1 Tesalonicenses 5:4 - Mixteco del suroeste de Tlaxiaco Oaxaca

⁴ Soo, ránoꞌó ñanitáꞌán, jíníꞌ va̱ꞌa ránú maa, jee ntu jiáꞌnu naanꞌ rán kuéntáꞌ jíka ɨɨn ñɨvɨ nu̱u̱nꞌ neenꞌ jee ntu jíníꞌ‑i né núꞌ kua̱ꞌa̱nꞌ‑a. Saáva ntu tɨɨn sa̱naanꞌ ki̱vɨ̱ꞌ tiaaꞌ I̱toꞌoꞌ‑ó yó kuéntáꞌ kénta tɨ́ɨn sa̱naanꞌ te̱e sákuíꞌná veꞌi ñɨvɨ.

1 Tesalonicenses 5:4 ပူးပေါင်းရင်းမြစ်များ

Mateo 10:15

Chi máá naáꞌ vá káchíꞌ ni̱ꞌ nu̱u̱nꞌ ránoꞌó, ya̱ ki̱vɨ̱ꞌ kiji keꞌneꞌ Ndiosíꞌ kua̱chi ñɨvɨ, sú kunoꞌo nasɨ́kuitɨꞌ rá ñɨvɨ ñuunꞌ Sodoma jín ñuunꞌ Gomorra soo yakuꞌ ka̱ꞌ kunoꞌo ráa nsú káꞌ kua̱ꞌ xe̱e̱nꞌ nasɨ́kuitɨꞌ ntántúníꞌ ka̱ꞌ kunoꞌo rá ñɨvɨ ñuunꞌ vá.

Lucas 21:34

’Saáva kumí rán maárán ya̱ koto túví rán maárán nu̱u̱nꞌ ñujiínꞌ ya̱ stívɨ́ rán maárán, jín nu̱u̱nꞌ ya̱ ku̱ka̱ꞌva rán nu̱u̱nꞌ nixiꞌ, jín nu̱u̱nꞌ ya̱ nívini naniꞌvɨꞌ iniꞌ rán na̱ni jie̱ꞌe̱ꞌ ya̱ íyó ni tékúꞌ rán iniꞌ ñɨ̱vɨ́ yaꞌá, sáva ntu kininkava sa̱naanꞌ kuitɨꞌ ki̱vɨ̱ꞌ vá ya̱ta̱ꞌ rán,

Hechos 26:18

sava sine nú rá nchinúún ráa sáva kɨ̱ku̱ꞌun iniꞌ ráa Tu̱ꞌun Ndiosíꞌ. Jee sáva kene ráa nu̱u̱nꞌ neenꞌ, jee nakui̱ñɨ̱ꞌ ráa nu̱u̱nꞌ túúnꞌ ñuꞌunꞌ. Jee kene ráa naꞌá ta̱chi̱ꞌ kini kúñáꞌnú kúvi Satanás, jee ki̱vɨ ráa naꞌá Ndiosíꞌ. Sáva ni̱ꞌi̱nꞌ ráa ya̱ kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa, jín sáva ni̱ꞌi̱nꞌ ráa ta̱ꞌvi̱ꞌ nteñu rá ñɨvɨ ya̱ nsa̱ꞌá sɨ́ɨ́n re̱ꞌ ráa sáva kuvi ráa ñɨvɨ re̱ꞌ, chi kúneí iniꞌ ráa nuꞌuꞌ.”

Colosenses 1:13

Chi maá Ndiosíꞌ nna̱kani núne re̱ꞌ yó nsi̱káku re̱ꞌ yó xi̱ntíín kua̱chi‑ó jín xi̱ntíín Satanás, nu̱u̱nꞌ níyo kuéntáꞌ ñaꞌnu‑ó nu̱u̱nꞌ neenꞌ. Jee nna̱siáꞌa re̱ꞌ yó naꞌá Se̱ꞌya re̱ꞌ ya̱ ñúnúunꞌ re̱ꞌ, jee tátúníꞌ‑i nu̱u̱nꞌ‑ó.

1 Tesalonicenses 5:2

Chi maáránoꞌó ya̱ jíníꞌ va̱ꞌa rán ya̱ kenta sa̱naanꞌ ni ki̱vɨ̱ꞌ ya̱ kiji I̱toꞌoꞌ‑ó kuéntáꞌ kénta sa̱naanꞌ ɨɨn te̱e sákuíꞌná yakuááꞌ.

2 Pedro 3:10

Soo ki̱vɨ̱ꞌ ya̱ nenta I̱toꞌoꞌ‑ó sanáaꞌ re̱ꞌ jee sa̱naanꞌ ni nenta re̱ꞌ kuéntáꞌ kua̱ꞌ sa̱naanꞌ ni kenta ɨɨn te̱e kuíꞌná. Jee ki̱vɨ̱ꞌ nenta re̱ꞌ, jee nɨꞌɨn víꞌí súkún jee kɨ̱naanꞌ‑a. Jee nɨꞌɨ ya̱ íyó súkún jín ñɨ̱vɨ́ ka̱yu̱ꞌ‑u jee ta̱nɨ̱ꞌ‑ɨ jee nta̱ká ya̱ íyó iniꞌ ñɨ̱vɨ́ yaꞌá ka̱yu̱ꞌ‑u.

1 Juan 2:8

Chisaꞌ tée ni̱ꞌ nu̱u̱nꞌ rán ɨɨn tu̱ꞌun ya̱ tátúníꞌ jiáá re̱ꞌ, ya̱ nstúvi re̱ꞌ ya̱ máá naáꞌ kúvi nijia tu̱ꞌun vá jie̱ꞌe̱ꞌ na̱sa ñaꞌnu re̱ꞌ, jee suni maárán, chi jíka‑ó ichi nu̱u̱nꞌ nijinꞌ sáꞌá re̱ꞌ, chi suꞌva kua̱nɨꞌɨ nu̱u̱nꞌ neenꞌ, jee kúvi re̱ꞌ ñuꞌunꞌ nijia ya̱ ya túúnꞌ.

Apoclipsis 16:15

Jee nkachiꞌ Jesús: ―Tɨɨn kuéntáꞌ va̱ꞌa rán, sa̱naanꞌ ni nenta ni̱ꞌ kuéntáꞌ kua̱ꞌ kénta sa̱naanꞌ ɨɨn te̱e kuíꞌná. Saáva na̱ ka̱ꞌ netuꞌ ka̱ꞌ kuvi ñɨvɨ ya̱ ñúꞌún nito iniꞌ‑i, kuéntáꞌ kua̱ꞌ ɨɨn ñɨvɨ ya̱ íyó listo saꞌma sáva ntu jíka ñɨɨn léꞌlé‑e jee nkóo‑o tu̱ꞌun kánuun sáá kune̱ꞌyá ñɨvɨ nu̱u̱nꞌ‑u.

Apoclipsis 3:3

Jee naku̱ꞌun iniꞌ rán tu̱ꞌun na̱a̱ꞌ ya̱ nníꞌinꞌ rán ya̱ nteso̱ꞌo rán, jee kunikɨnꞌ rán maa, jee nakani iniꞌ rán. Chi retú ntu̱ví íyó nito rán maárán, jee sa̱naanꞌ ni kenta ni̱ꞌ nu̱u̱nꞌ rán kuéntáꞌ kua̱ꞌ ɨɨn ya̱ kuíꞌná jee xinóꞌo ni̱ꞌ ránoꞌó, jee ni nsáꞌ kuniꞌ rán ná hora kenta ni̱ꞌ.