1 Tesalonicenses 2:3 - Mixteco del suroeste de Tlaxiaco Oaxaca

³ Chi tu̱ꞌun káchítu̱ꞌún ráníꞌ nsáꞌ váji‑i nu̱u̱nꞌ tu̱ꞌun kúsanaanꞌ, ni nsáꞌ váji‑i nu̱u̱nꞌ tu̱ꞌun jiáni néꞌí iniꞌ ránꞌ, ni nsáꞌ váji‑i nu̱u̱nꞌ ya̱ xínáꞌví ránꞌ ránoꞌó.

1 Tesalonicenses 2:3 ပူးပေါင်းရင်းမြစ်များ

Hechos 13:15

Sáá nkuvi nkaꞌvi ɨɨn te̱e nu̱u̱nꞌ rá ñɨvɨ yakuꞌ tu̱ꞌun ley Ndiosíꞌ, ya̱ ntee Moisés yanaꞌán, jín yakuꞌ tu̱ꞌun ya̱ njia̱ꞌa Ndiosíꞌ nu̱u̱nꞌ rá te̱e ya̱ ntee ráa maa yanaꞌán, jee nta̱jí rá te̱e kúñáꞌnú veꞌi sinagoga kachiꞌ ráa nu̱u̱nꞌ Pablo jín Bernabé: ―Ránoꞌó ñaniꞌ. Retú íyó ya̱ kachiꞌ rán nasáneí rán iniꞌ rá ñɨvɨ, kachiꞌ rán xá maa.

Hechos 4:36

Jee suꞌva nsa̱ꞌá ɨɨn te̱e naní José. Rá te̱e nísotíñú apóstol nsi̱kúnání ráa re̱ꞌ Bernabé, ya̱ kuíni kachiꞌ te̱e ya̱ náchuꞌun neí iniꞌ. Kúvi re̱ꞌ se̱ꞌya tataꞌ ichiyúkúnꞌ váji ne̱ nu̱u̱nꞌ Leví. Kúvi re̱ꞌ te̱e ñuunꞌ Chipre.

2 Corintios 11:13

Chi rá te̱e vá jee kátúꞌún ráa ya̱ níso ráa tiñu apóstol, soo ntu̱ví. Tiñu xínáꞌví sáꞌá ráa. Sáꞌá ráa nika̱ꞌ maáráa ya̱ kúvi ráa apóstol ya̱ chúichi Cristo.

2 Corintios 2:17

Soo ránuꞌuꞌ, chi ntu̱ví núkú ránꞌ táváꞌ ránꞌ xu̱ꞌún jie̱ꞌe̱ꞌ Tu̱ꞌun Ndiosíꞌ, kuéntáꞌ sáꞌá kue̱ꞌe̱ꞌ rá te̱e, [jee ntu sáma ránꞌ maa]. Chisaꞌ jíníꞌ Ndiosíꞌ ya̱ saɨn ñúꞌún iniꞌ ránꞌ káchíꞌ ránꞌ tu̱ꞌun re̱ꞌ, chi maá Ndiosíꞌ ví ya̱ nta̱jí re̱ꞌ ránuꞌuꞌ ya̱ stékútu̱ꞌún ránꞌ tu̱ꞌun re̱ꞌ. Jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo káchíꞌ ránꞌ tu̱ꞌun re̱ꞌ.

2 Corintios 4:2

Jee jíníi̱yo ráníꞌ sáꞌá ránꞌ rá tiñu yɨ́séꞌí ya̱ kúvi tu̱ꞌun kánuun sáꞌá ñɨvɨ. Jee ni ntu̱ví jíka ránꞌ jín tiñu máñáꞌ. Jee ni ntu̱ví sáma ránꞌ sáá káꞌánꞌ Tu̱ꞌun Ndiosíꞌ. Chisaꞌ stúvi nijinꞌ ránꞌ tu̱ꞌun na̱a̱ꞌ Ndiosíꞌ, jee sukuán nákutíñú rán jie̱ꞌe̱ꞌ maáránꞌ sáva kuniꞌ nta̱ká rá ñɨvɨ ne̱ ánímaꞌ ráa ya̱ na̱a̱ꞌ íyó ránꞌ. Jee jíníꞌ maá Ndiosíꞌ ya̱ na̱a̱ꞌ íyó ránꞌ.

2 Corintios 4:5

Jee nsú jie̱ꞌe̱ꞌ maáráníꞌ ví ya̱ stékútu̱ꞌún ránꞌ, chisaꞌ káchítu̱ꞌún ránꞌ ya̱ I̱toꞌoꞌ nu̱u̱nꞌ kua̱íyó ví Jesús ya̱ kúvi Cristo. Jee ránuꞌuꞌ chi kúvi ránꞌ kua̱chi musúꞌ ni ya̱ sátíñú ránꞌ nu̱u̱nꞌ Jesús nu̱u̱nꞌ ya̱ váꞌa ránoꞌó.

2 Corintios 6:8

Jee suni stúvi ránꞌ sáá sátíñú ránꞌ nu̱u̱nꞌ Ndiosíꞌ sáá sáꞌá ñáꞌnú ñɨvɨ nu̱u̱nꞌ ránuꞌuꞌ, jín sáá jiáꞌa ráa tu̱ꞌun kánuun nu̱u̱nꞌ ránuꞌuꞌ, jín sáá káꞌánꞌ va̱ꞌa ñɨvɨ jie̱ꞌe̱ꞌ ránꞌ, jín sáá káꞌánꞌ niva̱ꞌa ñɨvɨ jie̱ꞌe̱ꞌ ránꞌ, jín sáá káchíꞌ ñɨvɨ ya̱ te̱e xínáꞌví ví ránꞌ sú te̱e na̱a̱ꞌ ví ránꞌ,

2 Corintios 7:2

Kune ránú ánímaꞌ rán nu̱u̱nꞌ ránuꞌuꞌ. Chi ntu̱náꞌ njiáꞌa nsa̱ꞌá ráníꞌ nu̱u̱nꞌ ni ɨɨn ñɨvɨ, jee ntu̱náꞌ nsíjíta ránꞌ ni ɨɨn ñɨvɨ, jee ntu̱náꞌ nxínɨ́ꞌɨ ránꞌ ni ɨɨn ñɨvɨ.

1 Tesalonicenses 2:11

Jee suni jíníꞌ ránú ya̱ nsa̱ꞌá ráníꞌ jín ta ɨɨn ránoꞌó kuéntáꞌ sáꞌá ɨɨn tátáꞌ jín rá se̱ꞌya re̱ꞌ, chi nna̱sáneí ránꞌ iniꞌ ránoꞌó jee nna̱saꞌá sɨ́ɨꞌ ránꞌ iniꞌ ránoꞌó,

1 Tesalonicenses 4:7

Chi ntu nkána Ndiosíꞌ yó sáva saꞌá néꞌí‑ó. Chisaꞌ nkana re̱ꞌ yó sáva koo sɨ́ɨ́n‑ó ya̱ nkɨ́ꞌɨ‑ó nu̱u̱nꞌ ya̱ níváꞌa, jee kɨtíñú‑ó nu̱u̱nꞌ re̱ꞌ.

2 Tesalonicenses 2:11

Saáva saꞌá Ndiosíꞌ ya̱ kuneí tu̱ꞌun xínáꞌví jín ráa, sáva ji̱nu iniꞌ ráa tu̱ntúꞌún.

2 Pedro 1:16

Chi ntu nníkɨ́nꞌ ránꞌ ntu ntɨ́ɨn kuéntáꞌ ránꞌ rá kuentúꞌ túꞌún máñáꞌ ya̱ nkene xi̱ni̱ꞌ ñɨvɨ sáá nsi̱kúkáꞌnú ránꞌ iniꞌ ránoꞌó jie̱ꞌe̱ꞌ ya̱ kenta I̱toꞌoꞌ‑ó Jesús ya̱ kúvi Cristo jín jie̱ꞌe̱ꞌ fuersáꞌ ííꞌ ni̱ꞌin níso re̱ꞌ, chisaꞌ niniꞌ jínúunꞌ ráníꞌ ya̱ viiꞌ kúñáꞌnú re̱ꞌ.