2 Corintios 1:1 - Mixteco del suroeste de Tlaxiaco Oaxaca

¹ Nuꞌuꞌ Pablo, Cristo Jesús nte̱tíñú re̱ꞌ nuꞌuꞌ, kuniso ni̱ꞌ tiñu apóstol ya̱ chúichí re̱ꞌ nuꞌuꞌ sáva stúvi ni̱ꞌ tu̱ꞌun re̱ꞌ, sáni kuíni Ndiosíꞌ. Nuꞌuꞌ jín ñaniꞌ‑ó Timoteo táji ránꞌ tutuꞌ yaꞌá nu̱u̱nꞌ ránoꞌó, ya̱ kúvi ñɨvɨ Ndiosíꞌ ya̱ jínúꞌ iniꞌ rán Jesús, ya̱ nééꞌ rán ñuunꞌ Corinto, ya̱ kútútú rán yukuán. Jee suni táji ránꞌ maa nu̱u̱nꞌ ntáká rá ñɨvɨ ya̱ nsásɨ́ɨ́n Ndiosíꞌ sáva kɨꞌɨ ráa nu̱u̱nꞌ re̱ꞌ, ya̱ nééꞌ ráa ntáká rá ñuunꞌ sánitɨ́ɨn Acaya.

2 Corintios 1:1 ပူးပေါင်းရင်းမြစ်များ

Hechos 16:1

Jee suni ña̱ꞌa̱nꞌ Pablo ñuunꞌ Derbe jín Listra. Jee yukuán nneeꞌ ɨɨn te̱e ya̱ níkɨ́nꞌ‑ɨ ñujiínꞌ Jesús, naní Timoteo. Kúvi re̱ꞌ se̱ꞌya yɨ́ɨ́ ɨɨn ñaꞌan ñuunꞌ Israel ya̱ kúneí iniꞌ ña Jesús. Soo tááꞌ re̱ꞌ kúvi te̱e Grecia.

Romanos 15:26

Chi rá ñanitáꞌán‑ó ya̱ nééꞌ ráa ñuunꞌ Macedonia jín ñuunꞌ Acaya ñani iniꞌ ráa ya̱ nasokoꞌ ráa xu̱ꞌún sáva chineí ráa rá ñɨvɨ láꞌví ya̱ íyó nteñu rá ñanitáꞌán‑ó ya̱ yɨ́tíñú ráa nu̱u̱nꞌ Cristo ya̱ nééꞌ ráa Jerusalén.

Romanos 16:21

Timoteo, táꞌán sátíñú re̱ꞌ jín ni̱ꞌ nu̱u̱nꞌ Cristo, jín Lucio, jín Jasón, jín Sosípater, ya̱ kuvi ráa táꞌán ñɨvɨ ñuunꞌ ni̱ꞌ, tájí ráa tu̱ꞌun jíkátu̱ꞌún ráa nu̱u̱nꞌ ránoꞌó.

Romanos 16:5

Jee ku̱ꞌva rán xá tu̱ꞌun jíkátu̱ꞌún ni̱ꞌ jie̱ꞌe̱ꞌ rá ñanitáꞌán‑ó ya̱ kútútú nu̱u̱nꞌ veꞌi Priscila jín Aquila. Jee ku̱ꞌva rán xá nu̱u̱nꞌ Epeneto tu̱ꞌun jíkátu̱ꞌún ni̱ꞌ jie̱ꞌe̱ꞌ re̱ꞌ. Suvire̱ꞌ ví ya̱ ñúnúunꞌ ni̱ꞌ jee kúvi te̱e xíꞌnañúꞌún ña̱ko̱so̱ꞌ re̱ꞌ nu̱u̱nꞌ ni̱nu̱ꞌ iniꞌ re̱ꞌ ntɨɨn re̱ꞌ tu̱ꞌun Cristo nu̱u̱nꞌ ñɨvɨ ñuunꞌ Asia.

1 Corintios 10:32

Jee saáva koto na̱ sáꞌá rán tiñu ya̱ sikúvi rán iniꞌ rá ñɨvɨ ya̱ nsíkíninkava rán ráa nu̱u̱nꞌ kua̱chi, va̱ni ñɨvɨ ñuunꞌ Israel, áxí va̱ni ñɨvɨ inka nación, áxí va̱ni rá ñɨvɨ ya̱ jínúꞌ iniꞌ ráa káníjiá ráa yɨ́ꞌɨ́ ráa xi̱ntíín Ndiosíꞌ.

1 Corintios 16:10

Jee retú kenta Timoteo nu̱u̱nꞌ nééꞌ rán, naniꞌvɨꞌ iniꞌ rán ya̱ koto na̱ yúꞌví re̱ꞌ jie̱ꞌe̱ꞌ ni ɨɨn nantíñú ni nééꞌ re̱ꞌ jín rán, chi sáꞌá re̱ꞌ tiñu I̱toꞌoꞌ‑ó kuéntáꞌ kua̱ꞌ nuꞌuꞌ.

1 Corintios 16:15

Ránoꞌó ñanitáꞌán, ya jíníꞌ rán ya̱ xíꞌnañúꞌún rá táꞌán veꞌi Estéfanas ví ya̱ ntɨɨn ráa Tu̱ꞌun Ndiosíꞌ nu̱u̱nꞌ ñuunꞌ Acaya, jee yɨ́tíñú ráa nu̱u̱nꞌ chíneí ráa rá ñanitáꞌán ya̱ yɨ́ꞌɨ́ rává xi̱ntíín Ndiosíꞌ. Jíkánꞌ táꞌvíꞌ ni̱ꞌ nu̱u̱nꞌ rán ya̱

1 Corintios 16:24

Jee ñúnúunꞌ ni̱ꞌ ntáká ránoꞌó jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo Jesús.

1 Corintios 6:11

Jee suꞌva ñaꞌnu sava rán nékúvi, soo vitan chi ya̱ ntu̱ví ka̱ꞌ, chi nna̱kete Ndiosíꞌ ránoꞌó jee nno̱noo rán nu̱u̱nꞌ kua̱chi, jee nsa̱ꞌá sɨ́ɨ́n Ndiosíꞌ ránoꞌó nu̱u̱nꞌ kua̱chi rán sáva kɨꞌɨ rán nu̱u̱nꞌ Cristo, jee ya nkino̱o na̱a̱ꞌ rán nsa̱ꞌá Ndiosíꞌ jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó Jesús ya̱ kúvi Cristo, jee ña̱tíñú Ndiosíꞌ‑ó Ta̱chi̱ꞌ Ííꞌ re̱ꞌ nsa̱ꞌá re̱ꞌ maa.

2 Corintios 1:19

Chi Se̱ꞌya Ndiosíꞌ kúvi Jesús ya̱ kúvi Cristo, [ya̱ ñani Ndiosíꞌ sáva tatúníꞌ nu̱u̱nꞌ nɨꞌɨ]. Jie̱ꞌe̱ꞌ Jesús ví ya̱ nste̱kútu̱ꞌún ránuꞌuꞌ nu̱u̱nꞌ ránoꞌó. Nuꞌuꞌ jín Silvano jín Timoteo ví ya̱ nste̱kútu̱ꞌún ránꞌ nu̱u̱nꞌ ránoꞌó jie̱ꞌe̱ꞌ re̱ꞌ. Jee nsáꞌ u̱vi̱ꞌ nu̱u̱nꞌ jiáni iniꞌ Cristo jee ntu̱ví nkáchíꞌ re̱ꞌ “kuvi” soo tuku “nkúvi” nkachiꞌ re̱ꞌ. Chisaꞌ Cristo sukuáni káchíꞌ re̱ꞌ ya̱ “kuvi”.

2 Corintios 1:23

Soo jíníꞌ va̱ꞌa Ndiosíꞌ ánímaꞌ ni̱ꞌ jee kána ni̱ꞌ re̱ꞌ ya̱ ku̱ꞌva re̱ꞌ ya̱ naáꞌ jie̱ꞌe̱ꞌ nuꞌuꞌ. Chi jíníꞌ re̱ꞌ ya̱ káchíꞌ na̱a̱ꞌ ni̱ꞌ, ya̱ ntiáꞌan kua̱jiaaꞌ ni̱ꞌ nu̱u̱nꞌ nééꞌ rán nu̱u̱nꞌ ñuunꞌ Corinto, sáva chusává ni̱ꞌ saꞌá ni̱ꞌ ya̱ koo tu̱nkuíꞌyáꞌ iniꞌ ránoꞌó.

2 Corintios 11:10

Kuéntáꞌ kua̱ꞌ káꞌánꞌ na̱a̱ꞌ Cristo, suni sukuán káꞌánꞌ na̱a̱ꞌ ni̱ꞌ. Jee sukuán káchíꞌ ni̱ꞌ ya̱ ni ɨɨn ñɨvɨ rá ñuunꞌ Acaya nka̱sɨ́ꞌ ráa nu̱u̱nꞌ ni̱ꞌ ya̱ káꞌánꞌ téyɨ́ɨ́ ni̱ꞌ jie̱ꞌe̱ꞌ vá.

2 Corintios 9:2

Chi ya jíníꞌ ni̱ꞌ ya̱ ñúꞌún káñá iniꞌ rán chineí rán. Jee jie̱ꞌe̱ꞌ vá káꞌánꞌ téyɨ́ɨ́ ni̱ꞌ nu̱u̱nꞌ rá ñɨvɨ ñuunꞌ Macedonia. Jee káchíꞌ ni̱ꞌ nu̱u̱nꞌ ráa ya̱ ránoꞌó, ñɨvɨ nééꞌ rán rá ñuunꞌ tɨ́ɨn Acaya, ya̱ nsa̱túꞌva rán ne̱ kiava. Jee jie̱ꞌe̱ꞌ ya̱ ñúkáñá iniꞌ rán chineí rán, jee nchuꞌun káñá‑a iniꞌ ráa ya̱ kue̱ꞌe̱ꞌ víꞌí ráa nóꞌónꞌ iniꞌ ráa chineí ráa.

Gálatas 1:1

Maáníꞌ, Pablo tée ni̱ꞌ nu̱u̱nꞌ tutuꞌ yaꞌá. Níso ni̱ꞌ tiñu apóstol, ya̱ chúichí Ndiosíꞌ stekútu̱ꞌún ni̱ꞌ tu̱ꞌun re̱ꞌ. Nsú rá ñɨvɨ ví ya̱ nchu̱ichí nuꞌuꞌ ni ya̱ nsáꞌ ñani ñɨvɨ nuꞌuꞌ kunisotíñú ni̱ꞌ. Chi maá Jesús ya̱ kúvi Cristo jín Tátáꞌ‑ó ya̱ kúvi Ndiosíꞌ ñani ráa nuꞌuꞌ. Jee Ndiosíꞌ ví ya̱ nxi̱nátekuꞌ i̱i̱ꞌ re̱ꞌ Jesús nteñu rá níꞌiꞌ jee nxi̱nákóo re̱ꞌ yɨkɨkúñu‑u jee tékúꞌ‑u.

Gálatas 3:26

Jee nta̱ká ránoꞌó ví nijia se̱ꞌya Ndiosíꞌ jie̱ꞌe̱ꞌ ya̱ kúneí iniꞌ rán Cristo Jesús jee yɨ́ꞌɨ́ rán chi̱ji naꞌá re̱ꞌ.

Efesios 1:1

Nuꞌuꞌ Pablo, Cristo Jesús nte̱tíñú re̱ꞌ nuꞌuꞌ, kuniso ni̱ꞌ tiñu apóstol ya̱ chúichí re̱ꞌ nuꞌuꞌ sáva stúvi ni̱ꞌ tu̱ꞌun re̱ꞌ, sáni kuíni Ndiosíꞌ. Tée ni̱ꞌ tutuꞌ yaꞌá nu̱u̱nꞌ ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨtíñú rán nu̱u̱nꞌ Cristo, ya̱ nééꞌ rán ñuunꞌ Éfeso. Suvirán níkɨ́nꞌ va̱ꞌa jiáꞌnu na̱a̱ꞌ rán nu̱u̱nꞌ Cristo Jesús, ya̱ ñani Ndiosíꞌ re̱ꞌ sáva tatúníꞌ re̱ꞌ ñɨ̱vɨ́.

Filipenses 1:1

Maáníꞌ Pablo jín Timoteo, kúvi ránꞌ musúꞌ Cristo Jesús. Tée ránꞌ tutuꞌ yaꞌá nu̱u̱nꞌ nta̱ká ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨꞌɨ rán nu̱u̱nꞌ Cristo Jesús, ya̱ nééꞌ rán ñuunꞌ Filipos, jín nu̱u̱nꞌ rá te̱e kúñáꞌnú nu̱u̱nꞌ rán, jín nu̱u̱nꞌ rá ñaniꞌ rán ya̱ chíneí ráa ránoꞌó.

1 Tesalonicenses 1:1

Nuꞌuꞌ Pablo jín Silvano jín Timoteo, tée ránꞌ nu̱u̱nꞌ tutuꞌ nu̱u̱nꞌ ránoꞌó, ya̱ kúneí iniꞌ rán Cristo, ya̱ nééꞌ rán ñuunꞌ Tesalónica, jee nútútú rán yukuán. Yɨ́ꞌɨ́ rán nu̱u̱nꞌ Tátáꞌ‑ó Ndiosíꞌ jín I̱toꞌoꞌ‑ó Jesús ya̱ níso re̱ꞌ tiñu Cristo, [ya̱ ñani Ndiosíꞌ re̱ꞌ sáva tatúníꞌ re̱ꞌ nu̱u̱nꞌ nɨꞌɨ]. Na̱ ka̱ꞌ koo ma̱ni̱ꞌ iniꞌ ráa kune̱ꞌyá ráa ránoꞌó jín ya̱ kuneeꞌ va̱ꞌa rán saꞌá ráa.

1 Tesalonicenses 3:2

Jee nchu̱ichí ránꞌ Timoteo nu̱u̱nꞌ ránoꞌó. Ñaniꞌ‑ó ví re̱ꞌ. Jee táꞌán sátíñú jín‑ó ví re̱ꞌ, ya̱ sáꞌá re̱ꞌ tiñu Ndiosíꞌ, sáva sikúténuun re̱ꞌ tu̱ꞌun jie̱ꞌe̱ꞌ Cristo. Sáꞌá re̱ꞌ tiñu vá, sáva kuiñɨ ni̱ꞌin ránú kúneí iniꞌ rán Cristo jee nasáneí re̱ꞌ iniꞌ ránoꞌó.

2 Tesalonicenses 1:1

Nuꞌuꞌ Pablo, jín Silvano jín Timoteo, tée ránꞌ nu̱u̱nꞌ tutuꞌ yaꞌá nu̱u̱nꞌ ránoꞌó, ya̱ kúneí iniꞌ rán Jesús, ya̱ nééꞌ rán ñuunꞌ Tesalónica, jín ya̱ kútútú rán yukuán. Suvirán yɨ́ꞌɨ́ rán nu̱u̱nꞌ Tátáꞌ‑ó Ndiosíꞌ jín I̱toꞌoꞌ‑ó Jesús ya̱ níso re̱ꞌ tiñu Cristo [ya̱ ñani Ndiosíꞌ sáva tatúníꞌ re̱ꞌ nu̱u̱nꞌ nɨꞌɨ].

1 Timoteo 1:1

Nuꞌuꞌ Pablo, ya̱ níso ni̱ꞌ tiñu apóstol Cristo Jesús, ya̱ nchu̱ichí re̱ꞌ nuꞌuꞌ sánikua̱ꞌ nta̱túníꞌ Ndiosíꞌ jín Cristo Jesús, ya̱ níso ni̱ꞌ tiñu yaꞌá. Jee Ndiosíꞌ ví ya̱ natavaꞌ re̱ꞌ yó nu̱u̱nꞌ kua̱chi‑ó síkáku re̱ꞌ yó. Jee Jesús nísotíñú re̱ꞌ ya̱ kúvi re̱ꞌ Cristo, [ya̱ ñani Ndiosíꞌ maáréꞌ sáva tatúníꞌ re̱ꞌ ñɨ̱vɨ́], jee íyó tu̱neí iniꞌ‑ó ya̱ saꞌá re̱ꞌ ya̱ nkachiꞌ re̱ꞌ.

2 Timoteo 1:1

Nuꞌuꞌ, Pablo, ya̱ níso ni̱ꞌ tiñu apóstol ya̱ chúichí Cristo Jesús nuꞌuꞌ sáni nkuini Ndiosíꞌ. Ntají re̱ꞌ nuꞌuꞌ sáva stekútu̱ꞌún ni̱ꞌ tu̱ꞌun ya̱ nchi̱sóyuꞌú Ndiosíꞌ ya̱ kutekuꞌ‑ó nɨ́ɨ́nkání jín‑i jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús.

Tito 1:1

Maáníꞌ, Pablo, ya̱ kúvi ni̱ꞌ musúꞌ ya̱ jiátíñú Ndiosíꞌ. Jee suni níso ni̱ꞌ tiñu apóstol, ya̱ nchu̱ichí Jesucristo nuꞌuꞌ, sáva ku̱ꞌva ni̱ꞌ tu̱ꞌun re̱ꞌ nu̱u̱nꞌ rá ñɨvɨ, sáva rá ñɨvɨ ya̱ nka̱ji Ndiosíꞌ ráa kuneí iniꞌ ráa maa, jee sáva kuniꞌ noo ráa tu̱ꞌun na̱a̱ꞌ, jee sáva kunikɨnꞌ ráa ichi na̱a̱ꞌ nu̱u̱nꞌ Ndiosíꞌ sáni kuíni re̱ꞌ,

Filemón 1:1

Maáníꞌ, Pablo, ya̱ yɨ́ꞌɨ́ ni̱ꞌ veka̱a jie̱ꞌe̱ꞌ yɨ́tíñú ni̱ꞌ nu̱u̱nꞌ Jesús ya̱ nísotíñú re̱ꞌ ya̱ kúvi máá Cristo, ya̱ ñani Ndiosíꞌ sáva tatúníꞌ nu̱u̱nꞌ nɨꞌɨ, jee nuꞌuꞌ jín ñaniꞌ‑ó Timoteo tájí ránꞌ tutuꞌ yaꞌá nu̱u̱nꞌ noꞌó, Filemón, ya̱ ñúnúunꞌ ránꞌ xá, jín ya̱ táꞌán sátíñú nú jín ránuꞌuꞌ nu̱u̱nꞌ tiñu Cristo.

Hebreos 13:23

Káchíꞌ ni̱ꞌ nu̱u̱nꞌ rán jee kuniꞌ rán ya̱ ñaniꞌ‑ó Timoteo, ya̱ nkene re̱ꞌ veka̱a. Jee retú ñamani nenta re̱ꞌ nu̱u̱nꞌ nééꞌ ni̱ꞌ yaꞌá, jee kua̱jiaaꞌ ni̱ꞌ jín re̱ꞌ kua̱jiane̱ꞌyá ránꞌ ránoꞌó.