1 Tesalonicenses 4:2 - Mixteco del suroeste de Tlaxiaco Oaxaca

² Chi jíníꞌ ránoꞌó tu̱ꞌun nxi̱néꞌénꞌ ránꞌ nu̱u̱nꞌ ránoꞌó, chi I̱toꞌoꞌ‑ó Jesús ntaji re̱ꞌ tiñu níso ráníꞌ xinéꞌénꞌ ránꞌ maa.

1 Tesalonicenses 4:2 ပူးပေါင်းရင်းမြစ်များ

Mateo 28:20

Jee xinéꞌénꞌ rán ráa ya̱ kaníjiá ráa ntáká ya̱ nta̱túníꞌ ni̱ꞌ nu̱u̱nꞌ rán, jee nuꞌuꞌ koo ni̱ꞌ jín rán ntáká ki̱vɨ̱ꞌ ne̱kua̱ꞌ kenta ji̱nu tiempúꞌ nu̱u̱nꞌ nɨ́ꞌɨ. Sukuán koo.

1 Corintios 9:21

Jee sáá nééꞌ ni̱ꞌ nteñu rá ñɨvɨ ya̱ ntu̱ví yɨ́ꞌɨ́ ráa xi̱ntíín tu̱ꞌun nta̱túníꞌ Ndiosíꞌ nu̱u̱nꞌ Moisés yanaꞌán, jee jiáꞌnu ni̱ꞌ kuéntáꞌ retánꞌ ntu̱ví yɨ́ꞌɨ́ ni̱ꞌ chi̱ji tu̱ꞌun vá, sáva ni̱ꞌi̱nꞌ ni̱ꞌ sijínúꞌ ni̱ꞌ iniꞌ ráa tu̱ꞌun váꞌa jie̱ꞌe̱ꞌ Jesús, asúka̱ꞌ ntu íñɨ́ núne ni̱ꞌ nu̱u̱nꞌ tu̱ꞌun tátúníꞌ Ndiosíꞌ, chi yɨ́ꞌɨ́ ni̱ꞌ xi̱ntíín tu̱ꞌun tátúníꞌ Cristo.

1 Tesalonicenses 4:1

Jee ntañúꞌún kaꞌanꞌ ráníꞌ jie̱ꞌe̱ꞌ inka ka̱ꞌ tiñu. Ránoꞌó, ñaniꞌ jín ku̱ꞌva, jee jie̱ꞌe̱ꞌ yɨ́ꞌɨ́ ráníꞌ nu̱u̱nꞌ I̱toꞌoꞌ‑ó Jesús jee jíkánꞌ táꞌvíꞌ ránꞌ nu̱u̱nꞌ ránoꞌó jee xíníꞌvɨ́ꞌ ránꞌ iniꞌ ránoꞌó, ya̱ kukueꞌeꞌ víꞌí ka̱ꞌ kaka rán sánikua̱ꞌ nxi̱néꞌénꞌ ránꞌ ránoꞌó na̱sa íyó kaka rán sáva kuva̱ꞌa iniꞌ Ndiosíꞌ kune̱ꞌyá re̱ꞌ na̱sa jíka rán, sánikua̱ꞌ ya jiáꞌnu rán.

1 Tesalonicenses 4:3

Chi kuíni Ndiosíꞌ ya̱ kusɨ́ɨ́n ránú ya̱ nkɨ́ꞌɨ rán nu̱u̱nꞌ tiñu níváꞌa, ya̱ koto núnéꞌén rán jín inka ñɨvɨ ya̱ ntu ntánáꞌá‑a jín nú.

2 Tesalonicenses 3:10

Chi sáá nneeꞌ ránꞌ jín ránoꞌó, nta̱túníꞌ ránꞌ tu̱ꞌun yaꞌá: “Retú ɨɨn ñɨvɨ ntu kuíni satíñú, jee nka̱jíꞌ‑i, rúsa.”

2 Tesalonicenses 3:6

Ránoꞌó ñanitáꞌán, jee nu̱u̱nꞌ súví I̱toꞌoꞌ‑ó Jesús ya̱ kúvi Cristo, jee tátúníꞌ ráníꞌ nu̱u̱nꞌ ránoꞌó, ya̱ kusɨ́ɨ́n ránú nu̱u̱nꞌ nta̱ká ñaniꞌ jíka kúxí jee ya̱ ntu sáꞌá ráa sáni tu̱ꞌun níꞌinꞌ rán nu̱u̱nꞌ ránuꞌuꞌ.