1 Pedro 5:1 - Mixteco del suroeste de Tlaxiaco Oaxaca

¹ Vitan jee nákutíñú ni̱ꞌin ni̱ꞌ nu̱u̱nꞌ rá te̱e kúñáꞌnú nu̱u̱nꞌ ránoꞌó ya̱ yɨ́ꞌɨ́ xi̱ntíín Cristo, chi nuꞌuꞌ jee suni te̱e kúñáꞌnú kúvi ni̱ꞌ jín ráa nu̱u̱nꞌ rá ñɨvɨ yɨ́ꞌɨ́ xi̱ntíín Cristo, jee kúvi ni̱ꞌ ɨɨn te̱e ya̱ jiáꞌa ni̱ꞌ ya̱ nááꞌ ya̱ ya niniꞌ jínúunꞌ ni̱ꞌ rá tu̱nóꞌó nnoꞌo Cristo. Jee suni ni̱ꞌi̱nꞌ ni̱ꞌ kuñáꞌnú ni̱ꞌ kuéntáꞌ maáréꞌ sáá nenta nijinꞌ re̱ꞌ jín tiñu níso re̱ꞌ.

1 Pedro 5:1 ပူးပေါင်းရင်းမြစ်များ

Lucas 24:48

Jee ránoꞌó kúvi ya̱ nááꞌ ya̱ nakani rá tu̱ꞌun jie̱ꞌe̱ꞌ nta̱ká ya̱ niniꞌ rán ya̱ nkuvi yaꞌá.

Hechos 1:22

ne̱ sáá nsi̱kuánuté Juan Jesús jín ne̱ ki̱vɨ̱ꞌ nxi̱nóo Jesús maáó jee nnaa‑a súkún. Jee te̱e vá íyó kuiñɨ re̱ꞌ jín ránꞌ, sáva istúvi re̱ꞌ ya̱ naáꞌ nu̱u̱nꞌ rá ñɨvɨ, ya̱ Jesús nna̱tekuꞌ i̱i̱ꞌ‑i jee nnako̱o ñunéꞌyúꞌ‑u nteñu rá níꞌiꞌ ―nkachiꞌ Pedro.

Hechos 1:8

Soo ni̱ꞌi̱nꞌ rán fuersáꞌ ííꞌ sáá kenta Ta̱chi̱ꞌ Ííꞌ kɨꞌɨ re̱ꞌ iniꞌ rán. Jee kuvi rán ñɨvɨ, ya̱ istúvi rán ya̱ naáꞌ jie̱ꞌe̱ꞌ nuꞌuꞌ nu̱u̱nꞌ rá ñɨvɨ ñuunꞌ Jerusalén jín nu̱u̱nꞌ nɨꞌɨ rá sánitɨ́ɨn Judea jín Samaria, jín nu̱u̱nꞌ rá ñɨvɨ íyó rá ñuunꞌ íká ka̱ꞌ nu̱u̱nꞌ nɨ́ɨ́nkáꞌnú ñɨ̱vɨ́ ―nkachiꞌ Jesús.

Hechos 11:30

Jee sukuán nsa̱ꞌá ráa. Jee nta̱jí ráa maa jín Bernabé jín Saulo nu̱u̱nꞌ ñuunꞌ Judea. Jee yukuán njia̱ꞌa ráa maa nu̱u̱nꞌ rá te̱e kúñáꞌnú nu̱u̱nꞌ rá ñɨvɨ yɨ́ꞌɨ́ nu̱u̱nꞌ Jesús.

Hechos 14:23

Jee ñani Pablo jín Bernabé rá te̱e kúñáꞌnú, sáva kosoꞌ rává nu̱u̱nꞌ ta grupo rá ñɨvɨ kúneí iniꞌ ráa Jesús. Jee nneeꞌ niteꞌ ráa sáá nkaꞌanꞌ ráa jín Ndiosíꞌ, sáva nxi̱nóo ráa rává naꞌá I̱toꞌoꞌ‑ó, ya̱ kúneí iniꞌ ráa, sáva nachituvi re̱ꞌ ráa.

Hechos 15:4

Sáá nkenta Pablo jín Bernabé ñuunꞌ Jerusalén, jee rá ñɨvɨ yukuán ya̱ kúneí iniꞌ ráa Jesús, jín rá te̱e nísotíñú apóstol, jín rá te̱e kúñáꞌnú nu̱u̱nꞌ ráa nna̱kuatáꞌví rává Pablo jín rá kútáꞌán jín re̱ꞌ. Jee nna̱kani Pablo jín Bernabé nɨꞌɨ ya̱ nsa̱ꞌá Ndiosíꞌ jín ráa.

Hechos 15:6

Jee nku̱tútú rá te̱e níso ráa tiñu apóstol jín rá te̱e kúñáꞌnú, sáva kuna̱a̱ꞌ iniꞌ ráa tiñu yaꞌá.

Hechos 2:32

Nxi̱nátekuꞌ i̱i̱ꞌ Ndiosíꞌ Jesús yaꞌá jee nxi̱nákóo re̱ꞌ ñunéꞌyúꞌ‑u. Jee ntáká ráníꞌ nákúꞌva ya̱ naáꞌ jie̱ꞌe̱ꞌ vá nu̱u̱nꞌ nɨꞌɨ ñɨvɨ, chi niniꞌ ránꞌ maa.

Hechos 20:17

Jee ne̱ Mileto, nta̱jí re̱ꞌ tu̱ꞌun nu̱u̱nꞌ rá te̱e kúñáꞌnú nu̱u̱nꞌ rá ñɨvɨ, nééꞌ ñuunꞌ Éfeso, ya̱ kúneí iniꞌ ráa Jesús, jee nkana re̱ꞌ ráa.

Hechos 20:28

’Kumí rán maárán jee kumí rán ñanitáꞌán ya̱ kúneí iniꞌ ráa Jesús. Chi ñani Ta̱chi̱ꞌ Ííꞌ ránoꞌó, sáva kuvi rán rá te̱e kúñáꞌnú nu̱u̱nꞌ ráa, sáva kunaka rán rá ñɨvɨ kúneí iniꞌ ráa Ndiosíꞌ. Ñatɨ ni̱ñɨ̱ꞌ maá Se̱ꞌya re̱ꞌ, sáá ni̱ꞌi̱ꞌ‑i nu̱u̱nꞌ kurúsiꞌ, sáva nakeꞌen re̱ꞌ rá ñɨvɨ vá.

Hechos 21:18

Jee ki̱vɨ̱ꞌ steñu̱ꞌún, ña̱ꞌa̱nꞌ Pablo jín ránꞌ nne̱ꞌyá ránꞌ Jacobo. Jee nkenta nɨꞌɨ rá te̱e kúñáꞌnú nísotíñú nu̱u̱nꞌ rá ñɨvɨ kúneí iniꞌ ráa Jesús.

Hechos 3:15

Jee ñaꞌniꞌ rán maáréꞌ, ya̱ sáꞌá re̱ꞌ kutekuꞌ ñɨvɨ. Soo Ndiosíꞌ nna̱xtekúꞌ re̱ꞌ maa nteñu rá níꞌiꞌ. Jee niniꞌ ráníꞌ yaꞌá, jee nástúvi ránꞌ ya̱ naáꞌ nu̱u̱nꞌ rá ñɨvɨ jie̱ꞌe̱ꞌ ya̱ nsa̱ꞌá re̱ꞌ maa.

2 Corintios 5:1

Chi jíníꞌ‑ó ya̱ yɨkɨkúñu‑ó ya̱ kúmí‑ó iniꞌ ñɨ̱vɨ́ yaꞌá, jee kúvi‑i kuéntáꞌ ɨɨn vesayo ya̱ jiánaanꞌ. Soo jíníꞌ‑ó ya̱ sáá kɨ̱naanꞌ‑a, jee natají Ndiosíꞌ ɨɨn yɨkɨkúñu jiáá nu̱u̱nꞌ‑ó ya̱ koo nɨ́ɨ́nkání. Jee yukuán kúvi kuéntáꞌ ɨɨn veꞌi jee íyó‑o ñuunꞌ íyó antivɨ́ súkún. Soo ntu̱ví kúvi‑i ɨɨn veꞌi ya̱ sáꞌá ñɨvɨ jín naꞌá‑a, chi maá Ndiosíꞌ nsa̱ꞌá maa.

2 Corintios 5:8

Soo ne̱ yuchí kúneí iniꞌ‑ó Ndiosíꞌ, jee kée ka̱ꞌ kene‑ó veꞌi‑ó yaꞌá, ya̱ kúvi yɨkɨkúñu‑ó, jee kɨ̱ꞌɨ̱nꞌ‑ó nu̱u̱nꞌ kuneeꞌ‑ó jín I̱toꞌoꞌ‑ó.

Filipenses 1:19

chi jíníꞌ ni̱ꞌ, ya̱ jie̱ꞌe̱ꞌ nta̱ká tiñu yaꞌá kene va̱ꞌa jín nuꞌuꞌ, jie̱ꞌe̱ꞌ ya̱ káꞌánꞌ rán jín Ndiosíꞌ jie̱ꞌe̱ꞌ ni̱ꞌ, jín jie̱ꞌe̱ꞌ ya̱ chíneí chítuvi Ta̱chi̱ꞌ Ííꞌ Jesús ya̱ kúvi Cristo nuꞌuꞌ.

1 Timoteo 5:1

Koto kúxeenꞌ nú nu̱u̱nꞌ ɨɨn te̱e ñáꞌnú, soo nakutíñú nú nu̱u̱nꞌ re̱ꞌ kuéntáꞌ káꞌánꞌ nú jín tátáꞌ nú. Jee nakutíñú va̱ꞌa nú nu̱u̱nꞌ rá te̱e súchí ka̱ꞌ, kuéntáꞌ kúvi ráa rá ñaniꞌ nú,

1 Timoteo 5:19

Koto sáꞌá nú kuéntáꞌ sáá xíkóñáꞌán ɨɨn ni ñɨvɨ si̱kɨ̱ꞌ ɨɨn te̱e kúñáꞌnú nu̱u̱nꞌ ñanitáꞌán‑ó ré ntu̱ví íyó u̱vi̱ꞌ áxí u̱ni̱ꞌ ñɨvɨ ya̱ xíkóñáꞌán ráa ya̱ naáꞌ ya̱ íyó si̱kɨ̱ꞌ re̱ꞌ.

2 Timoteo 4:8

Jee vitan rá ñúꞌún va̱ꞌa ta̱ꞌvi̱ꞌ ni̱ꞌ, ya̱ taji I̱toꞌoꞌ‑ó nu̱u̱nꞌ ni̱ꞌ jie̱ꞌe̱ꞌ jiáꞌnu na̱a̱ꞌ ni̱ꞌ nu̱u̱nꞌ re̱ꞌ. Jee taji re̱ꞌ maa nu̱u̱nꞌ ni̱ꞌ ki̱vɨ̱ꞌ nenta tuku re̱ꞌ keꞌneꞌ re̱ꞌ rá kua̱chi, chi na̱a̱ꞌ jiéꞌnéꞌ re̱ꞌ kua̱chi. Jee nsú kua̱chi nu̱u̱nꞌ maáníꞌ taji re̱ꞌ ta̱ꞌvi̱ꞌ vá, chi suni ku̱ꞌva re̱ꞌ ta̱ꞌvi̱ꞌ vá nu̱u̱nꞌ nta̱ká ñɨvɨ ya̱ ñúnúunꞌ ráa ya̱ niji re̱ꞌ.

Tito 1:5

Nxi̱nóo ni̱ꞌ noꞌó ñuunꞌ Creta, sáva nasaꞌá nú rá tiñu nkumaniꞌ saꞌá‑ó, jín sáva kani nú rá te̱e kúñáꞌnú kosoꞌ ráa nu̱u̱nꞌ rá ñɨvɨ kúneí iniꞌ ráa Cristo, ya̱ nééꞌ ráa ta ñuunꞌ tɨ́ɨn Creta, sáni nte̱tíñú ni̱ꞌ noꞌó.

Filemón 1:9

Soo jie̱ꞌe̱ꞌ ñúnúunꞌ táꞌán‑ó, jee káꞌvi iniꞌ ni̱ꞌ va̱ꞌa ka̱ꞌ jíkánꞌ táꞌvíꞌ ni̱ꞌ ɨɨn tu̱ꞌun kákua̱chi nu̱u̱nꞌ nú. Jee nuꞌuꞌ, Pablo, ya̱ kúvi ni̱ꞌ ɨɨn jííꞌ jee suni vitan yɨ́ꞌɨ́ ni̱ꞌ veka̱a jie̱ꞌe̱ꞌ tiñu Jesús ya̱ kúvi Cristo,

Hebreos 12:1

Saáva, suni maáó ranika̱ꞌ, jee kuéntáꞌ nñuti̱yu̱ꞌ kue̱ꞌe̱ꞌ víꞌí nasɨ́kuitɨꞌ rá ñɨvɨ vá yó, ya̱ nstúvi ráa ya̱ naáꞌ jie̱ꞌe̱ꞌ yɨ́yáꞌvi ka̱ꞌ ya̱ kúneí iniꞌ ñɨvɨ Ndiosíꞌ. Jee saáva, xinóo‑ó ntáká tiñu sávéi yó jín rá kua̱chi ya̱ tɨ́ɨn ñamaꞌ‑a yó. Jee kuniꞌvɨꞌ iniꞌ‑ó kuni̱ꞌin‑ó kɨ̱ꞌɨ̱nꞌ‑ó ichinúúnꞌ‑ó nu̱u̱nꞌ ichi ñakɨnꞌ Ndiosíꞌ nu̱u̱nꞌ‑ó ñɨ̱vɨ́ yaꞌá, kuéntáꞌ jínu‑ó carrera.

1 Pedro 1:12

Soo nstúvi Ndiosíꞌ nu̱u̱nꞌ ráa ya̱ nsú ya̱ kuvi maáráa ni ví jie̱ꞌe̱ꞌ rá tiñu ya̱ nkachiꞌ ráa vá, chisaꞌ ya̱ kuvi ya̱ váꞌa maáránoꞌó ví jie̱ꞌe̱ꞌ rá tu̱ꞌun ya̱ nna̱kani ráa vá, jee vitan tu̱ꞌun vá tékútu̱ꞌún nu̱u̱nꞌ ránoꞌó ya̱ stékútu̱ꞌún rá ñɨvɨ tu̱ꞌun váꞌa nsa̱ꞌá Ta̱chi̱ꞌ Ííꞌ Ndiosíꞌ ya̱ nta̱jí re̱ꞌ nkiji‑i ne̱ antivɨ́ súkún. Jee ne̱ rá najiáꞌáꞌ ííꞌ Ndiosíꞌ ñúkúvi iniꞌ ráa ranika̱ꞌ kuniꞌ ráa maa.

1 Pedro 1:7

Sáva kototúníꞌ tu̱nóꞌó ránoꞌó sáva stúvi maá nááꞌ nijia íñɨ́ ni̱ꞌi̱nꞌ rán kúneí iniꞌ rán Cristo, kuéntáꞌ kua̱ꞌ jítotúníꞌ ñɨvɨ ka̱a kuáán oro sáá náteñuꞌunꞌ ráa maa jín ñuꞌunꞌ, sáá jítotúníꞌ ráa oro retú ya̱ váꞌa ví‑i áxí ntu̱ví, soo ya̱ kúneí iniꞌ rán Cristo yɨ́yáꞌvi víꞌí‑i ka̱ꞌ nsú káꞌ oro, ya̱ kúvi‑i nantíñú náánꞌ. Jee retú nkene na̱a̱ꞌ va̱ꞌa ya̱ kúneí iniꞌ rán, jee ni̱ꞌi̱nꞌ rán nakuetúꞌún Ndiosíꞌ ránoꞌó, jee saꞌá yɨ́ñúꞌún jín rán, jee saꞌá ñáꞌnú re̱ꞌ ránoꞌó, ki̱vɨ̱ꞌ nenta nijinꞌ tuku Cristo.

1 Pedro 4:13

Chisaꞌ na̱ ka̱ꞌ íyó kusɨ̱ɨ̱ꞌ iniꞌ rán ya̱ jíꞌín rán nóꞌo tu̱nóꞌó jie̱ꞌe̱ꞌ yɨ́ꞌɨ́ rán nu̱u̱nꞌ Cristo, sáva suni ntántúníꞌ nasɨ́kuitɨꞌ nusɨ̱ɨ̱ꞌ iniꞌ rán kaꞌanꞌ kuekuꞌ rán ki̱vɨ̱ꞌ nenta nijinꞌ Cristo stúvi re̱ꞌ ya̱ viiꞌ nasɨ́kuitɨꞌ kúñáꞌnú re̱ꞌ nísotíñú re̱ꞌ.

1 Pedro 5:4

Saájee sáá nenta nijinꞌ maáréꞌ ya̱ néen kuéntáꞌ re̱ꞌ yó ya̱ kúñáꞌnú re̱ꞌ nu̱u̱nꞌ nɨꞌɨ rá te̱e néen kuéntáꞌ ráa rá ñɨvɨ Ndiosíꞌ, jee ni̱ꞌi̱nꞌ rán ta̱ꞌvi̱ꞌ taji re̱ꞌ nu̱u̱nꞌ rán ya̱ viiꞌ nasɨ́kuitɨꞌ kúñáꞌnú rán ya̱ ntu náánꞌ‑a.

1 Juan 3:2

Ránoꞌó ya̱ ñúnúunꞌ ni̱ꞌ, vitan jee se̱ꞌya Ndiosíꞌ kúvi‑ó. Soo ntiáꞌan tu̱vi ná kúvi ya̱ koo maáó tiempúꞌ ichinúúnꞌ. Soo jíníꞌ‑ó ya̱ sáá kitu̱vi Jesús niji re̱ꞌ, jee nuún koo‑ó jín re̱ꞌ kuéntáꞌ íyó maáréꞌ, chi kuniꞌ‑ó re̱ꞌ sánikua̱ꞌ íyó nijia re̱ꞌ.

2 Juan 1:1

Nuꞌuꞌ, [Juan] ya̱ kúvi ni̱ꞌ ɨɨn rá te̱e kúñáꞌnú nu̱u̱nꞌ rá ñɨvɨ kúneí iniꞌ Jesús, tée ni̱ꞌ tutuꞌ yaꞌá nu̱u̱nꞌ ñaꞌan ya̱ nka̱ji Ndiosíꞌ, jín suni nu̱u̱nꞌ rá se̱ꞌya ña, ya̱ ñúnúunꞌ nijia ni̱ꞌ. Jee nsáꞌ kua̱chi métúꞌún nuꞌuꞌ ni̱ꞌ, chi suni nta̱ká rá ñɨvɨ ya̱ ntɨɨn tu̱ꞌun na̱a̱ꞌ Jesús ñúnúunꞌ ráa ránoꞌó,

3 Juan 1:1

Nuꞌuꞌ, ya̱ kúvi ni̱ꞌ te̱e ñáꞌnú nu̱u̱nꞌ rá ñɨvɨ kúneí iniꞌ Jesús, tée ni̱ꞌ tutuꞌ yaꞌá nu̱u̱nꞌ noꞌó, Gayo, ya̱ ma̱ni̱ꞌ jín ni̱ꞌ, ya̱ ñúnúunꞌ nijia ni̱ꞌ.

Apoclipsis 1:9

Nuꞌuꞌ Juan, ya̱ kúvi ni̱ꞌ ñanitáꞌán‑órán. Jee jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, ɨɨn nuún ni nkáá nóꞌo ni̱ꞌ jín ránoꞌó tu̱nóꞌó sáꞌá kíni ñɨvɨ yó, jee ɨɨn nuún ni nkáá yɨ́ꞌɨ́ ni̱ꞌ jín rán xi̱ntíín Ndiosíꞌ, jee ɨɨn nuún ni nkáá káꞌnú íyó iniꞌ‑ó kúneí‑ó kúníꞌin‑ó íñɨ́‑ó jín Cristo. Jee jie̱ꞌe̱ꞌ ya̱ stékútu̱ꞌún ni̱ꞌ tu̱ꞌun váꞌa Ndiosíꞌ jín tu̱ꞌun ya̱ kúvi ya̱ naáꞌ ya̱ njiáꞌa Jesús, jee saáva ntɨɨn rá ñɨvɨ nuꞌuꞌ yɨ́ꞌɨ́ ni̱ꞌ xi̱ntíín ráa, jee ña̱na̱ka ráa nuꞌuꞌ ne̱ nu̱u̱nꞌ ɨɨn ñuꞌun naní Patmos ya̱ káá sɨ́ɨ́n ma̱ꞌñú nteñúꞌún.