̱ꞌ, jee ni ɨɨn ntu kuvi nakasɨꞌ maa. Jee nuꞌuꞌ nakasɨꞌ maa, jee ni ɨɨn ntu kúvi nakune maa. Suꞌva káchíꞌ nuꞌuꞌ: