1 Pedro 4:2 - Mixteco del suroeste de Tlaxiaco Oaxaca

² sáva ntu kueꞌnu‑u ka̱ꞌ nu̱u̱nꞌ rá tiñu níváꞌa ya̱ níyo iniꞌ rá ñɨvɨ rá tiempúꞌ tékúꞌ‑u iniꞌ yɨkɨkúñu‑u. Chisaꞌ kueꞌnu‑u sáni kuíni Ndiosíꞌ.

1 Pedro 4:2 ပူးပေါင်းရင်းမြစ်များ

Mateo 12:50

Chi néni ɨɨn ñɨvɨ ya̱ sáꞌá‑a sáni kuíni Tátáꞌ ni̱ꞌ Ndiosíꞌ ya̱ nééꞌ antivɨ́ súkún, jee suvi‑i ví ñaniꞌ ni̱ꞌ jín ku̱ꞌva ni̱ꞌ jín náánꞌ ni̱ꞌ ―nkachiꞌ Jesús.

Mateo 20:4

Jee nkachiꞌ re̱ꞌ nu̱u̱nꞌ ráa: “Suni kuáꞌán rán ranika̱ꞌ satíñú rán nu̱u̱nꞌ káá tataꞌ uva ni̱ꞌ, jee chunáán ni̱ꞌ nu̱u̱nꞌ ránoꞌó ne̱ ni ɨɨn ya̱ꞌvi ya̱ na̱a̱ꞌ kúvi”, nkachiꞌ re̱ꞌ, jee kua̱ꞌa̱nꞌ ráa.

Mateo 21:31

¿Né ɨɨn ni núvíꞌ rá se̱ꞌya te̱e vá nsi̱kúnkuvi‑i tiñu kuíni tátáꞌ ráa? ―nkachiꞌ Jesús. Jee nna̱xiníkó rá te̱e vá: ―Se̱ꞌya xíꞌnañúꞌún re̱ꞌ ―nkachiꞌ ráa. Jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ rá te̱e nákeꞌen xu̱ꞌún ya̱ chúnáán rá ñɨvɨ ya̱ náneeꞌ Roma jín rá ñaꞌan sɨ̱ɨ̱ꞌ iniꞌ ya̱ xíkó ráa maáráa nu̱u̱nꞌ rá te̱e, jee xíꞌna ráa ka̱ꞌ kosoꞌ nu̱u̱nꞌ ki̱vɨ ráa xi̱ntíín Ndiosíꞌ sáva tatúníꞌ re̱ꞌ nu̱u̱nꞌ ráa, nsú káꞌ ránoꞌó.

Mateo 7:21

’Nsú ntáká ñɨvɨ ya̱ káchíꞌ ráa nu̱u̱nꞌ nuꞌuꞌ “I̱toꞌoꞌ ni̱ꞌ, I̱toꞌoꞌ ni̱ꞌ”, ni̱ꞌi̱nꞌ ráa ki̱vɨ ráa naꞌá Ndiosíꞌ ya̱ nééꞌ antivɨ́ súkún, chisaꞌ sáni rá ñɨvɨ ya̱ síkúnkuvi nijia rá tiñu sáni kuíni Tátáꞌ ni̱ꞌ Ndiosíꞌ íyó antivɨ́ súkún.

Marcos 3:35

Chi néni ɨɨn ñɨvɨ ya̱ sáꞌá‑a sáni kuíni Ndiosíꞌ, suvi‑i ví ñaniꞌ ni̱ꞌ jín ku̱ꞌva ni̱ꞌ jín náánꞌ ni̱ꞌ ―nkachiꞌ re̱ꞌ.

Marcos 7:21

Chi ne̱ iniꞌ ánímaꞌ rá ñɨvɨ, kéne ya̱ káꞌvi kánéꞌén iniꞌ ráa: sáꞌá téní‑i jín ñɨvɨ ya̱ ntu nta̱na̱ꞌá jín‑i, sáꞌá kuíꞌná‑a, jiáꞌníꞌ‑i,

Juan 1:13

Jee rá se̱ꞌya Ndiosíꞌ vá nsú se̱ꞌya ni̱ñɨ̱ꞌ nna̱kaku nu̱u̱nꞌ ɨɨn sɨꞌɨ́ ví ráa, ni nsáꞌ nna̱kaku sáni kuíni ñɨvɨ, ni nsú sáni kuíni ɨɨn tátáꞌ ráa, chi máá Ndiosíꞌ ví ya̱ saꞌá ya̱ nuvi ráa se̱ꞌya re̱ꞌ.

Juan 7:17

Jee retú na̱ni ñɨvɨ kuíni‑i saꞌá‑a tiñu ya̱ kuíni máá Ndiosíꞌ, jee kuniꞌ ñɨvɨ vá jie̱ꞌe̱ꞌ tu̱ꞌun káchíꞌ ni̱ꞌ, chi kuniꞌ‑i retú va̱ji ne̱ nu̱u̱nꞌ Ndiosíꞌ tu̱ꞌun káchíꞌ ni̱ꞌ, áxí retú va̱ji ne̱ nu̱u̱nꞌ nuꞌuꞌ.

Romanos 12:2

Jee koto jiáꞌnu rán ka̱ꞌ sáni jiáꞌnu rá ñɨvɨ ñɨ̱vɨ́ yaꞌá vitan, chisaꞌ sama rán iniꞌ maárán nujiáá sáá jiáni antúníꞌ rán, sáva kenta kukáꞌnú iniꞌ rán ná kúvi ya̱ kuíni Ndiosíꞌ, ya̱ kúvi ya̱ váꞌa, ya̱ kúváꞌa iniꞌ re̱ꞌ néꞌyá re̱ꞌ maa, jín kúvi ya̱ naáꞌ.

Romanos 14:7

Chi ni ɨɨn‑ó ntu tékúꞌ‑ó sáva kueꞌnu‑ó kɨtíñú‑ó nu̱u̱nꞌ maáó, jee ni ɨɨn‑ó ntu̱ví yɨ́tíñú‑ó nu̱u̱nꞌ maáó sáá jíꞌíꞌ‑ó.

Romanos 6:11

Jee suni sukuán ránoꞌó kuꞌun iniꞌ rán kuéntáꞌ ya̱ ya ni̱ꞌi̱ꞌ rán nu̱u̱nꞌ kua̱chi, soo tékúꞌ rán sáva kɨtíñú rán nu̱u̱nꞌ Ndiosíꞌ jie̱ꞌe̱ꞌ yɨ́ꞌɨ́ rán nu̱u̱nꞌ Cristo Jesús.

Romanos 6:2

¡Vankée sukuán!, chi ya ni̱ꞌi̱ꞌ‑ó nu̱u̱nꞌ kua̱chi‑ó, ¿na̱sa kuvi kueꞌnu i̱i̱ꞌ‑órán ka̱ꞌ jín kua̱chi‑ó, rúsa?

Romanos 7:4

Jee suni sukuán vá, ránoꞌó ñaniꞌ ni̱ꞌ jín ku̱ꞌva ni̱ꞌ, nkɨ́ꞌɨ rán ka̱ꞌ xi̱ntíín tu̱ꞌun ley nta̱túníꞌ Ndiosíꞌ yanaꞌán chi kuéntáꞌ ni̱ꞌi̱ꞌ rán nu̱u̱nꞌ ley vá chi jíꞌín rán ni̱ꞌi̱ꞌ rán jín Cristo sáá ni̱ꞌi̱ꞌ re̱ꞌ jín yɨkɨkúñu re̱ꞌ, sáva kɨꞌɨ rán nu̱u̱nꞌ inka ka̱ꞌ. Chi yɨ́ꞌɨ́ rán nu̱u̱nꞌ Cristo ya̱ nnako̱o re̱ꞌ jee nna̱tekuꞌ i̱i̱ꞌ re̱ꞌ nkene re̱ꞌ nteñu rá ni̱yɨ. Yɨ́ꞌɨ́ rán nu̱u̱nꞌ re̱ꞌ sáva kueꞌnu na̱a̱ꞌ‑ó kɨtíñú‑ó nu̱u̱nꞌ Ndiosíꞌ.

2 Corintios 5:15

Jee ni̱ꞌi̱ꞌ re̱ꞌ jie̱ꞌe̱ꞌ ntáká ñɨvɨ, sáva rá ñɨvɨ ya̱ tékúꞌ ráa ntu̱ví ka̱ꞌ jiáꞌnu ráa yɨ́tíñú ráa nu̱u̱nꞌ maáráa, chisaꞌ kueꞌnu ráa kɨtíñú ráa nu̱u̱nꞌ maáréꞌ ya̱ ni̱ꞌi̱ꞌ re̱ꞌ jee nna̱tekuꞌ i̱i̱ꞌ re̱ꞌ nnako̱o yɨkɨkúñu re̱ꞌ nkene re̱ꞌ nteñu rá níyɨ sáva kuvi ya̱ váꞌa ráa.

Efesios 2:3

Jee suni sukuán ntáká‑ó nuún ñaꞌnu‑ó jín ráa nteñu ráa tiempúꞌ yukuán, sáni ya̱ níyo iniꞌ‑ó saꞌá‑ó jín yɨkɨkúñu kua̱chi‑ó chi ntu nyɨ́ꞌɨ‑ó xi̱ntíín Ndiosíꞌ, jee nsa̱ꞌá‑ó sáni kuíni iniꞌ yɨkɨkúñu‑ó jín sáni jiáni iniꞌ antúníꞌ‑ó. Jee saáva nkuvi‑ó ñɨvɨ ya̱ íyó níꞌínꞌ‑ó ya̱ kítɨ́ꞌ iniꞌ Ndiosíꞌ néꞌyá re̱ꞌ yó ya̱ kunoꞌo‑ó tu̱nóꞌó xéénꞌ ya̱ taji re̱ꞌ nékúvi, kuéntáꞌ íyó níꞌinꞌ rá inka rá ñɨvɨ.

Efesios 4:17

Saáva káchíꞌ ni̱ꞌ nu̱u̱nꞌ rán jee íchí sánáaꞌ ni̱ꞌ nu̱u̱nꞌ súví I̱toꞌoꞌ‑ó: ya̱ koto jiáꞌnu rán ka̱ꞌ kua̱ꞌ jiáꞌnu rá inka ñɨvɨ ntu kúvi ñɨvɨ Israel, ya̱ jiáꞌnu ráa tiñu jiáni ka̱ꞌá iniꞌ antúníꞌ ráa.

Efesios 5:17

Jee saáva koto kúvi rán ñɨvɨ jiáni naanꞌ xi̱ni̱ꞌ, chisaꞌ ki̱ku̱ꞌun iniꞌ rán ntáká tiñu ya̱ kuíni I̱toꞌoꞌ‑ó ya̱ saꞌá rán.

Efesios 6:6

Nsú kua̱chi sáá néꞌyá ráa ránoꞌó kaníjiá rán, ya̱ kua̱chi núkú rán ya̱ kuva̱ꞌa iniꞌ ráa kune̱ꞌyá ráa ránoꞌó. Chisaꞌ kuéntáꞌ musúꞌ ya̱ sátíñú rán nu̱u̱nꞌ Cristo, jee ne̱ jín ánímaꞌ rán saꞌá rán sáni kuíni Ndiosíꞌ.

Colosenses 1:9

Saájee, ne̱ ki̱vɨ̱ꞌ ya̱ nteso̱ꞌo ráníꞌ tu̱ꞌun vá jie̱ꞌe̱ꞌ ránoꞌó, jee ntu̱ví síkɨ́kui̱ñɨ̱ꞌ ránꞌ maáránꞌ ya̱ káꞌánꞌ ránꞌ jín Ndiosíꞌ jie̱ꞌe̱ꞌ ránú. Jee jíkánꞌ táꞌvíꞌ ránꞌ nu̱u̱nꞌ re̱ꞌ ya̱ chitú noo rán kukáꞌnú iniꞌ rán ya̱ kuíni re̱ꞌ, jie̱ꞌe̱ꞌ ya̱ sáꞌá Ta̱chi̱ꞌ Ííꞌ re̱ꞌ ya̱ nta̱ká nu̱u̱nꞌ kuníchí xíniꞌ rán jie̱ꞌe̱ꞌ tu̱ꞌun re̱ꞌ, jín ya̱ ki̱ku̱ꞌun iniꞌ rán tu̱ꞌun re̱ꞌ.

Colosenses 3:3

Chi ya̱ ni̱ꞌi̱ꞌ rán jín Cristo, jee vitan jee íyó kutú ya̱ tékúꞌ rán jín re̱ꞌ, chi yɨ́ꞌɨ́ rán nu̱u̱nꞌ Ndiosíꞌ.

Colosenses 4:12

Tájí Epafras tu̱ꞌun jíkátu̱ꞌún re̱ꞌ jie̱ꞌe̱ꞌ ránoꞌó, ya̱ suni kúvi re̱ꞌ táꞌán ñuunꞌ rán, jee kúvi re̱ꞌ musúꞌ ya̱ jiátíñú Cristo Jesús. Jee sáá káꞌánꞌ re̱ꞌ jín Ndiosíꞌ, jee sukuáni núnasɨ́ re̱ꞌ jíkánꞌ táꞌvíꞌ víꞌí re̱ꞌ jie̱ꞌe̱ꞌ rán, ya̱ kuiñɨ ni̱ꞌin rán, ya̱ kujia iniꞌ rán nu̱u̱nꞌ tu̱ꞌun kúneí iniꞌ rán, jee ya̱ koo kutú rán nu̱u̱nꞌ nɨꞌɨ ya̱ kuíni maá Ndiosíꞌ.

1 Tesalonicenses 5:18

Ntáká jie̱ꞌe̱ꞌ kúvi, ku̱ꞌva rán ya̱ kútaꞌviꞌ nu̱u̱nꞌ Ndiosíꞌ, chi sukuán kuíni re̱ꞌ saꞌá rán, ya̱ yɨ́ꞌɨ́ rán nu̱u̱nꞌ Cristo Jesús.

Hebreos 13:21

Jee na̱ ka̱ꞌ sikújia Ndiosíꞌ iniꞌ rán saꞌá tu̱ꞌva re̱ꞌ ránoꞌó ntáká tiñu váꞌa sáva saꞌá rán sáni kuíni re̱ꞌ, chi sáꞌá re̱ꞌ iniꞌ‑ó tiñu kúváꞌa iniꞌ re̱ꞌ néꞌyá re̱ꞌ maa, jie̱ꞌe̱ꞌ ya̱ sáꞌá Jesucristo jín‑ó. Jee maáa vá nakuetúꞌún‑ó nɨ́ɨ́nkání ya̱ kúñáꞌnú víꞌí‑i ntáká tiempúꞌ. Sukuán koo, amén.

Santiago 1:18

Jee ña̱tíñú re̱ꞌ tu̱ꞌun na̱a̱ꞌ re̱ꞌ, sáva saꞌá re̱ꞌ ya̱ nakaku‑ó ya̱ kuvi‑ó se̱ꞌya re̱ꞌ, sáni kuíni re̱ꞌ. Nsa̱ꞌá re̱ꞌ suꞌva sáva kuvi‑ó rá se̱ꞌya xíꞌnañúꞌún ya̱ ña̱ko̱so̱ꞌ nu̱u̱nꞌ kue̱ꞌe̱ꞌ ka̱ꞌ se̱ꞌya re̱ꞌ, ya̱ va̱ji nu̱u̱nꞌ rá ñɨvɨ ya̱ nsa̱ꞌá re̱ꞌ.

1 Pedro 1:14

Jee kuéntáꞌ se̱ꞌya ya̱ káníjiá, jee koto jiáꞌnu rán ka̱ꞌ sáni ñaꞌnu rán jín ya̱ sɨ́ɨ́ꞌ néꞌí níyo iniꞌ rán tióꞌ ya̱ta̱ꞌ ne̱ sáá ntiáꞌan ka̱ꞌ kuniꞌ rán Tu̱ꞌun Ndiosíꞌ.

1 Pedro 2:1

Jee saáva, xinóo rán ntáká rá tiñu níváꞌa ñúꞌún iniꞌ rán saꞌá rán, jín ntáká tu̱ꞌun xínáꞌví káꞌánꞌ rán, jín ya̱ sansuꞌva íyó rán, jín tiñu sáꞌá u̱ꞌvi̱ꞌ iniꞌ, jín ntáká tu̱ꞌun níváꞌa káꞌánꞌ si̱kɨ̱ꞌ táꞌán rán.

1 Juan 2:17

Jee ñɨ̱vɨ́ chi kua̱nɨꞌɨ‑ɨ, jín rá íyó iniꞌ‑i ya̱ níyo iniꞌ‑ó. Soo ñɨvɨ ya̱ sáꞌá sánikua̱ꞌ kuíni Ndiosíꞌ kino̱o kutú‑u jín re̱ꞌ nɨ́ɨ́nkání.