1 Timoteo 1:4 - Mixteco del suroeste de Tlaxiaco Oaxaca

⁴ Jee suni tatúníꞌ nú nu̱u̱nꞌ ráa, ya̱ koto sáꞌá ráa kuéntáꞌ rá kuentúꞌ yanaꞌán, ya̱ kúvi kuentúꞌ ni, jín rá tu̱ꞌun ya̱ ntu jínu, ya̱ káꞌánꞌ jie̱ꞌe̱ꞌ na̱sa va̱ji rá jííꞌ‑ó yanaꞌán. Rá tu̱ꞌun suꞌva sikántátúꞌun ka̱ꞌá rá ñɨvɨ, nsú káꞌ síkúnkuvi ráa nu̱u̱nꞌ Ndiosíꞌ jie̱ꞌe̱ꞌ tu̱ꞌun re̱ꞌ ya̱ kúneí iniꞌ‑ó.

1 Timoteo 1:4 ပူးပေါင်းရင်းမြစ်များ

2 Corintios 1:12

Suꞌva káꞌánꞌ téyɨ́ɨ́ ráníꞌ, ya̱ ne̱ ánímaꞌ ránꞌ jíníꞌ ránꞌ ya̱, ñaꞌnu na̱a̱ꞌ ránꞌ jee saɨn ni̱yo iniꞌ ránꞌ ñaꞌnu ránꞌ jín rá ñɨvɨ ñɨ̱vɨ́ yaꞌá, sáni kuíni Ndiosíꞌ. Jee víꞌí káꞌ jíníꞌ ránꞌ ya̱ nsa̱ꞌá ránꞌ sukuán nu̱u̱nꞌ ránoꞌó. Chi ntu ñáꞌnu ránꞌ sáni ya̱ níchí xíniꞌ maáránꞌ, chisaꞌ chíneí chituvi Ndiosíꞌ ránuꞌuꞌ saꞌá ránꞌ sukuán, chi íyó mániꞌ iniꞌ re̱ꞌ néꞌyá re̱ꞌ ránuꞌuꞌ.

Efesios 3:2

Chi retú máá naáꞌ nijia ya̱ nteso̱ꞌo rán jie̱ꞌe̱ꞌ tiñu nte̱tíñú Ndiosíꞌ nuꞌuꞌ ya̱ kuniso ni̱ꞌ, jie̱ꞌe̱ꞌ ya̱ íyó mániꞌ iniꞌ re̱ꞌ jín ni̱ꞌ, ya̱ nsi̱kútaꞌviꞌ re̱ꞌ tiñu vá nu̱u̱nꞌ nuꞌuꞌ sáva satíñú ni̱ꞌ jie̱ꞌe̱ꞌ ya̱ váꞌa nu̱u̱nꞌ ránoꞌó.

1 Timoteo 3:16

Va̱tu̱ꞌ nijia ya̱ kúvi ya̱ naáꞌ, ya̱ mánasɨ́ ví tu̱ꞌun yuꞌuꞌ jie̱ꞌe̱ꞌ ichi na̱a̱ꞌ Ndiosíꞌ, ya̱ sukuán ntañúꞌún nstúvi re̱ꞌ nu̱u̱nꞌ‑ó: Ndiosíꞌ ntu̱vi nu̱u̱nꞌ ñɨ̱vɨ́, jee ni̱yo yɨkɨkúñu re̱ꞌ, chi nkenta kúvi re̱ꞌ ɨɨn te̱e. Nstúvi kájí nijia Ta̱chi̱ꞌ Ííꞌ re̱ꞌ, ya̱ na̱a̱ꞌ ví re̱ꞌ. Ntu̱vi re̱ꞌ nu̱u̱nꞌ rá najiáꞌáꞌ ííꞌ Ndiosíꞌ. Nte̱ku̱tu̱ꞌún jie̱ꞌe̱ꞌ re̱ꞌ nu̱u̱nꞌ rá ñɨvɨ ñɨ̱vɨ́. Ni̱nu̱ꞌ iniꞌ ñɨvɨ ñɨ̱vɨ́ re̱ꞌ. Nnaa re̱ꞌ kua̱noꞌonꞌ re̱ꞌ súkún nu̱u̱nꞌ ñuunꞌ viiꞌ nasɨ́kuitɨꞌ nu̱u̱nꞌ tátúníꞌ Ndiosíꞌ.

1 Timoteo 4:7

Chusává maánú nu̱u̱nꞌ rá kuentúꞌ yanaꞌán, ya̱ kúvi kuentúꞌ ni, jín ya̱ ntu sáꞌá ñáꞌnú‑u nu̱u̱nꞌ Ndiosíꞌ, kuéntáꞌ nákani ka̱ꞌá sava ñaꞌan ñáꞌnú. Chisaꞌ sikújia nú kueꞌnu nú ichi na̱a̱ꞌ sáni kuíni Ndiosíꞌ.

1 Timoteo 6:11

Soo noꞌó, te̱e yɨ́tíñú nu̱u̱nꞌ Ndiosíꞌ, ya̱chi̱ꞌ kuiyo nú chusává maánú nu̱u̱nꞌ nɨꞌɨ ya̱ níváꞌa yaꞌá. Jee kunikɨnꞌ ni̱ꞌin nú, ya̱ kino̱o na̱a̱ꞌ nú, ya̱ kunikɨnꞌ nú ichi na̱a̱ꞌ sáni kuíni Ndiosíꞌ, ya̱ kuneí iniꞌ nú Cristo, ya̱ kunu̱u̱nꞌ nú Ndiosíꞌ jín ñɨvɨ, ya̱ kuni̱ꞌin nú ya̱ kuiñɨ ni̱ꞌin nú jín Cristo, ya̱ koo másúꞌ iniꞌ nú.

1 Timoteo 6:20

Noꞌó, Timoteo, kumí váꞌa tiñu ya̱ ntaji Ndiosíꞌ nu̱u̱nꞌ nú. Chusává nú nu̱u̱nꞌ tu̱ꞌun nékáíyó káꞌánꞌ ñɨvɨ, ya̱ ntu íyó ñáꞌnú Ndiosíꞌ nu̱u̱nꞌ ráa, jín ya̱ núníꞌin nu̱u̱nꞌ tu̱ꞌun na̱a̱ꞌ Ndiosíꞌ, ya̱ káchíꞌ ráa nika̱ꞌ, ya̱ tu̱ꞌun níchí ví rá tu̱ꞌun vá.

2 Timoteo 2:14

Xinákúꞌun nú iniꞌ rá ñɨvɨ tu̱ꞌun yaꞌá. Jee ichinúúnꞌ Ndiosíꞌ, tatúníꞌ ni̱ꞌin nú nu̱u̱nꞌ ráa ya̱ koto kántátúꞌun ráa jie̱ꞌe̱ꞌ ntáká tu̱ꞌun saɨn. Chi ntu̱náꞌ íyótiñu‑u nintíꞌínꞌ saꞌá ráa suꞌva, chi stívɨ́‑ɨ ñɨvɨ ya̱ tésóꞌo maa.

2 Timoteo 2:22

Kunu nú chusává maánú nu̱u̱nꞌ ya̱ níyo iniꞌ nú ya̱ sɨ̱ɨ̱ꞌ iniꞌ ɨɨn te̱e súchí. Jee kunikɨnꞌ nú ichi ya̱ kino̱o na̱a̱ꞌ nú nu̱u̱nꞌ Ndiosíꞌ, ya̱ tu̱ꞌun kuneí iniꞌ nú Cristo, ya̱ tu̱ꞌun kunu̱u̱nꞌ nú Ndiosíꞌ jín ñɨvɨ, jín ya̱ tu̱ꞌun kuneeꞌ ñunkúún nú jín táꞌán nú. Jee saꞌá nú suꞌva jín rá ñɨvɨ ya̱ ni̱ka̱nꞌ táꞌvíꞌ ráa jín ánímaꞌ noo nu̱u̱nꞌ Cristo, ya̱ kuvi re̱ꞌ I̱toꞌoꞌ ráa.

2 Timoteo 2:23

Jee chusává nú tu̱ꞌun naanꞌ ya̱ káꞌánꞌ sɨ̱ɨ̱ꞌ ni, jie̱ꞌe̱ꞌ ya̱ kántátúꞌun ñɨvɨ, chi jíníꞌ nú ya̱ suvivá sáꞌá ya̱ íyó ti̱xi̱nꞌ.

2 Timoteo 4:4

Jee nateeyátá ráa so̱ꞌo ráa nu̱u̱nꞌ tu̱ꞌun káꞌánꞌ na̱a̱ꞌ Ndiosíꞌ, jee nusɨ́ɨ́n ráa nu̱u̱nꞌ‑u sáva tɨɨn ráa kuentúꞌ yanaꞌán ya̱ kúvi kuentúꞌ ni.

Tito 1:1

Maáníꞌ, Pablo, ya̱ kúvi ni̱ꞌ musúꞌ ya̱ jiátíñú Ndiosíꞌ. Jee suni níso ni̱ꞌ tiñu apóstol, ya̱ nchu̱ichí Jesucristo nuꞌuꞌ, sáva ku̱ꞌva ni̱ꞌ tu̱ꞌun re̱ꞌ nu̱u̱nꞌ rá ñɨvɨ, sáva rá ñɨvɨ ya̱ nka̱ji Ndiosíꞌ ráa kuneí iniꞌ ráa maa, jee sáva kuniꞌ noo ráa tu̱ꞌun na̱a̱ꞌ, jee sáva kunikɨnꞌ ráa ichi na̱a̱ꞌ nu̱u̱nꞌ Ndiosíꞌ sáni kuíni re̱ꞌ,

Tito 1:14

jee sáva nsáꞌá ráa kuéntáꞌ rá kuentúꞌ yanaꞌán ya̱ sátúꞌún rá ñɨvɨ Israel, jee sáva nsáꞌá ráa kuéntáꞌ rá tu̱ꞌun ya̱ tátúníꞌ kua̱chi rá ñɨvɨ ni ya̱ nákuíñɨꞌ yátá ráa nu̱u̱nꞌ tu̱ꞌun na̱a̱ꞌ.

Tito 3:9

Soo chusává nú nu̱u̱nꞌ tu̱ꞌun naanꞌ jie̱ꞌe̱ꞌ kántátúꞌun ñɨvɨ, jín nu̱u̱nꞌ tu̱ꞌun káꞌánꞌ jie̱ꞌe̱ꞌ na̱sa va̱ji rá jííꞌ‑ó yanaꞌán, jín nu̱u̱nꞌ tuntíxín, jín nu̱u̱nꞌ kántátúꞌun ñɨvɨ jie̱ꞌe̱ꞌ tu̱ꞌun ley njia̱ꞌa Ndiosíꞌ nu̱u̱nꞌ Israel, chi ntu íyótiñu rá tu̱ꞌun vá, chi tu̱ꞌun saɨn ni ví.

Hebreos 13:9

Íyó kéꞌín tu̱ꞌun xínéꞌénꞌ ñɨvɨ ya̱ ntu kúnuún jín Tu̱ꞌun Ndiosíꞌ. Jee koto jiáꞌa rán ya̱ nastúꞌva rá tu̱ꞌun vá ránoꞌó nu̱u̱nꞌ‑u. Chi íyó váꞌa ya̱ nukutú ánímaꞌ‑ó saꞌá Ndiosíꞌ chi íyó mániꞌ iniꞌ re̱ꞌ yó, nsú káꞌ jie̱ꞌe̱ꞌ tu̱ꞌun ya̱ tátúníꞌ jie̱ꞌe̱ꞌ ya̱ yájíꞌ‑ó, chi ni ntu̱náꞌ váꞌa nsa̱ꞌá tu̱ꞌun tátúníꞌ vá nu̱u̱nꞌ rá ñɨvɨ ya̱ nyɨ̱tíñú ráa nsa̱ꞌá ráa maa.

2 Pedro 1:16

Chi ntu nníkɨ́nꞌ ránꞌ ntu ntɨ́ɨn kuéntáꞌ ránꞌ rá kuentúꞌ túꞌún máñáꞌ ya̱ nkene xi̱ni̱ꞌ ñɨvɨ sáá nsi̱kúkáꞌnú ránꞌ iniꞌ ránoꞌó jie̱ꞌe̱ꞌ ya̱ kenta I̱toꞌoꞌ‑ó Jesús ya̱ kúvi Cristo jín jie̱ꞌe̱ꞌ fuersáꞌ ííꞌ ni̱ꞌin níso re̱ꞌ, chisaꞌ niniꞌ jínúunꞌ ráníꞌ ya̱ viiꞌ kúñáꞌnú re̱ꞌ.