1 Pedro 5:3 - Mixteco del suroeste de Tlaxiaco Oaxaca

³ Jee koto tátúníꞌ ni̱ꞌin rán ntáká tiñu nu̱u̱nꞌ rá ñɨvɨ ya̱ néen kuéntáꞌ rán. Chisaꞌ kueꞌnu va̱ꞌa rán ichi Ndiosíꞌ sáva suꞌva ku̱ꞌva rán ɨɨn ichi váꞌa nu̱u̱nꞌ ráa na̱ja kueꞌnu ráa.

1 Pedro 5:3 ပူးပေါင်းရင်းမြစ်များ

Juan 13:15

Chi ɨɨn ichi kúvi ya̱ ntaji ni̱ꞌ nu̱u̱nꞌ rán, sáva kuéntáꞌ kua̱ꞌ nchi̱neí ni̱ꞌ ránoꞌó sukuán kuéntáꞌ musúꞌ, jee suni sukuán chineí rán jín rá táꞌán rán kuéntáꞌ musúꞌ.

Hechos 20:28

’Kumí rán maárán jee kumí rán ñanitáꞌán ya̱ kúneí iniꞌ ráa Jesús. Chi ñani Ta̱chi̱ꞌ Ííꞌ ránoꞌó, sáva kuvi rán rá te̱e kúñáꞌnú nu̱u̱nꞌ ráa, sáva kunaka rán rá ñɨvɨ kúneí iniꞌ ráa Ndiosíꞌ. Ñatɨ ni̱ñɨ̱ꞌ maá Se̱ꞌya re̱ꞌ, sáá ni̱ꞌi̱ꞌ‑i nu̱u̱nꞌ kurúsiꞌ, sáva nakeꞌen re̱ꞌ rá ñɨvɨ vá.

1 Corintios 11:11

Soo súka̱ꞌ sukuán íyó, soo maáó ya̱ kúvi‑ó ñɨvɨ ya̱ yɨ́ꞌɨ́‑ó nu̱u̱nꞌ I̱toꞌoꞌ‑ó Jesús, ya̱ ni te̱e nkóo retú ntu̱ví ñaꞌan, jee ni ñaꞌan nkóo retú ntu̱ví te̱e.

1 Corintios 3:5

¿Né ɨɨn kúvi nuꞌuꞌ Pablo rúja? Jee, ¿né ɨɨn kúvi Apolos rúja? Chi kúvi ráníꞌ musúꞌ ya̱ yɨ́tíñú ráníꞌ nu̱u̱nꞌ Ndiosíꞌ. Jee kúneí iniꞌ ránú ínúꞌ iniꞌ rán Tu̱ꞌun Ndiosíꞌ jie̱ꞌe̱ꞌ nkachitu̱ꞌún ráníꞌ maa nu̱u̱nꞌ ránoꞌó sáni tiñu ntaji I̱toꞌoꞌ‑ó nu̱u̱nꞌ ta ɨɨn ránuꞌuꞌ saꞌá ráníꞌ maa.

1 Corintios 3:9

Chi kúvi ránuꞌuꞌ ñɨvɨ ya̱ táꞌán sátíñú ránꞌ tiñu nu̱u̱nꞌ maá Ndiosíꞌ. Jee ránoꞌó kúvi ránú kuéntáꞌ ñuꞌun Ndiosíꞌ nu̱u̱nꞌ káá tataꞌ sáꞌá re̱ꞌ. Jee suni kúvi ránú kuéntáꞌ veꞌi re̱ꞌ.

2 Corintios 1:24

Jee nsáꞌ núníꞌin ránꞌ kosoꞌ ránꞌ nu̱u̱nꞌ ránoꞌó jie̱ꞌe̱ꞌ ichi ya̱ kúneí iniꞌ ránú Jesús. Chisaꞌ táꞌán sátíñú nkáá kúvi ránꞌ jín ránoꞌó, sáva kusɨ̱ɨ̱ꞌ iniꞌ ánímaꞌ ránú. Chi íñɨ́ ni̱ꞌin rán jie̱ꞌe̱ꞌ kúneí iniꞌ rán Cristo.

2 Corintios 4:5

Jee nsú jie̱ꞌe̱ꞌ maáráníꞌ ví ya̱ stékútu̱ꞌún ránꞌ, chisaꞌ káchítu̱ꞌún ránꞌ ya̱ I̱toꞌoꞌ nu̱u̱nꞌ kua̱íyó ví Jesús ya̱ kúvi Cristo. Jee ránuꞌuꞌ chi kúvi ránꞌ kua̱chi musúꞌ ni ya̱ sátíñú ránꞌ nu̱u̱nꞌ Jesús nu̱u̱nꞌ ya̱ váꞌa ránoꞌó.

Filipenses 3:17

Ránoꞌó ñaniꞌ jín ku̱ꞌva. Nasaꞌá nɨꞌɨ rán sánikua̱ꞌ jiáꞌnu ni̱ꞌ. Tɨɨn rán kuéntáꞌ rá ñɨvɨ jiáꞌnu ichi sáá jiáꞌnu ránuꞌuꞌ.

Filipenses 4:9

Saꞌá rán ya̱ nku̱tu̱ꞌva rán ya̱ nxi̱néꞌénꞌ ni̱ꞌ ránoꞌó, jín tu̱ꞌun ya̱ nníꞌinꞌ rán ya̱ ntaji ni̱ꞌ nu̱u̱nꞌ rán, jín ya̱ nteso̱ꞌo rán ya̱ nkachiꞌ ni̱ꞌ, jín ya̱ niniꞌ rán ya̱ nsa̱ꞌá ni̱ꞌ. Jee saꞌá rán maa, jee máá Ndiosíꞌ vá táji ya̱ kuneeꞌ va̱ꞌa rán, jee koo re̱ꞌ jín rán.

1 Tesalonicenses 1:7

Saájee suꞌva nkenta kúvi ránoꞌó ɨɨn ichi na̱sa kúneí iniꞌ ñɨvɨ Cristo, nu̱u̱nꞌ ntáká rá ñɨvɨ rá ñuunꞌ tɨ́ɨn Macedonia jín Acaya, ya̱ jínúꞌ iniꞌ ráa tu̱ꞌun Cristo.

2 Tesalonicenses 3:9

Ntu ni̱ka̱nꞌ ráníꞌ ya̱ koto rán ránuꞌuꞌ, súnika̱ꞌ nísotíñú ráníꞌ tiñu ntaji Ndiosíꞌ jee kuvi ka̱ka̱nꞌ ránꞌ maa nu̱u̱nꞌ ránoꞌó. Chisaꞌ nsa̱tíñú ránꞌ sáva taji ránꞌ ɨɨn ichi nu̱u̱nꞌ ránoꞌó na̱sa nasaꞌá rán.

1 Timoteo 4:12

Kumí nú maánú, Timoteo, sáva nkújiááꞌ iniꞌ ni ɨɨn ñɨvɨ noꞌó, jie̱ꞌe̱ꞌ te̱e súchí ka̱ꞌ kúvi nú. Soo kaꞌanꞌ va̱ꞌa, kaka na̱a̱ꞌ, kunu̱u̱nꞌ nú ñɨvɨ jín Ndiosíꞌ, jee kuneí iniꞌ nú Cristo, jee ninuꞌun koo nú. Jee suꞌva suvinú kuvi ɨɨn ichi nu̱u̱nꞌ rá ñɨvɨ ínúꞌ iniꞌ ráa Cristo, ya̱ kunikɨnꞌ ráa ichi yaꞌá.

Tito 2:7

jín nta̱ká tiñu. Jee noꞌó, saꞌá nú tiñu váꞌa sáva kuvi nú ɨɨn ichi váꞌa kunikɨnꞌ ráa. Ni xínéꞌénꞌ nú jee koo na̱a̱ꞌ nú, jín ya̱ koo ñáꞌnú iniꞌ nú,

1 Pedro 2:9

Soo ránoꞌó chi kúvi rán rá ñɨvɨ nka̱ji Ndiosíꞌ, jee suni kúvi rán su̱tu̱ꞌ ya̱ yɨ́tíñú rán nu̱u̱nꞌ re̱ꞌ ya̱ maáréꞌ vá tátúníꞌ re̱ꞌ, jee kúvi rán ñɨvɨ íyó sɨ́ɨ́n yɨ́tíñú rán nu̱u̱nꞌ re̱ꞌ, jee kúvi rán ñɨvɨ maáréꞌ. Sukuán nka̱ji re̱ꞌ ránoꞌó sáva kachitu̱ꞌún rán jie̱ꞌe̱ꞌ rá tiñu máá ñáꞌnú máá viiꞌ nasɨ́kuitɨꞌ a̱nasɨ́ sáꞌá re̱ꞌ, ya̱ maáréꞌ ví ya̱ nkana re̱ꞌ ránoꞌó sáva ntavaꞌ re̱ꞌ ránoꞌó nkene rán nu̱u̱nꞌ ñu̱neenꞌ ñaꞌnu rán, jee nsi̱kívɨ re̱ꞌ ránoꞌó nu̱u̱nꞌ túúnꞌ ñuꞌunꞌ viiꞌ nasɨ́kuitɨꞌ re̱ꞌ iniꞌ ánímaꞌ rán.